महापौर मुक्ता टिळक यांच्याकडून ‘ स्वातंत्र्यवीरायण ‘ च्या कलाकारांचे कौतुक
पुणे :
‘ पुण्यातील युवा रंगकर्मींनी एकत्र येऊन केलेल्या ‘ स्वातंत्र्यवीरायण ‘ या स्वातंत्र्यवीर वि. दा . सावरकर यांच्या जीवनगाथेवरील नाटकाच्या सादरीकरणाला रविवारी दुपारी पुणेकरांचा उस्फूर्त प्रतिसाद मिळाला . यशवंतराव चव्हाण नाट्यगृह कोथरूड येथील प्रयोगादरम्यान पुण्याच्या महापौर मुक्ता टिळक यांनी कलाकारांची भेट घेऊन त्यांचे कौतुक केले आणि शुभेच्छा दिल्या .
‘युवा कलाकारांनी हा विषय कला सादरीकरणासाठी निवडला हीच मोठी कौतुकाची गोष्ट आहे ‘ असे त्या म्हणाल्या .
प्रसिद्ध युवा कलाकार अथर्व कर्वे दिग्दर्शित या नाटकाचा शुभारंभाचा प्रयोग शनिवारी दुपारी भरत नाट्य मंदिर येथे झाला होता ,त्यानंतर दुसरा प्रयोग यशवंतराव चव्हाण नाट्यगृह कोथरूड येथे रविवारी दुपारी झाला . याही प्रयोगाला पुणेकरांचा उत्स्फूर्त प्रतिसाद लाभला .
निर्माता डॉ . डी . एन .गंजेवार ,गौरी बीडकर ,सौ . वर्षा कर्वे उपस्थित होते .
‘स्वातंत्र्यवीरायण ‘नाटकाचे लेखक अथर्व देशपांडे ,शार्दूल अनसिंगकर असून दिग्दर्शन अथर्व कर्वे याने केले आहे . डॉ . डी . एन . गंजेवार हे निर्मिता आहेत .
अथर्व कर्वे, ऐश्वर्या तुपे, आदित्य बीडकर, पूर्वा देशपांडे, ऋत्विक व्यास, अमित कुलकर्णी, सोहम देवधर ,पार्थ कुलकर्णी, ऋत्विक व्यास ,राजस कुलकर्णी यांच्या भूमिका या नाटकात आहेत . नेपथ्य सोनम चव्हाण यांचे असून वेशभूषा पूर्वा देशपांडे यांची आहे .