पुणे : तिसऱ्या ‘इंडिया ट्रॅव्हल ॲवॉर्ड्स’ (पश्चिम) या पुरस्कार समारंभाची सांगता नुकतीच येथे उत्साहपूर्ण वातावरणात झाली. नगर रोडवरील नोव्होटेल हॉटेलमध्ये हा समारंभ तीन दिवस सुरु होता. प्रत्येक दिवशी वेगवेगळ्या श्रेणीसाठीचे पुरस्कार देऊन मालवाहतूक (कार्गो), आतिथ्य (हॉस्पिटॅलिटी) आणि पर्यटन (ट्रॅव्हल) क्षेत्रांतील सर्वोत्कृष्ट कामगिरी करणाऱ्या विजेत्या संस्थांना सन्मानित करण्यात आले. हे विजेते यानंतर प्रतिष्ठित अशा ‘माया’ करंडकासाठी चुरशीने स्पर्धा करतील.
या समारंभांतर्गत ३ ऑगस्टला ‘इंडिया कार्गो ॲवॉर्ड्स’, ४ ऑगस्टला ‘इंडिया हॉस्पिटॅलिटी ॲवॉर्ड्स’, तर ५ ऑगस्टला ‘इंडिया ट्रॅव्हल ॲवॉर्ड्स’ हे पुरस्कार प्रदान करण्यात आले. ‘ब्लॅक टाय’ या समारोप सत्रानिमित्त पुण्यातील प्रवास व पर्यटन, आतिथ्य आणि मालवाहतूक क्षेत्रातील अनेक नामवंत एकवटले होते. पुण्याचे महापौर प्रशांत जगताप ‘इंडिया हॉस्पिटॅलिटी ॲवॉर्ड्स’ समारंभाचे प्रमुख पाहुणे होते. विशेष पाहुण्या ‘ग्लॅडरॅग्ज मिसेस इंडिया’ विजेत्या सौदामिनी नाईक या सर्व तीन दिवस चाललेल्या कार्यक्रमांना उपस्थित होत्या.
प्रवास व पर्यटन, तसेच मालवाहतूक क्षेत्रातील यश आणि समृद्धीचा उत्कर्ष घडवणे, हा या पुरस्कारांमागील हेतू आहे. यासंदर्भात ‘इंडिया ट्रॅव्हल ॲवॉर्ड्स’चे मेंटॉर श्री. संजीत म्हणाले, की आम्ही या पुरस्कार समारंभाच्या माध्यमातून असाधारण कामगिरी करणाऱ्यांना अभिवादन करतो. यंदा या पुरस्कार समारंभाचे तिसरे वर्ष असून पुरस्कारार्थींच्या निवडीसाठी आम्हाला जगभरातून २.४७ लाख मते प्राप्त झाली. गेल्या काही वर्षांत प्रवास व पर्यटन, तसेच मालवाहतूक क्षेत्रांचा नेत्रदीपक विकास झाला असून त्याचाच ठळक प्रत्यय या पुरस्कार समारंभातून आला आहे. या उद्योगाच्या भरभराटीचा गौरव करण्यास कारणीभूत ठरल्याचा आम्हाला अभिमान आहे आणि हे कार्य यापुढेही आम्ही सुरु ठेवणार आहोत.
पुरस्कारप्राप्त काही प्रतिष्ठित विजेते पुढीलप्रमाणे
बेस्ट बिझनेस हॉटेल : नोव्होटेल, नगर रोड, पुणे
बेस्ट पिल्ग्रिमेज टूर कंपनी : ए. के. इंटरनॅशनल टुरिझम
बेस्ट एनटीओ : साऊथ आफ्रिका टुरिझम
बेस्ट वेडिंग हॉटेल : जे. डब्ल्यू. मॅरियट, सहार, मुंबई
बेस्ट लक्झरी हॉटेल : आयटीसी ग्रँड सेंट्रल, मुंबई
मोस्ट एन्टरप्रायझिंग जनरल मॅनेजर : बंदीश मेहता, नोव्होटेल, नगर रोड, पुणे
बेस्ट मार्केटिंग प्रोफेशनल : राजीव दुग्गल
बेस्ट एअरलाईन : इंटरनॅशनल – एमिरेट्स
बेस्ट कार्गो एअरपोर्ट : केम्पेगौडा इंटरनॅशनल एअरपोर्ट, बंगळुरु
‘बेस्ट पिल्ग्रिमेज टूर कंपनी’ हा पुरस्कार मिळवणाऱ्या ‘ए. के. इंटरनॅशनल टुरिझम’चे अध्यक्ष व व्यवस्थापकीय संचालक डॉ. अमित कामले म्हणाले, की या उद्योगातील दिग्गजांमध्ये समावेश, तसेच सन्मान होणे आमच्यासाठी खरोखर गौरवास्पद आहे. ‘इंडिया ट्रॅव्हल ॲवॉर्ड्स’ हे यासाठीचे खरोखर महान व्यासपीठ होते.
‘इंडिया ट्रॅव्हल ॲवॉर्ड्स’विषयी
‘इंडिया ट्रॅव्हल ॲवॉर्ड्स’ हा उपक्रम भारतीय प्रवास व पर्यटन उद्योगातील उत्कृष्टता निश्चित करुन तिचा गौरव करतो, या क्षेत्रातील व्यावसायिकांना त्यांची उत्पादने व सेवांचा दर्जा मापदंड सातत्याने उंचावण्यासाठी प्रेरणा देतो व या माध्यमातून या क्षेत्राच्या प्रसिद्धी व विकासास साह्य करतो. परीक्षक मंडळाची निवड व मतदान अशा अभिनव प्रणालीवर आधारित असणारे हे पुरस्कार पारदर्शी व निःपक्षपाती असतात ज्याचा समारोप या क्षेत्रातील गुणवंतांचा गौरव करण्याच्या शानदार अशा औपचारिक ‘ब्लॅक टाय’ समारंभाने होतो.
या पुरस्कार उपक्रमाला भारत सरकारच्या पर्यटन मंत्रालयाचे पाठबळ असून आता तो भारतीय पर्यटन उद्योगातील सर्वाधिक नामांकित पुरस्कारांपैकी एक समजला जातो.
या उपक्रमाला ‘पॅसिफिक एशिया ट्रॅव्हल असोसिएशन’ (पीएटीए), ‘असोसिएशन ऑफ डोमेस्टिक टूर ऑपरेटर ऑफ इंडिया’ (एडीटीओआय), ‘आऊटबाऊंड टूर ऑपरेटर्स असोसिएशन ऑफ इंडिया’ (ओटीओएआय), ‘ट्रॅव्हल एजंट्स फेडरेशन ऑफ इंडिया’ (टीएएफआय) व ‘आयएटीए एजंट्स असोसिएशन ऑफ इंडिया’ (आयएएआय) अशा नामवंत व्यापारी मंडळांनीही सहकार्य केले आहे.
‘इंडिया ट्रॅव्हल ॲवॉर्ड्स’अंतर्गत या उद्योगातील सर्वाधिक ठळक क्षेत्रे व उत्पादनांचा गौरव करण्यासाठी विविध पुरस्कार देण्याचा व्यापक कार्यक्रम विकसित करुन त्याचे कार्यान्वयन व संचालन केले जाते. दक्षिण, पूर्व, पश्चिम व उत्तर अशा चार विभागांत पुरस्कार दिले जातात. पुरस्कार विजेत्यांचा वर्षभर गौरव केला जातो आणि पर्यटनविषयक माध्यम सहयोगींकडून त्यांना नियमित प्रसिद्धी दिली जाते.
