पुणे : राज्य नाट्य स्पर्धेत ११ पारितोषिके मिळविणाऱ्या संगीत पद्माराणीने भरत नाट्य संशोधन मंदिराच्या ३४व्या वासंतिक संगीत नाट्य महोत्सवाला मंगळवारी (दि. ५) सुरुवात झाली. दि. १० मेपर्यंत आयोजित महोत्सवात सहा नाटकांचे सादरीकरण होणार आहे.

यंदाच्या महोत्सवाचे उद्‌घाटन खासदार प्रा. डॉ. मेधा कुलकर्णी यांनी दीपप्रज्वलन, नटराज पूजन आणि तिसरी घंटा देऊन केले. ज्येष्ठ अभिनेते मोहन जोशी, भारती विद्यापीठ संस्थेच्या प्रमुख संचालक विजयमाला कदम, सनदी लेखापाल विजयकांत कुलकर्णी, भरत नाट्य संशोधन मंदिराचे अध्यक्ष पंडित पांडुरंग मुखडे, उपाध्यक्ष भाग्यश्री देसाई, कार्याध्यक्ष अभय जबडे मंचावर होते.

प्रास्ताविकात अभय जबडे म्हणाले, १८९४ पासून अखंडितपणे कार्यरत असणारी भरत नाट्य संशोधन मंदिर ही पुण्यातील एकमेव नाट्यसंस्था असून दरवर्षी आयोजित करण्यात येत असलेल्या वासंतिक नाट्य महोत्सवाला रसिकांचा उस्फूर्त प्रतिसाद लाभतो. संगीत नाटकांविषयी उल्लेखनिय कार्य करणाऱ्या कलाकार, तंत्रज्ञांना भरत नाट्य संशोधन मंदिराच्या वर्धापन दिनानिमित्त गौरविण्यात येते. या कार्याकरिता जबडे यांनी एक लाख रुपयांची देणगी संस्थेकडे सुपूर्द केली.

भरत नाट्य संशोधन मंदिराशी प्रा. डॉ. मेधा कुलकर्णी यांच्या असलेल्या स्नेहाविषयी कृतज्ञता व्यक्त करून पांडुरंग मुखडे यांनी पुण्यातील संगीत नाट्य संस्थानी एकत्र येऊन संगीत नाटकांचा महोत्सव करण्याचा मानस असल्याचे सांगितले.

उद्‌घाटनपर मनोगत व्यक्त करताना प्रा. डॉ. मेधा कुलकर्णी म्हणाल्या, मराठी नाट्यसृष्टीचा गाभा म्हणजे संगीत नाटक आहे. संगीत नाटकांमधून समाज प्रेरीत होतो, जनजागृती होते तसेच सामाजिक परिवर्तनही घडते. आत्मपरिक्षण करण्याची ताकद संगीत नाटकांमधून मिळत असून भविष्यात आजच्या सामाजिक विषयांवर संगीत नाटकांची निर्मिती व्हावी, ज्या योगे युवा पिढी संगीत रंगभूमीशी जोडली जाईल. भरत नाट्य मंदिर निर्मित संगीत नाटकांच्या माध्यमातून नव्या दमाचे कलाकार रसिकांसमोर येत आहेत, याबद्दल त्यांनी कौतुक केले.

मोहन जोशी यांनी उपक्रमास शुभेच्छा दिल्या. विजयकांत कुलकर्णी म्हणाले, संगीत नाटकांची अभिजात परंपरा टिकवून ठेवण्यासाठी भरत नाट्य संशोधन मंदिर सातत्याने प्रयत्नशील आहे. संगीत नाटके कोहिनूर हिरा आहेत; परंतु त्याला रसिक मायबाप प्रेक्षकांचे कोंदण मिळणे आवश्यक आहे.

संगीत पद्माराणी नाटकाचे संगीत दिग्दर्शक आशिष केसकर यांचा विशेष सन्मान प्रा.डॉ. मेधा कुलकर्णी यांच्या हस्ते करण्यात आला. संगीत पद्माराणीचे दिग्दर्शक संजय डोळे आणि संगीत दिग्दर्शक आशिष केसकर यांची वृंदा पांगारकर हिने रेखाटलेली चित्रे त्यांना भेट देण्यात आली. कार्यक्रमाचे सूत्रसंचालन प्रियांका डोळे यांनी केले.

