पुणे : महावितरणच्या पुणे परिमंडलाने सोमवारी (दि. 3) आयोजित केलेल्या बेरोजगार विद्युत अभियंत्यांच्या
मेळाव्यास मोठा प्रतिसाद मिळाला.
देखभाल व दुरुस्तीची कामे थेट लॉटरी पद्धतीने देण्यासाठी तसेच फिडर व्यवस्थापक म्हणून नेमणुकीबाबत
बेरोजगार विद्युत अभियंत्यांसाठी रास्तापेठ येथील महावितरणच्या प्रशासकीय इमारतीत हा मेळावा झाला. प्रभारी
मुख्य अभियंता श्री. भालचंद्ग खंडाईत यांनी या दोन्ही योजनांची सादरीकरणातून सविस्तर माहिती दिली. यावेळी
अधीक्षक अभियंता श्री. शिवाजी चाफेकरांडे व श्री. अंकुश नाळे यांची उपस्थिती होती. बेरोजगार विद्युत अभियंत्यांना
महावितरणमधील कंत्राटदार म्हणून नोंदणीची प्रक्रिया, योजनांतील तांत्रिक कामांचे स्वरुप आदींबाबत माहिती देण्यात
आली. तसेच विद्युत अभियंत्यांनी विचारलेल्या प्रश्नांना उत्तरे देण्यात आली. या मेळाव्यात सहभागी झालेल्या 144
बेरोजगार विद्युत अभियंत्यांना लॉटरी पद्धतीने थेट कामे व फिडर व्यवस्थापक या दोन्ही योजनांचे सविस्तर माहितीपत्रक
बेरोजगार विद्युत अभियंत्यांना पहिल्या वर्षी प्रत्येकी 10 लाख रुपयापर्यंतची वार्षिक 50 लाखांची कामे मिळणार आहे.
ही कामे मुदतीत पूर्ण केल्यानंतर दुसर्या वर्षी 15 लाखांपर्यंतची एकूण वार्षिक पाच कामे अशी एकूण 75 लाखांपर्यंतची
कामे देण्यात येणार आहे. तसेच वाणिज्यिक व वितरणाची अधिक हानी असलेल्या वाहिन्यांवर फिडर व्यवस्थापक म्हणून
बेरोजगार विद्युत अभियंता किंवा सेवानिवृत्त अभियंते यांची नेमणूक करण्यात येणार आहे. फिडर व्यवस्थापक म्हणून
संबंधीत वाहिनीवरील मीटर रिडींग, बील वाटप, नवीन वीजजोडणी, वीजचोरीविरोधात कारवाई व सर्वसाधारण
देखभाल अशी कामे दिली जाणार आहे. महावितरणमधील या दोन्ही योजनांचा बेरोजगार विद्युत अभियंत्यांनी लाभ
घ्यावा व पुढील कार्यवाहीसाठी संबंधीत विभागीय कार्यालयात संपर्क साधावा, असे आवाहन प्रभारी मुख्य अभियंता श्री.
भालचंद्ग खंडाईत यांनी केले.