शिक्षण आयुक्त विपिन शर्मा यांना निवेदन सादर

पुणे : महाराष्ट्र सरकारच्या शिक्षण विभागाने शालेय विद्यार्थ्यांकरिता अवांतर वाचनासाठी राष्ट्रीय स्वयंसेवक संघाशी निगडीत असलेल्या ‘भारतीय विचार साधना’ या संस्थेकडुन पुस्तके खरेदी केली आहेत, बाजारात २० रुपयाला मिळणारी ही पुस्तके ५० रुपये प्रती दराने खरेदी केली आहेत, याचा निषेध करण्यासाठी राष्ट्रवादी युवक कॉंग्रेसच्या वतीने खासदार वंदनाताई चव्हाण यांच्या नेतृत्वाखाली आंदोलन  करण्यात आले.

आंदोलनादरम्यान शिक्षण आयुक्त विपिन शर्मा यांना या बाबतचे निवेदन देण्यात आले.

हे आंदोलन शिक्षण आयुक्त कार्यालयासमोर करण्यात आले

यावेळी नगरसेवक विशाल तांबे, नंदा लोणकर, वासंती काकडे, अशोक राठी, शशिकला कुंभार, भोलासिंग अरोरा, मिलिंद वालवडकर, डॉ.दत्ता गायकवाड, महेश हांडे, मनोज पाचपुते, किशोर कांबळे, निलेश वरे, फहिम शेख, नितिन राठोड, नितीन रोकडे, जावेद इनामदार, विपुल म्हैसुरकर, रोहन पायगुडे, अतुल तरवडे, विक्रम मोरे, शरद दबडे, मोरेश्वर चांदेरे, सागरराजे भोसले, गजानन लोंढे, निखिल बटवाल, विकी वाघे, सुरज लाटे, युसुफ शेख, अजिंक्य पालकर , संजय गायकवाड, संदीप नवघरे, तुकाराम शिंदे आदी उपस्थित होते.

आंदोलनाचे आयोजन युवक शहराध्यक्ष राकेश कामठे यांनी केले होते.

‘शालेय विद्यार्थ्यांसाठी ही पुस्तके खरेदी केली असुन या पुस्तकात आक्षेपार्ह मजकुर आहे. यातील भाषा प्राथमिक शाळेतील मुलांना न समजणारी आहे. ‘बाल नचिकेता’ या पुस्तकात  मीलन, कोमार्यभंग आणि कामातुर यासारख्या शब्दाचा भडीमार करण्यात आलेला आहे . या वयोगटातील मुलांना कथा समजावी यासाठी चित्रांचा वापर अधिक केला जातो, पंरतु  या पुस्तकामध्ये “कथा गणपती” यासारखी एक दोन पुस्तके सोडली तर उर्वरित साऱ्या  कथा चित्रांशिवाय आहेत. विद्यार्थ्यांच्या दृष्टीने बोजड भाषेत लिहिलेल्या आहेत.  अत्यंत कठीण व अनावश्यक अशा शब्दाचा वापर केलेला आहे . या पुस्तकांत पौराणिक व धार्मिक कथाचा भर आहे यातुन मुलांवर विशिष्ट विचारधारेचा संस्कार लादण्याचा सरकारचा घाट आहे’, असे खासदार वंदना चव्हाण यांनी यावेळी सांगितले. 

‘मुलांच्या ‘सोशलायझेशन’ च्या नावाखाली १ हजार ३१४ शाळा बंद करणाऱ्या सवेदनशील शिक्षणमंत्र्याना विद्यार्थ्यांची मानसिकता व शिक्षणाबद्दल ची एवढी साधी बाब लक्षात येउ नये ही आश्चर्य कारक बाब आहे . याचा निषेध करण्यासाठी राष्ट्रवादी युवक कॉंग्रेसच्या वतीने हे आंदोलन करण्यात आले’, असे पुणे शहर राष्ट्रवादी युवक कॉंग्रेस शहराध्यक्ष राकेश कामठे म्हणाले. 