हवेली, भोरमध्ये अनधिकृत होर्डिंगवर ‘पीएमआरडीए’चा हातोडा! दोन दिवसांच्या मोहिमेत दोन महाकाय होर्डिंग जमीनदोस्त

पुणे : पुणे महानगर प्रदेश विकास प्राधिकरणाच्या (पीएमआरडीए) हद्दीतील अनधिकृत होर्डिंगविरोधात प्रशासनाने आक्रमक पवित्रा घेतला असून, गेल्या दोन दिवसांत हवेली आणि भोर तालुक्यात जोरदार कारवाई करण्यात आली. या विशेष मोहिमेत दोन महाकाय होर्डिंग जमीनदोस्त करण्यात आले असून, आगामी काळातही हे ‘कारवाईसत्र’ सुरूच राहणार असल्याचा इशारा प्रशासनाने दिला आहे.एकीकडे हे चित्र असताना पुण्यात मात्र नव्याने होर्डींग्ज उभारू नका हे आदेश पायदळी तुडवून असे होर्डींग्ज उभारणे सुरु असून अनधिकृत होर्डींग्ज वर कारवाई होण्याऐवजी त्यांना राजकीय संरक्षण मिळते आहे कि काय ? असा प्रश्न निर्माण झालेल्या राजकारणाने उपस्थित होत आहे . होर्डींग्ज धोरणच काय आता प्रत्येक प्रकरण मुख्यमंत्र्यांच्या दरबारी जाणार कि काय ? असेही प्रश्न उपस्थित होत आहेत. यामुळे आता हे धोरण जागरण करणार की साईन पोस्ट वर थांबणार असा प्रश्न निर्माण होणार असल्याचे सूत्रांचे म्हणणे आहे.

दरम्यान इकडे अनधिकृत बांधकामे आणि होर्डिंगमुळे सुरक्षेचा प्रश्न ऐरणीवर आल्याच्या पार्श्वभूमीवर ‘पीएमआरडीए’च्या अनधिकृत बांधकाम निर्मूलन पथकाने महानगर आयुक्त डॉ. अभिजीत चौधरी यांच्या आदेशावरून व अतिरिक्त महानगर आयुक्त के. मंजुलक्ष्मी यांच्या मार्गदर्शनाखाली ही मोहीम हाती घेतली आहे. मंगळवारी हवेली तालुक्यातील खेड शिवापूर (पश्चिम) येथे पथकाने धडक कारवाई केली. येथील गट क्रमांक २७२ मध्ये ‘ईश्वरी ॲड्स’ या संस्थेने अनधिकृतपणे उभारलेले होर्डिंग हटवण्यात आले.

यापूर्वी सोमवारी भोर तालुक्यातील कामथडी येथे मोठी कारवाई करण्यात आली. येथील गट क्रमांक ७५१ मधील ‘बी. के. नाईक अँड सन्स’ यांच्या मालकीचे अजस्र होर्डिंग प्रशासनाने काढले. दोन दिवसांच्या या मोहिमेत होर्डिंगचे लोखंडी सांगाडे आणि अन्य साहित्य जप्त करण्यात आले आहे.

महानगर आयुक्त डॉ. अभिजीत चौधरी यांच्या आदेशानुसार व अतिरिक्त महानगर आयुक्त के. मंजुलक्ष्मी यांच्या मार्गदर्शनाखाली ही मोहीम राबवण्यात आली असून, अनधिकृत बांधकाम विभागाचे प्रभारी सहआयुक्त हिंमत खराडे यांच्या नेतृत्वात तहसीलदार आशा होळकर, तहसीलदार रवींद्र रांजणे, सहनगर नियोजनकार श्री. सावकारे यांच्या पथकाने ही कामगिरी फत्ते केली. प्राधिकरणाच्या परवानगीशिवाय उभारण्यात आलेल्या अन्य होर्डिंगवरही येत्या काळात तीव्र कारवाई केली जाईल, असे प्रशासनाकडून स्पष्ट करण्यात आले आहे.

