स्पर्धा परिक्षांची तयारी करा पदवी व पदव्युत्तर शिक्षणामध्येच
पुणे सध्याच्या युगात केंद्रीय लोकसेवा आयोग(युपीएससी) किंवा राज्य लोकसेवा आयोग (एमपीएससी) यांसारख्या स्पर्धापरिक्षांचा अभ्यास करणे, म्हणजे मायाजाळात फसण्यासारखे समजले जाते. बऱ्याचदा प्रशासकीय अधिकारी होण्याचे स्पप्न उराशी बाळगुण, दरवर्षी लाखो विद्यार्थी कुठल्याही बॅकअप प्लॅनशिवाय स्पर्धापरिक्षांचा अभ्यास करतात. त्यात, पदवीपासूनच स्पर्धापरिक्षांच्या योग्य मार्गदर्शनाचा अभाव, अनेक प्रयत्नांनंतरही आलेले अपयश, वाढते वय या सर्व गोष्टींमुळे विद्यार्थ्यांचा भ्रमनिरास होतो. ही समस्या ओळखूनच विद्यार्थ्यांच्या प्रशासकीय अधिकारी होणाच्या स्पप्नांना यशस्वीतेचे पंख लावण्याचा संकल्प एमआयटी एडीटी सारख्या अग्रगण्य विद्यापीठाने केला आहे, असे मत , एमआयटी स्कूल ऑफ इंडियन सिव्हिल सर्व्हिसेसचे (एसआयसीएस) संचालक डॉ.  सुजित धर्मपात्रे यांनी व्यक्त केले.
ते येथे आयोजित पत्रकार परिषदेत बोलत होते. डॉ.धर्मपात्रे पुढे म्हणाले, सनदी सेवा परिक्षांसाठी दरवर्षी लाखो विद्यार्थी बसतात. त्यासाठी पदवीनंतर ते दिल्ली अथवा अन्य शहारांत लाखोंचा खर्च करून क्लासेस करतात. परंतू, योग्य मार्गदर्शन न मिळाल्याने त्यातील खूपच कमी विद्यार्थ्यांच्या हाती यश लागते. परंतू, बाकीच्या विद्यार्थांचे पुढे काय होते, याचा विचार आपण कधी करतो का? अशाच विद्यार्थ्यांना स्पर्धापरिक्षेसाठी आवश्यक मार्गदर्शन व त्याचवेळी त्यांच्या व्यक्तीमत्वाचा सर्वांगिण विकास करणारा अभ्यासक्रम  उपलब्ध करूण देण्यासाठीच, एमआयटी आर्ट, डिजाईन आणि टेक्नाँलाँजी विद्यापीठामध्ये “स्कूल ऑफ इंडियन सिव्हिल सर्व्हिसेस”ची स्थापना करण्यात आली. बारावीनंतर युपीएससी व राज्यसेवा परिक्षांसह अन्य सरकारी सेवांचा अभ्यास करू पाहाणाऱ्या विद्यार्थ्यांना तज्ञांच्या मार्गदर्शनासह बी.ए. एडमिनिस्ट्रेशन या पदवी आणि आणि एम.ए. पब्लिक एडमिनिस्ट्रेशन या पद्युत्तर अभ्यासक्रमाद्वारे शिक्षण देणारी एमआयटी एसआयसीएस ही भारतातील एकमेव अग्रगण्य संस्था आहे.
हा अभ्याक्रम तयार करण्यामागे युपीएसससीचे माजी चेअरमन डॉ.डी.पी. अग्रवाल, तेलंगणाचे अतिरिक्त पोलिस महासंचालक महेश भागवत, नाबार्डचे माजी चेअरमन डॉ. एम.एल. सुखदेवे व अनेक तज्ञांचे योगदान आहे. या त्रिस्तरीय स्पर्धा परिक्षेमध्ये विद्यार्थी उत्तीर्ण होण्याकरीता अभ्यासासोबतच त्यांच्या आवडी-निवडी ओळखून कौशल्याधिष्ठीत प्रशिक्षण देणाऱ्या विषयांचा अभ्यासक्रमात समावेश केलेला आहे.
हा पदवी अभ्यासक्रम पूर्ण निवासी असून यात मर्यादित विद्यार्थीसंख्या ठेवून गुणवत्तापूर्ण प्रशिक्षणावर भर दिला जातो. विद्यार्थ्यांच्या शारीरिक, मानसिक व आध्यात्मिक विकासासाठी “एमआयटी स्कूल ऑफ इंडियन सिव्हिल सर्व्हिसेस” सदैव कार्यरत आहे. यासोबतच पदवीनंतर विद्यापीठांमध्ये एमबीए, लॉ, डिझाइन इत्यादी असे पदव्युत्तर अभ्यासक्रमही शिकता येणार आहेत. या पदव्युत्तर अभ्यासक्रमांमुळे दुर्दैवाने जे विद्यार्थी स्पर्धा परीक्षांमध्ये यशस्वी होणार नाहीत, त्यांना इतर खासगी क्षेत्रांमध्ये नोकरीची संधी प्राप्त होईल. तरी, अधिक माहितीसाठी www.mitsics.edu.in या संकेतस्थळावर अथवा, 9607580042/52 या क्रमांकावर संपर्क साधावा.  