पुणे :

‘लष्काराला तयार व्हायला 7 दिवस लागतात, मात्र राष्ट्रीय स्वयंसेवक संघाचे स्वयंसेवक सीमेवर लढण्यासाठी केवळ 3 दिवसात तयार होऊ शकतात,’ अशा आशयाचे सरसंघचालक मोहन भागवत यांचे विधान लष्कराचा अवमान करणारे तर आहेच, पण मनोधैर्यावर विपरीत परिणाम करणारे आहे , अशी टिका राष्ट्रवादी काँग्रेसच्या शहराध्यक्ष, खा.अ‍ॅड. वंदना चव्हाण यांनी पत्रकाद्वारे केली आहे.

भारतीय लष्कराला शिस्त, त्याग, समर्पणाची दीर्घ परंपरा आहे. सीमेवर सतत सज्ज राहून , लढायाकरून भारतीय लष्काराने आपले सामर्थ्य जगाला वेळोवेळी दाखवलेले आहे. संघाला संचलनापलिकडे सेना उभारण्याची परवानगी घटनेने दिलेली नाही, तसा आवही त्यांनी आणू नये. तसेच सैन्याशी तुलना होईल अशी वक्तव्ये करून सैन्याचा तेजोभंग करू नये.’ असे खा. वंदना चव्हाण यांनी पत्रकात म्हटले आहे.

स्वातंत्र्य लढ्यात सर्व भारतीय जीवाची पर्वा न करता उतरले होते, तेव्हा संघ मैदानात का उतरला नाही, याचे उत्तर मोहन भागवत यांनी जगाला द्यावे, असेही खा. चव्हाण यांनी म्हटले आहे.

पुणे :‘पी.ए.इनामदार कॉलेज ऑफ व्हिज्युअल इफेक्ट्स,डिझाईन अ‍ॅण्ड आर्ट्स’, आझम कॅम्पस च्या वतीने नुकतीच रणजित (टोनी) सिंग यांच्या ‘आयडीया, कन्सेप्ट आणि स्टोरी’ या विषयावरील दोन दिवसांची राज्यस्तरीय कार्यशाळा संपन्न झाली. या कार्यशाळेचे उद्घाटन रणजित (टोनी) सिंग यांचा हस्ते करण्यात आले.

रणजित सिंग एक प्रसिद्ध लेखक आणि अ‍ॅनिमेशन तज्ज्ञ आहेत. ‘द आर्ट ऑफ अ‍ॅनिमेशन प्रॉडक्शन मॅनेजमेंट’ हे त्यांचे पुस्तक तत्काळ प्रसिध्द झाले आहे. कार्यशाळे दरम्यान एकुण 85 विद्यार्थी उपस्थित होते. कार्यशाळेला विद्यार्थ्यांचा उत्तम प्रतिसाद होता. महाविद्यालयाचे प्राचार्य ऋषी आचार्य, आयोजक स्वतंत्र जैन, निलीमा घरत यावेळी उपस्थित होते.

विद्यार्थ्यांना त्यांच्या अ‍ॅनिमेशन कौशल्यात वाढ करण्यासाठी तसेच ज्ञान आणि कौशल्यातील सर्वोत्कृष्ट गुणवत्ता आणून विद्यार्थ्यांच्या भविष्याच्या कारकिर्दीसाठी मदत व्हावी या उद्देशाने ही कार्यशाळा आयोजित करण्यात आली होती. कार्यशाळे दरम्यान ‘प्रकल्प व्यवस्थापन आणि क्रिएटिव्ह पर्यवेक्षण’, ‘2 डी / 3 डी प्रदर्शन अ‍ॅनिमेशनसह उत्पादन / दिशानिर्देश’, उत्पादन निरीक्षण, उत्पादन ट्रॅकिंग सिस्टम डिझाईन आणि सल्ला, कोर्स डिझाईन, सल्ला आणि शिक्षण, व प्रोजेक्ट मेन्टरिंग आणि इनक्यूबेशन या विषयावर विद्यार्थांना प्रबोधन करण्यात आले.

