:बारामती मतदारसंघातील पाण्याचा प्रश्न आम्ही सोडवणार – उपमुख्यमंत्री अजित पवार

पुणे-केंद्र आणि राज्य सरकार यांच्यात विकास कामात समन्वय असावा लागतो. आज दुष्काळ असून सरकार काम करत आहे. महायुती घटक सोबत घेऊन एकत्रित काम करावयाचे आहे. ही निवडणूक मोदी विरोधात राहुल गांधी अशी आहे. काहीजण मुद्दाम कौटुंबिक गोष्टी पुढे आणत आहे. हलक्या कानाचे कोणी राहु नये तर बनाबनवी यास बळी न पडता विकास कामांना साथ द्या. बारामती मतदारसंघातील पाण्याचा प्रश्न आम्ही सोडवणार असून सर्व तालुक्यांना हक्काचे पाणी देणार आहे. त्यासाठी पैसा मोठा लागणार असून आपल्या विचाराचे सरकार असेल पाहिजे असे मत अजित पवार यांनी व्यक्त केले.बारामती लोकसभा मतदारसंघातील महायुतीचे उमेदवार सुनेत्रा अजित पवार यांचा उमेदवारी अर्ज दाखल करण्यासाठी आयोजित जाहीर सभेत ते बोलत होते यावेळी मुख्यमंत्री एकनाथ शिंदे उपमुख्यमंत्री देवेंद्र फडणवीस, उपमुख्यमंत्री अजित पवार , आर पी आय अध्यक्ष रामदास आठवले, खासदार प्रफुल्ल पटेल, मंत्री चंद्रकांत पाटील, विधान परिषदेच्या उपसभापती डॉ. नीलम गोऱ्हे,महिला आयोगाच्या अध्यक्षा रूपाली चाकणकर , माजी मंत्री हर्षवर्धन पाटील, विजय शिवतारे, खासदार मेधा कुलकर्णी, माजी खासदार प्रदीप रावत ,मुरलीधर मोहोळ, दीपक मानकर, राहुल कुल, माधुरी मिसाळ, भीमराव तापकीर, सुनील टिंगरे , दत्ता भरणे, पार्थ पवार, जय पवार उपस्थित होते.अजित पवार म्हणाले, उद्याची निवडणूक ही गावकीची नाही तर देशाचे भवितव्य ठरवणारी आहे. जागतिक पातळीवर देश भक्कम करण्याचे काम नरेंद्र मोदी आक्रमकपणे करत आहे. अर्थव्यवस्था जगात तिसऱ्या क्रमांकावर आणत आहे. सुनेत्रा पवार यांची निवडणुकीत कमी वेळेत अधिक कामे करावे लागणार आहे. आम्ही आधी महायुती विरोधात लढत होतो पण एकत्र बसून चर्चा करून विरोध कमी केला आहे. नेत्यांचे आग्रहास पोषक वातावरण निर्माण झाले आहे आता मताधिक्य कसे वाढेल याचा प्रयत्न करावा. रामदास आठवले, देवेंद्र फडणवीस यांच्या सभा होतील पण मतदारांना आपल्याकडे वळवणे काम करावे लागणार आहे.प्रफुल्ल पटेल म्हणाले, लोकांनी मला वेगळ्या भूमिकेत आधी पहिले होते. अजित पवार आणि मी एकत्रित संसद काम 1991 मध्ये सुरू केले. एका वटवृक्ष छायेखाली आम्ही काम केले. मागील 30 ते 40 वर्षापासून बारामती मधील जनमानसाची कामे अजित पवार करत आहे. त्यांचा विकासकामात मोठा वाटा आहे. एका रात्रीत आम्ही निर्णय घेतला नाही. अनेकवेळा आमची भूमिका पुढे मागे होत होती त्यामुळे राज्यात संभ्रम निर्माण झाले. बदलत्या भूमिकेने पक्षाचे नुकसान झाले आहे.मोदी यांचे नेतृत्व देशाने आणि जगाने स्वीकारले आहे. विकासाचे वाटचाल प्रवाह सोबत जाणे महत्त्वाचे आहे.रामदास आठवलेंची शायरी-अजित पवारांनी गाठला आहे विकासाचा पल्ला..:..त्यामुळे शरद पवारांना देतो मोदींच्या सोबत येण्याचा सल्ला- रामदास आठवलेअजित पवार हे महायुती सोबत आले ज्या कारणामुळे ते कारण आहे सुप्रिया सुळे. अजित दादा आता नाही राहिले खुळे त्यामुळे हरणार आहे सुप्रिया सुळे. कोणी किती केला कल्ला, तरी सुनेत्रा पवार जिंकणार आहे बारामतीचा किल्ला. अजित पवारांनी गाठला आहे विकासाचा पल्ला त्यामुळे मी शरद पवारांना देतो मोदी यांच्या सोबत येणाचा सल्लारामदास आठवले म्हणाले की, शरद पवार हे मोदी यांच्या सोबत आले असते तर अजित पवार इकडे असे आले नसते. शरद पवार यांनी समान मुद्देवर एकत्र येणे गरजेचे होतें . पवार साहेब घड्याळ सोडून गावोगावी वाजवतात तुतारी. ज्या घड्याळ साठी आतापर्यंत काम केले त्याचे महत्व जाणून घेतले पाहिजे. राज्यात महायुतीला 45 पेक्षा जास्त जागा मिळणार आहे.महायुतीच्या पाठीशी सगळेजण उभे राहिले आहेत.बारामती मध्ये सुनेत्रा पवार उभ्या आहेत,अजित पवार याची ताकद मतदारसंघात मोठी आहे. पंतप्रधान नरेंद्र मोदी यांच्या नेतृत्वात देश विकास करत आहे. मोदी ना पाडण्यासाठी काँग्रेससह इतर जण एकत्रित आले आहेत.मोदी ना हरवणे वेडे गबळ्याचे काम नाही.नीलम गोऱ्हे म्हणाल्या की, संकटात मदतीसाठी धावून जाणारे हे सरकार आहे. अनेक ऐतिहासिक कामे सरकारने केली आहे. मराठा आरक्षण बाबत सरकारने अभ्यास करून काम केले आहे. सुनेत्रा पवार यांना उमेदवारी मिळाल्यावर अनेक टीका टिप्पणी होते. यशस्वी पुरुष मागे महिला असते पण अजित दादा यांनी सुनेत्रा ताई यांना काम करण्याची संधी दिली आहे. सुनबाईना पाठवा दिल्लीत आणि लेकीला पाठवा गल्लीत अशी घोषणा त्यांनी यावेळी दिली.