सुसज्ज कॅम्पस व तज्ञांचे मार्गदर्शन
एमआयटी एडीटी विद्यापीठाचा कॅम्पस हा १२५+ एकरमध्ये पसरलेला असून तो, जागतिक दर्जाच्या विविध क्रीडा तसेच अन्य सोई सुविधांनी सुसज्ज असा आहे. यासह, या कोर्स शिकविण्यासाठी युपीएससीसारख्या स्पर्धा परिक्षांचा दांडगा अनुभव असणारे, तज्ञ मार्गदर्शक उपलब्ध आहेत. त्यामुळे, विद्यार्थ्यांना व्यक्तिमत्व विकासाची उत्तम संधी आहे.    

युपीएससी व राज्य सेवा स्पर्धापरिक्षा या देशातील अत्यंत कठीण अशा समजल्या जातात. या परिक्षांमधून देशाच्या प्रशासनात एक कौशल्याधिष्ठीत व मुल्याधिष्ठीत समाजिक जाण असणारा युवक जावा,  व त्याचा देश उभारणीच्या कार्यात हातभार लागावा यासाठी आमचे प्रयत्न आहेत. त्यामुळे, “एमआयटी स्कूल ऑफ इंडियन सिव्हिल सर्व्हिसेस” या अभ्यासक्रमाच्या माध्यमातून असेच चांगले अधिकारी प्रशासनात पाठविण्याचा आमचा मानस आहे.
– प्रा. डॉ. मंगेश कराड,
कुलगुरु तथा कार्याध्यक्ष,
एमआयटी एडीटी विद्यापीठ, लोणी-काळभोर, पुणे