‘अ‍ॅनिमेशन आणि क्राफ्ट ऑफ स्टोरीजिंग’, ‘अ‍ॅनिमेशन प्रॉडक्शन मॅनेजमेंट’, ‘फंडामेंटल्स ऑफ कॉम्प्युटर ग्राफिक्स’ आणि ‘डिजिटल अ‍ॅनिमेशन’ आदी विषयावरील व्याख्याने आणि विशेष वर्ग ते चालवतात.

शेतकरी आठवडे बाजार व ग्रामीण फुड कार्निव्हलचे

नगरसेवक अमोल बालवडकर यांच्या वाढदिवसानिमित्त आयोजन

पुणे: हृदयरोग, लठ्ठपणा, श्वसनाचे विकार, त्वचा रोग, बालरोग, नेत्ररोग, कान, नाक व घसा, आतड्याचे विकार आदी सर्व प्रकारच्या आजारांची तपासणी, त्यावरील शस्रक्रिया व औषधोपचार मोफत असणारे महाआरोग्य शिबिर येत्या शनिवार व रविवारी (17 व 18 फेब्रुवारी) पुण्यातील बालेवाडीमध्ये होत आहे. त्यासोबतच थेट शेतकऱ्यांचा ताजा शेतीमाल शहरातील नागरिकांना मिळावा व त्यांना ग्रामीण संस्कृतीचे दर्शन घडावे यादृष्टीकोनातून शेतकरी आठवडे बाजार व ग्रामीण फूड कार्निव्हलचे आयोजनही करण्यात आले आहे. भाजपाचे प्रदेशाध्यक्ष रावसाहेब दानवे यांच्या हस्ते होणार आहे. पालकमंत्री गिरीश बापट व खासदार संजय काकडे यांची प्रमुख उपस्थिती असणार आहे, अशी माहिती आयोजक व नगरसेवक अमोल बालवडकर यांनी दिली.

नगरसेवक अमोल बालवडकर यांच्या वाढदिवसानिमित्त अमोल बालवडकर फाउंडेशन, बाणेर-बालेवाडी मेडिकल असोसिएशन आणि पुणे महानगरपालिका आरोग्य विभाग यांच्या संयुक्त विद्यमाने भव्य मोफत महाआरोग्य शिबिर आणि अमोल बालवडकर फाउंडेशन, महाराष्ट्र राज्य कृषी पणन मंडळ आणि स्फूर्ती ऑरगॅनिक शेतकरी उत्पादक कंपनी यांच्या संयुक्त विद्यमाने शेतकरी आठवडे बाजार व ग्रामीण फूड कार्निव्हलचे आयोजन करण्यात आले आहे. बालेवाडी येथील दसरा चौकातील संजय फार्म येथे येत्या शनिवारी सकाळी 10 वाजता याचे उद्घाटन होणार आहे. महाआरोग्य शिबिर सकाळी 9 ते सायंकाळी 5 पर्यंत असणार आहे. तर, बाजार व फूड कार्निव्हल सायंकाळी 5 ते रात्री 10 पर्यंत असणार आहे. यावेळी महाराष्ट्र केसरी 2017 चा विजेता अभिजीत कटके याचा विशेष सत्कार करण्यात येणार आहे. यावेळी विविध विकासकामांचा शुभारंभ करण्यात येणार आहे, असेही नगरसेवक अमोल बालवडकर म्हणाले.

महाआरोग्य शिबिरामध्ये नागरिकांची तपासणी, तज्ज्ञ डॉक्टरांचा सल्ला, सर्व प्रकारची चाचणी, औषधोपचार तसेच सर्व शस्त्रक्रिया मोफत केल्या जाणार आहेत. या आरोग्य शिबिरामार्फत नागरिकांना सर्व सुविधा मोफत पुरविल्या जातील तसेच योग्य उपचार केले जातील,  असे नगरसेवक अमोल बालवडकर यांनी सांगितले. यावेळी मोफत अवयवदानाचे फार्म भरण्याची सुविधा उपलब्ध आहे.

प्रत्येक शनिवार व रविवारी शेतकरी आठवडे बाजार व ग्रामीण फूड कार्निव्हल!

