पुणे: ट्रिनिटी इंजिनिअरींग व इंजिन इनसाईट प्रायव्हेट लिमिटेड यांच्या सहकार्याने आयोजित अव्हेरनेस क्लब क्रिकेट करंडक स्पर्धेत एच.के बाऊंस क्रिकेट अकादमी संघाने ट्रिनिटी सी.ओ.ई संघाचा पराभव करत स्पर्धेत आगेकुच केली.
के.जे इन्स्टिटयूट, पुणे येथे सुरू असलेल्या या स्पर्धेत साखळी फेरीत प्रभाकर ठाकरेच्या दमदार 81 धावांच्या बळावर एच.के बाऊंस क्रिकेट अकादमी संघाने ट्रिनिटी सी.ओ.ई संघाचा 49 धावांनी दणदणीत पराभव केला. पहिल्यांदा खेळताना एच.के बाऊंस क्रिकेट अकादमी संघान 20 षटकात 9 बाद 180 धावा केल्प्रया. यात निखिल वाघने 22 व अनिकेत कुंभारने 16 धावा करून भाकरला सुरेख साथ दिली. 180 धावांच्या आव्हानाचा पाठलाग करताना ट्रिनिटी सी.ओ.ई संघाचा डाव 20 षटकात 8 बाद 131 धावांत रोखला. यात अमोल ठोंबरेने 25 तर शिवलिंग अन्सीरेने 21 धावा करून संघाच्या डावाला आकार दिला. एच.के बाऊंस क्रिकेट अकादमी संघाकडून लैकीक सुर्यवंशी 3 तर निखिल वाघने 2 गडी बाद करत संघाला विजय मिळवून दिला. प्रभाकर ठाकरे सामनावीर ठरला.
स्पर्धेचा सविस्तर निकाल- साखळी फेरी
एच.के बाऊंस क्रिकेट अकादमी- 20 षटकात 9 बाद 180 धावा(प्रभाकर ठाकरे 81(42), निखिल वाघ 22, अनिकेत कुंभार 16, कुणाल टिळेकर 4-27, रोहन हवळे 2-37, शुभम सुराना 1-25, अक्षय येवले 1-40) वि.वि ट्रिनिटी सी.ओ.ई- 20 षटकात 8 बाद 131 धावा(अमोल ठोंबरे 25, शिवलिंग अन्सीरे 21, लैकीक सुर्यवंशी 3-20, निखिल वाघ 2-22) सामनावीर- प्रभाकर ठाकरे
एच.के बाऊंस क्रिकेट अकादमी संघाने 49 धावांनी सामना जिंकला.