पुणे-सोलापूर रस्त्यावर उरळीकांचन पोलिस स्टेशनच्या हद्दीत इनामदारवस्ती येथे भरदिवसा एकाने पिस्तुलातून दोघांवर गोळीबार केल्याची घटना दोन दिवसांपूर्वी घडली होती. याप्रकरणी उद्योजक दशरथ विठ्ठल शितोळे (वय-४६,रा.कोरेगाव, ता.हवेली,पुणे) , त्याची पत्नी निलीबा दशरथ शितोळे (४२), जिग्नेश बापु ऊर्फ दशरथ शितोळे (१९), आशा सुरेश भोसले (५२), निखील अशोक भोसले (२५, सर्व रा.कोरेगाव,ता.हवेली,पुणे) या आरोपींवर गुन्हा दाखल करुन अटक करण्यात आली आहे.

४० लाखांचे आर्थिक देवाणघेवाणीतून सदरचा गोळीबार झाला असल्याचे तपासात निष्पन्न झाले असून आरोपींच्या ताब्यातून स्थानिक गुन्हे शाखेने एक बंदुक तिचे १७५ काडतुसे व पिस्टलचे ४० काडतुसे, तीन बॅरल, दोन खाली मॅगझीन हा मुद्देमाल जप्त केल्याची माहिती पोलिस अधीक्षक पंकज देशमुख यांनी दिली आहे.

या घटनेत काळुराम महादेव गोते व शरद कैलास गोते ( दोघे रा.भिवरी, ता.हवेली,पुणे) हे जखमी झाले आहे. आरोपी व जखमी यांच्यात आर्थिक व्यवहाराचा वाद सुरु होता, तक्रारदार गोते यांचे आरोपीकडे ४० लाख रुपये दीड वर्षापूर्वी उसने दिलेले होते. सदरची रक्कम परत देतो असे सांगुन आरोपीने काळुराम गोते व शरद गोते यांना त्यांचे पैसे परत देतो माझ्या घरी या असे सांगितले.

त्यांना घरी बोलावून पैसे परत मागितल्याच्या रागातून आरोपीने त्याच्याकडील परवाना असलेल्या पिस्टलमधून सदर दोघांवर गोळीबार केला. यात काळुराम गोते याच्यावर जीवे ठार मारण्याचे उद्देशाने चार राऊंड फायरिंग करुन काळुराम गोते यांना हाताला व पायाला राऊंड लागून गंभीर जखमी करण्यात आले आहे.

उरळीकांचन सारख्या मध्यवर्ती गजबजलेल्या ठिकाणी गोळीबार झाल्याने पोलिस अधीक्षक यांनी घटनास्थळी भेट देऊन एलसीबी व उरळीकांचन पोलिस स्टेशन यांचे वेगवेगळे तपास पथक कार्यरत केले. एलसीबीचे पोलिस निरीक्षक अविनाश शिळीमकर यांचे पथकास या गुन्हयातील मुख्य आरोपी हा उरळीकांचन परिसरात रेल्वे रुळाचे पलीकडे असलेल्या शेतात लपवून बसल्याची माहिती मिळाली. त्यानुसार आरोपींना सापळा रचून अटक करण्यात आली आहे.

पुणे – सर्जनशीलता, परंपरा आणि नावीन्याचा अनोखा मेळ घालत, व्ही जॉन इंडिया या पुरुषांसाठीच्या ग्रुमिंग क्षेत्रातील आघाडीच्या कंपनीने ८ फुटी गणपतीच्या आकर्षक मूर्तीचे अनावरण केले असून, ही मूर्ती पूर्णपणे शेविंग क्रीम आणि फोम वापरून बनविण्यात आली आहे. पुण्यातील ग्रँड स्ट्रीट मॉल येथे ‘व्ही जॉन गणपती’ नावाने ही मूर्ती बसविण्यात आली आहे. या मूर्तीला एशिया बुक ऑफ रेकॉर्ड्समध्ये शेविंग क्रीम आणि फोमपासून बनविलेल्या सर्वात मोठ्या गणपतीचे अधिकृत स्थान मिळाले आहे.

