श्री बहिरोबा देव ट्रस्ट, श्री काळभैरवनाथ मंदिर कसबा पेठ तर्फे आयोजन
पुणे : गाव तेथे मारुती आणि भैरवनाथाचे मंदिर ही आपल्याकडील परंपरा आहे. कसबे पुणे ही बाराशे वर्षांपूर्वीची पुण्यातील वस्ती. अशा कसबा पेठेतील पुण्याचे अतिप्राचीन ग्रामदैवत व क्षेत्रपाल श्री काळभैरवनाथ जयंती उत्सव दिनांक १ ते ५ डिसेंबर दरम्यान आयोजित करण्यात आला आहे. 
श्री बहिरोबा देव ट्रस्ट, श्री काळभैरवनाथ मंदिर कसबा पेठ तर्फे श्री काळभैरवनाथ जयंती (जन्माष्टमी) निमित्त उत्सव व श्री दत्तयाग महायज्ञ होणार आहे. उत्सवाच्या पहिल्या दिवशी (दि.१) सकाळपासून स्थापित देवतांचे आवाहन, पूजन, श्रीदत्त मालापाठ व आरती होणार आहे. दिनांक २ ते ४ डिसेंबर रोजी सकाळी ९.३० ते दुपारी १२ यावेळेत स्थापित देवता पूजन व श्री दत्त मालापाठ आणि दुपारी ३.३० ते सायंकाळी ६ यावेळेत श्री दत्त मालापाठ, आरती व ४ डिसेंबर रोजी पूर्णाहुती, आरती होईल. 
तर, मंगळवारी (दि.५) सकाळी ७.३० वाजता लघुरुद्र, महापूजा व आरती, दुपारी १२ वाजता अष्टोत्तरी शत नामावली, आरती आणि रात्री १२ वाजता मुख्य जन्मसोहळा होईल. श्री काळभैरवनाथ हे पुण्याचे जागृत ग्रामदैवत आहे. भैरवनाथ मंदिराचे गर्भगृह आणि मध्यगृह हेमाडपंथी बांधणीचे आहे. मंदिराचे व्यवस्थापन लडकत घराण्याकडे असून वर्षभरात विविध उत्सव केले जातात. भाविकांनी उत्सवात मोठया संख्येने सहभागी व्हावे, असे आवाहन ट्रस्टतर्फे करण्यात आले.

      क्रीडा क्षेत्रातील आघाडीच्या शाळेमध्ये सिटी प्राइड स्कूल, निगडी आणि लॉयला हाय स्कूल, पाषाण या शाळा रनर अप

·       विद्या व्हॅली स्कूल, सूसच्या अवंतिका रंजीत खेरने जिंकली ‘गोल्डन गर्ल’ची ट्रॉफी, तर विद्या व्हॅली सूस स्कूलचा मल्हार सागर देशमुख ठरला गोल्डन बॉय

पुणे– पुण्यामध्ये नुकतीच एसएफए चॅम्पियनशीपची सांगता झाली. पुण्यातील एसएफए चॅम्पियनशीपमधील ‘क्रीडा क्षेत्रातील पहिल्या क्रमांकाच्या शाळेचा’ प्रतिष्ठित सन्मान विद्या व्हॅली स्कूल, सूसने जिंकला. या शाळेने एकूण ३० सुवर्ण, १३ रौप्य आणि १५ ब्राँझ पदके व २३८ गुण जिंकले. वेगवेगळ्या खेळांतील खेळाडूंना प्रोत्साहन देण्यासाठी आयोजित करण्यात आलेल्या पुण्यातील एसएफए चॅम्पियनशीपमध्ये विद्या व्हॅली स्कूल, सूसच्या अवंतिका रंजीत खेरने दोन सुवर्ण पदकांसह गोल्डन गर्ल हा पुरस्कार जिंकला, तर याच शाळेच्या मल्हार सागर देशमुखनेही २ सुवर्ण पदके जिंकत गोल्डन बॉय हा पुरस्कार मिळवला.