पुणे :
भारती विद्यापीठ विश्वविद्यालयाच्या ‘इन्स्टिट्यूट ऑफ मॅनेजमेंट अ‍ॅण्ड आंत्रप्रुनरशिप डेव्हलपमेंट’(आयएमईडी) मध्ये ‘आयएमईडी जेम्स्-२०२४’  या  विद्यार्थ्यांसाठीच्या दोन दिवसीय स्पर्धा महोत्सवाचे उदघाटन भारती विद्यापीठ आयएमइडी चे प्रभारी संचालक डॉ.अजित मोरे  यांच्याहस्ते  १३ सप्टेंबर  रोजी सकाळी  झाले. आय.एम.ई.डी.जेम्स  महोत्सवात २०  स्पर्धांचा समावेश आहेत. या स्पर्धा महोत्सवामध्ये टेक्निकल स्पर्धा,कॉर्पोरेट वॉक,बेस्ट मॅनेजर,स्लो सायकलिंग,डिझाईन फेस्ट,मार्केटिंग तंबोला, प्रश्नमंजूषा अशा  स्पर्धांचा समावेश आहे. हा   महोत्सव  आयएमईडी ( पौड रस्ता  कॅम्पस, कोथरुड ) येथे होत  आहे. महोत्सवातील सर्व विजेत्यांना सन्मानचिन्ह आणि प्रशस्तिपत्रक देण्यात येणार आहे. तसेच स्पर्धकांना प्रशस्तिपत्रक देण्यात येणार आहे.डॉ.विजय फाळके,डॉ.वृषाली शितोळे,डॉ.सुचेता कांची,प्रतिमा गुंड यांनी संयोजन केले.१४ सप्टेंबर  रोजी पारितोषिक वितरण समारंभ होणार आहे.
‘विद्यार्थीच्या सर्वांगीण विकासासाठी या स्पर्धा महोत्सवाचे आयोजन करण्यात आले असून भावी काळात ते उपयुक्त ठरेल’,असे मत भारती विद्यापीठ आयएमइडीचे प्रभारी संचालक डॉ अजित मोरे यांनी व्यक्त केले.उपप्राचार्य डॉ.आर.व्ही .महाडिक म्हणाले,’आय एम ई डी हे  एक कुटुंब आहे; इथे स्पर्धामधून विद्यार्थीनी चांगली कौशल्ये आत्मसात करावीत.’ भारती विद्यापीठाचे संस्थापक  पतंगराव कदम यांच्या  प्रेरणेने व कुलपती डॉ.शिवाजीराव कदम, कार्यवाह डॉ .विश्वजीत कदम आणि कुलगुरू डॉ. विवेक सावजी यांच्या  मार्गदर्शनाखाली अशा स्पर्धांचे आयोजन दरवर्षी करण्यात येते. 

 माँसाहेब कॅब संस्थेच्या वतीने निवेदन ; मागण्या पूर्ण करण्यासाठी मुख्यमंत्री परिवहन विभागाचे मुख्य सचिव संजू सेठी आणि जिल्हाधिकारी डॉ. सुहास दिवसे यांनी मागितला ८ दिवसांचा कालावधी
पुणे : बेकायदेशीररित्या सुरू असणाऱ्या बलाढ्य कॅब कंपन्यांवर कारवाई करावी आणि खटुवा समितीच्या शिफारशीनुसार कॅबचे दर पत्रक अमलात आणावे, या मागणीसाठी माँसाहेब कॅब संस्था महाराष्ट्र राज्य यांच्यावतीने मंत्रालयावर ९ हजार चालक आणि मालक यांचा मोर्चा काढण्यात आला होता. यावेळी मुख्यमंत्री परिवहन विभागाचे प्रधान सचिव संजू सेठी आणि पुण्याचे जिल्हाधिकारी सुहास दिवसे यांच्यासोबत चर्चा झाली असून त्यांनी आठ दिवसांचा वेळ मागितला आहे. या मागण्या पूर्ण झाल्या नाहीत तर कुटुंबासह मुंबई मंत्रालयावर मोर्चा काढू, असे माँसाहेब कॅब संस्थेच्या वर्षा शिंदे पाटील यांनी सांगून यासंदर्भात निवेदन दिले आहे.तसेच पुण्याचे पोलीस आयुक्त यांना देखील निवेदन देण्यात आले. 

