भाषा ही मैला-मैलावर बदलत जाते, परंतु कलाप्रकरात म्हणजेच नाटक, चित्रपट आणि मालिकांमध्ये दिसते ती प्रमाणभाषा (मराठी), परंतु वास्ताविकतेच्या भावदर्शनासाठी लेखक-दिग्दर्शक राजू मेश्राम यांनी तुकाराम बिडकर, राधा बिडकर, कुंदन ढाके यांच्या टी.एच. फिल्म्स या निर्मितीसंस्थे अंतर्गत झरी या मराठी चित्रपटात अनोखा प्रयोग केला आहे, या चित्रपटातून पहिल्यांदाच वराडी , तेलगू आणि छत्तीसगडी भाषांचा त्रिवेणी संगम प्रेक्षकांना पहायला मिळणार आहे.
खैरलांजीच्या माथ्यावर या ज्वलंत विषयावर चित्रपट देणारे लेखक – दिग्दर्शक राजू मेश्राम याबाबत सांगतात की चित्रपटाच्या कथेच्या मागणीनुसार हा त्रिवेणी संगम झाला आहे. वेगळया राज्यातून येणारी माणसं आपल्याच भाषेत सवांद करतांना दिसावे म्हणुन हा प्रयोग करण्यात आला, सोय म्हणुन चित्रपटाला इंग्रजी सब टाईटल देण्यात आले आहेत, मराठी भाषेसोबत या भाषेतील गोडवा प्रथमच मराठी चित्रपटातून प्रेक्षकांना अनुभवायला मिळणार आहे. वास्तववादी सवांदासोबत चित्रपटाचे लोकेशन देखील यवतमाळच्या वास्तववादी लोकेशनची निवड करण्यात आली होती. वराडी , तेलगू आणि छत्तीसगडी भाषांकारिता त्या त्या भाषेतील काही लेखकांची मदत घेण्यात आली होती, त्यांना इंग्रजी भाषेत सवांद देवुन त्यांच्याकडून ते ह्या भाषेत भाषांतरित करण्यात आले होते, शिवाय त्यांच्या उच्चारांसाठी ते सवांद त्यांच्याकडून रेकोर्ड करून घेवून मराठी कलाकारांच्या आवाजात डबिंग करण्यात आले हे उल्लेखनीय आहे.
चित्रपटात तुकाराम बिडकर, निशा परुळेकर, नम्रता गायकवाड, नागेश भोसले, अनंत जोग, मिलिंद शिंदे, अनिकेत केळकर, डॉ.संदीप पाटील, कमलेश सावंत, विजय सातदिवे, वंदना भगत, डॉ.स्मिता डोंगरे इ. कलाकारांच्या प्रमुख भूमिका आहेत.