बालेवाडीतील साई चौकात प्रत्येक शनिवारी व रविवारी शेतकरी आठवडे बाजार भरणार आहे. हा आठवडे बाजार प्रत्येक शनिवार व रविवारी सायंकाळी 5 ते रात्री 10 पर्यंत असणार आहे. प्रभागातील नागरिकांसाठी थेट शेतकऱ्यांचा शेतीमाल मिळणार आहे. तसेच, खास खवय्यांसाठी ग्रामीण फूड कार्निव्हलचे आयोजन करण्यात आले आहे. यामुळे थेट शेतकऱ्याला पैसे मिळाल्याने शेतकऱ्यांची परिस्थिती सुधारण्यास मदत होणार आहे. ग्रामीण खाद्य पदार्थांची विक्री होणार आहे. यासोबतच मनोरंजनासठी घोडागाडी, बैलगाडी व उंटावरील सफारी तर, ग्रामीण संस्कृतीचे दर्शन घडविणाऱ्या गोष्टींबरोबरच नंदी बैल, वासुदेव यामध्ये असणार आहेत. महिला बचत गटाच्या माध्यमातून हे काम केले जाणार असल्याने महिलांनाही रोजगार मिळणार आहे, असेही नगरसेवक अमोल बालवडकर यांनी सांगितले.

पुणे ः नृत्य, घुंगरू, संगीत, ताल, लय यांचा अजोड मिलाफ असलेला 17वा शनिवारवाडा नृत्य आणि संगीत महोत्सव ऐतिहासिक  शनिवारवाड्याच्या प्रांगणात रविवार, 25 फेब्रुवारी 2018 रोजी सायंकाळी 6.30 वाजता संपन्न होत आहे. पवित्र भट व सहकारी यांचा ‘श्रीरंगा द रिक्लाइनिंग लॉर्ड’ हा कार्यक्रम आणि नक्षत्र गुरुकुलाने सादर केलेले गोतिपुआ नृत्य हे या महोत्सवाचे यंदाचे विशेष आकर्षण ठरणार आहे. शनिवारवाडा नृत्य आणि संगीत महोत्सव समिती अध्यक्षा सबीना संघवी यांनी ही माहिती दिली.

शनिवारवाडा नृत्य आणि संगीत महोत्सवाच्या या कार्यक्रमाच्या प्रवेशिका बालगंधर्व रंगमंदिर, यशवंतराव चव्हाण नाट्यगृह, टिळक स्मारक मंदिर, डीव्हीडी एक्सप्रेस-औंध आणि दि ओ हॉटेल-कोरेगांव पार्क येथे 16 ते 24 फेब्रुवारीपर्यंत उपलब्ध असतील. तसेच कार्यक्रमाच्या दिवशी सकाळी 11.00 वाजल्यापासून कार्यक्रमस्थळी प्रवेशिका उपलब्ध असतील. प्रवेशिकेची किंमत रु. 250 असून प्रथम येणार्‍यास प्राधान्य या तत्त्वावर आसनव्यवस्था असेल. तसेच www.bookmyshow.com या वेबसाइटवर ऑनलाईन बुकींग करता येतील.

कार्यक्रमाचा प्रारंभ पवित्र भट व सहकारी यांच्या ‘श्रीरंगा द रिक्लाइनिंग लॉर्ड’ या नृत्याच्या कार्यक्रमाने होईल. पवित्र भट यांनी देशात आणि परदेशातही अनेक भरतनाट्यम् कार्यशाळा आयोजित केल्या. ‘श्रीरंगा’ या कार्यक्रमात एका भक्ताचा पवित्र कावेरी नदीपासून सध्याच्या तामिळनाडू राज्यातील श्रीरंगम् येथील रंगनाथस्वामीपर्यंतचा प्रवास सादर केला आहे. भक्ताने मंदिरात प्रवेश करताक्षणी गरूड त्याचे स्वागत करतो. हा सर्व नृत्याविष्कार कार्यक्रम प्रेक्षकांना मंत्रमुग्ध करेल.