पुणे-पी एम आर डी ए च्या मीटिंगमध्ये मुख्यमंत्र्यांनी लोकल एरिया प्लॅन तयार करा असे आदेश दिले त्याचा फायदा या २३ गावातील नागरिकांना होणार आहे पुन्हा एकदा पुणे महानगरपालिकेच्या हद्दीत समाविष्ट २३ गावांसाठी विकासाचे दरवाजे खुले झाले आणि तेही कालबद्ध मुदतीत त्यामुळे महापालिका आयुक्त आणि नगर अभियंता यांना विनंती आहे की आपण विषय पत्रामध्ये योग्य ते बदल करून लवकरात लवकर सदरचे विषय पत्र हे शहर सुधारणा समितीच्या समोर ठेवावे शहर सुधारणा समितीच्या मार्फत मुख्य सभेपुढे नेऊन इरादा जाहीर करावा आणि या गावांना न्याय द्यावा.अशी मागणी महापालिकेतील माजी विरोधी पक्षनेते तसेच आपले पुणे आपला परिसर चे उज्ज्वल केसकर,सुहास कुलकर्णी आणि माजी नगरसेवक प्रशांत बधे यांनी केली आहे.

या संदर्भात त्यांनी सांगितले कि,’मुख्यमंत्री आणि महाराष्ट्र शासनाने जनतेला विकास आराखडा लवकर मिळावा यासाठी स्ट्रक्चर प्लॅन आणि लोकल एरिया प्लॅन असे क्रांतिकारी बदल केले आहेत या संदर्भात पुणे महानगरपालिकेच्या विकास आराखडा विभागाने या २३ गावांचा विकास आराखडा तयार करण्याचे विषय पत्र आयुक्त साहेब यांना पाठवले आहे, पुणे शहराचे एकूण चार विकास आराखडे आहेत एक विकास आराखडा तयार करायला किमान पाच वर्ष लागतात म्हणून आम्ही महापालिका आयुक्त, नगर अभियंता यांच्याकडे मागणी केली होती की आपण लोकल एरिया प्लॅन कलम 33 ए, बी, सी, डी याप्रमाणे करा परंतु त्यांनी विषय पत्र पाठवले होते.त्यानंतर आम्ही शहराचे खासदार मुरलीधर मोहोळ आणि नगर विकास राज्यमंत्री माधुरी मिसाळ यांना वैयक्तिक भेटून लोकल एरिया प्लॅनची मागणी केली होती.दोघांनी अतिशय सकारात्मक प्रतिसाद दिला होता.पी एम आर डी ए च्या मीटिंगमध्ये मुख्यमंत्र्यांनी लोकल एरिया प्लॅन तयार करा असे आदेश दिले त्याचा फायदा या २३ गावातील नागरिकांना होणार आहे आम्ही मुख्यमंत्री तसेच शहराचे खासदार मुरलीधर मोहोळ आणि नगर विकास राज्यमंत्री माधुरीताई मिसाळ यांचे मनःपूर्वक अभिनंदन करतो.
यामध्ये वर्तमानपत्रातील बातम्यांमध्ये थोडा गोंधळ आहे असे वाटते pmrda साठी स्ट्रक्चर प्लॅन आणि पुणे महानगरपालिकेसाठी लोकल एरिया प्लॅन तो पुणे महानगरपालिका करणार आणि स्ट्रक्चर प्लॅन हा पीएमआरडीए त्यांचे हद्दीसाठी करणार असे सुस्पष्ट आदेश मुख्यमंत्र्यांनी दिलेले आहेत.
यापूर्वी बांधकाम परवानगी आणि विकास आराखडा करण्याचे अधिकार महानगरपालिकेकडे दिले होते त्यात नवीन बदलाचा समावेश करून लोकल एरिया प्लॅन करा असे आदेश मुख्यमंत्र्यांनी माधुरी मिसाळ यांच्या पत्रावर केल्याचे त्यांनी सांगितले.
पुन्हा एकदा पुणे महानगरपालिकेच्या हद्दीत समाविष्ट २३ गावांसाठी विकासाचे दरवाजे खुले झाले आणि तेही कालबद्ध मुदतीत म्हणजे सहा महिन्यांमध्ये इरादा जाहीर झाल्यानंतर प्लॅन तयार करायचा गरज भासल्यास तीन महिने सरकार मुदत वाढतील म्हणजे नऊ महिने आणि त्यानंतर तीन महिन्यांनी सरकारने स्ट्रक्चर प्लॅन मंजूर करायचा म्हणजे एक वर्षांमध्ये जर मुदत घेतली नाही तर नऊ महिन्यांमध्ये आपण लोकल एरिया प्लॅन हा या २३ गावांसाठी देऊ शकतो.पुणे महानगरपालिका आयुक्त आणि नगर अभियंता यांना विनंती आहे की आपण विषय पत्रामध्ये योग्य ते बदल करून लवकरात लवकर सदरचे विषय पत्र हे शहर सुधारणा समितीच्या समोर ठेवावे शहर सुधारणा समितीच्या मार्फत मुख्य सभा आणि इरादा जाहीर करावा आणि या गावांना न्याय द्यावा.

