पुणे : सरदह, पुणेचे संस्थापक संजय नहार यांचा एकसष्ठी अभीष्टचिंतन सोहळा, त्यांच्यावरील गौरव ग्रंथाचे प्रकाशन आणि सरहदचा त्रिदशकपूर्ती सोहळा गुरुवार, दि. २७ ऑगस्ट २०२६ रोजी सायंकाळी ४ वाजता गणेश कला क्रीडा मंच येथे आयोजित करण्यात आला आहे.
संजय नहार गौरव समितीतर्फे या कार्यक्रमाचे आयोजन करण्यात आले आहे. नहार यांचा सत्कार उपमुख्यमंत्री एकनाथ शिंदे यांच्या हस्ते होणार असून माजी केंद्रीय गृहमंत्री सुशीलकुमार शिंदे अध्यक्षस्थानी असणार आहेत. उच्च व तंत्रशिक्षण मंत्री चंद्रकांत पाटील, उद्योग व मराठी भाषा मंत्री उदय सामंत, नगरविकास, परिवहन राज्यमंत्री माधुरी मिसाळ, विदर्भ साहित्य संघाचे अध्यक्ष गिरीश गांधी, ज्येष्ठ साहित्यिक डॉ. सदानंद मोरे, पुणे बुक फेस्टिव्हलचे मुख्य समन्वयक राजेश पांडे, ज्येष्ठ पत्रकार राजीव खांडेकर, माजी खासदार रणजीतसिंह मोहिते पाटील यांची प्रमुख उपस्थिती असणार आहे. विशेष अतिथी म्हणून जम्मू काश्मीर येथील डीपीएस स्कूलचे अध्यक्ष विजय धर, मणिपूरमधील राज्यसभा खासदार प्रमोद बोडो, जम्मू काश्मीरचे माजी वित्तमंत्री हसीब द्राबू, रॉचे माजी प्रमुख ए. एस. दुल्लत, लडाख येथील खासदार मोहम्मद हनीफा जान, जम्मू काश्मीरमधील ज्येष्ठ उद्योजक मुश्ताक छाया, ग्रेटर काश्मीरचे मुख्य संपादक फैय्याज कल्लु यांची उपस्थिती असणार आहे, अशी माहिती गौरव समितीचे अध्यक्ष डॉ. शैलेश पगारिया, कार्याध्यक्ष शैलेश वाडेकर यांनी निवेदनाद्वारे कळविली आहे.