दैनंदिन जीवनातील ग्रुमिंगचे महत्त्व अधोरेखित करण्याच्या व्ही जॉन इंडियाच्या प्रयत्नांतून ही सर्जनशील मूर्ती साकारण्यात आली आहे. हुशारी, नवा आरंभ आणि यशाचे प्रतीक असलेल्या गणरायाची निवड करत व्ही जॉन ब्रँडने सेल्फ केयर व ग्रुमिंगचे महत्त्व कल्पकतेने इतरांपर्यंत पोहोचविले आहे. हा संदेश प्रभावीपणे देण्यासाठी व्ही जॉन गणपती, व्ही जॉनची अत्याधुनिक उत्पादने – व्ही जॉन प्रीमियम शेविंग क्रीम आणि व्ही जॉन स्पेशल मॉइश्चरायझिंग फॉर्म्युला- बेस्ड शेविंग फोम वापरून साकारण्यात आला आहे.

हा अशा प्रकारचा पहिलाच गणपती साकारण्यासाठी शेविंग क्रीम आणि फोमचे ३,५०० युनिट्स वापरण्यात आले असून, १५ दिवसांच्या अथक मेहनतीतून मूर्ती तयार करण्यात आली आहे. ही मूर्ती नेत्रदीपक आमि शिल्पकलेचा उत्कृष्ट नमुना असून, ग्रुमिंग आणि सेल्फ-केयर ही ब्रँडची तत्त्वे ठळकपणे अधोरेखित करणारी आहे.

याप्रसंगी व्ही जॉन इंडियाचे विपणन व्यवस्थापक आशुतोष चौधरी म्हणाले, ‘गणेश चतुर्थी हा भक्तीचा, नवी सुरुवात करण्याचा आणि उत्सवाचा काळ असतो. ज्याप्रकारे गणपती बाप्पांना आपल्या हृदयात महत्त्वाचे स्थान आहे, त्याप्रमाणे पर्सनल केयरलाही आयुष्यात महत्त्वाचे स्थान असायला हवे, हे आम्हाला अधोरेखित करायचे होते. व्ही जॉन गणपतीच्या माध्यमातून आम्ही परंपरा जपत ग्रुमिंगचे महत्त्व कल्पकतेनं दाखविले आहे.’

व्ही जॉन गणपतीच्या अनावरणप्रसंगी मॉलमधील ग्राहक आणि भक्तांनी भरभरून प्रतिसाद दिला. या कार्यक्रमाचे प्रमुख आकर्षण असलेल्या या मूर्तीला मीडियामध्येही ठळक प्रसिद्धी मिळाली. यामुळे उत्सवी काळात ब्रँडचे ग्राहकांशी असलेले नाते आणखी दृढ होण्यास मदत झाली आहे.

या उपक्रमासह व्ही जॉन इंडियाने गणेश चतुर्थीचा उत्सव आणि ब्रँडचे तत्त्व यांचा यशस्वीपणे मेळ घालत परंपरा व आधुनिक मूल्यांशी सुसंगत अविस्मरणीय मार्केटिंग कॅम्पेनची निर्मिती केली आहे.

सहजीवन गणेश मित्र मंडळ आयोजित सांस्कृतिक कार्यक्रमात मराठी, हिंदी गीतांचे सादरीकरण
पुणे : प्रसिद्ध गायिका राधा मंगेशकर आणि सुप्रसिद्ध पार्श्वगायक राजेश दातार यांनी सादर केलेल्या सदाबहार मराठी, हिंदी चित्रपट गीतांनी रसिकांची सायंकाळ संस्मरणीय ठरली.
निमित्त होते सहकारनगर क्र. दोनमधील सहजीवन गणेश मित्र मंडळ ट्रस्ट आयोजित सांस्कृतिक महोत्सवाचे. चित्रपट अन्‌‍ चित्रपट गीतांसंदर्भातील विविध किस्से आणि गीतांचे सादरीकरण असा गीतांचा फुलोरा ठरलेला ‌‘नमस्ते बॉलीवुड‌’ हा अनोखा कार्यक्रम रसिकांसाठी पर्वणी ठरला.
कार्यक्रमाची सुरुवात ‌‘हृदयाच्या तालावर नाचे गणेशु‌’ या गीताने झाली. ‌‘कानडा राजा पंढरीचा‌’, ‌‘गोमु संगतीनं माझ्या तू..‌’, ‌‘बुगडी माझी सांडली गं‌’, ‌‘मैने तेरे लिये..‌’, ‌‘रेशमाच्या रेघांनी‌’, ‌‘पिया तोसे नैना लागे रे‌’, ‌‘मधुबन मे राधिका नाचे रे‌’, ‌‘दिवाना हुआ बादल‌’, ‌‘निले निले अंबर पर‌’, ‌‘होश वालो को खबर क्या‌’, ‌‘काटा लगा‌’, ‌‘पहेला नशा पहेला खुमार‌’, ‌‘खैके पान बनारसवाला‌’, ‌‘यारा सिली सिली‌’, ‌‘दर्दे दिल‌’, ‌‘लागा चुनरी मे दाग‌’ आदी गीते तसेच ‌‘ये मेरा दिल प्यार का दिवाना‌’ ही गझल सादर करण्यात आली. कलाकारांच्या सादरीकरणाला रसिकांनी उत्स्फूर्त दाद देत वाद्यांच्या ठेक्यावर तालही धरला.
केदार परांजपे, (सिंथेसायझर), प्रसन्न बाम (संवादिनी), अभिजित जायदे (तबला), विनोद सोनावणे (ऑक्टोपॅड) यांनी समर्पक साथसंगत करीत कार्यक्रमात रंगत आणली. शिल्पा देशपांडे यांनी चित्रपट, चित्रपट गीतांविषयी विविध किस्से सांगत कार्यक्रमात रंग भरले.
श्रीनाथ भिमाले, अश्विनी कदम, अविनाश सुर्वे यांची कार्यक्रमात विशेष उपस्थिती होती.
कलाकार आणि मान्यवरांचा सत्कार सहजीवन गणेश मित्र मंडळ ट्रस्टचे अध्यक्ष नितीन पाटील, उत्सव समितीचे प्रमुख विनय कुलकर्णी, डॉ. स्नेहल तावरे, डॉ. लालसिंग तावरे, अर्चना जोशी, श्रुती नाझिरकर, विजय ममदापूरकर, अमित शहाणे यांच्या हस्ते करण्यात आला.

