पुणे-पुणे शहरातील हडपसर परिसरातील रामटेकडी दहशत माजवून वाहनांची तोडफोड करण्यात आल्याची घटना घडली. टोळक्याने पोलिसांना धक्काबुक्की केली. याप्रकरणी पोलिसांनी सात जणांना अटक केली तर पोलिस ठाण्यात गोंधळ घालणारी महिला खडकी पोलिसांनी गजाआड केली आहे.एका आमदाराने पोलिसाच्या मुस्काडात लावल्यावर,आणि त्या आमदारावर थातूर मातुर कारवाई चे सोंग दिसल्यावर आता पोलिसांच्या विरोधात जणू अनेकांना बळ मिळू लागले आहे.

अभिजीत अशोक काकडे, बल्या गायकवाड, नितीन पाटोळे, महेश शिंदे, बाळा, प्यारी उर्फ प्रशांत कांबळे, पप्पूसिंग गुरुबचनसिंग कल्याणी अशी अटक करण्यात आलेल्यांची नावे आहेत. याबाबत पोलीस कर्मचारी अभिजीत चव्हाण यांनी वानवडी पोलीस ठाण्यात फिर्याद दिली आहे. पोलिसांनी दिलेल्या माहितीनुसार, बुधवारी मध्यरात्री पोलीस कर्मचारी चव्हाण आणि त्यांचे सहकारी जगताप रामटेकडी भागात गस्त घालत होते.

त्यावेळी रामटेकडीतील वंदेमातरम चौकात टोळक्याने दहशत माजविल्याची माहिती पाेलिसांना मिळाली. टोळक्याने रिक्षा, मोटार, टेम्पोवर दगडफेक केल्याची माहिती मिळाल्यानंतर पोलीस कर्मचारी चव्हाण आणि जगताप यांनी घटनास्थळी धाव घेतली. तेव्हा आरोपींनी पोलीस कर्मचारी चव्हाण यांना धक्काबुक्की केली. पोलिसांच्या गाडीवर दगडफेक करण्यात आली.पसार झालेल्या सात जणांना अटक करण्यात आली असून, सहायक पोलीस निरीक्षक एस देशमुख पुढील तपास करत आहेत.

पुण्यातील खडकी पोलिस ठाण्यात गोंधळ घालून महिला पाेलिस कर्मचाऱ्याला धक्काबुक्की केल्याप्रकरणी पोलिसांनी एका महिलेस अटक केली. रिना उर्फ हिना फकिरा तायडे (वय 31, रा. महादेववाडी, खडकी बाजार,पुणे) असे अटक करण्यात आलेल्या महिलेचे नाव आहे. पोलिस शिपाई शिवानी जगताप यांनी खडकी पोलिस ठाण्यात तक्रार दिली आहे.

पोलिसांनी दिलेल्या माहितीनुसार, खडकी पोलिसांनी गंभीर गुन्ह्यात सागर चांदणे याला अटक केली. त्याला पाेलिस ठाण्यातील कोठडीत ठेवण्यात आले आहे. आरोपी तायडे चांदणेला भेटण्यासाठी पोलिस ठाण्यात आली. तेव्हा कोठडीतील आरोपीस भेटण्यास मनाई असल्याचे पोलिस शिपाई जगताप यांनी सांगितले. तायडेने पोलिस ठाण्यात शिवीगाळ करण्यास सुरुवात केली. जगताप यांना धक्काबुक्की केली. सरकारी कामात अडथळा आणल्याप्रकरणी तायडेला अटक करण्यात आली. पोलिस उपनिरीक्षक व्ही गुंजाळ पुढील तपास करत आहेत