यानंतर नक्षत्र गुरुकुलाने सादर केलेले गोतिपुआ नृत्य सादर होईल. नक्षत्र गुरुकुलाची स्थापना त्याचे संस्थापक संचालक गुरु बिजय कुमार साहू यांनी 2007 मध्ये भुवनेश्वर येथे केली. ओडिसी डान्सचा पूर्वावतार असलेले गोतिपुआ नृत्य हे स्त्रियांची वेशभूषा व पोशाख केलेली मुले सादर करतात. गोतिपुआचा ओडिया भाषेतील अर्थ गोती म्हणजे मुलगी आणि पुवा म्हणजे मुलगा आहे. यात नर्तक अनेक गुंतागुंतीच्या बंध (मुद्रा) करतो.

उमेशचंद्र बरिक, सब्यसाची साहू, जगमोहन साहू, कुणाल प्रधान, अनंत जेना, अभिषेक साहू आणि पबित्रा साहू हे गोतिपुआ नृत्य सादर करणार आहेत. हे मनोहर नृत्य पाहण्याची संधी पुणेकरांना प्रथमच मिळणार आहे.

यंदाच्या महोत्सवाचे मुख्य प्रायोजक पंचशील रिअ‍ॅलिटी हे असणार आहेत, तर 5 एफ वर्ल्ड, वेकफील्ड, मोर मिसचीफ, रेडिओ वन, दि ओ हॉटेल आणि प्युअर गोल्ड फाइन चॉकलेट हे या कार्यक्रमाचे सह प्रायोजक असतील.

पुणे -मनपाच्या सहकार्याने व सभागृह नेते -.श्रीनाथ भिमाले यांनी मंजूर करून दिलेल्या रु 20 लाख निधीचा  कार्यक्रमाचा शुभारंभ करण्यात आला . बुरडी पुलाजवळील कै. पै. गजानन रामचंद्र साळुंके शैक्षणिक , कला , क्रीडा व आरोग्य संकुल  इमारतीच्या नूतनीकरणाचे भूमिपूजन – श्रीनाथ- भिमाले यांच्या हस्ते झाले तसेच स्थानिक नगरसेवक सौ.सुलोचनाताई कोंढरे  सौ ..वनराज आंदेकर  ,   मिस युनिव्हर्स गौरव शिंदे आदी मान्यवर उपस्थित होते . या कार्यक्रमाचे संयोजन माजी नगरसेवक मनिष साळुंके यांनी केले होते .

संजय देशमुख,सोमनाथ पवार,रामभाऊ पारीख,मदीना ताबोळी , पोपटराव गायकवाड़,नईम  शैख़,पै.राजेंद्र पड़वळ,जयप्रकाश पुरोहित,तुलशीदास  चव्हाण,अँड शेखर पवार,गणेश पाचारकर, संजय रजपूत,उदय लेले,बाप्पू नाईक, तेजेन्द्र कोंढरे,उमेश शिंदे,विश्वास महाजन सागर शिंदे सनी पवार रोहन ढाले गणेश औवगडे संकेत महामुनी नानासाहेब कोलतेआदी मान्यवर यावेळी उपस्थित होते .कार्यक्रमाचे संयोजन साठी अँड.मयूर पायगुडे,धनंजय विरोळे, माधवीताई साळूके,गोपीआण्णा येमूल यांनी विशेष परिश्रम घेतले . कार्यक्रमाचे सुत्रसंचांलन व आलेल्या सर्व मान्यवरांचे स्वागत अध्यक्ष मनिष साळुंके यांनी केले.

पुणे- ..पाणी रे पाणी .. तेरा रंग कैसा … हे गाणे आठवत असेल अनेकांना … पुणे महापालिकेचं काहीसं तसच आहे . येणाऱ्या बहुसंख्य अधिकाऱ्यांना .. लोकप्रतिनिधींना आपल्या रंगात रंगवून सोडलेल्या पुणे महापालिकेचा वर्धापन दिन१५ फेब्रूवारी रोजी आहे … त्या निमित्त १४ फेब्रुवारी –पूर्वसंध्येला  महापालिकेची मुख्य इमारत ..महापालिका भवन पहा असे रंगात न्हाऊन निघाले होते …