पुणे – बारामती लोकसभेच्या उमेदवार सुनेत्रा पवार यांचा उमेदवारी अर्ज दाखल करण्यापूर्वी उपमुख्यमंत्री अजित पवार व सुनेत्रा पवार यांनी दगडूशेठ गणपतीचे दर्शन घेऊन आरती केली.प्रदीप देशमुख व मान्यवर यावेळी त्यांच्यासोबत उपस्थित होते. एकीकडे या दाम्पत्यांनी गणपतीची आराधना केली तर दुसरीकडे पुणे लोकसभा मतदार संघातील भाजप महायुतीचे उमेदवार मुरलीधर मोहोळ यांनी सातारा रस्त्यावरील शंकर महाराज मठात जाऊन तिथे बाबांची पूजा अर्चा केली , माजी नगरसेवक महेश वाबळे यावेळी त्यांच्या समवेत होते . मोहोळ आज अर्ज भरणार नाहीत मात्र त्यांचे प्रमुख प्रतिस्पर्धी रवींद्र धंगेकर आज आपला उमेदवारी अर्ज दाखल करणार आहेत.