 पुणे, दि. १० जानेवारी- तरुणाईमधील ऊर्जा, नवकल्पना, संधींचे सोने करण्याची मानसिकता आणि या कौशल्यांना लाभणारी आधुनिक तंत्रविज्ञानाची जोड, यातून राजकीय क्षेत्रातील कारकीर्द घडवण्यासाठी, उत्तम पृष्ठभूमी तयार झाली आहे. आता तरुणाईने स्वप्नांचे पंख पसरून झेप घ्यावी, असा सल्ला देशाच्या विविध भागांतील विद्यमान आमदार, खासदार, प्रवक्ते यांनी एकत्रितरीत्या दिला.
भारतीय छात्र संसद फाऊंडेशन, एमआयटी स्कूल ऑफ गव्हर्नमेंट आणि एमआयटी वर्ल्ड पीस युनिव्हर्सिटी, पुणे यांच्या संयुक्त विद्यमाने आयोजित १३ व्या भारतीय छात्र संसदेच्या पहिल्या सत्रात ’राजकारणातील तरुण नेतृत्व – वक्तृत्व किंवा वास्तव’ या विषयावर युवा पिढीचे प्रतिनिधित्व करणार्‍या लोकप्रितिनिधींनी विचार मांडले.
याप्रसंगी एमआयटी वर्ल्ड पीस यूनिव्हर्सिटीचे कार्याध्यक्ष राहुल कराड, काँग्रेसचे आमदार सत्यजीत तांबे, भारतीय जनता पक्षाचे राष्ट्रीय प्रवक्ते शहनाज पूनावाला, बिहारच्या लोकजनशक्ती पक्षाचे खासदार चिराग पासवान तसेच राज्याचे माजी मुख्यमंत्री पृथ्वीराज चव्हाण व्यासपीठावर उपस्थित होते. यावेळी मान्यवरांच्या हस्ते आदर्श युवा विधायक सन्मान तसेच उच्चशिक्षित आदर्श युवा सरपंच सन्मान प्रदान करण्यात आले. यामध्ये आमदार सत्यजीत तांबे यांचा सन्मान करण्यात आला. तसेच सरपंच यशोधराराजे शिंदे (सांगली जिल्हा, महाराष्ट्र), राजबलविंदरसिंग (पंजाब), प्रियांका तिवारी (उत्तर प्रदेश) आणि नीरू यादव (राजस्थान) या उच्चशिक्षित सरपंचांचा सन्मान करण्यात आला.
खासदार चिराग पासवान म्हणाले, ’उच्चशिक्षित उमेदवार वेगळा विचार देऊ शकतात. पण राजकारण या विषयाबद्दल गैरसमज अधिक आहेत. ते युवा मंडळींनी राजकारणात येऊन दूर केले पाहिजेत. जे बदल तुम्हाला अपेक्षित आहेत, ते तुम्हीच पुढाकार घेत घडवू शकता. तुमच्यापाशी नवे विचार, ऊर्जा, उत्साह, नव्या कल्पना आहेत. या सगळ्याची राजकीय क्षेत्रात आवश्यकता आहे. फक्त आपला विचार, कल्पना कुठल्या एका जात-धर्म-पंथापुरत्या सीमित नसाव्यात. त्यात सर्वसमावेशकता असावी. युवा विद्यार्थ्यांनी अधिकाधिक संख्येने राजकीय क्षेत्रात करिअर करण्यासाठी आले पाहिजे, तर देशाचा अपेक्षित विकास लवकर करणे शक्य होईल,’.
शहनाज पूनावाला म्हणाले, ’मी स्वतः एमआयटीमधून प्रशिक्षण घेतले आहे. तरुणाईमधील ऊर्जा सर्व घडवून आणू शकते. ही उर्जा देशाच्या विकास प्रक्रियेसाठी उपयोगात आणली पाहिजे. देशात निवडणुकांचे वातावरण असल्याने राजनीती क्षेत्रात प्रवेश करण्यासाठी अनुकूल काळ आहे. परिवर्तन युवाच घडवतील, असा विश्वास वाटतो.’
पृथ्वीराज चव्हाण यांनी युवा वर्गाने धोरणनिश्चिती आणि प्रशासन या मुद्यांचा अवश्य विचार करावा, असा सल्ला दिला. मंदिराचा विचार करत राहिलो, तर धर्मनिरपेक्षतेच्या मूल्याचे काय, असा प्रश्नही त्यांनी विचारला. देशातील विविध समस्यांवर कोणत्या उपाययोजना सुचवता येतील, याचा विचार विद्यार्थ्यांनी करावा आणि असे उपाय मांडावेत, असेही ते म्हणाले.
सत्यजीत तांबे म्हणाले, राजकीय साक्षरता देशभरात आली पाहिजे तेव्हाच लोकशाही मजबूत होईल. राजकारणात एक भूमिका प्रत्येक युवकांची असली पाहिजे. धर्म ही प्रत्येकाची वैयक्तिक बाब आहे. ती आपल्या घरापर्यंतच असायला हवी. त्यामुळे आम्ही विचारानेच विचारांची लढायची आहे.
डॉ. सुनील जॉर्ज यांनी आभार मानले. डॉ. अंजली साने यांनी स्वागत केले. यश, शुभंकर पंडित, आयेशा मेहबूब, प्राजक्ता भांगे या विद्यार्थ्यांनी मनोगत मांडले. डॉ. गौतम बापट यांनी सूत्रसंचालन केले.