वर्षा शिंदे पाटील म्हणाल्या, महाराष्ट्र राज्य शासनाच्या खटुवा समितीच्या शिफारशीनुसार कॅब विषयी रेट कार्ड जाहीर झालेले आहे. ७ ते ८ महिने होऊन सुद्धा या जाहीर झालेल्या दरपत्रकानुसार ओला, उबर व तत्सम एप्लीकेशन वर आधारित कंपन्यांनी दर अमलात आणले नाहीत. हे दरपत्रक पुणे जिल्ह्यातील प्रवासी वाहतूक अ‍ॅप कंपन्यांना लागू करण्यात यावेत आणि पालन न केल्यास त्यांच्यावर कायदेशीर कारवाई करण्यात यावी. सवारी कॅब, गोजो कॅब, टॅक्सी बाजार, कॅब बाजार, इन ड्राईव्ह, ब्ला ब्ला कार्स, वनवे कॅब, रॅपिडो, ई – कॅब, एव्हरेस्ट फ्लीट या बेकायदेशीर चालू असलेल्या कंपन्यांवर कारवाई करावी.

पुणे जिल्ह्यामध्ये वाकड नाशिक फाटा, चांदणी चौक, पुणे स्टेशन, नवले ब्रिज अशा ठिकाणी मुंबई पुणे प्रवासासाठी अवैधरित्या प्रवासी वाहतूक बेकायदेशीरपणे चालत आहे. प्रवासी एप्लीकेशन वर आधारित कंपन्या यांच्या आधारे ही वाहतूक केली जात आहे, याकडे प्रशासनाचे लक्ष नाही.

एव्हरेस्ट फ्लीट सारख्या बलाढ्य कंपन्या पुण्यामध्ये तीन ते चार हजार गाड्या घेऊन आपला व्यवसाय करत आहेत. त्यामुळे गरीब कष्टकरी चालक आणि मालक यांना उदरनिर्वाह करणे देखील अशक्य झाले आहे. तरीही या विषयांमध्ये प्रशासनाने गांभीर्याने लक्ष घालावे, अशी मागणी संस्थेमार्फत करण्यात आली आहे.

दिला शारीरिक स्वास्थ्य, पर्यावरण रक्षणाचा संदेश

शारीरिक, मानसिक स्वास्थ्यासाठी सायकलिंग उपयुक्त

• रक्षा खडसे यांचे मत; पंतप्रधान नरेंद्र मोदी यांच्या वाढदिवसानिमित्त ‘पुणे ऑन पेडल’ सायकल रॅली
• राज्यसभा खासदार प्रा. डॉ. मेधा कुलकर्णी यांचा पुढाकार; अडीच हजार सायकलस्वार सहभागी

पुणे: देशाचे पंतप्रधान नरेंद्र मोदी यांच्या वाढदिवसाचे औचित्य साधून आरोग्याचे व पर्यावरपूरक जीवनशैलीचे महत्व जनमानसात रुजवण्यासाठी सायकल रॅली आयोजित करण्यात आली. कोथरूडमधील छत्रपती शिवाजी महाराज पुतळा ते धर्मवीर संभाजी महाराज पुतळा, डेक्कन जिमखाना अशी ही सायकल रॅली निघाली. जवळपास अडीच हजार सायकलपटूंनी यात सहभागी होत ‘सायकल चालवा’चा नारा देत शारीरिक स्वास्थ्य व पर्यावरण रक्षणाचा संदेश दिला.

राज्यसभा खासदार प्रा. डॉ. मेधा कुलकर्णी यांच्या पुढाकारातून आयोजिलेल्या सायकल रॅलीचे केंद्रीय युवक कल्याण व क्रीडा राज्यमंत्री रक्षा खडसे यांनी हिरवा झेंडा दाखवून उद्घाटन केले. प्रसंगी स्कायडाव्हर पद्मश्री शीतल महाजन, भारतीय क्रिकेटपटू राहुल त्रिपाठी, राज्यसभा खासदार प्रा. डॉ. मेधा कुलकर्णी, माजी नगरसेवक जयंत भावे, विश्राम कुलकर्णी आदी उपस्थित होते. शारीरिक व मानसिक स्वास्थ्य आणि पर्यावरण संवर्धनासाठी सायकलिंग उपयुक्त असल्याचे रक्षा खडसे यांनी सांगितले.