पुणे- सीआरपीएफ जवानाच्या खासगी बंदुकीतून टोळक्याने केलेल्या गोळीबारात एकाची हत्या झाल्याप्रकरणी 14 जणांवर अटकेची कारवाई करण्यात आली आहे. या प्रकरणी सीआरपीएफ जवानावरही अटकेची कारवाई करण्यात आली आहे.अशी माहिती ग्रामीण पोलीस अधिक्षक पंकज देशमुख यांनी येथे दिली

हवेली पाेलिस स्टेशनच्या हद्दीत सिंहगड गावाचे परिसरात घेरा, सांबरेवाडी याठिकाणी 14 सप्टेंबर राेजी मध्यरात्री 1 च्या सुमारास राेहिल ऊर्फ भाेऱ्या ढिले व तेजस वाघ ( दाेघे रा. खानापूर, पुणे) यांच्यात काही दिवसांपूर्वी झालेल्या किरकाेळ भांडणाचे कारणाचा राग मनात धरुन तेजस वाघ व त्याच्या साथीदारांनी गोळीबार व धारदार शस्त्राने वार केला होता. त्यात राेहित ढिले याचा मृत्यू हाेऊन त्याचा साथीदार साेमनाथ वाघ दाेन गाेळ्या लागल्यामुळे जखमी झाला हाेता. या प्रकरणात 14 आरोपींना अटक करण्यात आली आहे. विशेषतः आराेपींनी सीआरपीएफच्या जवानाच्या खासगी बंदुकीचा वापर करत गाेळीबार केल्याची बाब उघडकीस आल्याने सीआरपीएफ जवानास देखील अटक करण्यात आली आहे.

मंगेश ऊर्फ मुन्ना माेहन दारवटकर (वय-25,रा.काेंडगाव, पुणे), वैभव शिवाजी जागडे (20,रा.वेल्हा,पुणे), सिध्देश राजेंद्र पासलकर (25,रा.आंबेड, पुणे), प्रथमेश मारुती जावळकर (18), सुमीत किरण सपकाळ (20), केतन नारायण जावळकर (23), वैभव किशाेर पवार (18), तेजस चंद्रकांत वाघ (24), गणेश अंकुश जावळकर (23), आकाश अनंता वाघ (27, सर्व रा.खानापूर, पुणे), वरुण रामदास दारवटकर (36,रा.आंबेड,पुणे), माेहन सबाजी चाेर (52,रा.तळेगाव दाभाडे,पुणे), विकास विलास नारगे (26,रा.सांबरेवाडी, पुणे) व साकहिल बाळु काेंडके (21,रा.सांबरेवाडी,पुणे) अशी अटक करण्यात आलेल्या आरोपींची नावे आहेत.

