पुणे, दि. १५ नोव्हेंबर, २०२४ : छत्रपती शिवाजीनगर मतदार संघातील विविध समाज संघटना यांची या विधानसभा निवडणुकीत सिद्धार्थ शिरोळे यांना खंबीर साथ मिळत आहे. गेल्या काही दिवसात महाराष्ट्र जोशी समाज संघटना, भारतीय अल्पसंख्यांक संघटना, अखिल भारतीय मराठा महासंघ, हातगाडीवाले, फेरीवाले, पथारीवाले, सायकल, स्टॉलधारक यांची जाणीव संघटना प्रणीत, डेक्कन परिसर नागरी व्यापारी संघटना, महाराष्ट्र आदिवासी जनआंदोलन, महाराष्ट्र भटक्या व विमुक्त जाती संघ, स्वराज्य सेना, अखिल भारतीय ओबीसी सेवा संघ या संघटनांच्या प्रतिनिधींनी शिरोळे यांची प्रत्यक्ष भेट घेत त्यांना आपला पाठींबा जाहीर केला आहे.

यावेळी शिरोळे यांनी सर्वांसाठी मागील पाच वर्षांत केलेल्या कामांचे कौतुक संघटनांच्या प्रतिनिधींनी केले. जोशी समाज हा भटका विमुक्त समजामध्ये मोडला जातो. नुकत्याच झालेल्या महाराष्ट्र अधिवेशनामध्ये महाराष्ट्र जोशी समाज संघटनेच्या वतीने समाज बांधवांचे ५० हजार मोफत जातीचे दाखले करून देण्याचा मानस करण्यात आला होता. पण अनेक तांत्रिक अडचणींमुळे ते काम पूर्ण होत नव्हते. यावेळेस शिरोळे यांच्या पुढाकाराने मुख्यमंत्री एकनाथ शिंदे व उपमुख्यमंत्री देवेंद्र फडणवीस यांकडे केलेल्या पाठपुराव्याने बैठक पार पडली यावेळी सदर प्रश्न मार्गी लावण्यात आला असल्याचे जोशी समाज संघटनेचे राष्ट्रीय अध्यक्ष निलेश प्रकाशशेठ निकम यांनी सांगितले.

भारतीय अल्पसंख्यांक संघटनेच्या वतीने महायुती प्रणीत उमेदवारांना पाठींबा देत असून त्यांच्या विजयासाठी आम्हीही प्रयत्न करू असे संघटनेचे संस्थापक अध्यक्ष ताहेर आसी म्हणाले. महायुतीचे सरकार आल्यावर मुख्यमंत्री एकनाथ शिंदे, उपमुख्यमंत्री देवेंद्र फडणवीस व अजित पवार यांनी निवड झालेले मात्र आरक्षण रद्द झाल्याने नियुक्तीपासून वंचित राहिलेल्या मराठा विद्यार्थ्यांची सरकारच्या विविध खात्यात भरती करून घेण्याचा धाडसी निर्णय घेतला होता. यासोबतच महायुतीने आण्णासाहेब पाटील आर्थिक विकास महामंडळ, सारथी संस्था यांद्वारे समाजाच्या सक्षमीकरणाचे काम केले आहे. सरकारने कुणबी नोंदी शोधून त्यांना प्रमाणपत्र वितरीत केले आहे याबरोबरच मुलींसाठी मोफत शिक्षण उपलब्ध करून दिले आहे यामुळे आमच्या समाजाच्या वतीने शिवाजीनगर मतदार संघात आम्ही शिरोळे यांना पाठींबा देत आहोत असे पुणे शहर अध्यक्ष मयूर गुजर यांनी सांगितले.

हातगाडीवाले, फेरीवाले, पथारीवाले, सायकल, स्टॉलधारक यांची समस्या सोडविण्यासाठी व सरकार दरबारी मागण्या मान्य करण्यासाठी जाणीव संघटनेच्या वतीने शिरोळे यांना पाठींबा देत असल्याचे अध्यक्ष श्वेता ओतारी यांनी जाहीर केले. पुन्हा आमदारपदी निवडून येत शिरोळे यांनी राज्याच्या मंत्रीपदी विराजमान व्हावे अशा शुभेच्छा डेक्कन परिसर नागरी व्यापार संघटनेचे अध्यक्ष शाम मारणे यांनी दिल्या. याशिवाय महाराष्ट्र आदिवासी जनआंदोलन संघटनेच्या वतीने पारधी समाजाचे बांधव, भगिनी व कार्यकर्ते यांनी शिरोळे यांना एकमुखाने पाठींबा जाहीर केला आहे. शिरोळे हे कायमच भटक्या विमुक्त जाती जमातीच्या उन्नतीसाठी कार्यरत असतील या अपेक्षेने महाराष्ट्र भटक्या व विमुक्त जाती संघाने देखील आपला पाठींबा जाहीर केला आहे.