पायाभूत सुविधांच्या विकासात ‘बिल्डर्स’चे योगदान मोलाचे

पुणे : “देशातील पायाभूत सुविधांची उभारणी, तंत्रज्ञानाचा अंतर्भाव, नदी जोड प्रकल्प, भारतमाला प्रकल्प, प्रधानमंत्री ग्रामसडक योजना, आवास योजना यांसारख्या शासकीय योजनांची, प्रकल्पांची पूर्तता, तसेच रोजगार निमिर्ती करण्यात ‘बिल्डर्स’ महत्वाचे योगदान देत आहेत,” असे प्रतिपादन राष्ट्रीय जल अकॅडमीचे संचालक मिलिंद पानपाटील यांनी केले.

बिल्डर्स असोसिएशन ऑफ इंडिया (बीएआय) पुणे सेंटरच्या वतीने आयोजित ‘बिल्डर्स डे’च्या कार्यक्रमात पानपाटील बोलत होते. रेसिडेन्सी क्लब येथे झालेल्या कार्यक्रमात ग्रुप कॅप्टन (निवृत्त) प्रवीर अशोक पुरोहित, ‘बीएआय’चे चेअरमन डी. एस. चौधरी, व्हाईस चेअरमन सुनील मते, मानद सचिव अजय गुजर, सहसचिव महेश मायदेव, खजिनदार राजाराम हजारे, कार्यक्रमाचे समन्वयक शशिकांत किल्लेदारपाटील आदी मान्यवर उपस्थित होते. ‘नव्या भारताचा शाश्वत विकास’ अशी या कार्यक्रमाची संकल्पना होती. बांधकाम क्षेत्रातील भरीव योगदानाबद्दल प्रा. एस. बी. भोंडे, एस. एम. मेहता, अशोक अटकेकर, सी. एच. रतलानी, संजय आपटे यांना सन्मानित करण्यात आले.

प्रवीर अशोक पुरोहित म्हणाले, “भारत गेल्या काही वर्षांत जोमाने प्रगती करत आहे. विकासाचा दर, जीडीपी वाढण्याची गरज आहे. शासनाने चांगली धोरणे केली असून, अनेक उपक्रम हाती घेतले आहेत. मात्र, प्रत्येक भारतीयाने माणुसकी, प्रामाणिकपणा व स्वयंप्रेरणेने योगदान द्यायला हवे. यातूनच आपण संपूर्ण जगाला मार्गदर्शक असा भारत देश घडू शकेल.”

डी. एस. चौधरी यांनी अध्यक्षीय मनोगत व्यक्त केले. शशिकांत किल्लेदारपाटील यांनी ‘बिल्डर्स डे’च्या आयोजनामागील भूमिका विशद केली. संजय आपटे व आर. एस. वर्मा यांनी सूत्रसंचालन केले. अजय गुजर यांनी आभार मानले.

एमआयटी डब्यूपीयूत १३ व्या ‘भारतीय छात्र संसद’ चे नायडू यांच्या हस्ते उद्घाटन

पुणे, दि. १० जानेवारी : राजकीय क्षेत्रात कार्यरत असणार्‍या आमदार – खासदारांनी सतत पक्षांतरे करू नयेत. लोकशाही समाजव्यवस्थेत विरोधक जरूर असावे, पण एकमेकांशी शत्रुत्व नसावे. सत्ताधारी आणि विरोधक यांनी व्यापक दृष्टीकोन ठेवत संसदेचे कामकाज सुरळीत पार पडण्यासाठी योगदान द्यावे, असे प्रतिपादन माजी उपराष्ट्रपती वैंकय्या नायडू यांनी बुधवारी येथे केले.”राजकीय कारकीर्द घडवू इच्छिणार्‍या युवा विद्यार्थ्यांसमोर पक्षबदलाचे, गोंधळाचे, घोषणाबाजीचे आदर्श न ठेवता, एकमेकांना योग्य सन्मान करण्याची उदाहरणे समोर ठेवावीत, असेही ते म्हणाले.