पाेलिस अधिक्षक पंकज देशमुख यांनी सांगितले की, राेहित ढिले याने तेज वाघ यास काही दिवसांपूर्वी फाेनवरुन शिवीगाळ करत तुझ्यात दम असेल तर खानापूर चाैकात ये असे आव्हान दिले होते. त्याप्रमाणे तेजस वाघ हा आपल्या मित्रांसह खानापूर येथे गेला हाेता. तिथे राेहित ढिले व त्याचा मित्र यश जावळकर, विकास नारगे, साहिल काेंडके, चेतन जावळकर, प्रविण सांबरे यांनी साेमनाथ अनंता वाघ, तसेच चंद्रकांत वाघ यांना मारहाण केली होती. यावेळी चेतन जावळकर याने त्याच्याकडील बंदुकीतून साेमनाथ वाघ याच्यावर फायरींग करुन त्याचा खूनाचा प्रयत्न केला.

आराेपींनी घटनेच्या दिवशी बेकायदेशीर गर्दी जमवून बंदुकीने हवेत फायर करुन राेहित ढिले याच्यावर लाेखंडी राॅड, काेयता व घातक हत्याराने हल्ला केला. त्यानंतर कार व दुचाकीवरून घटनास्थळावरून पसार झाले. या गंभीर गुन्ह्याचा तपास तातडीने करण्याची सूचना पाेलिस अधिक्षक पंकज देशमुख, अपर पाेलिस अधीक्षक रमेश चाेपडे यांनी एलसीबी पथक व हवेली पाेलिसांना दिल्या हाेत्या. त्यानुसार आराेपींचा माग काढून त्यांना वेगवेगळ्या ठिकाणावरुन जेरबंद करण्यात आले आहे.

पुणे- स्वारगेट ते कात्रज दरम्यानच्या सातारा या हम रस्त्यावर रांका ज्वेलर्स आणि बडी बडी शोरूम्स असलेला वाळवेकर लॉन्स सारखा परिसर असलेल्या डी मार्ट समोर एकाच्या पोटाला चाकू लाऊन चार चोरट्यांनी एकाची ६१ हजाराची जबरी लुट केली.गणेशोत्सव काळात पहाटे पावणेचार वाजण्याच्या सुमारास हि चोरी अज्ञात चोरट्यांनी केली या प्रकरणी भा. न्या. संहिता कलम ३०९ (४), ३(५) अन्वये एका २१ वर्षीय बिबवेवाडीत राहणाऱ्या तरुणाने पोलिसात तक्रार नोंदविली आहे त्याला लुटणाऱ्या मोटार सायकल वरिल चार अज्ञात भामट्यांचा सहकारनगर पोलीस शोध घेत आहेत.
दि.१०/०९/२०२४ रोजी पहाटे ०३/३५ वा. ये सुमारास पुणे सातारा रोड येथील डी-मार्टचे समोर
पुणे येथे यातील फिर्यादी हे ट्रॅव्हल्स गाडीतून मधून उतरून वर नमुद ठिकाणी थांबले असताना मोपेड गाडी वरून आलेल्या चार अनोळखी इसमांनी फिर्यादी यांना घेरून त्यातील एका इसमाने त्याचेकडील चाकु फिर्यादीच्या पोटाला लावुन त्याचा धाक दाखवुन फिर्यादी यांचे खिशातील रोख ३,०००/- रू.व एक मोबाईल असा एकुण ६१,०००/- रू. किमतीचा मुद्देमाल जबरी चोरी करून नेला आहे.फौजदार सागर पाटील मो.नं.८४२४००३९९२ यापाराक्र्णी अधिक तपास करत आहेत.

पुणे : हिंदुस्थानातील पहिला सार्वजनिक गणपती असलेल्या ‘श्रीमंत भाऊसाहेब रंगारी गणपती ट्रस्ट’च्या बाप्पाची विसर्जन मिरवणूक दरवर्षीप्रमाणे यंदाही आकर्षक विद्युत रोषणाईने सजवलेल्या मयूरपंख रथामधून निघणार आहे. मंगळवारी रात्री आठ वाजता टिळक पुतळा येथून या विसर्जन मिरवणुकीला सुरवात होईल, अशी माहिती ट्रस्टचे विश्वस्त आणि उत्सव प्रमुख पुनीत बालन यांनी दिली.

‘श्रीमंत भाऊसाहेब रंगारी गणपती’च्या मिरवणुकीबाबत माहिती देताना उत्सवप्रमुख पुनीत बालन म्हणाले, ‘‘दरवर्षीप्रमाणे यंदाही बाप्पाची विसर्जन मिरवणूक लक्षवेधक अशीच असेल.