संयुक्त सचिव, महाराष्ट्र आर्चरी असोसिएशन, सचिव पीसीएमसी आर्चरी असोसिएशनच्या सोनल बुंदेले यांनी सांगता समारंभात खेळाडूंचे अभिनंदन केले. त्या म्हणाल्या, ‘एसएफए चॅम्पियनशीपपुण्यातीलखेळाडूंना चांगली कामगिरी करण्यासाठीचे उत्तम व्यासपीठ बनले असून या चॅम्पियनशीपमध्ये १२,००० खेळाडू सहभागी झाले होते. गुणवत्ता हेरून खेळाची संस्कृती रूजवण्याची एसएफएची बांधिलकी कौतुकास्पद आहे. पदके आणि विजयाच्या पलीकडे जात एसएफए खेळाच्या माध्यमातून विजेत्यांचे व्यक्तिमत्त्व आणि कौशल्य घडवण्यासाठी प्रयत्नशील आहे. एसएफए सकारात्मक स्थित्यंतर घडवून पुण्यातील क्रीडा विजेत्यांना प्रोत्साहन देण्यासाठी बांधली आहे.’

पुण्यात एसएफए चॅम्पियनशीपच्या दुसऱ्या आवृत्तीमध्ये ६०० शाळांतील १२०० मुले सहभागी झाली होती. या चॅम्पियनशीपमध्ये प्रत्येक खेळातील पुण्यातील आघाडीच्या शाळेचाही शोध घेतला गेला.

या समारंभात आदिती मुटाटकर, कॉमनवेल्थ गेम्स पदकविजेत्या, ५ वेळा राष्ट्रीय विजेत्या, प्रोग्रॅम प्रमुख – अथलीट अँड वुमन इनिशिएटिव्ह, सिंपली स्पोर्ट फाउंडेशन म्हणाल्या, ‘तळागाळातील क्रीडा स्पर्धांची पुरस्कर्ती या नात्याने मी एसएफए चॅम्पियनशीपचे तरुण खेळांडूचे खेळ कौशल्य सुधारण्यापलीकडे जाऊन त्यांना व्यासपीठ मिळवून देण्यासाठीच्या प्रयत्नांचे कौतुक करते. एसएफएने तळागाळात विकास घडवण्यासाठी हाती घेतलेली मोहीम आणि क्रीडा क्षेत्राच्या भविष्यासाठी दिले जात असलेले योगदान खऱ्या अर्थाने कौतुकास्पद आहे. मला खात्री आहे, की इतर शहरांतील चॅम्पियनशीप्स आपल्या देशाला क्रीडा क्षेत्रातील दमदार गुणवत्ता मिळवून देतील.’

या चॅम्पियनशीपमध्ये २७० खेळप्रकारांत ४३०० पेक्षा जास्त सामने खेळले गेले व त्यातून तरुण खेळाडूंची गुणवत्ता आणि खिलाडी वृत्ती पाहायला मिळाली. पुण्यातील या स्पर्धेमध्ये सहभागी झालेल्या एकूण खेळाडूंमध्ये मुलींचे प्रमाण ३४ टक्के, तर मुलांचे प्रमाण ६६ टक्के होते. अथलेटिक्स आणि बास्केटबॉलमध्ये मुलींचे प्रमाण जास्त होते, तर मुलांनी फुटबॉल, बास्केटबॉल, बुद्धीबळ, पोहणे आणि अथलेटिक्सला पसंती दिली.

प्रत्येक खेळातील विजेत्यांची अंतिम यादी आणि प्रत्येक शाळेच्या कामगिरीचे तपशील www.sfaplay.com.

वर उपलब्ध आहेत.

एसएफए चॅम्पियनशीप, पुणे २०२३- २०२४ मधे क्रीडा क्षेत्रात आघाडीवर असलेल्या शाळा        

एसएफए चॅम्पियनशीपमधील सर्वात कुशल प्रशिक्षक – अशोक गुंजाळ

सर्वाधिक सहभाग : एड्युकॉन इंटरनॅशनल स्कूल, बाणेर – २९५ खेळाडू

एसएफए चॅम्पियनशीप २०२३- २०२४ मधील प्रत्येक क्रीडाप्रकारातील आघाडीच्या शाळा

पुणे प्रार्थना समाजाचा वार्षिकोत्सव : संस्थेचे १५३ व्या वर्षात पदार्पणकॉकलिया पुणे संस्थेला डेव्हिडा रॉबर्ट्स पुरस्कार

