पुणे- श्री जैन श्वेतांबर दादावाडी टेम्पल ट्रस्टतर्फे सारसबागेसमोरील दादावाडी मंदिरात उभारण्यात आलेल्या श्री शत्रूंजय गिरीराज तिर्थाच्या मंदिराच्या प्रतिकृतीचे उदघाटन येत्या शुक्रवार दिनांक १९ जानेवारी रोजी सकाळी १० वाजता विजय रामचंद्रसुरीश्वरजी म . सा . यांचे शिष्य परमपूज्य मुनिश्री वैराग्यरति विजयजी गनिवर्य यांच्या हस्ते होणार आहे . हि माहिती मंदिराचे प्रसिद्धी प्रमुख श्री संपत जैन यांनी आज मंगळवारी प्रसिद्धीस दिलेल्या पत्रकात दिली आहे.
या सोहळ्यास शोभायात्रेने प्रारंभ दि १९ जानेवारी रोजी सकाळी सारसबागेसमोरील महालक्ष्मी मंदिरापासून होणार आहे. शोभायात्रेची सांगता दादावाडी मंदिराजवळ होणार आहे. या शोभायात्रेत मंदिराचे ट्रस्टी , पदाधिकारी , जैन समाजातील हजारो भाविक नागरिक सहभागी होणार आहे.
गुजरातमधील पालिताना येथील श्री शत्रूंजय गिरीराज तिर्थ मंदिर हे भाविंकांचे श्रद्धास्थान आहे . या तिर्थस्थानास लाखो भाविक भेट घेऊन दर्शन घेतात . श्रद्धा आणि कलेच्या दृष्टीने हे तिर्थ मंदिर जैन समाजाचे सर्वोच्च स्थान आहे . जैन धर्माचे प्रथम तिर्थंकर भगवान आदिनाथ यांनी ९९ वेळा या तीर्थ मंदिरास भेट दिली होती . त्यांच्या पदस्पर्शाने पावन झालेले हे मंदिर आहे . चैत्र आणि कार्तिकी पौर्णिमेस हजारो जैन साधू , साध्वी यांचे महानिर्वाण या पवित्र स्थानी झाले आहे . अनेक भाविकांनी आपल्या मनाचा क्रोध , द्वेष , मोह , माया लाभ यावर मात केली . त्यामुळे या तीर्थक्षेत्राचे नाव शत्रूंजय पडले आहे . हे तीर्थ मंदिर जमिनीपासून २ हजार फूट उंचीवर आहे . याठिकाणी ७०० मंदिरे व हजारो प्रतिमा आहेत .या तीर्थ मंदिराकडे वाट चालून वर जावे लागते . या रस्त्यावर सुमारे ३,७५० पायऱ्या आहेत . खूप उंचीवर असल्याने ठिकठिकाणी विश्रामगृहे व स्थानके बांधण्यात आली आहेत . गरम व गार पाण्याची सोय व ज्यांना पायी जाणे अशक्य आहे त्यांच्या साठी डोलीची सोया करण्यात आली आहे.
या शत्रूंजय गिरीराज तीर्थ मंदिराची हुबेहूब प्रतिकृती दादावाडी मंदिरात साकारण्यात आली आहे . या मंदिराच्या कलाकृतीची प्रतिकृती तयार करण्यासाठी कलकत्ता येथील ३० ते ३५ कलाकार गेली १ ते दिड वर्षे झटत होते.
या मंदिरात तलाट्टी , नौतूण्क, दादाचा दरबार , कुंड , विश्रामस्थळ , पादुका (पगलियाजी ) ,दर्शनीय स्थळांची प्रतिकृती उभारण्यात आली आहे .
सारसबागेसमोरील दादावाडी मंदिरात पालिताना मधील शत्रूंजय गिरीराज तिर्थाच्या मंदिराची प्रतिकृती
महाआरोग्य शिबिर यशस्वीरित्या पार पाडण्यासाठी नियोजनबध्द कामे करावीत -जिल्हाधिकारी सौरभ राव
पुणे – महाआरोग्य शिबिर यशस्वीरित्या पार पाडण्यासाठी सर्व विभागांनी नियोजनबध्द कामे करुन दिलेल्या जबाबदाऱ्या चोख पार पाडाव्यात, अशा सूचना जिल्हाधिकारी सौरभ राव यांनी दिल्या.
तालुका मावळ येथे दि. 21 जानेवारी 2018 रोजी होणाऱ्या महाआरोग्य शिबिराची नियोजन बैठक जिल्हाधिकारी कार्यालय सभागृह येथे श्री. राव यांच्या अध्यक्षतेखाली घेण्यात आली, त्यावेळी ते बोलत होते. या बैठकीस आमदार संजय भेगडे, जिल्हा परिषदेचे मुख्य कार्यकारी अधिकारी सूरज मांढरे, निवासी उपजिल्हाधिकारी राजेंद्र मुठे, जिल्हा शल्यचिकित्सक डॉ. आर.के. शेळके, जिल्हा आरोग्य अधिकारी डॉ. दिलीप माने उपस्थित होते.
