पुणे-वारजे पोलिस ठाण्याच्या हद्दीत एसबीआय एटीएम लुटण्याच्या तयारीत असलेल्या एका टोळीला पकडण्याची कारवाई करताना दरोडेखोरांनी पोलिसांवर गोळीबार केला.या घटनेत एक पोलिस कर्मचारी जखमी झाला आहे. पोलिसांनी देखील बचावासाठी गोळीबार केला. या थरारावेळी एका आरोपीने धारदार कोयता पोलिसांवर फेकून मारले. याप्रकरणी पोलिसांनी पाच आरोपींना अटक केली असल्याची माहिती गुन्हे शाखेचे पोलिस उपायुक्त अमोल झेंडे यांनी दिली.पोलीस उप-निरीक्षक नेमणुक गुन्हे शाखा युनिट ३,चे राहुल पवार यांनी यासंदर्भात फिर्याद नोंदविलीआहे.१) अमोल अंकुश लामतुरे वय २७ वर्षे रा. आंनदनगर पोस्ट ऑफिसजवळ, लातुर सध्या रा. पुणे रेल्वे स्टेशन परीसर २) राजु पुनीचंद शिंदे वय ३९ वर्षे रा. पुणे स्टेशन परीसरात ३) सचिन मारूती खैरे वय ३० वर्षे रा. मु. पो. भुगाव, ता. मुळशी, जि. पुणे ४) गणेश मारुती खैरे वय ३२ वर्षे रा. स. नं. ३३, सुभाष बराटे चाळ, दत्तनगर, वारजेगाव, पुणे ५) अक्षय उध्दव सोळुंके वय २२ वर्षे रा. स. नं. ३३, सुभाष बराटे चाळ, दत्तनगर, वारजे गाव, पुणे या ५ जणांना पोलिसांनी अटक केली आणि त्यांचे ४ साथीदार मात्र यावेळी पळून गेले.
पोलिसांनी दिलेल्या माहितीनुसार ,वारजे येथे एटीएम लुटण्याच्या तयारीत एक संशयित दरोडेखोरांची टोळी तयारीत होती. दरम्यान, पुणे पोलिसांतर्फे शोध मोहीम सुरू असतांना त्याना हा प्रकार त्यांना दिसला. संबधित दरोडेखोरांना पोलिस अटक करण्याचा प्रयत्न करत असतांना दरोडेखोरांनी त्यांच्या जवळील बंदूक पोलिसांवर रोखली. दरम्यान, एका आरोपीने गोळी झाडल्याने तसेच एकाने कोयता फेकून मारल्याने एक पोलिस कर्मचारी दरोडेखोर आणि पोलिस यांच्यात झालेल्या धुमश्चक्रीत जखमी झाला आहे.पोलिसांचे गुन्हे शाखेचे एक पथक हे रात्री एकच्या दरम्यान गस्त घालत होते. यावेळी कोंबिंग ऑपरेशन सुरू होते. दरम्यान गुन्हे शाखेकडील युनिट ३ चे अधिकारी व कर्मचारी , एसीपी सुनील तांबे वारजे माळवाडी पोलिस ठाण्याच्या हद्दीत म्हाडा वसाहतीजवळ असलेल्या एसबीआयच्या एटीएम मशीन जवळ आठ ते दहाजण हे एटीएम लुटण्याच्या तयारीत असल्याचे पोलिसांना दिसले. या दरोडे खोरांना पकडण्यासाठी सहायक पोलिस आयुक्त सुनील तांबे, युनिट 3 चे वरिष्ठ पोलिस निरीक्षक श्रीहरी बहिरट, पोलिस उपनिरीक्षक राहुल पवार व युनिट तीनचे पथक त्यांना ताब्यात घेण्यासाठी त्यांच्या दिशेने जात असताना एका संशयित आरोपीने पोलिस पथकाच्या दिशेने पिस्तुल रोखले.
यावेळी आरोपींनी पोलिस पथकाच्या दिशेने गोळीबार केला. पोलिस पथकाने आरोपीच्या दिशेने फायरींग केले. यादरम्यान झालेल्या झटापटीमध्ये एका आरोपीने पोलिस शिपाई कट्टे यांच्या दिशेन कोयता फेकून मारल्याने ते जखमी झाले. दरम्यान, आरोपी पळून जात असतांना पाच जणांना पोलिसांनी अटक केली. तर इतर पाच आरोपी हे अंधारातून टेकडीच्या दिशेने पळून गेले. त्यांच्यावर पोलिसांनी गोळीबार केला असून इतर आरोपींचा शोध चालू आहे. याबाबत वारजे माळवाडी पोलिस स्टेशन येथे गुन्हा दाखल करण्यात आला आहे. ताब्यात घेण्यात आलेल्या आरोपीकडून एक गावठी कट्टा , चार राऊंड, दोन लोखंडी कोयते, कटावणी, स्क्रू ड्रायव्हर ,हातोडा असा मुद्देमाल जप्त केला आहे. ताब्यात घेतलेले आरोपी रेकॉर्ड वरील सराईत गुन्हेगार असून त्यांच्या विरूद्ध विविध गंभीर गुन्हे दाखल आहेत.
गुन्हे शाखा युनिट ३ चे वरिष्ठ पोलीस निरीक्षक श्रीहरी बहिरट (मो.नं. ९७०२८५१८६७) यापाराक्र्णी तपास करत आहेत .