पुणे : आम्ही तुम्हाला निधी देतोय, त्यामुळे ईव्हीएम मशीनची बटणं पटापट दाबा. तसं झालं नाही तर आम्हाला देखील हात आखडता घ्यावा लागेल असं अजित पवार म्हणाले होते. त्यानंतर अजित पवारांना ट्रोल करण्यात आलं. त्यांच्या वक्तव्यामुळे मोठा वादंग निर्माण झाला. ‘एका शब्दाचा उगाच बाऊ करु नये, मी ग्रामीण भाषेत कचाकचा हा शब्द वापरला, असं म्हणत अजित पवारांनी आपल्या वक्तव्यावर स्पष्टीकरण दिलं आहे.काल इंदापूरात डॉक्टरांचा कार्यक्रम आयोजित करण्यात आला होता. या कार्यक्रमात मी गमतीने ते वक्तव्य केलं. त्यानंतर ग्रामीण भाषेत कचाकचा हा शब्द वापरला जातो. त्यामुळे मी ते बोललो. यामागे कोणताही वाईट हेतू नव्हता. या कार्यक्रमात सगळे प्रतिष्ठित डॉक्टर्स होते, असं स्पष्टीकरण अजित पवारांनी दिलं आहे.अजित पवार आज सुनेत्रा पवारांचा अर्ज दाखल करणार आहेत. महायुतीच्या फक्त सुनेत्रा पवारांचा अर्ज दाखल करण्यात येणार आहे. बाकी उमेदवारांचे अर्ज नंतर दाखल करण्यात येणार आहे,असंही अजित पवारांनी सांगितलं.
अजित पवारांवर दमदाटी करण्यात येत असल्याचे आरोप करण्यात येत आहे. रोहित पवारांकडून असे अनेकदा आरोप करण्यात आले आहे. त्यावर अजित पवारांनी प्रतिक्रिया दिली आहे. ज्या कोणाला असे धमकीचे फोन येत आहेत. त्यांनी ते फोन रेकॉर्ड करावे आणि सगळ्यांना ऐकवावे, असं खुलं आव्हान अजित पवारांनी दिलं आहे.

पुणे- आज येथे सुनेत्रा अजित पवार यांनी म्हटले आहे की,’ आज एक नवे आव्हान पेलण्यासाठी सज्ज होत आहे,आज मी नव्या पर्वाला सामोरी जात आहे.श्रीमंत दगडूशेठ हलवाई गणधीशाचे दर्शन घेऊन आरती केल्यावर माध्यामांशी सुनेत्रा यांनी संवाद साधला .

