सोनू सूद आंध्र प्रदेश आणि तेलंगणातील पूरग्रस्त भागांना गंभीर मदत पुरवणार आंध्र प्रदेश आणि तेलंगणाच्या काही भागांना पुराने वेढा घातला असून यात अनेकांचं मोठ्या प्रमाणावर नुकसान झालं आहे पुराच्या पार्श्वभूमीवर बॉलीवूड अभिनेता आणि परोपकारी सोनू सूद लोकांना आवश्यक मदत करण्यासाठी पुढे सरसावला आहे. एका व्हिडिओमध्ये सोनू सूदने पूरग्रस्तांबद्दल तीव्र चिंता व्यक्त केली आणि संकटाच्या वेळी त्यांना मदत करण्याचं आव्हानं केलं.
मदतीत प्रभावित व्यक्तींसाठी अन्न, शुद्ध पाणी, वैद्यकीय किट आणि तात्पुरता निवारा यासारख्या आवश्यक वस्तूंचा समावेश आहे. सोनू म्हणतो मदत सर्वात असुरक्षित लोकांपर्यंत पोहोचावी यासाठी त्यांची टीम अथक परिश्रम करत आहे
https://www.instagram.com/reel/C_fBJjXgrwm/?igsh=MWd4bmk1bmxvM2dieA==
“पुरामुळे अनेकांचे घर आणि उपजीविका गमावली आहे आणि त्यांना वाचवण्यासाठी आणि त्यांचे जीवन सामान्य करण्यासाठी आपण सर्वांनी एकत्र आले पाहिजे. आम्ही शक्य तितकी मदत पाठवण्याचा प्रयत्न करत आहोत,” पूरग्रस्त भागातील लोकांना मदत देण्यासाठी चोवीस तास काम करत असल्याबद्दल त्यांनी सरकारला देखील आव्हानं केलं. कोविड-19 महामारीच्या काळात त्यांच्या परोपकारी कार्यामुळे सोनू सूद जनतेचा खरा नायक म्हणून प्रसिद्धीस आला. आणि या प्रयत्नाने त्याने पुन्हा एकदा सिद्ध केले आहे की त्याला राष्ट्रीय नायक का मानले जाते ! कामाच्या आघाडीवर, सूद ‘फतेह’ रिलीज होण्याची वाट पाहत आहे, जे त्याच्या दिग्दर्शनात पदार्पण करत आहे. सूद यांनी लिहिलेल्या आणि निर्मित केलेल्या या चित्रपटात जॅकलीन फर्नांडिस आणि नसीरुद्दीन शाह यांच्याही भूमिका आहेत आणि 10 जानेवारी 2025 रोजी रिलीज होणार आहे