राज्यात विविध पातळ्यांवर अभूतपूर्व कामगिरी करणाऱ्या महायुतीला आमचा पाठींबा असून महायुतीचे अधिकृत उमेदवार असलेल्या शिरोळे यांना स्वराज्य सेनेने पाठींबा जाहीर केला आहे. मतदार संघातील ओबीसी समाज शिरोळे यांच्या पाठीशी संपूर्ण ताकदीने उभा असल्याचे अखिल भारतीय ओबीसी सेवा संघाच्या प्रदेश अध्यक्षा रेखा रेखा आखाडे यांनी सांगितले.

पुणे- पर्वती मतदार संघातील उमेदवार आबा बागुल हिरा चिन्ह घेऊन अपक्ष म्हणून निवडणूक लढवीत आहेत .वाळवेकर लौंस येथे त्यांच्या कार्यालयात आज अनेक कलाकारांनी वैयक्तीक रित्या प्र्ताय्क्ष भेट घेऊन आबा बागुल यांना आपण मनापसून त्यांच्या पाठीशी असल्याचा निर्वाळा दिला आहे .गेली ४० वर्षे कलाकारांची कदर करणारा एक सामान्य कार्यकर्ता, रसिक आणि प्रेक्षकांशी नाळ जुळलेला एक आमचा स्नेही म्हणून आम्ही त्यांच्या पाठीशी राहणार असल्याचे यावेळी कलाकारांनी नमूद केले .अभिनेता, अभिनेत्री, गायक, कोरिओग्राफर, सहकलाकार, चित्रपट महामंडळाचे काही संचालक, आजीव सभासद, सांस्कृतिक क्षेत्रातील संघटनांचे प्रतिनिधी अशा अनेकांनी यावेळी आमची हि भेट खाजगी आणि मैत्रीपूर्ण असल्याचे माध्यमांना सांगितले.

आम्हाला अशा बाबतीत प्रसिद्धी नको आहे पण दक्षिण पुण्यात स्वारगेट पासून कात्रज पर्यंत कॉंग्रेस जिवंत ठेवणारा आणि नवनवे आधुनिक प्रकल्प आपल्या भागाला देणारा , कला क्षेत्राची काळजी घेणारा नेता म्हणून आबा बागुलांच्या कडे आम्ही पाहतो . न्याय का अधिकार हे राहुल गांधींचे ब्रीद आहे , ४० वर्षे कॉंग्रेस पक्षात राहून जनतेचे हित साधू पाहणारा , जनतेचे जीवनमान उंचावू पाहणाऱ्या ४० वर्षे नगरसेवक पदावरच राहणाऱ्या आबा बागुलांना न्यायाचा अधिकार आहे कि नाही आणि नेत्यांनी तो डावलला तर जनतेकडे जाण्यात गैर काय ?अशा शब्दात मराठी आणि हिंदी कला क्षेत्रातील मान्यवर कलाकारांनी आबा बागुल यांच्याबाबत सहवेदना व्यक्त केल्या आहेत.लवकरच आम्ही व्यासपीठावर देखील येऊ, नवरात्र उत्सव आणि काशी यात्रा मोठ्या प्रमाणात ज्यांनी सुरु केली, त्यांचा आदर्श घेऊन त्याचा कित्ता राज्यभरातून असंख्य लोकांनी गिरविला त्या आबा बागुलांच्या हक्कासाठी जनतेला आता साद घालण्याची गरज आहे . तळजाई चे सदू शिंदे मैदान असू द्यात , भीमसेन कलादालन असू द्यात , इ लर्निंग स्कूल सारखी अत्याधुनिक शाळा असू द्यात त्यांनी उभारलेल्या प्रकल्पांची त्यांनी केलेल्या कामाची सर्वत्र प्रशंसा झाली आहे. ज्या नेत्यांनी त्यांना डावलले त्यांनी त्यांची प्रशंसा केली आहे . जे विरोधात त्यांच्या लढत आहेत ते देखील त्यांची प्रशंसा करतात मग त्यांना न्याय देण्याचे काम आता जनतेचे आहे हे आम्ही सांगू इच्छितो असे हि त्यांनी म्हटले आहे.दरम्यान दर्जेदार शिक्षणासाठी राजीव गांधी ई लर्निंग स्कूलच्या धर्तीवर पाच शाळा उभारणार.,तीन मल्टी स्पेशालिटी सार्वजनीक रुग्णालयांची उभारणी करणार आहेत ज्याची सूत्रे जनतेच्या हाती असतील , रुग्णांच्या हकांची जिथे जपणूक होईल कुणा नगरसेवकाचे वर्चस्व निर्माण करणारे हॉस्पिटल नसेल . तसेच आंतरराष्ट्रीय दर्जाचे युथ सेंटरच्या माध्यमातून युवकांच्या सर्वांगीण विकासाला प्राधान्य देणार. स्थापत्य,यांत्रिकी,इलेक्ट्रॉनिक्स,इलेक्ट्रिकल या सह सुसज्ज महाविद्यालयाची उभारणी करणार.बेरोजगारी कमी करण्यासाठी अल्प शिक्षीत व उच्च शिक्षीत यांना रोजगार उपलब्ध करुन देण्यावर भर देणार.अशा स्वरुपाची कामे आपण विधानसभेत गेल्यावर करणार आहोत .असे आबा बागुल यांनी जाहीर केले आहे.