भारतीय छात्र संसद फाऊंडेशन, एमआयटी स्कूल ऑफ गव्हर्नमेंट आणि एमआयटी वर्ल्ड पीस युनिव्हर्सिटी, पुणे यांच्या संयुक्त विद्यमाने आयोजित १३ व्या भारतीय छात्र संसदेचे उद्घाटक म्हणून ते बोलत होते. १० ते १२ जानेवारी २०२४ दरम्यान स्वामी विवेकानंद सभामंडप, एमआयटी वर्ल्ड पीस युनिव्हर्सिटी, कोथरूड, पुणे येथे भारतीय छात्र संसदेचे आयोजन करण्यात आले आहे.
राज्याचे उच्च व तंत्रशिक्षण मंत्रालय, तसेच, क्रीडा व युवक कल्याण मंत्रालय आणि मानवाधिकार, लोकशाही, शांतता आणि सहिष्णुतासाठीचे युनेस्को अध्यासन यांचे सहकार्याने छात्र संसदेला मिळाले आहे.

याप्रसंगी प्रसिद्ध व्यावसायिक सल्लागार, वक्ते व लेखक प्रा. रामचरण हे सन्माननीय अतिथी म्हणून उपस्थित होते. कर्नाटक विधानसभेचे बसवराज होराटी, यू. टी. खादेर फरीद, उत्तर प्रदेशचे सतीश महाना, मध्य प्रदेशचे गिरीश गौतम यांच्यासह एमआयटी वर्ल्ड पीस युनिव्हर्सिटीचे संस्थापक अध्यक्ष डॉ. विश्वनाथ कराड, कार्याध्यक्ष डॉ. राहुल कराड, कुलगुरू डॉ. रवीकुमार चिटणीस आदी मान्यवर यावेळी उपस्थित होते.

नायडू पुढे म्हणाले,’राजकीय क्षेत्रातील मंडळींनी आपापल्या राजकीय पक्षांशी एकनिष्ठ असावे. विचारधारा भिन्न असतील, दृष्टीकोन वेगळे असतील, पण संसदेच्या सभागृहात सर्वांनी देशहिताचा विचार सर्वोच्च ठेवला पहिजे. एकविचारानेच आपण नव्या युगातील भारत घडवू शकणार आहोत. राजकीय कार्यकर्ते, नेते यांनी सतत पक्षबदल केले, की सर्वसामान्य जनतेचा त्यांच्या कामातील रस संपतो. जनतेचा लोकशाही प्रक्रियेवरील विश्वास उडणे, हे धोक्याचे आहे. सत्ताधारी गटाच्या चुकीच्या, अयोग्य धोरणांना, कृतींना विरोधकांनी अवश्य विरोध करावा, लोकशाहीने ती ताकद प्रत्येकाला दिली आहे. पण याचा अर्थ असा नव्हे, की विरोधकांनी गदारोळ, घोषणाबाजी करून संसदेच्या कामकाजात सतत अडथळे निर्माण करावेत. त्यांनी विरोधक असावे, एकमेकांचे प्रतिस्पर्धी बनू नये. कोणत्याही परिस्थितीत संसदेचे कामकाज सुरळीत चालू ठेवण्याची जबाबदारी प्रत्येकाची आहे.

डॉ. रामचरण यांनी विद्यार्थ्यांमध्ये जात भावी जीवनात उपयुक्त ठरणारी चतुःसूत्री सांगितली. नवकल्पना, समस्या नेमक्या ओळखणे, त्यांचे स्वरूप जाणणे हे काम युवा पिढीचे आहे. त्यासाठी कामावरची निष्ठा आणि ध्यास आवश्यक आहे. नेतृत्वच देश घडवत असते आणि सर्व प्रकारचे बदल नेतृत्वाच्या कार्यक्षमतेवरच अवलंबून असतात, असे ते म्हणाले.

