- गुन्हे शाखा युनिट-२ची कारवाई; कात्रज चौक परिसरातून सोहम उर्फ सोन्या थोरात ताब्यात
पुणे :- खुनाच्या प्रयत्नाच्या गुन्ह्यात गेल्या पाच महिन्यांपासून पोलिसांना पाहिजे असलेल्या आरोपीला पुणे शहर गुन्हे शाखेच्या युनिट-२च्या पथकाने जेरबंद केले आहे. सोहम उर्फ सोन्या मनोहर थोरात (वय २१, रा. वडगाव बुद्रुक, जाधवनगर, भैरवनाथ मंदिराजवळ, सिंहगड रोड, पुणे) असे आरोपीचे नाव आहे.पोलिसांनी दिलेल्या माहितीनुसार, पुणे शहरात शरीराविरुद्धचे गंभीर गुन्हे रोखण्यासाठी तसेच गंभीर गुन्ह्यांतील पाहिजे आणि फरार आरोपींचा शोध घेण्यासाठी विशेष मोहीम राबविण्यात येत आहे. त्यानुसार १७ ऑगस्ट रोजी गुन्हे शाखा युनिट-२चे पोलीस अधिकारी व अंमलदार आरोपींचा शोध घेत होते.यावेळी पोलीस अंमलदार कुंदन शिंदे, विजय पवार आणि उज्ज्वल मोकाशी यांना गोपनीय माहिती मिळाली. सहकारनगर पोलीस ठाण्यात दाखल असलेल्या खुनाच्या प्रयत्नाच्या गुन्ह्यातील पाहिजे आरोपी सोहम उर्फ सोन्या थोरात हा कात्रज चौक परिसरात फिरत असल्याची माहिती त्यांना मिळाली.ही माहिती गुन्हे शाखा युनिट-२चे प्रभारी वरिष्ठ पोलीस निरीक्षक राहुल खिलारे यांना कळविण्यात आली. त्यांनी कायदेशीर कारवाईचे आदेश दिल्यानंतर युनिट-२च्या पोलीस अधिकारी आणि अंमलदारांनी मिळालेल्या माहितीच्या आधारे संबंधित इसमाला ताब्यात घेतले.त्याच्याकडे नाव आणि पत्त्याबाबत विचारणा केली असता त्याने आपले नाव सोहम उर्फ सोन्या मनोहर थोरात, वय २१ वर्षे, रा. वडगाव बुद्रुक, जाधवनगर, वननाथ मंदिराजवळ, सिंहगड रोड, पुणे असे सांगितले.गुन्ह्यातील त्याच्या सहभागाबाबत चौकशी केल्यानंतर तो संबंधित गुन्ह्यातील पाहिजे आरोपी असल्याचे निष्पन्न झाले. त्यानंतर पुढील तपासासाठी त्याला सहकारनगर पोलीस ठाण्यात हजर करण्यात आले.ही कारवाई अपर पोलीस आयुक्त (गुन्हे) तेजस्वी सातपुते, पोलीस उप-आयुक्त (गुन्हे) गौहर हसन आणि सहायक पोलीस आयुक्त शैलेश संखे यांच्या मार्गदर्शनाखाली करण्यात आली.कारवाईत गुन्हे शाखा युनिट-२चे वरिष्ठ पोलीस निरीक्षक राहुल खिलारे, पोलीस उपनिरीक्षक ज्ञानेश्वर दळवी, पोलीस अंमलदार कुंदन शिंदे, उज्ज्वल मोकाशी, शंकर नेवसे, सर्जेराव सरगर, विजय पवार, संदीप शिर्के, विद्या शिंदे, योगेश मांढरे, शिवानंद कायगुडे, शंकर कुंभार, आशिष यादव आणि विनायक बागरे यांच्या पथकाने सहभाग घेतला.