भाजपा-महायुतीचे उमेदवार चंद्रकांतदादा पाटील यांचा घरोघरी संपर्क

पुणे-दादा तू कोथरूड मधून दणक्यात निवडून येणार, असे आशीर्वाद रा. स्व. संघाचे ज्येष्ठ स्वयंसेवक तथा माजी प्रचारक अरविंद कोल्हटकर यांनी दिले. भाजपा महायुतीच्या प्रचारासाठी चंद्रकांतदादा पाटील यांनी घरोघरी संपर्कावर भर दिला आहे. या अभियानाअंतर्गत कोथरुड विधानसभा मतदारसंघातील विविध सोसायटीतील प्रथितयश नागरिकांच्या भेटी घेऊन पाच वर्षांचा कार्य अहवाल देऊन मतदारांचे आशीर्वाद घेत आहेत.

कोथरूड मधील रोहन प्रार्थना सोसायटीतील भेटीदरम्यान संघाचे ज्येष्ठ स्वयंसेवक तथा माजी प्रचारक अरविंद कोल्हटकर यांची चंद्रकांतदादा पाटील यांनी भेट घेऊन आशीर्वाद घेतले. यावेळी दादा तू दणक्यात निवडून येणार! असे आशीर्वाद कोल्हटकर यांनी पाटील यांना दिले.

यावेळी भाजप कोथरुड दक्षिणचे अध्यक्ष डॉ संदीप बुटाला, भाजपा युवा मोर्चा पुणे शहर सरचिटणीस दुष्यंत मोहोळ, प्रभाग १२ चे अध्यक्ष अंबादास अष्टेकर, कोथरुडचे निवडणूक सहप्रमुख नवनाथ जाधव, कोथरुड मंडल सरचिटणीस दिनेश माथवड, युवा मोर्चाचे अमित तोरडमल उपस्थित होते.

भाजपा महायुतीचे उमेदवार चंद्रकांतदादांना कर्वेनगर मधून ही चांगला प्रतिसाद

पुणे: कोथरूड विधानसभा मतदारसंघातील महायुतीचे उमेदवार चंद्रकांतदादा पाटील यांनी आज कर्वेनगर मधून काढण्यात आलेल्या रॅलीला नागरिकांचा उत्स्फूर्त प्रतिसाद मिळाला. अनेक ठिकाणी महिलांकडून औक्षण करण्यात आले. अनेक कार्यकर्ते हातात ‘सर्व पुण्यात महायुतीच जिंकणार, कोथरुड मध्ये मताधिक्याचा रेकॉर्ड करणार!’ अशा आशयाचे फ्लेक्स घेऊन चंद्रकांतदादांचे स्वागत करण्यात येत आहे.

विधानसभा निवडणुकीच्या मतदानाला आता एक आठवड्याचा कालावधी बाकी आहे. सर्वच मतदारसंघात जोरदार प्रचार सुरू आहे. कोथरूड विधानसभा मतदारसंघातील महायुतीचे उमेदवार चंद्रकांतदादा पाटील यांनी पहिल्या दिवसापासून प्रचारात आघाडी कायम राखली आहे. आज कोथरुड मधील कर्वेनगर मधून काढण्यात आलेल्या बाईक रॅलीला नागरिकांकडून उत्स्फूर्त प्रतिसाद मिळाला. ठिकठिकाणी फटाक्यांची आतषबाजी, पुष्पवृष्टीने चंद्रकांतदादा पाटील यांचे स्वागत करण्यात आले. ठिकठिकाणी महिलांकडून औक्षण करुन पाटील यांना विजयासाठी शुभेच्छा देण्यात आल्या.