डॉ. विश्वनाथ कराड म्हणाले, ’युवा पिढीला भारतीय संस्कृती, तत्त्वज्ञान, परंपरा यांचे ज्ञान होणे आवश्यक आहे. जागतिक तुलनेत भारतीय संस्कृतीचे वेगळेपण देशाच्या तरुण पिढीने जाणून घेतले पाहिजे. नव्या तंत्रक्रांतीच्या युगात भारत विश्वगुरू या संज्ञेला पात्र ठरत आहे, याचा अभिमान बाळगला पाहिजे. परंपरा आणि नव्या युगामध्ये एकाच वेळी वावरताना जी संभ्रमावस्था दिसत आहे, त्यातून मार्ग दाखवण्यासाठी अशा उपक्रमांना प्राधान्य दिले पाहिजे,’.
राहुल कराड म्हणाले, ’उच्चशिक्षित पिढी राजकीय क्षेत्रात कार्यरत व्हावी, आणि त्याद्वारा लोकशाही समाजजीवनातील आव्हानांचा सामना करण्यासाठी सहाय्य मिळावे, समस्यांच्या मुळाशी जाऊन त्यावरील उपाययोजनांचा विचार व्हावा, या उद्देशाने भारतीय छात्र संसद उपक्रम सुरू आहे. या उपक्रमांतून प्रेरणा घेत देशात अनेक ठिकाणी, विद्यापीठांमध्ये स्थानिक पातळीवर छात्र संसदेचे उपक्रम सुरू व्हावेत, ही इच्छा आहे. यासाठी राजकीय नेते, आमदार, खासदार, लोकप्रतिनिधींनी पक्षातीत – विचारांपलीकडे जात किमान समान कार्यक्रम कसा तयार करता येईल, यावर काम करावे.
यावेळी राहुल कराड यांचा छात्र संसद उपक्रम यशस्वी करत असल्याबद्दल मानपत्र देऊन विशेष सन्मान करण्यात आला.
एमआयटीचे कुलगुरु डॉ. आर. एम. चिटणीस यांनी स्वागतपर प्रास्ताविक केले. डॉ. के. गिरिसन यांनी आभार मानले तर डॉ. गौतम बापट यांनी सूत्रसंचालन केले. सुरुवातीला एमआयटी कल्चरल क्लबच्या विद्यार्थ्यांनी गणेशवंदना सादर केली. उपस्थित मान्यवरांनी दीपप्रज्ज्वलन करून, तसेच डेमाक्रसी बेल वाजवत १३ व्या छात्र संसदेचे अधिकृत उद्घाटन केले.

पुणे :
भारती विद्यापीठ इन्स्टिट्यूट ऑफ मॅनेजमेंट अँड आंत्रप्रुनरशिप डेव्हलपमेंट (आयएमईडी) तर्फे ‘चेसिंग द एक्स्पोनेन्शियल’ या विषयावर ज्येष्ठ शास्त्रज्ञ डॉ.रघुनाथ माशेलकर यांच्या व्याख्यानाचे आयोजन करण्यात आले होते.भारती विद्यापीठाचे संस्थापक डॉ. पतंगराव कदम यांच्या जयंती निमित्त दि.१० जानेवारी २०२४ रोजी सकाळी ११ वाजता भारती विद्यापीठाच्या एरंडवणे शैक्षणिक संकुलातील अभिजितदादा कदम सभागृहात हे व्याख्यान पार पडले. भारती विद्यापीठ अभिमत विश्वविद्यालयाचे कुलगुरू डॉ.विवेक सावजी, भारती विद्यापीठाचे    सहसचिव डॉ.के.डी.जाधव,सहसचिव एम.एस.सगरे,परिक्षा नियंत्रक डॉ.अँथनी रोज उपस्थित होते .आयएमईडीचे प्रभारी संचालक डॉ.अजित मोरे,उपप्राचार्य डॉ.रामचंद्र महाडिक यांनी स्वागत केले.डॉ.उज्ज्वला बेंडाळे, डॉ.आत्माराम पवार, डॉ.विवेक रणखांबे, प्रा.श्रेयस डिंगणकर, डॉ. स्वाती देसाई, प्राध्यापक वर्ग तसेच विद्यार्थी मोठया संख्येने उपस्थित होते. 
डॉ.माशेलकर यांनी चेसिंग द एक्स्पोनेन्शियल’ या विषयावर मार्गदर्शन करताना विद्यार्थ्यांना शिक्षण, संशोधन, नव संकल्पना, उद्योजकता या मुद्द्यांवर संवाद साधला. ‘डॉ पतंगराव कदम यांनी शून्यातून विश्व उभे केले. सर्व विद्यार्थ्यांनी भव्य गोष्टींचा ध्यास घ्यावा. आवडत्या गोष्टीवर लक्ष एकाग्र करावे. शिक्षणातून भवितव्य घडवणे शक्य असल्याने देशाचे स्थान जगात प्रथमस्थानी यावा, यासाठी प्रयत्न करावेत’ , असे त्यांनी सांगितले.
डिजिटल क्रांतीतला कल्याणकारी आशय
भारतानं मोबाईल क्षेत्रात मोठीच क्रांती घडवली. देशात 1995 ते 2014 या 20 वर्षांत 90 कोटी ग्राहकांची भर पडली. ऑनलाईन पेमेंट च्या क्रांतीची भर पडली. लाखो भारतीय  व्हॉइस कॉलिंगचा आणि 4 जी इंटरनेटचा स्वस्तात आनंद लुटत आहेत.नावीन्यपूर्ण तंत्रज्ञान गरिबांना परवडेल, यावर विश्‍वास हवाच; पण त्याहीपेक्षा महत्त्वाचं म्हणजे गरीब लोक उच्च तंत्रज्ञान आत्मसात करून वापरू शकतात, यावरही विश्‍वास हवा. ग्राहकाचं पूर्ण समाधान करता यायला हवं. कंपन्यांच्या “संशोधन आणि विकास विभागांनी’ही मनोवृत्तीत बदल करत, साध्या पण उपयुक्त दर्जेदार उत्पादनांची कास धरावी.  शिक्षण आणि विज्ञान हातात हात घालून पुढे गेले पाहिजे. त्यातून उद्योजकता विकसित झाली पाहिजे. संधीची दारे स्वतःहून उघडली नाहीत तर नव्या संधी तयार केल्या पाहिजेत. 

