माळशिरस-
तीर्थक्षेत्र फाउंडेशन आयोजित शिवभक्ती संगम, कोटि लिंगार्चन व लक्ष भोजन सोहळा हा दिनांक 16 फेब्रुवारी ते दिनांक 20 फेब्रुवारी 2023 दरम्यान शिखर शिंगणापूर या ठिकाणी संपन्न होणार आहे.
याच सोहळ्यासाठी मंडप पूजन व धर्म ध्वजारोहण करण्यासाठी आर्ट ऑफ लिविंग चे गुरुदेव श्री श्री रविशंकर जी हे दिनांक 3 फेब्रुवारी रोजी सकाळी 10 वाजता शिखर शिंगणापूर या ठिकाणी येत आहेत.
श्रीक्षेत्र पंढरपूर या ठिकाणी झालेल्या महा सत्संगानंतर पुन्हा एकदा सातारा, सोलापूर जिल्ह्यातील भाविकांसाठी हा सुवर्णयोग जुळून आला आहे श्री श्री रविशंकर जी यांच्या शिवभक्ती संगम या सोहळ्याची संपूर्ण तयारी तीर्थक्षेत्र फाउंडेशन व आर्ट ऑफ लिविंग परिवार त्याचबरोबर शिखर शिंगणापूर गावचे सर्व ग्रामस्थ यांनी मिळून पूर्ण केली आहे.
या सोहळ्यासाठी श्रीमंत छत्रपती खा उदयनराजे भोसले यांच्यासह सातारा जिल्ह्यातील भाविक व माळशिरस तालुक्यातून आर्ट ऑफ लिविंग चे हजारो साधक उमाबन, शिखर शिंगणापूर या ठिकाणी जाणार असून या कार्यक्रमासाठी माळशिरस तालुक्यातून अनेकांना निमंत्रित सुद्धा करण्यात आले आहे.
यामध्ये माजी आमदार रामहरी रुपणवर, मार्केट कमिटीचे उपसभापती मामासाहेब पांढरे, माजी सोलापूर जिल्हा नियोजन समिती सदस्य उत्तमराव जानकर, जिल्हा नियोजन समिती सदस्य के के पाटील, नातेपुते नगरपंचायत च्या नगराध्यक्ष सौ राणी पलंगे, माजी जि प सदस्य अँड राऊत, श्रीराम शिक्षण संस्थेच्या श्रीलेखा पाटील व प्रकाश पाटील, राष्ट्रीय स्वयंसेवक संघाचे भीष्माचार्य कुदळे, निलेश देशपांडे, माळीनगर शुगर चे रंजनभाऊ गिरमे, रघुनाथ कवीतके यांना आर्ट ऑफ लिविंग कडून निमंत्रित करण्यात आले आहे.
अनेक दिवसांनंतर आर्ट ऑफ लिविंगचे गुरुदेव श्री श्री रविशंकर जी परिसरात येत असून साधकांनी व नागरिकांनी या सुवर्णसंधीचा लाभ घ्यावा असे आवाहन आयोजकांच्या वतीने करण्यात आले आहे.
■- महाशिवरात्रीच्या पावन काळात विशेष कार्यक्रम.
दिनांक 18 फेब्रुवारी रोजी महाशिवरात्री संपन्न होत असून याच पावन काळामध्ये गुरुदेव श्री श्री रविशंकर जी यांच्या उपस्थितीमध्ये हा विशेष सोहळा संपन्न होत आहे यासाठी जवळपास एक लाख भाविकांची व्यवस्था करण्यात आली आहे.