कर्वेनगर मधील नटराज सोसायटी येथील विठ्ठल मंदिर येथून रॅलीला सुरुवात झाली. विशेष म्हणजे, भागातील कार्यकर्ते ‘चंद्रकांतदादा पाटील यांच्या स्वागतार्थ सर्व पुण्यात महायुतीच जिंकणार, कोथरुड मध्ये मताधिक्याचा रेकॉर्ड करणार!’ ‘माणसातील देव माणूस’ ‘मुलींना दिली शिष्यवृत्ती दादा म्हणजे कामाला गती’ अशा आशयाचे फ्लेक्स धरुन उभे धरुन उभे होते. तसेच ‘एक है तो सेफ है, भारतमाता की जय!’च्या घोषणांनी प्रत्येक चौक दणाणून गेला होता.

यावेळी कोथरूड विधानसभा मतदारसंघातील महायुतीचे समन्वयक सुशील मेंगडे, नगरसेवक राजाभाऊ बराटे, नगरसेविका वृषाली चौधरी, गिरीश खत्री, विशाल रामदासी, महेश पवळे, ज्येष्ठ कार्यकर्ते शिवरामपंत मेंगडे, अश्विनी ढमाले, राष्ट्रवादी काँग्रेसचे नेत्या संगीता बराटे, रेश्मा बराटे, तेजल दुधाने, संतोष बराटे यांच्या महायुतीचे सर्व पदाधिकारी सहभागी झाले होते.

काँग्रेस अध्यक्ष मल्लिकार्जून खर्गे यांची रमेश बागवे यांच्या प्रचारार्थ सभा.

पंडित नेहरु ते मनमोहनसिंह सरकारने देशात विकास कामांची मालिका उभी केली, नरेंद्र मोदींनी ११ वर्षात काय केले?

हिंमत होती म्हणूनच काँग्रेसने पाकिस्तानचे 2 तुकडे केले .. आहे तुमच्यात हिंमत..

पुणे, दि. १४ नोव्हेंबर २०२४
महाराष्ट्र विधानसभेच्या निवडणुकीत पंतप्रधान नरेंद्र मोदी व केंद्रीय गृहमंत्री अमित शाह प्रचार सभांमधून महाराष्ट्राच्या जनतेच्या प्रश्नावर काहीच बोलत नाहीत. इंदिरा गांधींनी पुनर्जन्म घेतला तरी जम्मू काश्मीरमधील ३७० कलम पुन्हा लागू करु शकत नाहीत अशी दर्पोक्ती करत आहेत. महाराष्ट्रातील निवडणुकीत ३७० कलमाचा काय संबंध? महागाई, बेरोजागारी प्रचंड वाढली आहे, महाराष्ट्रातील शेतकरी संकटात आहे, त्याच्या सोयाबीन, कांदा, दूध, कापसाच्या भावावर मोदी शाह का बोलत नाहीत? असा रोखठोक सवाल काँग्रेसचे राष्ट्रीय अध्यक्ष मल्लिकार्जून खर्गे यांनी केला आहे.

काँग्रेस महाविकास आघाडीचे उमेदवार रमेश बागवे , रवींद्र धंगेकर यांच्या प्रचारासाठी मल्लिकार्जून खर्गे यांच्या पुण्यात जाहीर सभा झाल्या. या सभेत खर्गेंनी भाजपा व मोदी सरकारवर तुफान हल्लाबोल केला. ते पुढे म्हणाले की, स्वतंत्र भारताचे पहिले पंतप्रधान पंडित जवाहरलाल नेहरु, लालबहादूर शास्त्री, इंदिरा गांधी, राजीव गांधी, डॉ. मनमोहनसिंह यांच्या सरकारने देशात विकासाची गंगा आणली. आयआयएम, आयआयटी, मोठे कारखाने, धरणे, वैद्यकीय, अभियांत्रिकी महाविद्यालये, रुग्णालये, विविध संस्था उभा केल्या. हे विकासाचे काम काही मागील ११ वर्षात झालेले नाही. पंडित नेहरु व डॉ. बाबासाहेब आंबेडकर यांनी महिलांसह सर्वांना मतदानाचा अधिकार दिला. राजीव गांधी यांनी मतदानाचे वय २१ वरुन १८ वर्षे केले. डॉ. मनमोहनसिंह यांच्या सरकारने गरिबांसाठी मनरेगा, अन्नसुरक्षा कायदा आणला. संविधानाने दिलेला अधिकार कायम ठेवायचे असतील तर लोकशाही व संविधानचे रक्षण करा, असे आवाहन खर्गे यांनी केले