पुणे : पुणे प्रार्थना समाजाच्या स्थापनेस ४ डिसेंबर रोजी  १५३ वर्षे पूर्ण होत आहेत. दरवर्षीप्रमाणे यंदाही संस्थेच्या वतीने विविध पुरस्कार प्रदान करण्यात येणार आहेत. सोमवार, दिनांक ४ डिसेंबर रोजी सायंकाळी ५ वाजता, भांडारकर प्राच्यविद्या संस्थेच्या नवलमल फिरोदिया सभागृहात पुरस्कार प्रदान सोहळा होणार आहे. प्राज इंडस्ट्रीजचे डाॅ.प्रमोद चौधरी यांना डॉ. रामकृष्ण गोपाळ भांडारकर पुरस्कार,सुमेधा चिथडे यांना महर्षी विठ्ठल रामजी शिंदे पुरस्कार, कॉकलिया पुणे संस्थेला डेव्हिडा रॉबर्टस् पुरस्कार प्रदान करण्यात येणार आहे, अशी माहिती संस्थेचे चिटणीस डॉ. दिलीप जोग यांनी पत्रकार परिषदेत दिली.

यावेळी पुणे प्रार्थना समाजाचे खजिनदार प्रशांत पाडवे उपस्थित होते. दिनांक ४ डिसेंबर रोजी सावित्रीबाई फुले पुणे विद्यापीठाचे कुलगुरू प्रा. सुरेश गोसावी यांच्या हस्ते पुरस्कार वितरण होणार आहे.  
डॉ. रामकृष्ण गोपाळ भांडारकर पुरस्कार हा पर्यावरण संवर्धन, संरक्षण आणि वैज्ञानिक दृष्टिकोनाचा प्रचार करणाºया संस्थेस देण्यात येतो. समाजातील वेगवेगळ््या घटकांमधील सामंजस्यासाठी काम करणाºया व्यक्तीला महर्षी विठ्ठल रामजी शिंदे पुरस्कार देण्यात येतो. तर डेव्हिडा रॉबर्टस् पुरस्कार सामाजिक कार्य तसेच विशेष बालकांसाठी काम करणाºया संस्थेला किंवा व्यक्तीला देण्यात येतो. 
शुक्रवार दिनांक १ डिसेंबर सायंकाळी ७ वाजता रोजी उपक्रमोपासना होणार आहे. शनिवार दिनांक २ डिसेंबर रोजी सायंकाळी ५ वाजता भारतीय अर्थ विज्ञान वर्धिनी चे मानद संचालक डाॅ. अभय टिळक यांचेरहस्य भागवत धर्माचे आणि प्रार्थना समाजाचे या विषयावर व्याख्यान होणार असून सायंकाळी ७ वाजता समर्चना स्कूल आॅफ डान्स तर्फे नृत्य सादरीकरण होणार आहे. रविवार दिनांक ३ डिसेंबर रोजी सायंकाळी ५ वाजता ‘मला उमजलेला प्रार्थना समाज’ हा परिसंवाद होणार आहे. यामध्ये समीर चौधरी, धनराज निंबाळकर सहभागी होणार आहेत. याच विषयावर मराठी विश्वकोश मंडळ वाईचे अध्यक्ष प्रा. राजा दिक्षीत यांचे व्याख्यान होणार आहे. याच दिवशी बुधवार पेठेतील प्रार्थना समाजाच्या वास्तूत दिपोत्सव देखील करण्यात येणार आहे.

भारतभरातून ८० लघुपटांचा सहभाग 
पुणे :  पुणे पेशवा लघुपट महोत्सवात  भट्टी’ लघुपटाने प्रथम क्रमांक पटकाविला. या लघुपट महोत्सवात देशभरातील ८० लघुपट सहभागी झाले होते. त्यामधून ४७  शॉर्ट फिल्म स्क्रिनींगसाठी निवडण्यात आल्या. महोत्सवाचे आयोजन घोले रस्त्यावरील नेहरु सांस्कृतिक भवन येथे करण्यात आले होते.