माजी विरोधी पक्षनेते
पुणे मनपा

माजी विरोधी पक्षनेते

माजी नगरसेवक
५/५/२६

मान्सूनपूर्व पाणीपुरवठा नियोजन आढावा बैठक

पुणे_ : आगामी मान्सूनच्या पार्श्वभूमीवर पुणे महानगरपालिका हद्दीतील पाणीपुरवठा सुरळीत राहावा यासाठी आज महापौर मंजुषा नागपुरे यांच्या अध्यक्षतेखाली महत्त्वपूर्ण आढावा बैठक पार पडली. या बैठकीत महापौरांनी ३१ मेपर्यंत पाणीकपात रद्द करण्याचे स्पष्ट निर्देश दिले.बैठकीत शहरातील विद्यमान पाणीसाठा, जलशुद्धीकरण व्यवस्था, वितरण प्रणाली तसेच संभाव्य पाणीटंचाईच्या उपाययोजनांवर सविस्तर चर्चा करण्यात आली. पुणे शहराला पानशेत, वरसगाव, टेमघर व खडकवासला या धरणांमधून पाणीपुरवठा होत असून, सध्याच्या साठ्याचा आढावा घेण्यात आला. भारतीय हवामान विभागाच्या अंदाजानुसार यंदा पावसाचे प्रमाण कमी राहण्याची शक्यता लक्षात घेऊन आवश्यक नियोजन करण्याच्या सूचना देण्यात आल्या.

पाणी गुणवत्तेबाबत पर्वती जलकेंद्र प्रयोगशाळेमध्ये दरमहा अनेक नमुन्यांची तपासणी करण्यात येत असून, WHO व CPHEEO मार्गदर्शक तत्त्वांनुसार गुणवत्ता राखली जात आहे. पावसाळ्याच्या पार्श्वभूमीवर जलशुद्धीकरण केंद्रांमध्ये क्लोरीनेशन प्रक्रिया सक्षम ठेवण्यात आली असून, आवश्यक रसायनांचा (PAC व क्लोरीन) पुरेसा साठा उपलब्ध ठेवण्यात आला आहे.

शहरातील १७ जलशुद्धीकरण प्रकल्पांची देखभाल, क्लेरीफायर व फिल्टर बेडची स्वच्छता तसेच यंत्रणांची दुरुस्ती पूर्ण करण्यात आली आहे. पावसाळ्यात वाढणाऱ्या गढूळपणाच्या पार्श्वभूमीवर पाणी शुद्धीकरण प्रक्रिया अधिक प्रभावी करण्यासाठी विशेष उपाययोजना राबविण्यात येत आहेत.

समान पाणीपुरवठा योजनेअंतर्गत जुन्या हद्दीसोबतच नव्याने समाविष्ट गावांमध्ये पायाभूत सुविधा उभारण्याचे काम सुरू असून, त्यामध्ये जलशुद्धीकरण केंद्र, पंपिंग स्टेशन, पाण्याच्या टाक्या व वितरण लाईन उभारण्यात येणार आहेत.

तसेच, पाणीपुरवठा व्यवस्थेत सुधारणा करण्यासाठी AI आधारित लीक डिटेक्शन, रोबोटिक कॅमेरा तपासणी, वाहन ट्रॅकिंग प्रणाली व मोबाईल अ‍ॅपद्वारे नियंत्रण यांसारख्या आधुनिक तंत्रज्ञानाचा वापर करण्यात येणार आहे.

बैठकीत कनिष्ठ अभियंते, तांत्रिक कर्मचारी व मीटर रीडर्स यांच्या रिक्त पदांची पूर्तता तातडीने करण्याच्या सूचना देण्यात आल्या.

