मुंबई-बोरिवलीतील ‘एलोरा’ खासगी गेस्टहाऊसमध्ये लपून बसलेल्या ६ संशयितांना पथकाने अटक केली. त्यांच्याकडून ३ बंदुका, ३६ जिवंत काडतुसे व कार जप्त करण्यात आली. सर्व आरोपी दिल्ली व उत्तर प्रदेशचे रहिवासी आहेत. लूटमार व घातपाताच्या उद्देशाने ते मुंबईत आल्याचा एटीएसला संशय आहे.
आरोपींकडून जप्त केलेली स्कॉर्पिओ कार आदिल खान उत्तर प्रदेशातील गाझियाबाद येथून घेऊन आला होता. एक सराफा दुकान लुटण्यासाठी हे आराेपी एकत्र आले हाेते, असे त्यांनी चाैकशीत सांगितले. मात्र, त्यांचा घातपाताचा कट हाेता का, याची चौकशी एटीएसकडून केली जात आहे.
१. शहादत हुसेन ऊर्फ कल्लू रहमत हुसेन (रा. जामा मशीद परिसर दिल्ली) – खुनाच्या गुन्ह्यातील आरोपी. शिक्षा भोगून नुकताच तुरुंगातून बाहेर आला. २. असलम शब्बीर अली खान (रा. दिल्ली) – खून व चोरी प्रकरणात अटक झाली होती. ३. नदीम माेहंमद (रा. जामा मशीद परिसर दिल्ली)- दिल्लीत अनेक गुन्हे दाखल. ४. नौशाद अनवर (रा. बुलंद शहर, उत्तर प्रदेश) – रेकीसाठी आल्याचा संशय. ५. आदिल खान (रा. गाझियाबाद, यूपी). ६. रिझवान लतीफ