अनुप सुजाता ढेकणे हे महोत्सवाचे दिग्दर्शक होते. महोत्सवाच्या पहिल्या दिवशी प्रमुख पाहुणे डॉ. प्रवीण भोळे, अभिनेत्री कल्याणी नंदकिशोर,माजी नगरसेविका गायत्री खडके, दिग्दर्शक प्रीतम पाटील, राजेंद्र आलमखाने उदघाटन प्रसंगी उपस्थित होते. सहदिग्दर्शक म्हणून राम दत्ताकला, नियंत्रक म्हणून श्रीनिवास गायकवाड, तर सभासद म्हणून मुबारक तांबोळी, प्रदीप गरड, रिहान शेख, समर्थ सोनावणे, राजेंद्र कुलकर्णी, राजेंद्र पालवे यांनी काम पाहिले. महोत्सवाचे यंदा पहिले वर्ष होते.

पारितोषिक वितरणासाठी मेघराज भोसले, गणेश इनामदार, संग्राम भोसले उपस्थित होते. वीरेंद्र वळसंगकर आणि मितेश ताके यांनी परिक्षक म्हणून काम पाहिले. भट्टी लघुपटाने महोत्सवात प्रथम तर रेखा, लालीपॉप यांनी अनुक्रमे द्वितीय आणि तृतीय क्रमांक पटकाविले. आधाशी लघुपटाने पुणे पेशवा चॉईस अवॉर्ड हा पुरस्कार पटकाविला.

चिथिका लघुपटाला सर्वोत्तम अभिनेता पुरस्कार, रेखा लघुपटाला सर्वोत्तम अभिनेत्री पुरस्कार, लालीपाॅप चित्रपटाला सर्वोत्तम दिग्दर्शक पुरस्कार, सर्वोत्तम सिनेमॅटोग्राफर  कॉलम लघुपटाला तर सर्वोत्तम लेखक पुरस्कार भट्टी, सर्वोत्तम बालकलाकार पुरस्कार झीलमील आणि पाखरं लघुपटाने पटकाविला.

पुणे, दि.२९: राष्ट्रपती द्रौपदी मुर्मू यांचे आज दुपारी भारतीय वायुदलाच्या विशेष विमानाने लोहगाव विमानतळावर आगमन झाले. राज्यपाल रमेश बैस यांनी पुष्पगुच्छ देऊन त्यांचे स्वागत केले. महिला व बालविकास मंत्री कु. आदिती तटकरे, लष्कराच्या दक्षिण कमांडचे प्रमुख लेफ्टनंट जनरल अजय कुमार सिंह, विभागीय आयुक्त सौरभ राव, पोलिस आयुक्त रितेश कुमार, जिल्हाधिकारी डॉ.राजेश देशमुख यावेळी उपस्थित होते.

मकोका अंतर्गत केलेली ही ९१ वी कारवाई

पुणे-महंमदवाडी येथील गणेश बबन लोंढे (टोळी प्रमुख) व त्याचे इतर ०६ साथीदार यांचेवर मकोका अंतर्गत कारवाई करण्यात आल्याचे पुणे पोलिसांनी म्हटले आहे. स्वतःचे गुन्हेगारी टोळीचे वर्चस्व व दहशत निर्माण करण्याकरीता मागील वर्षामध्ये सदर टोळीने संघटितपणे व वैयक्तीकपणे, खुनाचा प्रयत्न, चोरी करणे, सदोष मनुष्यवधाचा प्रयत्न करणे, गंभीर दुखापत करणे, घातक शस्त्राव्दारे जखमी करणे, बेकायदेशीर जमावजमवणे, मालमत्तेचे नुकसान करणे, शिवीगाळ करुन व हत्यारांचा धाक दाखवुन नागरिकांमध्ये दहशत पसरवणे, दरोडयाची तयारी करणे यासारखे गंभीर व हिंसक गुन्हे केलेले आहेत. या टोळीत १) गणेश बबन लोंढे वय २३ वर्षे रा. साठे चौक, तरवडे वस्ती, महंमदवाडी, पुणे (टोळी प्रमुख) याने त्याचे इतर साथिदार २) विशाल माधव गोरे, वय २० वर्षे, रा. वेदात हाईट्स सोसायटी, तरवडे वस्ती, पुणे ३) मयुर माणिक पुरकास्त, वय १८ वर्षे, रा. कृष्णानगर, बुध्दविहार जवळ, पुणे ४) ऋषीकेश विठ्ठल घाडगे, वय २० वर्षे, रा. तरवडे वस्ती, पुणे ५) शुभम नंदु चव्हाण, वय १९ वर्षे, रा. तरवडे वस्ती, बी-६०४, मोहंमदवाडी, पुणे यांनी केला असुन, नमुद गुन्हयात त्यांना अटक करण्यात आलेली आहे. तसेच ६) एक विधिसंघर्षीत बालक (टोळी सदस्य) यास ताब्यात घेवुन बाल न्यायालय येरवडा, पुणे येथे हजर केले आहे. ७) एक wanted आरोपी आहे.