रक्षा खडसे म्हणाल्या, “पंतप्रधान नरेंद्र मोदी यांनी ‘फिट इंडिया’साठी नेहमीच प्रोत्साहन दिले आहे. सायकल चालवणे तंदुरुस्त व निरोगी राहण्यासाठी महत्त्वाचे आहे. मुलांमध्ये खेळाचे महत्व रुजण्यासाठी गावागावातून, शाळांमधून जागृती केली जात आहे. त्यांच्यात खेळभावना वृद्धिंगत करण्यासाठी क्रीडा मंत्रालयाच्या माध्यामातून विविध उपक्रम राबविण्यात येत आहेत. प्रा. डॉ. मेधाताई कुलकर्णी यांच्या पुढाकाराने झालेल्या सायकल रॅलीचा हा उपक्रम स्तुत्य आहे. पुणेकरांचा सायकल चालवण्याचा उत्साह पाहून मलाही ऊर्जा मिळाली आहे.”

सायकल वापरण्यास प्रोत्साहन देण्याच्या उद्देशाने हा उपक्रम गेल्या पाच वर्षांपासून आयोजित केला जात आहे. सायकलचे शहर अशी पुण्याची ओळख आहे. सायकल वापरणे आरोग्यासाठी लाभदायक आहे. यंदाच्या सायकल रॅलीतही अडीच हजारांहून अधिक सायकलस्वारांनी सहभाग नोंदवला. यावेळी खडसे यांच्या हस्ते काही गरजू मुलामुलींना सायकलचे मोफत वाटप करण्यात आले. रॅलीत सहभागी प्रत्येकाला मेडल, प्रमाणपत्र आणि टी-शर्ट देऊन गौरविण्यात आल्याचे प्रा. डॉ. मेधा कुलकर्णी यांनी नमूद केले.

शीतल महाजन व राहुल त्रिपाठी यांनीही सायकल चालवा, असे सांगत उपस्थितांना प्रोत्साहित केले.

पिंपरी चिंचवड शहर पोलीस आणि मेडिकव्हर हॉस्पिटल भोसरीच्या सहकार्याने पिंपरी चिंचवड शहरात राबवला जाणार वाहतूक सुरक्षा सप्ताह

पुणे- : पिंपरी चिंचवड शहरातील वाहतूक सुरळीत व सुरक्षित राहावी यासाठी पिंपरी चिंचवड पोलीस व मेडिकव्हर हॉस्पिटल भोसरी यांच्या संयुक्त विद्यमाने या अभियानाची सुरवात करण्यात आली या अभियानाचा मुख्य उद्देश नागरिकांमध्ये वाहतुकीचे नियम पाळण्याची जनजागृती करणे आणि सुरक्षित वाहतुकीचा प्रसार करणे आहे. या उद्घाटन सोहळ्यात मुख्य अतिथी म्हणून सहाय्यक पोलीस उपयुक्त श्री बापू बांगर उपस्थित होते.
या प्रसंगी सहाय्यक पोलीस उपयुक्त श्री बापू बांगर यांनी रस्ता सुरक्षेचे महत्त्व आणि नागरिकांच्या कल्याणासाठी असे उपक्रम राबवणे काळाची गरज आहे असे ते म्हणाले, तसेच या मोहिमेद्वारे अपघात आणि मृत्यूचे प्रमाण कमी करण्यासाठी या सुरक्षित वाहतुक अभियानाची मोलाची मदत होईल. हे अभियान पिंपरी चिंचवडला अधिक सुरक्षित बनवण्याच्या दिशेने एक पाऊल आहे,” असे प्रतिपादन केले.
मेडिकव्हर हॉस्पिटल भोसरीचे केंद्र प्रमुख डॉ व्यास मौर्य यांनीही हॉस्पिटलच्या भूमिकेवर प्रकाश टाकला ते म्हणाले ” मेडिकव्हर हॉस्पिटल भोसरी नागरिकांसाठी आरोग्य आणि सुरक्षिततेसाठी कायम तत्पर आहे. आम्हाला विश्वास आहे की, आरोग्य आणि सुरक्षितता एकमेकांच्या हातात हात घालून चालतात, आणि हे अभियान आमच्या शहरात एकूण सुरक्षिततेत योगदान देण्याच्या आमच्या सततच्या प्रयत्नांचा एक भाग आहे,”
सुरक्षित वाहतूक मोहिमेअंतर्गत जनजागृती मोहीम, कार्यशाळा आणि वाहनचालक आणि पादचाऱ्यांशी थेट संवाद साधण्यासारख्या विविध उपक्रमांचा यात समावेश असेल. पिंपरी चिंचवड पोलीस आणि मेडिकव्हर हॉस्पिटल भोसरी एकत्रितपणे या अभियानाच्या माध्यमातून सुरक्षित ड्रायव्हिंगचा संदेश शहरातील प्रत्येक कोपऱ्यात पोहोचवण्यासाठी कार्य करतील. मेडिकव्हर हॉस्पिटल चे कर्मचारी आणि पिंपरी चिंचवड शहरातील पोलीसवृंद मोठ्या संख्येने उपस्थित होते.