महाविकास आघाडीचे सरकार आल्यानंतर सोयाबीनला बोनससह ७ हजार रुपयांचा भाव देऊ, कांदा, कापसाला योग्य भाव देऊ, शेतकऱ्यांना ३ लाखांची कर्जमाफी देणार, शेतकऱ्यांसाठी विविध योजना राबवणार, महिलांना ३ हजार रुपये व मोफत बस प्रवास, २५ लाखांचा आरोग्य विमा व सरकारी नोकर भरती करु, असे आश्वासन मल्लिकार्जून खर्गे यांनी दिले.

पुणे:शहरातील सर्वच खेळाडूंना विशेषतः विद्यार्थ्यांना प्रोत्साहन देण्यासाठी क्रीडा धोरणाची प्रभावी अंमलबजावणी करणार असल्याची माहिती कसबा विधानसभा मतदारसंघातील भाजप महायुतीचे अधिकृत उमेदवार हेमंत रासने यांनी दिली.
रासने यांच्या प्रचारार्थ संत कबीर चौक, नेहरु रस्ता, निवडुंग विठोबा, डुल्या मारुती, दगडी मारुती, सोन्या मारुती चौक, मोती चौक, बुधवार पेठ, शुक्रवार पेठ परिसरात प्रचारफेरीचे आयोजन करण्यात आले होते. भाजप युवा मोर्चाचे राष्ट्रीय अध्यक्ष तेजश्री सूर्या यांच्या प्रमुख उपस्थितीत प्रचारफेरीचा प्रारंभ झाला.
राजेंद्र काकडे, शिवम आंदेकर, जयश्री आंदेकर, दत्ता सागरे, राजू परदेशी, उमेश चव्हाण, अरविंद कोठारी, तेजेंद्र कोंढरे, निर्मल हरिहर, करण देसाई, संकेत थोपटे, पुष्कर तुळजापूरकर, पाठक, कौशिक कोठारी, निलेश खडके, तुषार रायकर, समर्थ भोसले, कुणाल गरुड, सनी पवार, गौरी जाधव यांची प्रमुख उपस्थिती होती.
रासने म्हणाले, महापालिका हद्दीतील क्रीडांगणासाठी आरक्षित जागांवर अत्याधुनिक क्रीडा संकुल-क्रीडांगणे विकसित करणे, क्रीडा स्पर्धा भरविणे, क्रीडा नर्सरी तयार करणे, स्वतंत्र क्रीडा माहितीविषयक कक्ष, उदयोन्मुख खेळाडूंना क्रीडा शिष्यवृत्ती देणे आदी योजनांचा अंतर्भाव करण्यात आला आहे.
रासने पुढे म्हणाले, विद्यार्थ्यांमधील क्रीडा गुणांना चालना देण्यासाठी विविध योजना आखणार आहे. केंद्र सरकारच्या खेलो इंडिया या कार्यक्रमाची प्रभावी अंमलबजावणी करणार आहे. शहराच्या मध्यवर्ती भागात क्रीडा क्षेत्रासाठीच्या पायाभूत सुविधा मोठ्या प्रमाणात विकसित करण्यावर भर देणार आहे. पुणे महापालिकेच्या क्रीडा प्रबोधिनींची संख्या वाढविण्यात येणार असून, विद्यार्थ्यांना खेळाचे प्रशिक्षण देण्यात येणार आहे. खेळाडूंना अत्याधुनिक सोयी-सुविधा निर्माण करून देणार आहे. त्यांची कसून तयारी करून घेऊन त्यांना स्पर्धेमध्ये उतरविले जाणार आहे.
पुण्याच्या मध्यवर्ती भागातील जवाहरलाल नेहरु स्टेडियची आंतरराष्ट्रीय नियमानुसार विकसित करण्यात येणार आहे. तसा प्रस्ताव भारतीय खेळ प्राधिकरणाला पाठवणार आहोत. बाबूराव सणस मैदान येथे स्वतंत्र क्रीडा माहिती कक्ष उभारणार असून, नागरिकांना क्रीडाविषयक माहिती सहज उपलब्ध होऊ शकेल. कसबा विधानसभा मतदारसंघातील सर्व भागांमध्ये मोकळ्या मैदानांचा खेळांसाठी अधिकाधिक कसा उपयोग करता येईल यासाठी धोरण निश्चित करणार आहे. तसेच आंतरराष्ट्रीय क्रीडा विद्यापीठाचा पाठपुरावा करणार आहे.