पुणे :
‘रोटरी क्लब ऑफ पुणे सेंट्रल’ आणि ‘इनरव्हिल क्लब ऑफ पुणे सेंट्रल’च्या संयुक्त विद्यमाने ‘ख्रिसमस पार्टी’चे आयोजन केले होते. या पार्टीमध्ये विविध संस्थामधील २५० विशेष मुले सहभागी झाली होती. यामध्ये अंध, कॅन्सरग्रस्त आणि मूक-बधिर मुलांचा सहभाग होता. सहभागी मुलांनी जादूचे प्रयोग, विविध खेळ, जंपिंग, संगीत खुर्ची, टॅटू आणि नृत्य प्रकार आदी मनोरंजनाच्या कार्यक्रमांचा आनंद लुटला. या उपक्रमाचे हे १२ वे वर्ष आहे.
ही ‘ख्रिसमस पार्टी ’ बुधवारी ‘लेडिज क्लब’, ब्लू नाईल जवळ, दस्तूर शाळे समोर, 3 लेफ्टनंट कॉलोनी, तारापूर रोड, कॅम्प, पुणे -०१ येथे दुपारी ३ ते ६ या वेळेत पार पडली.
यावेळी ‘रोटरी क्लब ऑफ पुणे सेंट्रलचे अध्यक्ष संजीव कुमार, ‘इनरव्हिल क्लब ऑफ पुणे सेंट्रल’च्या अध्यक्ष उमा केजरीवाल, अनिल बोरा, अजय चिटणीस, मंजूळा विश्‍वनाथन्, मुनीर चिनॉय आदी मान्यवर उपस्थित होते.
मुलांनी सांताक्लॉज समवेत खाऊ, गाणी याचा आनंद घेतला. त्यांच्यासाठी ही ‘ख्रिसमस पार्टी’ अविस्मरणीय ठरली.
सहभागी संस्थांमध्ये ‘एकलव्य फाऊंडेशन’, ‘कॅन्सर पेशंट असोसिएशन’, भांडारकर रोड येथील मूक -बधिर शाळा, ‘जागृती अंध मुलींची शाळा’ (आळंदी), ‘वेद वासुदेव प्रतिष्ठान’च्या विविध महाविद्यातील अंध विद्यार्थी यांचा समावेश होता. स्वयंसेवी संस्था देखील सहभागी होणार आहेत.
‘रोटरी क्लब’च्या वतीने अनेक सामाजिक उपक्रमांचे आयोजन केले जाते. त्यातील ‘ख्रिसमस पार्टी’ हा एक उपक्रम गेली १२ वर्षे क्लबच्या वतीने राबविण्यात येत आहे. अंध, कॅन्सरग्रस्त मुलांना आनंद मिळावा या प्रमुख उद्देशाने हा उपक्रम राबविला जातो’, अशी माहिती ‘रोटरी क्लब ऑफ पुणे सेंट्रलचे अध्यक्ष संजीव कुमार यांनी दिली.