राज्यभरातील कवींच्या समकालीन अभिव्यक्तीचे दर्शन

पुणे फेस्टिव्हल अंतर्गत मराठी कविसंमेलनाला रसिकांची भरभरून दाद

समकालीन वास्तवाला थेट भिडणारे, भेदक वस्तुस्थितीवर प्रकाश टाकणारे आणि प्रस्थापितांच्या नजरेला नजर भिडवून प्रश्न करणारे, असे वातावरण रसिकांनी गुरुवारी रात्री कवीसंमेलनाच्या निमित्ताने अनुभवले आणि राज्याच्या विविध भागांचे प्रतिनिधित्व करणार्या कवींना मनमुराद दादही दिली.

३६व्या पुणे फेस्टिव्हल अंतर्गत निमंत्रितांचे कवीसंमेलन गुरुवारी रात्री बालगंधर्व रंगमंदिरात रंगले. ज्येष्ठ कवी, वात्रटिकाकार रामदास फुटाणे यांच्या नर्मविनोदी सूत्रसंचालनाने कवीसंमेलनाची खुमारी वाढवली.

शरद धनगर (अमळनेर), आबीद शेख (पुसद), अंजली ढमाळ, वैशाली पतंगे (पुणे), म. भा. चव्हाण, नितीन देशमुख (चांदूरबाजार),नारायण पुरी (नांदेड), भरत दौंडकर (निमगाव म्हाळुंगी), वि. दा. पिंगळे, विजय पोहनेरकर (औरंगाबाद), इंद्रजीत घुले, ज्योत्स्ना राजपूत आदी कवींनी विविध भावभावनांचा जणु एक कोलाज रसिकांपुढे सादर केला. या कवितांमधून विषयांप्रमाणेच बोलींचेही वैविध्य प्रकट झाले.

नितीन देशमुख यांच्या

‘ओढ वरवर नको, आतली पाहिजे

माणसे आपली, वाटली पाहिजे’

या कवितेने रसिकमनांची सुरवातीलाच पकड घेतली. देशमुख यांच्या कवितेतील संवेदनशीलतेने आणि त्यांच्या प्रभावी सादरीकरणाने त्यांच्या प्रत्येक कवितेने टाळ्यांच्या कडकडाटात वन्समोअर घेतले. ‘मी कधीपासून माझ्याच शोधात आहे’, हा कवीला पडलेला प्रश्न आणि त्यामागील सामाजिक तुटलेपणाची भावना समर्थपणे व्यक्त झाली होती.