माननीय महापौरांनी प्रशासनाला निर्देश दिले की, ३१ मेपर्यंत पाणीकपात रद्द करून नागरिकांना अखंड, स्वच्छ व पुरेसा पाणीपुरवठा सुनिश्चित करावा. तसेच सर्व संबंधित विभागांनी समन्वय साधून तातडीने कार्यवाही करावी. आगामी मान्सून काळात कोणत्याही प्रकारची गैरसोय होऊ नये, यासाठी नियोजनबद्ध उपाययोजना राबविण्यावर विशेष भर देण्यात आला.

पुणे, दि. ५: भारताच्या १६ व्या जनगणनेला १ सुरुवात झाली असून अखेर जिल्ह्यातील ६६ हजार १९३ इतक्या नागरिकांनी स्व-गणना केली आहे, अशी माहिती जिल्हाधिकारी जितेंद्र डुडी यांनी दिली आहे.

जनगणना २०२७ च्या पहिल्या टप्प्याला जिल्ह्यात सुरुवात करण्यात आली नागरिकांनी https://se.census.gov.in या अधिकृत संकेतस्थळाचा वापर करुन १५ मे २०२६ अखेर कालावधीत स्व-गणना पूर्ण करावी. स्व-गणना ही ऐच्छिक आहे. माहिती गोळा करण्यासाठी आणि नोंदविण्यासाठी प्रगणक १६ मे ते १४ जून २०२६ दरम्यान प्रत्येक घराला भेट देणार आहे. यावेळी प्रगणकांद्वारे गृहगणना करण्यात येणार असून नागरिकांनी आपल्याशी निगडित अचूक माहिती त्यांना द्यावी.
आपल्या परिसरातील नागरिकांनाही अद्ययावत माहितीसह स्व-गणना करण्यास प्रोत्साहित करावे, जिल्ह्यातील सर्व आपली जबाबदारी मानून या प्रक्रियेत सक्रियपणे सहभाग घ्यावा, असे आवाहन श्री. डुडी यांनी केले आहे.

पुणे, दि. ५: सफाई कर्मचाऱ्यांच्या समाजाच्या मुख्य प्रवाहात आण्याकरिता केंद्र व राज्यशासन मिळून काम करीत आहेत; त्यामुळे पुणे जिल्ह्यातही सफाई कर्मचाऱ्यांच्या पुर्नवसनाकरिता मॉडेल स्वरुपात दिशादर्शक काम करावे , या मॉडेलची अंमलबजावणी राज्यात करण्यात येईल, असे निर्देश महाराष्ट्र राज्य सफाई कर्मचारी आयोगाचे अध्यक्ष शेरसिंग रुक्कानसिंग डागोर यांनी दिले.

जिल्हाधिकारी कार्यालय येथे सफाई कर्मचाऱ्यांच्या समस्या व अडीअडचणी निवारण करण्याकरिता केलेल्या उपाययोजनांबाबत आयोजित आढावा बैठकीत ते बोलत होते. यावेळी जिल्हाधिकारी जितेंद्र डुडी यांच्यासह संबंधित विभागाचे अधिकारी तसेच विविध संघटनेचे प्रतिनिधी उपस्थित होते.

श्री. डागोर म्हणाले, सफाई कर्मचाऱ्यांच्या कल्याणाकरिता घरकुल, आरोग्य, शिक्षण, रोजगार आदी विषयांशी निगडित असलेल्या विविध कल्याणकारी योजनांची प्रभावी अंमलबजावाणी करावी. लाड – पागे समितीच्या शिफारशीनुसार वारसा हक्काने भरावयांच्या पदांबाबतची कार्यवाही गतीने पूर्ण करावी. नगर विकास विभागाचे २२ ऑक्टोबर २००८ रोजीच्या शासन निर्णयानुसार डॉ. बाबासाहेब आंबेडकर श्रमसाफल्य आवास योजना लागू करण्यात आली असल्याने या आदेशाच्या दिनांकानंतर सेवानिवृत्त झालेल्या सफाई कामगारांची सेवा २५ वर्षे किंवा त्याहून अधिक झाली आहे असे सफाई कामगार आणि २२ ऑक्टोबर २००८ नंतर सेवेत असलेले जे सफाई कामगार मृत्यू झाले आहेत अशा मृत सफाई कामगारांच्या पात्र वारसांना घरे उपलब्ध करुन देण्यात यावी.