याबाबत सविस्तर माहिती देताना पोलिसांनी म्हटले आहे कि,’दि.०४/१०/२०२३ रोजी एस. डी. बार अॅण्ड रेस्टॉरन्ट समोर मंहमदवाडी, पुणे येथे फिर्यादी थांबले असताना १) गणेश बबन लोंढे २) विशाल माधव गोरे ३) माणिक पुरकास्त ४) ऋषीकेश विठ्ठल घाडगे यांनी मनोज साळवी कोठे आहे आमचे त्याचे कडे काम आहे अशी विचारणा केली असता मला माहित नसल्याचे फिर्यादी यांनी त्यांना सांगताच त्यांनी फिर्यादी सोबत वाद सुरु केला. त्यावर फिर्यादी यांनी त्यांना जाब विचारताच त्याचा राग आल्याने त्यांचेपैकी एकाने त्याचेकडील धारधार हत्याराने, तुला आता संपवतो असे म्हणुन फिर्यादी यांचे पाठीवर मारुन जखमी केले व त्यातील एका पांढरे रंगाचा शर्ट घातलेल्या लुकड्या मुलाने जमिल पठाण याला त्याचेकडील धारदार हत्याराने डावे कानावर डावे दंडावर व मनगटावर मारुन गंभीर जखमी केले तसेच हॉटेल मॅनेंजर विकास गोमसाळे याचे पाठीवर धारधार हत्यार मारुन त्यास जखमी करुन शिवीगाळ व आरडा ओरड करत त्यांचेकडील मोटर सायकलवरून निघुन गेले, तेव्हा तेथे पळापळ झाल्याने तेथे दहशतीचे वातावरण निर्माण झाले. त्यावेळी हॉटेल मॅनेजर विकास याने हॉटेलचे शटर बंद करुन घेतले व हॉटेल मधील कामगार घाबरुन पळुन गेले. म्हणुन वरिल इसमांनी फिर्यादी यांना व जमील पठाण तसेच विकास गोमसाळे यांना धारधार हत्याराने वार करुन जिवे ठार मारण्याचा प्रयत्न केला. म्हणुन फिर्यादी यांनी कोंढवा पोलीस स्टेशन येथे दिले फिर्यादीवरून कोंढवा पोलीस ठाणे, पुणे शहर गुन्हा रजि नं.१०१९/२०२३, भादविक ३०७,५०४,५०६, ३४ क्रि.लॉ.अॅ.अॅक्ट कलम ७ आर्म अॅ. कलम ४(२५) हा गुन्हा नोंद करण्यात आलेला आहे.
दाखल गुन्ह्याच्या तपासा दरम्यान सदरचा गुन्हा हा आरोपी नामे १) गणेश बबन लोंढे वय २३ वर्षे रा. साठे चौक, तरवडे वस्ती, महंमदवाडी, पुणे (टोळी प्रमुख) याने त्याचे इतर साथिदार २) विशाल माधव गोरे, वय २० वर्षे, रा. वेदात हाईट्स सोसायटी, तरवडे वस्ती, पुणे ३) मयुर माणिक पुरकास्त, वय १८ वर्षे, रा. कृष्णानगर, बुध्दविहार जवळ, पुणे ४) ऋषीकेश विठ्ठल घाडगे, वय २० वर्षे, रा. तरवडे वस्ती, पुणे ५) शुभम नंदु चव्हाण, वय १९ वर्षे, रा. तरवडे वस्ती, बी-६०४, मोहंमदवाडी, पुणे यांनी केला असुन, नमुद गुन्हयात त्यांना अटक करण्यात आलेली आहे. तसेच ६) एक विधिसंघर्षीत बालक (टोळी सदस्य) यास ताब्यात घेवुन बाल न्यायालय येरवडा, पुणे येथे हजर केले आहे. ७) एक पाहिजे आरोपी आहे.
नमुद आरोपी नामे गणेश बबन लोंढे (टोळी प्रमुख) याने त्याचे साथीदारांसह संघटित गुन्हेगारी टोळी तयारी केली असुन, सदर टोळीने बेकायदेशीर मार्गाने स्वतःसाठी किंवा अन्य कोणत्याही व्यक्ती साठी इतर फायदा मिळविण्याच्या उद्देशाने संघटित गुन्हेगारी संघटनेचा सदस्य म्हणुन किंवा संघटनेच्या वतीने एकटयाने किंवा संयुक्तपणे हिंसाचाराचा वापर करून किंवा हिंसाचार करण्याची धमकी देवुन किंवा धाकदपटशा दाखवून किंवा जुलूम जबरदस्ती करून किंवा अन्य अवैद्य मार्गाने आपली बेकायदेशीर कृत्य चालू ठेवून, संघटना किंवा टोळी म्हणून संयुक्तपणे संघटित गुन्हेगारी