पुणे- पोलीस आयुक्त अमिताभ गुप्ता यांच्या बदली नंतर पुण्यातील गीन्हेगारीत वेगाने वाढ होताना दिसत असून कोयत्याने दहशत पसरविण्याची हौस एकीकडे आता क्रेझ बनत चाललेली असताना, मटका, जुगार , आणि दारू अड्डे या सारख्या आणि इतर अन्य स्वरूपांच्या गुन्ह्यातही मोठी वाढ होते आहे, विशेष म्हणजे यात अल्पवयीन मुले भरडली जात असल्याने हा प्रश्न सामाजिक दृष्ट्या गंभीर बनत चालल्याचे स्पष्ट दिसत आहे. येरवड्यातील बाल निरीक्षण गृहातून ७ मुले पळवून नेल्याचा गुन्हा येवडा पोलिसांनी दाखल केला आहे तर कात्रज मध्ये अल्पवयीन मुलीवर बलात्काराची आणि वडारवाडी येथे दहावीतील मुलीवर अॅसीड फेकण्याचा प्रयत्न झाल्याचा गुन्हा हि पोलिसांनी नोंदविला आहे.
येरवडा पोलिसात पंडित जवाहरलाल नेहरू उद्योग केंद्राच्या बाल निरीक्षण गृहातून ७ मुलांना अज्ञात व्यक्तीने पळवून नेल्याची तक्रार या बाल निरीक्षण गृहाचे सेवक संतोष कुंभार यांनी पोलिसात दाखल केली आहे.अज्ञात इसमाने पश्चिम बाजूच्या संरक्षण भिंतीला शिडी लावून विधीसंघार्षित ७ मुले पळवून नेम्याचे त्यांनी या फिर्यादीत म्हटले आहे.अधिक तपास पीआय काटे (मोबाईल -८८०५१७९७७५ ) हे करत आहेत .
एका शाळकरी अल्पवयीन मुलीचा पाठलाग करून तरुणाने तिचा विनयभंग करून तिच्यावर अॅसीड सारखे काहीतरी ज्वलनशील पदार्थ फेकून तिला जखमी करण्याचा धक्कादायक प्रयत्न केल्याने याबाबत चतुःश्रृंगी पोलिसांनी एका आरोपीस गजाआड केले आहे.
अक्षय राजु चव्हाण (24, रा. मारूती मंदिराजवळ, वडारवाडी, पुणे) असे गुन्हा दाखल झालेल्या आरोपीचे नाव आहे अशी माहिती पोलिसांनी मंगळवारी दिली आहे. याप्रकरणी पीडित अल्पवयीन मुलीच्या आईने चतुर्श्रुंगी पोलीस ठाण्यात तक्रार दाखल करण्यात आली आहे.
पोलिसांनी दिलेल्या माहितीनुसार, आरोपी अक्षय चव्हाण हा बिगारी कामगार असून अल्पवयीन पिडीत मुलगी शाळेत दहावीचे शिक्षण घेते आहे. 29 जानेवारी रोजी सायंकाळी साडेचार वाजण्याच्या सुमारास पीडित मुलगी ही चतुःश्रृंगी परिसरात राहत्या घराजवळ एका ठिकाणी उभी होती. त्यावेळी आरोपीने तिच्याशी जवळीक साधत अश्लिल चाळे केले. त्यानंतर आरोपीने तिला आपण फिरायला जाऊ म्हणत तिच्याकडे शरिर संबंधाची मागणी केली.या प्रकारास मुलीने विरोध केल्यानंतर, आरोपीने त्याच्याजवळील अॅसीड सदृश्य पदार्थ तरूणीवर फेकले व तिला जखमी करण्याचा प्रयत्न केला. याप्रकरणी आरापी अक्षय चव्हाण याला चतुःश्रृंगी पोलिसांनी अटक केली आहे.आरोपी अक्षय चव्हाण विवाहित असताना ही त्याने पिडीत अल्पवयीन मुलीला त्रास दिल्याचे पोलीस तपासात निष्पन्न झाले आहे. संशयीत आरोपीने केलेल्या अॅसीड हल्ल्या तरूणी जखमी झाली नसल्याचे माहिती पोलिसांनी दिली आहे.या गुन्ह्याचा पुढील तपास सहायक पोलिस निरीक्षक रत्नदिप गायकवाड करत आहेत.
अल्पवयीन मुलीवर बलात्कार प्रकरणी गुन्हा दाखल
पुणे शहरात राहणाऱ्या एका १६ वर्षाच्या मुलीवर कात्रज येथील घरी नेऊन बलात्कार केल्याप्रकरणी तरुणावर विश्रामबाग पोलिस ठाण्यात गुन्हा दाखल करण्यात आला आहे. याप्रकरणात आरोपीने मुलीचे तिच्या शाळेतून तिला बोलवून तिला कात्रज येथे नेऊन, लैंगिक अत्याचार केल्याबाबत गुन्हा दाखल करण्यात आला आहे. याप्रकरणी अशोक माणिक काळे (21, रा. कात्रज,पुणे) याच्यावर बलात्काराचा गुन्हा दाखल करण्यात आला आहे. जानेवारी 2022 पासून हा प्रकार 28 जानेवारी 2023 दरम्यान घडला आहे. आरोपीने झालेल्या प्रकाराबाबत कोणाला सांगितल्यास मुलीस जीवे मारण्याची धमकी दिली होती.