पुणे: मराठी चित्रपटसृष्टीतील ज्येष्ठ अभिनेते नंदू पोळ यांचे आज सकाळी आजारपणामुळे धनकवडी येथील प्रयाग हॉस्पिटलमध्ये निधन झाले. ते 65 वर्षांचे होते.
श्री गणराय नर्तन करी’ या ‘घाशीराम कोतवाल’ नाटकाच्या नांदीवर पदन्यास करणाऱ्या कलाकारांच्या रांगेतील सर्वाधिक लक्ष वेधून घेणारी वामनमूर्ती.. ‘सामना’मधील मास्तरांना सेवा देणारा वेटर.. ‘गाढवाचं लग्न’ चित्रपटातील राजा.. छोटय़ा पडद्यावरील ‘नाजूका’ मालिकेद्वारे घराघरात पोहोचलेला ‘धम्र्या’.. अशा भूमिकांसह गणपती मंडळांच्या देखाव्यांमागचे शब्द-सूर ध्वनीमध्ये बांधण्यासाठी रात्र-रात्र जागविणारा तंत्रज्ञ.. ‘थिएटर अॅकॅडमी’चे एक संस्थापक-सदस्य.. शास्त्रीय संगीताच्या मैफली, जुनी हिंदूी
चित्रपटगीते यांविषयी रात्री कट्टय़ावर भरभरून गप्पांचा फड रंगविणारे रसिकराज.. अशा या हरहुन्नरी कलाकाराचा जीवनप्रवासाची आज अखेर झाली
पोळ यांनी घाशीराम कोतवाल, सामना, गाढवाचं लग्न यामध्ये महत्वपूर्ण भूमिका साकारल्या होत्या. गेल्या अर्धशतकापासून अधिक काळ चित्रपट, रंगभूमीला मोलाचे योगदान देणारे पोळ यांनी एकाकी घेतलेली ही एक्झिट मनाला हुररूर लावून गेली.
नंदू पोळ यांनी बालवयातच ‘साष्टांग नमस्कार‘ नाटकापासून अभिनयाचा प्रवास सुरू केला होता.ते ध्वनिमुद्रण तंत्रज्ञही होते. त्यासाठी त्यांनी स्वत:चा स्टुडिओ काढला होता.
उत्कर्ष प्रकाशनतर्फे ‘मी नंदू पोळ’ या पुस्तकाचे २ मे २०१४ प्रकाशन मान्यवरांच्या उपस्थितीत प्रकाशन झाले होते .