आचार्य स्वामी गोविंद गिरी महाराज यांच्या हस्ते सकाळी साडेसात वाजता अनंत चतुर्दशीची पूजा होईल. त्यानंतर साडेआठ वाजता वरद विघ्नेश्वर वाडा येथून बाप्पाचा ‘मयुरपंखी रथ’ विसर्जन मिरवणुकीसाठी मंडईतील टिळक पुतळ्याकडे मार्गस्थ होईल. दिवसभरात मानाच्या गणपतीचे विसर्जन झाल्यानंतर रात्री आठ वाजता श्रीमंत भाऊसाहेब रंगारी गणपती ट्रस्टच्या बाप्पाच्या वैभवशाली मिरवणुकीला सुरुवात होईल. या मिरवणुकीसाठी आकर्षक विद्युत रोषणाईने मयूरपंख रथ सजविण्यात आला असून या रथासमोर पारंपरिक पद्धतीने ढोल-ताशा पथके जोरदार वादन करणार आहेत. श्रीराम, शिवमुद्रा आणि समर्थ या ढोल ताशा पथकांबरोबरच मर्दानी खेळांचे प्रात्यक्षिक होणार आहेत. ” वेळेत विसर्जन मिरवणूक संपविण्याचा आमचा प्रयत्न असेल असेही बालन यांनी सांगितले.

‘‘पुण्यातील बाप्पाची विसर्जन मिरवणूक हे जगभरातील गणेश भक्तांचे प्रमुख आकर्षण असते. त्यामुळे ती मिरवणूक देखणी, आकर्षक आणि दिमाखदार कशा प्रकारे होईल, असा सर्वच गणेश मंडळांचा प्रयत्न असतो. आमचाही असाच प्रयत्न राहणार आहे. अधिकाधिक गणेश भक्तांनी या विसर्जन मिरवणुकीत सहभागी होऊन आनंद घ्यावा आणि बाप्पाला भक्तीभावाने निरोप द्यावा.’’-पुनीत बालन(विश्वस्त व उत्सवप्रमुख, श्रीमंत भाऊसाहेब रंगारी गणपती ट्रस्ट)

 पुणे –    लोकसभेतील विरोधी पक्षनेते व काँग्रेसचे नेते राहुल गांधी यांना नुकतीच दिल्ली येथे भारतीय जनता पक्षाचे नेते तरविंदर सिंग मारवा यांनी जीवे मारण्याची धमकी दिली होती. संविधानिक पदावर बसलेल्या व्यक्तीला जर अशा धमक्या भाजपाचे नेते देऊ लागले तर भाजपच्या या राज्यात सामान्य नागरिकांचे काय हाल होत असतील हे आपणास दिसून येते.आज पुणे शहर जिल्हा काँग्रेस कमिटीच्या वतीने तरविंदरसिंह मारवावर गांधी फॅमिलीवर झालेल्या हल्ल्याची पार्श्वभूमी पाहता कठोरात कठोर कारवाई व्हावी व त्यांच्यावर त्वरित गुन्हे दाखल करावेत या मागणीसाठी पुणे शहर जिल्हा काँग्रेस कमिटीचे अध्यक्ष अरविंद शिंदे यांच्या नेतृत्वाखाली आज पुणे पोलीस सह आयुक्त रंजन कुमार शर्मा यांना निवेदन देण्यात आले.

     यावेळी प्रदेश काँग्रेसचे सरचिटणीस ॲड. अभय छाजेड, माजी महापौर सौ. कमल व्यवहारे, शिक्षण मंडळाच्या माजी अध्यक्ष संगीता तिवारी, पुणे शहर जिल्हा काँग्रेस कमिटी अनुसूचित विभागाचे अध्यक्ष सुजित यादव, रफिक शेख, अविनाश साळवे व खडकी कॅन्टोन्मेंट बोर्डाचे माजी उपाध्यक्ष मनीष आनंद, प्रभाग अध्यक्ष मुन्ना खंडेलवाल इत्यादी उपस्थित होते.

पुणे – नैशा रेवसकर‌ या पुण्याच्या खेळाडूने हिमाचल प्रदेश मध्ये आयोजित करण्यात आलेल्या पहिल्या अखिल भारतीय मानांकन टेबल टेनिस स्पर्धेतील पंधरा वर्षाखालील मुलींच्या गटात रौप्य पदक पटकाविले‌.

