तैपेइ -तैवान- येथील एक प्रवासी विमान आज सकाळी नदीत कोसळून झाला या विमानात ५८ प्रवासी होते उड्डाण केल्यानंतर लगेच तैवानी प्रवासी विमान उड्डाणपूलाला चाटत जात तैपेइमधील एका नदीत कोसळले. आतापर्यंत 10 प्रवाशांना वाचविण्यात यश आले असल्याचे तैवान सेंट्रल न्युज एजन्सीने सांगित ले आहे. दरम्यान, या दुर्घटनेत 9 प्रवाशांचा मृत्यू झाला असून 18 जखमी झाले असल्याचे वृत्त आहे. इतर प्रवाशांना आधीच वाचविण्यात आले आहे का, यासंदर्भात एजन्सीने कोणतीही माहिती दिलेली नाही. तैवानच्या मीडियाने विमान कोसळल्याची छायाचित्रे प्रकाशित केली आहेत. तैपेइमधील कीलुंग नदीच्या किनाऱ्यापासून सुमारे 100 मीटर आत पाण्यात विमान कोसळले आहे. तैपेइमधील विमानतळावरुन स्थानिक वेळेनुसार आज सकाळी 10.55 वाजता विमानाने उड्डाण केले होते. किनमेन येथील आयलॅंडवर हे विमान जात होते. उड्डाणानंतर लगेच वैमानिकाचे नियंत्रण सुटले. त्यानंतर विमान हवेतच गट्यांगळ्या खाऊ लागले. एका उड्डाणपुलालाही विमानाने निसटसा धक्का दिला. त्यानंतर ते नदीत कोसळले.
