पुणे : पुणे महानगरपालिकेच्या पाणीपुरवठा विभागाकडून एस.एस.डी.टी. (एम.एल.आर.) झोनच्या डिलिव्हरी साईडवरील प्रमुख व्हॉल्व्हची तातडीची दुरुस्ती करण्यात येणार असल्याने (५ ऑगस्ट) दुपारी २ ते सायंकाळी ७ वाजेपर्यंत शहरातील काही भागांचा पाणीपुरवठा बंद राहणार आहे. तसेच ६ ऑगस्ट रोजी सकाळचा पाणीपुरवठा उशिरा व कमी दाबाने होण्याची शक्यता असल्याची माहिती महापालिकेच्या पाणीपुरवठा विभागाने दिली आहे.महापालिकेने नागरिकांना आवश्यक तेवढा पाणीसाठा करून ठेवण्याचे तसेच पाण्याचा काटकसरीने वापर करण्याचे आवाहन केले आहे. दुरुस्तीचे काम पूर्ण झाल्यानंतर पाणीपुरवठा टप्प्याटप्प्याने पूर्ववत करण्यात येणार असल्याचेही स्पष्ट करण्यात आले आहे.
पाणीपुरवठा बंद राहणारे प्रमुख भाग :एस.एस.डी.टी. (एम.एल.आर.) झोनअंतर्गत लॉ कॉलेज रोड, पौड रोड, शिला विहार कॉलनीअंध सोसायटी, भीमनगर, वेदांतनगरी, तुळशीबाग कॉलनी परिसर, सहवास, विश्वास, मनोहर सोसायटीविठ्ठल मंदिर परिसर, गोसावी वस्ती, डी.पी. रस्ता (भाग), मयूर कॉलनी, कर्वेनगरएरंडवणे, नळस्टॉप, सहकार वसाहत, भारतनगर, अभिनवनगरडेक्कन परिसर, हिमाली सोसायटी, वारजे परिसरातील काही भागतसेच औंध, बोपोडी, पुणे विद्यापीठ परिसर, खडकी, चतु:शृंगी टाकी परिसर, औद्योगिक वसाहतीसह संबंधित भाग.महापालिकेने दिलेल्या माहितीनुसार, दुरुस्ती पूर्ण झाल्यानंतर पाणीपुरवठा पूर्ववत करण्यात येईल. मात्र, दुसऱ्या दिवशी सकाळी काही भागात कमी दाबाने किंवा उशिरा पाणी येण्याची शक्यता असल्याने नागरिकांनी त्यानुसार नियोजन करावे, असे आवाहन करण्यात आले आहे.