‘कोण आहे मी, कसा आहे

काय याचा भरवसा आहे’,

या ओळीतूनही व्यक्तीमधील दुभंगलेपण कवीने व्यक्त केले होते.

शरद धनगर यांच्या अहिराणी बोलीतील कवितांनी श्रोते प्रभावित झाले.

‘मी जगावर एकतर्फी प्रेम करतो, करत राहीन…’ ही त्यांची कविता विशेष दाद मिळवून गेली.

ज्योत्स्ना राजपूत यांच्या तक्रार या शीर्षकाच्या कवितेत लाट आणि काठ यांचा संवाद रंगविण्यात आला होता. इंद्रजीत घुले यांची थोडा वेळ देत जा, ही कविताही सध्याच्या पराकोटीच्या व्यस्त आणि गतिमान जगण्याचे संदर्भ घेऊन आली होती.

म. भा. चव्हाण यांच्या कवितेतील

‘गर्दीशिवाय दुसरे देशात काय आहे’, या प्रश्नाने श्रोत्यांना अस्वस्थ केले.

‘येईल वेळ तेव्हा आम्ही बघून घेऊ

मधुमास संपला की, ढग पेटवून देऊ’,

अशी भावना त्यांनी व्यक्त केली होती.

‘ओठात आज माझ्या स्वातंत्र्यगान आहे

माझ्या महान देशा, मी बंदिवान आहे’,

या कवितेतील वेदनी रसिकांना स्पर्शून गेली.

‘मागू नकोस माझा संदर्भ मागचा तू

मागेच फाटलेले मी एक पान आहे’,

या वास्तवाची जाणीवही त्यांच्या कवितेतून व्यक्त झाली होती. ‘ते घाव घालताना मी वाहवा म्हणालो’, ही त्यांची ओळही लक्षणीय ठरली.

वैशाली पतंगे यांनी सावित्रीबाई फुले यांना ‘पत्ररूप सावित्री’ असे लिहिलेले पत्र दाद मिळवून गेले. आबीद शेख यांनी सादर केलेल्या कविताही रसिकांनी उचलून धरल्या. ‘मी पेरले पिलांच्या चोचीमधील गाणे’, या त्यांच्या ओळी विशेष लक्षात राहिल्या. इंद्रजीत घुले यांच्या विनोदाची पेरणी केलेल्या कवितांनी मजा आणली. लग्नाचे जेवण (प्रेयसीच्या) या कवितेने वन्समोअर घेतला. अंजली ढमाळ यांच्या ‘जपलेल्या आणि रापलेल्या बायकां’ची कविता, त्यातील दाहक वास्तव दर्शनाने रसिकांना अस्वस्थ करून गेली.

वि. दा. पिंगळे यांनी सादर केलेल्या ‘बारामतीचे पाणी’ या कवितेने शीर्षकापासून लक्ष वेधले.

‘बारामतीच्या पाण्याशिवाय सत्तेचं पीक येत नाही’, अशा ओळी टाळ्या घेऊन गेल्या. 

कवी पोहनेरकर यांच्या चोराची भेट या कवितेने धमाल उडवून दिली. तसेच घुंगरू, तो आणि ती, बेंदूर सणाची कविता, सहरातले व्हिलेज अशा कवितांनीही रसिकांना अंतर्मुख केले. रामदास फुटाणे यांनी कोरोनाची पार्श्वभूमी घेऊन, सादर केलेल्या कवितेने या रंगतदार कवीसंमेलनाची सांगता झाली.

पुणे फेस्टिव्हलचे मुख्य समन्वयक अॅड. अभय छाजेड तसेच माजी पोलिस अधिकारी चंद्रशेखर दैठणकर यांच्या हस्ते सर्व कवींचा सत्कार करण्यात आला. बालगंधर्व रंगमंदिरातील पुणे फेस्टिव्हल कार्यक्रम प्रमुख मोहन टिल्लू यांनी स्वागत केले.