केंद्र व राज्यशासनाच्या विविध लोककल्याणकारी योजनांचा लाभ देण्याकरिता शिबीरांचे आयोजन करावे. शिबीरे आयोजित करतांना सफाई कामगार क्षेत्रात कार्यरत अधिकृत संघटनांसोबत सोबत घ्‍यावे. विविध लोककल्याणकारी योजनांची व्यापक स्वरुपात जनजागृती करावी. कर्मचारी व त्यांच्या कुटुंबियांना आरोग्य सेवांचा लाभ कॅशलेस सुविधांचा लाभ देण्याची कार्यवाही करावी. सफाई कर्मचाऱ्यांशी निगडित प्रलंबित मार्गी लावून तसा अहवाल आयोगाकडे सादर करावा, अशा सूचना श्री. डागोर यांनी दिल्या.

श्री. डुडी म्हणाले, सफाई कर्मचारी आयोगाने दिलेल्या निर्देशाप्रमाणे जिल्ह्यात काम करण्यात येईल. यापूर्वीच्या बैठकीत देण्यात आलेल्या निर्देशाप्रमाणे सर्व संबंधित विभागाने केलेल्या कार्यवाहीबाबतचा अहवाल लवकरात लवकर आयोगाकडे सादर करावा, असेही श्री. डुडी म्हणाले.

पुणे : आगामी पालखी सोहळ्याच्या पार्श्वभूमीवर शहरातील व्यवस्थापन सुरळीत पार पाडण्यासाठी प्रशासनाने सर्वंकष नियोजन करावे, अशा सूचना देण्यात आल्या आहेत.

पालखी मार्गावरील संपूर्ण परिसर स्वच्छ ठेवणे, स्वागत मंडळाकडून स्पीकर व पिण्याच्या पाण्याची योग्य व्यवस्था करणे, तसेच ठिकठिकाणी स्वच्छतागृहे उभारणे आवश्यक असल्याचे निर्देश देण्यात आले आहेत. मुक्कामाच्या ठिकाणी आवश्यक सुविधा उपलब्ध करून देत, आगमन व प्रस्थान मार्गावरील रस्त्यांची दुरुस्ती तातडीने पूर्ण करावी.

मुख्य ठिकाणी जलपान, वैद्यकीय तपासणी व आवश्यक सेवा केंद्रे उभारण्यात यावीत. तसेच, माणूसबळ, शाळा व प्रशासकीय यंत्रणा यांचा योग्य समन्वय साधून कार्यवाही करण्यात यावी. भाविकांच्या सोयीसाठी PMPML बससेवा योग्य ठिकाणी उपलब्ध करून देण्याचेही निर्देश देण्यात आले आहेत.

बोपोडी परिसरात पालखी जाताना तीव्र चढ-उतार असल्याने तेथे ‘हाइट बॅरिअर’ उभारण्याची सूचना करण्यात आली असून, संबंधित काम PWD मार्फत तातडीने पूर्ण करावे. उत्सव काळात प्रमुख रस्त्यांवर वाहतुकीचे नियोजन काटेकोरपणे अंमलात आणण्यात यावे.

संत ज्ञानेश्वर व संत तुकाराम महाराज पालखी आगमनाच्या वेळी होणारी गर्दी लक्षात घेता, होळकर पुल परिसरातील ५ तासांचा कालावधी कमी करण्याबाबत उपाययोजना करण्याचे निर्देश देण्यात आले आहेत.

तसेच, पालखी सोहळा प्रमुख मार्गांवर सर्व सोयीसुविधा पूर्ण केल्यानंतर त्याचे संपूर्ण नियोजन व्यवस्थित पार पाडण्यासाठी संबंधित विभागांनी समन्वय साधावा. आवश्यक असल्यास ‘रेनकोट’ व इतर साहित्याचीही उपलब्धता सुनिश्चित करावी.

बोपोडी व खडकी परिसरात पालखी विश्रांती वेळ सुमारे १५ मिनिटे निश्चित करण्यात येणार असून, भाविकांना दर्शन घेण्यासाठी योग्य व्यवस्था करण्यात येणार आहे.

