पुणे-लाेहगाव वाघाेली रस्त्यावरील इंडियन ऑईल पेट्राेल पंपावर दराेडा टाकण्याचे तयारीत असलेल्या एका टाेळीला विमानतळ पोलिसांनी गजाआड केले आहे. याप्रकरणी पाच आराेपींना अटक करण्यात आली असून त्यांचेवर विमानतळ पोलिस ठाण्यात दराेडयाचा गुन्हा दाखल करण्यात आला आहे.
१ ) उमेश राम गायकवाड वय ३० वर्षे रा.साडेसतरा नळी साई मंदीराजवळ हडपसर पुणे ०२) सुर्यकांत धोंडिबा रासगे वय ४२ वर्षे रा.राजीव गांधीनगर रासगे आळी मुंढवा पुणे ०३) संतोष हरिदास गायकवाड वय ३७ वर्षे रा. रेणुका माता मंदीराजवळ गायरान वस्ती केशवनगर मुंढवा पुणे ०४) नितीन शंकर जाधव वय २९ वर्षे रा. सर्वोदय कॉलनी मुंढवा पुणे ०५) शेखर सिताराम गायकवाड वय ५८ वर्षे रा. सर्वोदय कॉलनी मुंढवाअशी याप्रकरणी अटक करण्यात आलेल्या आराेपींची नावे आहे. विमानतळ पोलिस स्टेशनचे तपास पथकाचे प्रभारी अधिकारी सपाेनि विजय चंदन, पाेऊनि रविंद्र ढावरे असे पथकासह पोलिस स्टेशनचे हद्दीत गस्त घालत हाेते. त्यावेळी पोलिस नाईक अंकुश जाेगदंडे यांना माहिती मिळाली की, फाॅरेस्ट पार्क मधून लाेहगावकडे जाणाऱ्या रस्त्याचे उत्तरेस असणारे भिंतीलगत चार ते पाच व्यक्ती झाडीत बसले असून त्यांचेकडे हत्यारे आहे. त्यांच्यात आपआपसात चर्चा चाललेली असून ते एखादा माेठा गुन्हा करण्याची शक्यता आहे.
त्यानुसार पोलिसांनी सापळा रचून शिताफीने पाच आराेपींना अटक केली. त्यांच्या ताब्यातून कटावणी, स्कू ड्रायव्हर, हेक्साब्लेड , दाेरी, मिरची पुड असे दराेडयाचे साहित्य जप्त करण्यात आले आहे.
पुढील तपास सहायक पोलीस निरीक्षक विजय चंदन हे करीत आहेत.
सदरची कामगिरी अपर पोलीस आयुक्त पुर्व प्रादेशिक विभाग पुणे शहर, रंजन कुमार शर्मा पोलीस उप आयुक्त, शशिकांत बोराटे, सहा पोलीस आयुक्त संजय पाटील यांचे मार्गदर्शनाखाली वरिष्ठ पोलीस निरीक्षक विमानतळ पोलीस स्टेशन, पुणे शहर विलास सोंडे पोलीस निरीक्षक गुन्हे संगीता माळी, सपोनि विजय चंदन, पोलीस उप निरीक्षक रविंद्र ढावरे पोलीस अंमलदार अविनाश शेवाळे, अंकुश जोगदंडे, सचिन कदम, रुपेश पिसाळ, सचिन जाधव, नाना कर्चे, गिरीष नाणेकर, योगेश थोपटे, विशाल निलख, दादा बर्डे, ज्ञानेश्वर आवारी यांचे पथकाने केलेली आहे.