पुणे –
मार्केटयार्ड येथून जाणाऱ्या 14 व 15 वर्षाच्या दाेन मुलींना ‘तुम्ही दाेघी खुप छान दिसता, सेक्सी हाॅट दिसता, तुम्ही आम्हाला आवडता’ असे म्हणत मुलींच्या शरीराला हात लावून त्यांचे मनास लज्जा निर्माण करुन विनयभंग करण्यात आल्याचा प्रकार घडला आहे. याप्रकरणी दाेन आराेपींना मार्केटयार्ड पोलिसांनी अटक केली आहे.
मानव संदिप अडागळे (वय-20) व आकाश साेनवणे (26, दाेघे रा.मार्केटयार्ड, पुणे) असे अटक करण्यात आलेल्या आराेपीची नावे आहे. याबाबत मुलींच्या 30 वर्षीय आईने आराेपी विराेधात तक्रार दिली आहे. पोलिसांनी दिलेल्या माहितीनुसार, तक्रारदार यांची 14 वर्षाची पिडित मुलगी व तिची 15 वर्षाची मैत्रिण असे मार्केटयार्ड याठिकाणावरुन चालत जात हाेत्या. त्यावेळी आराेपी मानव अडागळे व आकाश साेनवणे यांनी सदर दाेन्ही मुलींना, ‘तुम्ही दाेघी खूप छान दिसता, सेक्सी हाॅट दिसता, तुम्ही आम्हाला आवडता’ असे म्हणून आराेपीने आकाश साेनवणे याने एका मुलीच्या खांद्याला व छातीला हात लावून तीचे मनास लज्जा उत्पन्न केली. याप्रकरणी पुढील तपास सहाय्यक पोलिस निरीक्षक एस पाटील करत आहे.