जगप्रसिद्ध रॅम्बो सर्कस उद्योगनगरीतील नवी सांगवी परिसरात सुरू होत आहे. सर्कशीचा नवी संगवीच्या पीडब्ल्यूडी मैदान साई चौक, शुभारंभ आज रविवार दि. ८ मे २०१६ रोजी सात वाजता. संपूर्ण वातानुकुलीत तंबूत रॅम्बोचे सर्कस शो सादर केले जातात. रॅम्बो सर्कसला युरोपातील मोनॅको देशात मोन्टोकार्लो येथे मुख्यालया असलेल्या जागतिक सर्कस महासंघाचे सदस्यत्व मिळाले असून असा मान मिळवणारी आशिया खंडातील ती पहिलीच सर्कस आहे.
या सर्कसचे रोज दुपारी ४ आणि ७ असे दोन खेळ होणार असून, ४०० रूपये, ३०० रूपये, २०० रूपये, १०० रूपये असे तिकीट दर आहेत. तीन वर्षाखालील बालकांना मुक्त प्रवेश आहे. सर्कस प्रमींसाठी वाहनतळाची व्यवस्था करण्यात आली आहे. सामाजिक जबाबदारी म्हणून अंध, अपंग व्यक्तींना विनामूल्य प्रवेश देण्यात येणार आहे. तिकीटांची ऑनलाइन व्यवस्था कऱण्यात आली असून bookmyshow.com तिकीटे उपलब्ध करण्यात आली आहेत. तसेच सर्कसच्या ठिकाणी सकाळी ९ ते संध्याकाळी ६ वाजेपर्यंत ऍडव्हान्स बुकींगची करता येईल.
सर्कसमध्ये यंदाही भारतीय कलाकारांसमावेत परदेशी कलावंत असून त्यात दक्षिण अमेरिका, रशिया, कोलंबिया, आर्मेनियम, नेपाळ, टांझानिया या देशातील कलाकारांचा समावेश आहे. सर्कसमध्य एकून ११० पुरूष व स्त्री कलावंतांचा समावेश असून सुमारे १५० अन्य कर्मचारी आहेत. त्यात मॅनेजर, डोअरकिपर, शिंपी, सुतार, लोहार, स्वयंपाकी इत्यादींचा समावेश आहे. सर्कसमध्ये बालगोपाळांचे विशेष आकर्षण असलेले ६ विदूषक आहेत. प्राण्यांमध्ये ४ हत्ती, १६ ऑस्ट्रलियन कुत्री, ३ घोडे, १ ट्टू आहे.
सर्कसमध्ये आकर्षक कलाविश्कार सादर केले जातात. त्यात लेझरमॅन, व्हील ऑफ डेथ, फ्लाईंगट्रॅपिज, बाऊन्सबॉल, जगलिंग, कंटोर्शन, ग्लायडर, ट्रीपल ट्रॅपिज, रोप बॅलन्सिंग, सायकलिंग, पिरॅमिडस, हट जगलिंग, सिल्क, तलवारीवर बॅलन्सिंग, शूटिंग स्कायवॉक, हायकप, रोलाबोला, डबलरिंग, कंटोर्शन जर्मन व्हील, फायर ऍक्ट, हत्ती क्रिकेट, डॉग शो, लूज वायर आदी कलाप्रकारांचा समावेश आहे. सर्कसमध्ये स्वतंत्र बॅँण्ड, अद्ययावत म्युझिक सिस्टिम, स्मोक मशिन, लेझर लाइटस असून ४२० फूट व्यासाचा प्रचंड वातानुकूलित तंबू आहे.
