पुणे- कोरेगाव पार्कातील हॉटेल ,बार,जिम असे सुमारे ५०हजार चौरसफुटाचे बेकायदा बांधकाम उध्वस्त करण्याची मोठी कारवाई आज पुणे महापालिकेने केली आहे.
पुणे पेठ कोरेगाव पार्क येथील संगमवाडी टीपी स्कीम अंतिम भूखंड क्रमांक ४०५ येथे अनधिकृतरित्या विकसित करण्यात आलेल्या हॉटेल्स व इतर कच्च्या व पक्क्या स्वरूपाच्या बांधकामावर दिनांक ०५/०६/२०२४ रोजी बांधकाम विकास विभाग झोन क्र. ४ कडून कारवाई करण्यात आली या बांधकामास दि. ३१/१२/२०२० रोजी नोटीस देण्यात आली होती परंतु या नोटीस बाबत सदर वादी यांनी मनपा कोर्टात दावा दाखल केला या दाव्याबाबत न्यायालयाचा निकाल प्राप्त झाल्यानंतर महानगरपालिकेने लगेच कारवाई हाती घेतली व पूर्ण केली परंतु वादी यांनी कारवाई झाल्यानंतर कोर्टाकडून स्टे घेतला व पुन्हा सदर ठिकाणी अनधिकृत बांधकाम विकसित करून नव्याने हॉटेल व इतर व्यावसायिक वापर चालू केले याबाबत नागरिकांच्या तक्रारी देखील प्राप्त झाल्या त्या अनुषंगाने सर्वांना ज्ञात करून व महापालिकेच्या विधी विभागा सोबत कायदेशीर बाबत सल्ला मसलत करून नव्याने विकसित केलेल्या बांधकामास नोटीस दिली व कारवाई केली. त्या ठिकाणी करण्यात आलेल्या अनधिकृत बांधकाम करून हॉटेलचा वापर चालू केला होता जागेवर कोणतीही अग्निशमन प्रतिबंधक उपाययोजना व पार्किंगची सोय नसल्याने येथे सार्वत्रिक सुट्ट्या च्या काळात तसेच अन्य दिवशी वाहतुकीस अडथळा येत होता. कारवाई सुरू करताना संबंधित व्यावसायिकांनी कारवाईस रोष दर्शविला त्यानुसार स्थानिक पोलीस यंत्रणा व संबंधित उपायुक्त पोलीस व सहाय्यक आयुक्त पोलीस यांना संपर्क साधला असता कायदेशीर बाबीमुळे कारवाई सुरू करण्यास विलंब झाला परंतु नंतर पोलीस बंदोबस्तात कारवाई पूर्ण करण्यात आली यासाठी जॉ-कटर, जेसीबी इत्यादी आधुनिक साधनांचा वापर करण्यात आला या कारवाईसाठी खालील प्रमाणे मनुष्यबळ व साधन सामग्री वापरण्यात आली.
१) उप अभियंता व बांधकाम विभागाकडील सेवक वर्ग – एकूण १३ सेवक
२) मनपाकडील अतिक्रमण विभागाचे पोलीस अधिकारी व एम एस एफ चे जवान – एकूण १८ सेवक
३) स्थानिक अधिकारी व पोलीस कर्मचारी एकूण २२ सेवक
४) वापरण्यात आलेली साधनसामग्री
१) जॉ कटर – १
२) जेसीबी – ६
३) गॅस कटर – २
५) कारवाईदरम्यान खालील बांधकाम निष्कासित करण्यात आली
१. हॉटेल चूल मटण –
२. हॉटेल बारमंका कॅफे किचन –
३. पूजा फ्रुट अँड व्हेजिटेबल –
अंदाजे २५ मी X १५ मी १८ मी X ५ मी ४६५ चौमी प्लास्टिक- फॅब्रीक शेड व फॅब्रीकेशन शेड
अंदाजे २२ मी x २५ मी ५५० चौमी फॅब्रीकेशन सह प्लास्टिक-
पत्राशेड व विटाचे बांधकाम.
अंदाजे ५ मी X ३ मी १५ चौमी पत्रा शेड
४. लजिज चिकन सेंटर –
अंदाजे ४ मी X ३ मी १२ चौमी पत्रा शेड
५. पत्रा खोल्या –
अंदाजे १५ मी X ४ मी X २ नग १२० चौमी पत्रा खोल्या
६. पालमोको डाईन, ड्रिंक, डान्स
अंदाजे २५ मी X २० मी ५०० चौमी पत्रा शेड व अंदाजे २० मी X ३६ मी = ७२० चौमी प्लास्टिक फॅब्रीक व फॅब्रीकेशन शेड
७. क्रिकेट टर्फ व शेड –
अंदाजे ३५ मी X २७ मी अंदाजे १६ मी X १२ मी ९४५ चौमी नेट व फॅब्रीकेशन फ्रेम वर्क/टर्फ व १९२ चौमी पत्रा शेड
८. मसल बार जिम –
अंदाजे ४० मी X २० मी बांधकाम ८०० चौमी फॅब्रीकेशन सह पत्राशेड व विट
एकूण क्षेत्रः ४६,५०० चौ. फुट
