मुंबई, सप्टेंबर 19, 2017. हैदराबादमधील कॅडसिस (इंडिया) लिमिटेड या प्रामुख्याने अमेरिकेतील मोठ्या ग्राहकवर्गास सेवा देणाऱ्या व नफ्यात असणाऱ्या इन्फर्मेशन टेक्नालॉजी एनेबल्ड सर्व्हिसेस (आयटीईएस) क्षेत्रातील कंपनीने 21 सप्टेंबर 2017 रोजी प्रारंभी समभाग विक्रीला (आयपीओ) सुरुवात करायचे ठरवले आहे. प्रत्येकी 10 रुपये दर्शनी मूल्य असलेल्या 21,00,000 इक्विटी शेअरची प्रत्येकी 70 रुपयांप्रमाणे एकूण 1,470 लाख रुपयांना विक्री केली जाणार आहे. यापैकी 1,08,000 शेअर्स मार्केट मेकरसाठी राखून ठेवले जातील. विक्रीनंतर कंपनीच्या इक्विटी भागभांडवलामध्ये नेट इश्यूचे योगदान 26.55% असेल. शेअर्सची नोंदणी नॅशनल स्टॉक एक्स्चेंजच्या एनएसई ईमर्ज व एसएमई प्लॅटफॉर्मवर केली जाणार आहे. आयपीओ 25 सप्टेंबर 2017 रोजी बंद होणार आहे. या विक्रीसाठी सॅफ्रॉन कॅपिटल अॅडव्हॉयजर्स एकमेव लीड मॅनेजर आहे.
कंपनीने घेतलेले दीर्घकालीन कर्ज काही प्रमाणात किंवा पूर्ण भरण्यासाठी आणि कंपनीच्या अन्य कामांसाठी या विक्रीतून मिळालेल्या रकमेचा वापर केला जाणार आहे.
1992 मध्ये स्थापन झालेल्या कॅडसिस (इंडिया) लिमिटेड या डोमेन-फोकस्ड जीआयएस व इंजिनीअरिंग बिझनेस टेक्नालॉजी सर्व्हिस देणाऱ्या कंपनीचे मुख्यालय हैदराबाद येथे असून ती अमेरिकेतही कार्यरत आहे. कंपनी टेलिकॉम, सीएटीव्ही, तेल व वायू, वीज व अन्य सुविधा अशा क्षेत्रांसाठी प्रामुख्याने जिओस्पॅटिअल, फिल्ड इंजिनीअरिंग सर्व्हे, सॉफ्टवेअर डेव्हलपमेंट व इंजिनीअरिंग डिझाइन सेवा यासाठी आयटी-एनेबल्ड सेवा देते. ग्राहकांना उत्तम मूल्य देण्यासाठी कॅडसिस (इंडिया) लिमिटेड प्री-फॅब्रिकेटेड सॉफ्टवेअर कंपोनंट्स व फ्रेमवर्क्स यामध्ये गुंतवणूक करून वैविध्यपूर्ण बिझनेस मॉडेलची मदत घेते. कंपनीने आयटी सेवा क्षेत्रातील संतुलित कंपनी म्हणून लौकिक मिळवण्यासाठी संपादनामार्फत आपल्या सेवांचा विस्तार केला आहे. या संपादनांसाठी कंपनीने घेतलेली कर्जे काही प्रमाणात किंवा पूर्णपणे फेडण्यासाठी आयपीओतून मिळणाऱ्या रकमेचा वापर केला जाणार आहे. कॅडसिस (इंडिया) लिमिटेडच्या ग्राहकांमध्ये सरकारी विभाग व टेलिकॉम, ऊर्जा व अन्य सुविधा क्षेत्रांतील कंपन्यांचा समावेश आहे.
कॅडसिस (इंडिया) लिमिटेडला डिझाइन, विकास, उत्पादन, जिऑग्राफिकल इन्फर्मेशन सिस्टीम व इंजिनीअरिंग सेवांसाठी आयएसओ 9001:2015 प्रमाणपत्र आणि संस्थेची सर्व पूरक कार्ये, तसेच जिऑग्राफिकल इन्फर्मेशन सिस्टीम व इंजिनीअरिंग सेवांसाठी ISMS Certificate – आयएसओ/आयईसी 27001:2013 आयएसएमएस प्रमाणपत्र मिळाले आहे.
रीस्टेटेड कन्सॉलिडेटेड फायनान्शिअल स्टेटमेंट्सच्या आधारे, 2017, 2016, 2015, 2014 व 2013 मध्ये संपलेल्या आर्थिक वर्षात कॅडसिस (इंडिया) लिमिटेडला ऑपरेशन्समधून अनुक्रमे 4,257.47 लाख रुपये, 2,984.15 लाख रुपये, 2,354.37 लाख रुपये, 2,000.46 लाख रुपये व 1,369.18 लाख रुपये उत्पन्न मिळाले आणि करोत्तर नफा (मायनॉरिस्टी इंटरेस्टचा हिस्सा जुळवल्यानंतर) 1,094.79 लाख रुपये, 551.74 लाख रुपये, 468.40 लाख रुपये, 296.99 लाख रुपये व 218.57 लाख रुपये मिलाला.
माहिती तंत्रज्ञान (आयटी) उद्योगासाठी भारत हे जगातील सर्वात मोठे सोर्सिंगचे ठिकाण असून, अमेरिकेतील 124-130 अब्ज डॉलर बाजारामध्ये भारताचा हिस्सा अंदाजे 67 टक्के आहे. या क्षेत्रामध्ये अंदाजे 1 कोटी मनुष्यबळ कार्यरत आहे. सर्वात महत्त्वाचे म्हणजे, या उद्योगाने देशातील आर्थिक परिवर्तनाला चालना दिली आहे आणि जागतिक अर्थव्यवस्थेत भारताकडे पाहण्याचा दृष्टिकोन बदलला आहे. अमेरिकेच्या तुलनेत अंदाजे 3-4 पट स्वस्त दराने भारतात आयटी सेवा उपलब्ध असल्याने, जागतिक सोर्सिंग बाजारात भारताची ही जमेची बाजू ठरत आहे. आयटी उद्योगामुळे भारतातील शिक्षण क्षेत्र, प्रामुख्याने इंजिनीअरिंग व कॉम्प्युटर सायन्स क्षेत्रांतही मोठी मागणी निर्माण झाली आहे. त्यामुळे कॅडसिसचा अनुभव व कौशल्ये सध्याच्या आयटी उद्योगाच्या गरजांना एकदम साजेसे आहे. अशी कौशल्ये विकसित केलेल्या कॅडलिसचे उद्दिष्ट जगभर प्रगती करणे आणि जगभरातील अनेक बहुराष्ट्रीय कंपन्यांना सेवा देणे हे आहे.
देशांतर्गत बाजारात, स्मार्ट सिटी, डिजिटल इंडिया कार्यक्रम, डिजिटल इंडिया व स्टार्टअप इंडिया अभियानांचा भाग म्हणून ‘इंटरनेट ऑफ थिंग्स’ (आयओटी) स्टार्ट-अप्ससाठी पाच इन्क्युबेशन सेंटर्स विकसित करण्याची केंद्र सरकारची योजना, सायबर सुरक्षा, मॅन्युस्क्रिप्ट्सचे डिजिटायझेशन, भारतीय रेल्वेच्या कामांचे डिजिटायझेशन अशा अनेक सरकारी उपक्रमांसाठी आयटीईएस क्षेत्राला येणाऱ्या मागणीचा फायदा कॅडसिस इंडिया लिमिटेडला मिळणार आहे.