‘ डॉ. माशेलकर यांचे मार्गदर्शन भारती विद्यापीठाच्या विद्यार्थ्यांसाठी दीपस्तंभासारखे असून आयुष्यात पुढें नेणारे आहे.देशाच्या प्रगतीत भारती विद्यापीठाचे विद्यार्थी आपले योगदान देत राहतील’, असे उद्गार कुलगुरू डॉ. विवेक सावजी यांनी अध्यक्षीय भाषणात काढले .भारती विद्यापीठ अभिमत विश्वविद्यालयाचे कुलपती डॉ.शिवाजीराव कदम,भारती विद्यापीठाचे कार्यवाह डॉ.विश्वजित कदम यांच्या मार्गदर्शनाखाली हा कार्यक्रम आयोजित करण्यात आला . 

मैत्रयुवा फाऊंडेशन व सहेली संघ संस्थेतर्फे आयोजन ; तरुणाईचा मोठा सहभाग
पुणे : माणसाने माणसाशी माणसासम वागणे, हे काव्य प्रत्यक्ष आपल्या कृतीत आणत पुण्यातील युवक-युवतींनी बुधवार पेठेतील सहेली संस्थेतील चिमुकल्यांसोबत आपुलकीचे बोरन्हाण साजरे केले. हलव्याचे दागिने आणि नवीन कपडे घालून बसलेल्या चिमुकल्यांवर बोरं, चॉकलेट, गोळ्यांचा वर्षाव करुन बोरन्हाण साजरे होत असताना त्यांच्या चेह-यावरचा आनंद अवर्णनीय होता. 
मैत्रयुवा फाऊंडेशन व सहेली संघ संस्थेतर्फे बुधवार पेठेतील संस्थेच्याच सभागृहात आपुलकीचे बोरन्हाण या कार्यक्रमाचे आयोजन करण्यात आले होते. यावेळी प्रमुख पाहुणे डॉ.प्रसाद जोशी, प्रकाश यादव यांसह बालसदन संस्थेच्या अश्विनी नायर, सहेली संघ संस्थेच्या अध्यक्षा महादेवी मादर, तेजस्वी सेवेकरी, मैत्रयुवा फाऊंडेशनचे अध्यक्ष संकेत देशपांडे आदी यावेळी उपस्थित होते. 
संकेत देशपांडे म्हणाले, वंचित व विशेष मुलांसाठी काम करण्याकरिता तरुणाईला प्रोत्साहित करण्याचा प्रयत्न आम्ही करतो. समाजातील प्रत्येक घटकाला सण-उत्सवांचा आनंद मिळावा आणि आपले देखील कोणीतरी कौतुक करते, ही भावना त्यांच्यापर्यंत पोहोचावी, याकरीता बोरन्हाण या कार्यक्रमाचे आयोजन करण्यात आले होते. भविष्यात देखील असे उपक्रम राबविले जाणार आहेत.