त्या म्हणाल्या,’ आज एक नवे आव्हान पेलण्यासाठी सज्ज होत आहे. ते आपल्या सर्वांच्या सदिच्छा, प्रेम आणि आशीर्वादाच्या बळावर. ते बळ गाठीशी बांधूनच आज सकाळी उपमुख्यमंत्री अजितदादा पवार यांच्या समवेत श्रीमंत दगडूशेठ हलवाई गणपती मंदिरात जाऊन गणरायाचे आणि लक्ष्मीबाई दगडूशेठ हलवाई दत्त मंदिरात दत्त महाराजांचे जोडीने दर्शन घेऊन आशीर्वाद घेतला. गणरायाची आरती केली.आजपर्यंत गाव, तालुका, जिल्हा पातळीवर सामाजिक, शैक्षणिक, आरोग्य, महिला सक्षमीकरण, ज्येष्ठ नागरीकांना आधार, पर्यावरण, जलसंधारण, स्वच्छता, कला, क्रीडा अशा विविध क्षेत्रात दखलपात्र काम करत आले. माझ्या या ग्रामविकासाच्या कामाचा गौरव राष्ट्रपतींच्या हस्ते झाला. शैक्षणिक क्षेत्रातील कामाच्या बळावर सिनेटवर काम करण्याची संधी मिळाली आणि जलसंधारण, पर्यावरणासह इतर सामाजिक क्षेत्रातील कामाच्या बळावर सार्क परिषदेत सहभागी होण्याची, बोलण्याची संधी मिळाली. गावात, तालुक्यात, जिल्ह्यात काम करून, एकेक टप्पा पार करत पुढे जात आता बारामती लोकसभा मतदार संघाची उमेदवार म्हणून मला महायुतीच्या वतीने संधी मिळाली आहे.या नव्या पर्वाचा प्रारंभ करत आज मी महायुतीच्या वतीने माझा उमेदवारी अर्ज दाखल करत आहे. मला माझ्या जबाबदारीची जाणिव आहे. गेली दीड महिना सहा विधानसभा मतदारसंघातील नऊ तालुक्यात संपर्क साधताना आपण दिलेला अभूतपूर्व प्रतिसाद, आपलेपणाने केलेले स्वागत, भरभरून दिलेले आशीर्वाद याच पाठबळावर मी या नव्या पर्वाला सामोरी जात आहे. भल्या मोठ्या मतदार संघाच्या सेवेचे आव्हान स्वीकारत आहे. मी लोकांत रमते, कामावर विश्वास ठेवते आणि रिझल्टला महत्व देते. त्याचसोबत जनसंपर्क आणि प्रचंड मेहनत या बळावर तुम्ही देत असलेल्या प्रेमाला, दाखवत असलेल्या विश्वासाला कदापि तडा जाऊ देणार नाही, हा माझा शब्द. आपण आपल्या सेवेची संधी देणार आहात याचा विश्वास मला तुम्हीच दिला आहात. त्यासाठी सिद्ध होताना दि. ७ मे रोजी आपण “घड्याळ” या चिन्हा समोरील बटन दाबून मला विजयी करावे ही नम्र विनंती.

पुणे- पक्ष फोडले,नेते फोडले ,खोट्या फसव्या आश्वासनांंचे ढग फोडले… आता मते फोडाफोडीचे राजकारण चालणार नाही , मतदार या सर्व राजकारणाला ओळखून बसलेत , त्यांना आता सारे काही समजलेय , आता ते कॉंग्रेसच्या रवींद्र धंगेकर यांचा पराभव कधीही होऊ देणार नाहीत , त्यांनाच विजयी करतील आणि भाजपाला धडा शिकवतील असे येथे माजी गृहराज्यमंत्री रमेश बागवे यांनी म्हटले आहे.

बागवे यांनी स्वतः घरोघरी जात कॉंग्रेसचे रवींद्र धंगेकर यांचा प्रचार सुरु ठेवला आहे. पक्षाच्या पातळीवर पक्ष काम करेलच आणि पक्ष देईल त्यानुसार आम्हीही काम करू पण वैयक्तिक पातळीवर आमची नाळ या पक्षाशी जोडलेली आहे , त्यामुळे कशाचीही वाट न पाहता आम्ही कधीच प्रचाराला प्रारंभ केला आहे असे ते म्हणाले. घरोघरी काही कार्यकर्त्यांना बरोबर घेऊन बागवे आणि संगीता तिवारी हे प्रचार पत्रके वाटत , तर कुठे नागरिकांचे प्रबोधन करत फिरत आहेत . वंचित आघाडी आणि एम आय एम ने उमेदवार रिंगणात उतरविले आहेत, त्यामुळे कॉंग्रेसच्या मतांचे विभाजन होणार नाही काय ? या प्रश्नाला उत्तर देताना बागवे बोलत होते , आता मतदाराला सारे काही समजून चुकले आहे , ते आता या फोडाफोडीच्या राजकारणाला देखील याच निवडणुकीतून धडा शिकवतील असेही ते म्हणाले.