अखिल भारतीय टेबल टेनिस महासंघाच्या मान्यतेने हिमाचल प्रदेश टेबल टेनिस संघटनेने कांगरा येथे ही स्पर्धा आयोजित केली होती. नैशा हिला अंतिम फेरीत दिव्यांशी भौमिक हिच्याकडून ४-११,८-११,२-११ असा तीन गेम्स मध्ये पराभव पत्करावा लागला. उपांत्य फेरीत नैशा हिने आरुषी नंदी हिच्यावर ६-११,११-९,११-९,११-६ अशी मात केली होती तर उपांत्यपूर्व फेरीत तिने प्रीती पॉल हिचा चुरशीच्या लढतीनंतर १३-११, ११-६,१०-१२,४-११,११-९ असा पराभव केला होता.

नैशा हिला रौप्यपदकाबरोबरच अकरा हजार दोनशे रुपयांचे पारितोषिकही मिळाले. ती एम्स अकादमीत नीरज होनप यांच्या मार्गदर्शनाखाली सराव करते आजपर्यंत तिने जिल्हा व राज्यस्तरावरील अनेक स्पर्धांमध्ये विजेतेपद पटकाविले आहे.

पुणे : उत्सव मित्र मंडळ,नवी पेठ यांच्याकडून महापालिकेच्या आरोग्य विभागाच्या कर्मचाऱ्यांचा सत्कार करून त्यांना भेटवस्तू देण्यात आल्या.तसेच श्रींची आरती कसबा-विश्रामबाग विभागाचे वरीष्ठ आरोग्य निरीक्षक अशोक बंडगर,आरोग्य निरीक्षक संतोष कदम ,मुकादम महादेव अडागळे, आरोग्य सेवक व सेविका,मंडळाचे हितचिंतक.भरत यादव,अतुल प्रधान यांच्या शुभहस्ते संपन्न झाली.मंडळाकडून आरोग्य विभागाच्या ५ पुरुष कर्मचारी व ५ महिला कर्मचाऱ्यांना .भरत यादव व अतुल प्रधान यांच्या हस्ते भेटवस्तू देऊन सन्मानित करण्यात आले.
या प्रसंगी मंडळाचे कार्याध्यक्ष  सुधीर काळे अध्यक्ष अतुल धर्मे,सुमित काळे,विनय कदम,सचिन गायकवाड,तुषार सस्ते,सुनिल वाबळे,सुनिल पाटील,संदीप खराटे, विजय लोणकर,शैलेश कदम,आकाश खराटे,बाळासाहेब कांबळे आदी  पदाधिकारी उपस्थित होते.’ज्यांचा सत्कार केला आहे ते सर्व घरचा उत्सव व सण विसरून  संपूर्ण परिसर नेहमी स्वच्छ ठेवण्याचे काम करतात.त्यांच्या योगदानासाठी सामाजिक भावना मनात ठेवून सत्कार करण्यात आला आहे’,असे सुधीर काळे यांनी सांगितले 

समर्थ प्रतिष्ठान ढोल ताशा ध्वज आणि ढाल-तलवार पथकातर्फे नवा ताल
पुणे : अयोध्यापती प्रभू रामचंद्र यांचे ‘रामजी की निकली सवारी’ आणि ‘भारत का बच्चा बच्चा’ या गीतांवर आधारित नवीन ठेका यंदा विसर्जन मिरवणुकीत घुमणार आहे. तालवादनाने याचा प्रारंभ नुकताच झाला.

मानाचा दुसरा गणपती श्री तांबडी जोगेश्वरी येथे उत्सवमंडपात या नवीन तालाचे वादन झाले. समर्थ प्रतिष्ठानच्या रौप्य महोत्सवी (२५) वर्षाचे औचित्य साधत हिंदी दिनानिमित्त हिंदी भाषिक उत्तर प्रदेशातील गीतांवर आधारित हा नवीन ताल रचण्यात आला आहे.

यावेळी ‘भगवाधारी’ या पथकाच्या नवीन नाम फलकाचे उद्घाटन देखील करण्यात आले. श्री तांबडी जोगेश्वरी गणपती मंडळाचे अध्यक्ष प्रसाद कुलकर्णी, खजिनदार प्रशांत टीकार, विश्वास नेऊरगावकर यांच्या हस्ते उद्घाटन करण्यात आले. प्रतिष्ठानचे अध्यक्ष संजय सातपुते यांच्या संकल्पनेतून हा ताल बसवण्यात आला आहे.