पुणे :  सामाजिक क्षेत्रात काम करणाऱ्या व्यक्तींना त्यांच्या सामाजिक योगदानाबद्दल सोशल रिस्पॉन्सिबिलिटी संस्थेतर्फे दरवर्षी सन्मानित करण्यात येत असून यंदाचा आत्मनिर्भर ग्राम जीवनगौरव पुरस्कार पद्मश्री पोपटराव पवार यांना प्रदान करण्यात येणार आहे. शुक्रवार, दिनांक १२ जानेवारी रोजी सायंकाळी ६ वाजता फर्ग्युसन महाविद्यालयाच्या अँफी थिएटर येथे हा कार्यक्रम होईल, अशी माहिती राष्ट्रीय कर्तव्य अभियान चे संयोजक विजय वरुडकर यांनी दिली. 
स्वामी विवेकानंद तसेच राजमाता जिजाऊ जयंती व सोशल रिस्पॉन्सिबिलिटी संस्थेच्या वर्धापन दिनानिमित्त राष्ट्रीय कर्तव्य अभियान या समाजिक समूहाच्या माध्यमातून गेली ९ वर्षे हा कार्यक्रम घेतला जातो. याप्रसंगी पद्मश्री गिरीश प्रभुणे, रा.स्व.संघ पुणे महानगर कार्यवाह सचिन भोसले, कोहिनूर ग्रुपचे चेअरमन कृष्णकुमार गोयल, आमदार सिद्धार्थ शिरोळे, डॉ हेडगेवार स्मारक समिती चे अभय माटे, प्राचार्य फर्ग्युसन कॉलेजचे प्राचार्य डॉ.नितीन कुलकर्णी, ग्राम विकास गतीविधी प.महाराष्ट्र संयोजक मधुकर भोसले, सीएसआर हेल्प लाईन च्या संचालक डॉ.तेजस्विनी गोळे, बॉश इंडिया फाउंडेशनचे सुरज जाधव इतर अनेक सीएसआर क्षेत्रात व सामाजिक क्षेत्रात काम करणाऱ्या संस्था प्रतिनिधी व मान्यवर उपस्थित राहणार आहेत. 
यंदाचा आत्मनिर्भर ग्राम विकास पुरस्कार वाबळेवाडी ता शिरूर, आनंदवाडी तालुका निलंगा जिल्हा लातूर, कारभारवाडी तालुका करवीर जिल्हा कोल्हापूर, अण्णासाहेब कदम पाटील शेती व ग्राम विकास प्रतिष्ठाण देवळाली प्रवरा आणि रोहित बलुरे यांना विवेकानंद युवा रत्न पुरस्कार प्रदान करण्यात येणार आहे. स्वावलंबी आत्मनिर्भर ग्राम विषयी पूरक विविध प्रकल्पांचे सादरीकरण तसेच ग्राम विकासासाठी आवश्यक असणाऱ्या निधी उभारणीची पूर्व तयारी म्हणून तज्ञांचे मार्गदशन उपलब्ध केले जाणार आहे. 
कार्यक्रम संयोजक समिती म्हणून ग्रामविकास गतीविधी समूह प.महाराष्ट्र, सेवावर्धनी, सेवा सहयोग, डेक्कन एज्युकेशन सोसायटी फर्गुसन कॉलेज पुणे, स्पार्क, अर्थ साटेलाईट फाउंडेशन, ग्राम उर्जा, बाबुराव दोंडकर समिती, युवा ध्येय, युनिक एकाडमी, देआसरा फाउंडेशन, शिव सेवा प्रतिष्ठान तळेगाव विविध संस्थाचा सहभाग राहणार आहे. मुख्य पुरस्कार वितरण ६ वाजता होणार असून त्यापूर्वी ४ ते ६ एनजीओ सीएसआर प्रकल्प सादरीकरण होणार आहे.     

पुणे: सुजल लखारी, निनाद कुलकर्णी, ऋषभ देशपांडे यांनी  पीवायसी एचटीबीए अमनोरा कप जिल्हा मानांकन बॅडमिंटन स्पर्धेत आपापल्या प्रतिस्पर्ध्यावर मात करून पुरुष एकेरीच्या चौथ्या फेरीत प्रवेश केला.

पीवायसी हिंदू जिमखान्याच्या बॅडमिंटन कोर्टवर ही स्पर्धा सुरू आहे. या स्पर्धेतील पुरुष एकेरीच्या तिस-या फेरीत सुजल लखारीने मानस रत्नपारखीवर २१-७, २१-८ अशी, तर निनाद कुलकर्णीने प्रणव वाघवर २१-१६, २१-१२ अशी मात केली. यानंतर ऋषभ देशपांडेने पार्थ देशपांडेचे आव्हान २१-९, २१-७ असे सहज परतवून लावले.  

