नितीन कदम आणि अश्विनी कदम यांचा थेट जनसंपर्क अभियानाअंतर्गत महाइ सेवा केंद्राचे होणार उद्घाटन
पुणे- राज्याचे उपमुख्यमंत्री आणि राष्ट्रवादीचे नेते अजितदादा पवार यांच्या वाढदिवसा चे औचित्य साधून नगरसेविका अश्विनी कदम आणि पर्वती विधानसभा मतदार संघाचे राष्ट्रवादीचे अध्यक्ष नितीन कदम यांनी आपल्या थेट जनसंपर्क आभियांच्या अंतर्गत सर्व शासकीय दाखले नागरिकांना मोफत देण्याचा उपक्रम सुरु करत असून त्याचे उद्घाटन आणि कदम दाम्पत्यांच्या महा इ सेवा केंद्राचे उद्घाटन उद्याच खासदार आणि अभिनेते डॉ. अमोल कोल्हे यांच्या हस्ते होत आहे .
नगरसेविका अश्विनी नितीन कदम यांचे जनसंपर्क कार्यालय,गुरुकृपा टॉवर, अरण्येश्वर चौक, पर्वती येथे उद्या शुक्रवारी सायंकाळी ६ वा.उद्घाटनाचा हा कार्यक्रम कोरोनाचे नियम पाळून करायचा असल्याने दक्षता घेऊन तो करणार आहोत असे सांगून नितीन कदम म्हणाले कि,’ अनेक नागरिकांना वेळोवेळी विविध शासकीय दाखल्यांची गरज लागते आणि वेळेवर मग त्यांची तारांबळ उडते काही समाज कंटक त्यांच्या वेळेचा फायदाही घेतात , नागरिकांना योग्य मार्गदर्शन न मिळाल्याने कधी कधी फसगत हि होते हे होऊ नये म्हणून जेव्हा नागरिकांना गरज असेल तेव्हा त्या त्या शासकीय दाखल्यांसाठी नागरिक येथे येऊ शकतात आणि मोफत त्यांना त्यांचे दाखले काढून देण्याचे काम येथून केले जाईल . महा ई सेवा केंद्रांच्या माध्यमातून विविध प्रकारची प्रमाणपत्रे, परवाने, अनुज्ञप्ती आणि इतर सेवा प्रदान केल्या जाणार आहेत. सर्वसामान्य नागरिक आवश्यक असणाऱ्या सेवांचा अर्ज ऑनलाईन स्वरूपात भरून आवश्यक व उपलब्ध त्या सेवा कोणत्याही अडथळ्याशिवाय प्राप्त करू शकणार आहेत. यामुळे नागरिकांना शासकीय कामकाजाबाबतीत मानसिक समाधानव वेळेची बचत होऊन दिलासा प्राप्त होणार आहे.