कृत्य करणारा गट तयार करून, दुखापत किंवा हमला इत्यादी करण्याची धमकी देवुन किंवा हमला इत्यादी करण्याची पुर्वतयारी करून स्वतःचे गुन्हेगारी टोळीचे वर्चस्व व दहशत निर्माण करण्याकरीता मागील १० वर्षामध्ये सदर टोळीने संघटितपणे व वैयक्तीकपणे, खुनाचा प्रयत्न, चोरी करणे, सदोष मनुष्यवधाचा प्रयत्न करणे, गंभीर दुखापत करणे, घातक शस्त्राव्दारे जखमी करणे, बेकायदेशीर जमावजमवणे, मालमत्तेचे नुकसान करणे, शिवीगाळ करुन व हत्यारांचा धाक दाखवुन नागरिकांमध्ये दहशत पसरवणे, दरोडयाची तयारी करणे यासारखे गंभीर व हिंसक गुन्हे केलेले आहेत. त्यांचेवर पुणे शहरातील विविध पोलीस स्टेशन येथे शरीरा विरुध्दचे व माला विरुध्दचे गुन्हे दाखल असुन, त्यांचेवर प्रतिबंधात्मक कारवाई करुन देखील त्यांनी पुन्हा पुन्हा गुन्हे केलेले आहेत.
दाखल गुन्हयामध्ये महाराष्ट्र संघटीत गुन्हेगारी नियंत्रण कायदा १९९९ चे कलम कलम ३ (१) (ii), ३(२), ३(४) चा प्रमाणे कलम वाढविण्यासाठी सदर मान्यता मिळणे बाबतचा प्रस्ताव कोंढवा पोलीस स्टेशनचे वरिष्ठ पोलीस निरीक्षक, संतोष सोनवणे यांनी मा. पोलीस उप-आयुक्त परिमंडळ-०५, पुणे, श्री. विक्रांत देशमुख यांचे मार्फतीने अप्पर पोलीस आयुक्त, पुर्व प्रादेशिक विभाग, पुणे, श्री. रंजनकुमार शर्मा यांना सादर केला होता.
सदर प्रकरणी छाननी करून कोंढवा पोलीस ठाणे, पुणे शहर गुन्हा रजि नं. १०१९/२०२३ भादविक ३०७,५०४,५०६,३४ क्रि. लॉ. अॅ. अॅक्ट कलम ७ आर्म अॅ.कलम ४ (२५) या गुन्हयात महाराष्ट्र संघटीत गुन्हेगारी नियंत्रण कायदा १९९९ चे कलम ३ (१) (ii), ३ (२), ३ (४) या कलमाचा अंतर्भाव करण्याची मा. अपर पोलीस आयुक्त, पुर्व प्रादेशिक विभाग, पुणे शहर, श्री. रंजन कुमार शर्मा यांनी मान्यता दिलेली आहे.
सदर गुन्ह्याचा पुढील तपास सहा. पोलीस आयुक्त, वानवडी विभाग, शाहुराजे साळवे हे करीत आहेत.
सदरची कामगिरी पोलीस आयुक्त, पुणे शहर, श्री. रितेश कुमार, अपर पोलीस आयुक्त, पुर्व प्रादेशिक विभाग, पुणे, रंजनकुमार शर्मा, मा. पोलीस उप आयुक्त, परिमंडळ-०५, श्री. विक्रांत देशमुख, मा. सहा. पोलीस आयुक्त, वानवडी विभाग विभाग, पुणे, श्री. शाहुराजे साळवे यांचे मार्गदर्शनाखाली कोंढवा पोलीस ठाणेचे वरिष्ठ पोलीस निरीक्षक, संतोष सोनवणे, पोलीस निरीक्षक, (गुन्हे), संदीप भासले, संजय मोगले, सहा. पोलीस निरीक्षक, राजेश उसगावकर, गणेश तोरगल, पोलीस उप-निरीक्षक, इकबाल शेख, पोलीस अंमलदार, जगदीश पाटील, राजेंद्र ननावरे, नितीन चव्हाण, प्रदिप बेडीस्कर यांनी केली आहे.
पोलीस आयुक्त, पुणे शहर,रितेश कुमार यांनी पुणे शहर पोलीस आयुक्तालयाचा कार्यभार घेतल्या नंतर गुन्हेगारी नियंत्राणांवर बारकाईने लक्ष देवुन शरीराविरुध्द व मालमत्तेविरुध्द गुन्हे कारणारे व नागरिकांमध्ये दहशत निर्माण करणारे सराईत गुन्हेगार यांचे हालचालींवर बारकाईने लक्ष ठेवुन गुन्हेगारीचे समुळ उच्चाटन होईल यावर भर देण्याबाबत सर्व पोलीस अधिकारी व अंमलदार यांना निर्देश देण्यात आले आहेत. त्यांचे मार्गदर्शनाखाली मकोका अंतर्गत केलेली ही ९१ वी कारवाई आहे