कवीन, देवांश यांचे विजय
या स्पर्धेतील १७ वर्षांखालील मुलांच्या एकेरीच्या तिसऱ्या फेरीत कवीन पटेलने चिन्मय फणसेचे आव्हान २१-१२, १५-२१, २१-११ असे परतवून लावले. यानंतर देवांश सकपाळने नील गोएलवर २१-७, २१-१० असे, तर रघुवेंद्र यादवने नंदन मुथावर २२-२०, २१-१३ असा विजय मिळवला.१५ वर्षाखालील मुलांच्या एकेरीच्या तिसऱ्या फेरीत अभिग्यान सिन्हा याने रियांश चौधरीवर २१-१४, २१-९ असा विजय मिळवला. 

निकाल – तिसरी फेरी – ११ वर्षांखालील मुले – हिमांश हरगुनानी वि. वि. अन्वीत राजवाडे २१-१०, २१-१४, कबीर देसाई वि. वि. गौतम साठे २१-१५, २१-१७, बुरहनुद्दीन आगाशी वि. वि. लक्ष्य सिन्हा २१-७, २१-८, अर्जुन तुळपुळे वि. वि. रणवीर सूर्यवंशी २८-२६, २१-१८, आरुष सप्रे वि. वि. शर्वीन मगर २१-१२, २१-१८, वेदांत मोरे वि. वि. मिहिर खरे २१-११, २१-६, अद्वैत फेरे वि. वि. सिद्धांत धामा २१-८, २१-७, ईशान रॉय वि. वि. कबीर कुलकर्णी २१-११, २१-२

१५ वर्षांखालील मुली – सान्वी पाटील वि. वि. साची संचेती २१-११, २१-६, पर्णवी मोहळकर वि. वि. साची पाटील २१-१९, २४-२२, पद्मश्री पिल्लई वि. वि. अरुंधती कंवर २१-१९, २१-१२, मौसम पाटील वि. वि. आर्शी देशमुख २१-४, २१-६, स्वराली थोरवे वि. वि. जिविका कासवा २१-११, २१-१२, शरयू रांजणे वि. वि. रिद्दीमा जोशी २१-२, २१-३, सोयरा शेलार वि. वि. आयुषी काळे १३-२१, २१-१२, २१-५

१५ वर्षांखालील मुले – स्वरित सातपुते वि. वि. अवनीश बांगर २१-१७, २१-१९, अभीक शर्मा वि. वि. वेदांत तांडले २१-७, २१-११, राघवेंद्र यादव वि. वि. आरव राय २१-८, २१-११, आरुष अरोरा वि. वि. अयांश यारागट्टी २०-२२, २१-१८, २१-५,सयाजी शेलार वि. वि. अथर्व काळे १४-२१, २१-११, २१-१३.

१३ वर्षांखालील मुले – मिर शाहझार अली वि. वि. दिविक गर्ग २१-१७, २२-२०, अद्वय देशमुख वि. वि. दिवित मुथा २१-११, २१-१२, एस. सोमजी वि. वि. विहान कोल्हाडे २१-१८, २१-११, शरव जाधव वि. वि. आर्यन नागवडे २१-१९, २१-१७, यश मोरे वि. वि. दियान पारेख २१-१३, २१-१८

१७ वर्षांखालील मुली – वेनिषा कोल्हे वि. वि. आद्या जोशी १८-२१, २१-१६, २१-१४, नाव्या रांका वि. वि. मौसम पाटील २१-१४, २१-११, एस. डाखणे वि. वि. शिवानी मासळेकर २१-१२, २१-११, भक्ती पाटील वि. वि. अहाना जैन २१-७, २१-४, यशस्वी काळे वि. वि. सयुरी थोकल २१-१३, २१-१७, आयुषी मुंडे वि. वि. शिवांजली करडीले २१-१५, २१-१४, स्नेहा भिसे वि. वि. सुखदा लोकापुरे २१-१७, २१-१२, हृदया साळवी वि. वि. रिद्धीमा जोशी २१-११, २१-९.  

१७ वर्षांखालील मुले – वरद लांडगे वि. वि. सोहम धामे १६-२१, २१-१४, २४-२२, सुदीप खोराटे वि. वि. ऋग्वेद भोसले २१-१२, २१-१२, अवधूत कदम वि. वि. स्वरीत सातपुते २१-११, २१-१४, श्लोक डागा वि. वि. नितीन एस. २१-१३, २१-१२.