प्रशासनाने सर्व संबंधित विभागांशी समन्वय ठेवून पालखी सोहळा सुरळीत, सुरक्षित व नियोजनबद्ध पद्धतीने पार पाडावा, असे आवाहन करण्यात आले आहे.

“येरवडा ते कात्रज या भुयारी मार्गासाठी फिजीबिलिटी चेकिंग झाली असून सध्या या मार्गाची अलाइनमेंट सुरू आहे. या भुयारी प्रकल्पासाठी एसपीव्ही निर्माण करावी. त्यासाठी पुणे महानगरपालिकेने पुढाकार घ्यावा, ही सूचनाही मुख्यमंत्री देवेंद्र फडणवीस यांनी मान्य केली असून त्यानुसार आदेश दिले आहेत

पुणे, 5 मे : महानगरपालिकेच्या हद्दीत समाविष्ट झालेल्या 23 गावांचा संरचनात्मक आराखडा (‘स्ट्रक्चरल प्लॅन’) करण्यासाठी तातडीने इरादा जाहीर करावा अशा सूचना नगरविकास राज्यमंत्री माधुरी मिसाळ यांनी पुणे महानगरपालिका प्रशासनाला दिल्या आहेत.

मुख्यमंत्री देवेंद्र फडणवीस यांच्या अध्यक्षतेखाली पुणे महानगर विकास प्रदेश प्राधिकरणाची (पीएमआरडीए) 14 वी वार्षिक सर्वसाधारण सभा काल मुंबईत पार पडली.

समाविष्ट 23 गावांचा विकास आराखडा तयार करण्यापूर्वी संरचनात्मक आराखडा तयार करावा आणि येरवडा ते कात्रज भुयारी मार्गासाठी स्वतंत्र विशेष उद्देश वहन संस्था (एसपीव्ही स्पेशल पर्पज व्हेईकल) निर्माण करावी अशा सूचना राज्यमंत्री मिसाळ यांनी या बैठकीत केल्या होत्या. त्याला मान्यता देत मुख्यमंत्री फडणवीस यांनी प्रशासनाला आदेश दिले होते.

मिसाळ म्हणाल्या, ” पुणे महानगरपालिका हद्दीत समाविष्ट करण्यात आलेल्या 23 गावांच्या संदर्भात 11 फेब्रुवारी 2020 पीएमआरडीए हे नियोजन प्राधिकरण रद्द करून पुणे महानगरपालिकेला ते अधिकार देण्याचा निर्णय घेण्यात आला होता. त्यामुळे या गावांचा विकास आराखडा करण्याचे काम पुणे महापालिकेतर्फे होणार होते. नुकताच पुणे महापालिकेने या गावांचा विकास आराखडा तयार करण्यासाठी इरादा जाहीर केला. मात्र काल मुख्यमंत्री फडणवीस यांनी दिलेल्या आदेशानुसार 23 गावांचा स्ट्रक्चरल प्लॅन करावा लागणार आहे. त्यासाठी नव्याने इरादा जाहीर करून अधिकारी नियुक्तीची प्रक्रिया महापालिकेने पूर्ण करावी अशा सुचना दिल्या आहेत.”

मिसाळ पुढे म्हणाल्या, ” विकास आराखडा तयार करण्यासाठी पाच ते सहा वर्षाचा कालावधी लागू शकतो. या कालावधीत समाविष्ट गावांमध्ये अतिक्रमणे वाढायची भीती आहे. या गावांचा नियोजनबद्ध आणि वेगवान विकासाला चालना मिळण्यासाठी स्ट्रक्चरल प्लॅन करणे महत्त्वाचे आहे. त्यामुळे गावातील रस्ते रुंद होण्यासाठी मदत होईल. 23 गावांमध्ये शासनाच्या मालकीच्या जमिनी आहेत. त्या महापालिकेच्या ताब्यात घेण्याची प्रक्रिया तातडीने सुरू करावी आणि स्ट्रक्चरल प्लॅनमध्ये या जागांवर पायाभूत सुविधांची आरक्षणे टाकावीत. शासकीय जागा असल्याने भूसंपादनासाठी किंवा टीडीआर साठी निधीची गरज भासणार नाही. त्यामुळे विकासाला गती मिळू शकेल

‘

.