पुणे – काँग्रेस पक्षाने आंदोलनाचा दणका दिल्यामुळे शिवाजीनगर एसटी स्थानक पूर्ववत जागी आणि महामेट्रोच्या खर्चात बांधण्याचा निर्णय राज्य सरकारला घ्यावा लागला, अशी प्रतिक्रिया महाराष्ट्र प्रदेश काँग्रेसचे उपाध्यक्ष, माजी आमदार मोहन जोशी यांनी दिली आहे.

प्रवाशांची सोय आणि वाहतुकीची सुरक्षितता लक्षात घेऊन शिवाजीनगर एसटी स्थानक पूर्ववत जागी होण्यासाठी १५ दिवसांत निर्णय घेतला जावा, अशा मागणीसाठी माजी आमदार मोहन जोशी यांच्या नेतृत्वाखाली एसटीच्या विभागीय कार्यालयासमोर दि. ६ ऑक्टोबर २०२३ रोजी आंदोलन करण्यात आले होते. हा प्रश्न मार्गी लागला नाही, तर मुख्य मंत्र्यांनाच पुण्यात अडवू, असा इशारा मोहन जोशी यांनी दिला होता.

महामेट्रोच्या कामासाठी शिवाजीनगर एसटी स्थानकाचे स्थलांतर करण्यात आले होते. महामेट्रोचे काम पूर्ण होऊन वर्ष उलटले तरी एसटी स्थानक पूर्ववत करण्याबाबत निर्णय होत नव्हता. एसटी स्थानकाचा आराखडा मुख्य मंत्री एकनाथ शिंदे यांच्याकडे सादर झाला होता. परिवहन खाते एकनाथ शिंदे यांच्याकडे असल्याने त्यांची गाडी अडविण्याचा इशारा देण्यात आला होता. काँग्रेस पक्षाने आंदोलनानंतरही प्रश्न मार्गी लागण्यासाठी पाठपुरावा केला. त्यामुळे राज्य सरकारला निर्णय घेणे भाग पडले, असे मोहन जोशी यांनी पत्रकात म्हटले आहे.

एसटी प्रवाशांची सोय व्हावी तसेच एसटी स्थानकाचे स्थलांतर पुणे -मुंबई महामार्गावर वाकडेवाडी जवळ झाल्याने तेथील वाहतुकीची समस्या बिकट झाली होती, ती समस्याही सुटावी, अशा दुहेरी हेतूने काँग्रेसने हा प्रश्न हाती घेतला होता. अशी माहिती माजी आमदार मोहन जोशी यांनी पत्रकात दिली आहे.