श्री. राव म्हणाले, महाआरोग्य शिबिराच्या ठिकाणी व्यासपीठ, मैदानाची व्यवस्था करावी. तसेच पिण्याच्या पाण्याची सोय, स्वच्छतागृहे आदी सुविधा उपलब्ध करुन द्याव्यात. नागरिकांच्या सुरक्षिततेसाठी तसेच दक्षता व आपत्ती व्यवस्थापनासाठी पोलीस, महसूल व प्रादेशिक परिवहन विभागाने समन्वयाने काम करावे. रुग्णांवर योग्य उपचार करण्यासाठी आरोग्य विभागाने औषधांचा साठा पुरेसा ठेवावा व रुग्णांची वेळेत तपासणी करुन औषाधोपचार करावेत. नागरिकांना योग्य ते मागदर्शन करण्यासाठी स्वयंसेवक नेमावेत. तसेच गर्दी होवू नये यासाठी योग्य ती खबरदारी घेण्यात यावी
श्री. भेगडे म्हणाले, महाआरोग्य शिबीराच्या ठिकाणी वाहतूकीची कोंडी होवू नये, यासाठी पार्कींगची व्यवस्था करावी. नागरिकांच्या सुरक्षेसाठी नियंत्रण कक्ष स्थापन करावा. शिबीर पार पाडण्यासाठी स्थापन करण्यात आलेल्या समित्यांमधील अधिकारी- कर्मचाऱ्यांनी सोपविलेल्या जबाबदाऱ्या चोख पार पाडाव्यात.
यावेळी श्री. मांढरे, श्री. मुठे, डॉ. शेळके यांनीही उपस्थित अधिकाऱ्यांना सूचना केल्या. यावेळी विविध विभागांचे अधिकारी उपस्थित होते.
गॅम्बियाचे राजदूत जैनब जगने आणि कॉन्सुल जनरल एली बाह यांची आझम कॅम्पसला भेट
पु.ना. गाडगीळ आणि सन्स यांच्या सहकार्याने “सकाळ मिस महाराष्ट्र २०१८” स्पर्धेची घोषणा
मुंबई -महाराष्ट्रातील तरुणींच्या गुणवत्तेला संधी देण्यासाठी, त्यांच्यातून दर्जेदार अभिनेत्री घडवण्यासाठी “सकाळ माध्यम समूहा’तर्फे सोमवारी (ता.१५) मुंबईत पु.ना. गाडगीळ आणि सन्स पुरस्कृत “मिस महाराष्ट्र २०१८’ स्पर्धेची घोषणा करण्यात आली. मुंबई-पुण्यातील तरुणींना चित्रपटात काम करण्याची संधी मिळते; मात्र ग्रामीण महाराष्ट्रात किंबहुना आदिवासी भागातील तरुणींमध्ये गुणवत्ता असूनही त्यांना संधी मिळत नाही. सर्वांनाच मुंबई पुण्यात राहणे शक्य होत नसल्याने संधीला मुकावे लागते. आदिवासी भागातील तरुणींना अनेकदा भाषेची समस्या जाणवते; मात्र “सकाळ’च्या मिस महाराष्ट्र स्पर्धेत चित्रपट क्षेत्रातील मान्यवर तरुणींना प्रशिक्षण देऊन त्यांच्या कलागुणांना आणि त्यांच्या भविष्यालाही आकार देतील .”मिस महाराष्ट्र’ स्पर्धेच्या जिल्हा स्तरावर ऑडिशन्स होणार असल्याने तालुक्यातील तरुणींनाही स्पर्धेत सहभागी होण्याची संधी मिळेल.त्यातूनच महाराष्ट्राच्या ग्रामीण भागातील दर्जेदार अभिनयाची गुणवत्ता समोर येईल.
या स्पर्धांची नोंदणी १६ जानेवारी ते २६ जानेवारी या काळात केली जाइल. महाराट्रात 8 विविध केंद्रावर या स्पर्धेच्या ऑडिशन्स घेतल्या जातील. अंतिम ३२ तरुणींची अंतिम फेरीसाठी निवड करण्यात येइल. या स्पर्धेतील पहिल्या तीन विजेत्यांना प्रसिद्ध दिग्दर्शकांच्या चित्रपटात काम करण्याची संधीमिळणार आहे. अन्य स्पर्धांप्रमाणे केवळ सौंदर्याला नव्हे; तर तरुणींमधल्या कलागुणांना प्रकाशकोंदण मिळणार असून त्यांच्या सर्वांगीण विकासाचा हेतूही या स्पर्धेतून साध्य होईल मिस महाराष्ट्रच्या ऑडिश्न्स विविध ८ केंद्रांवर घेण्यात येतील. त्यातून अंतिम स्पर्धेसाठी ३२ स्पर्धकांची निवड केली जाइल. अंतिंम स्पर्धकांचे ट्रेनिंग आणि ग्रुमिंग तज्ज्ञांच्या मार्गदर्शनाने होइल.
नोंदणी : १६ जानेवारी ते २६ जानेवारी २०१८
ऑडिशन्स तारिख व ठिकाण
१ फेब्रुवारी २०१८– मुंबई-ठाणे
२ फेब्रुवारी २०१८ सोलापूर
३ फेब्रुवारी २०१८– औरंगाबाद
४ फेब्रुवारी २०१८– नाशिक
५ फेब्रुवारी २०१८– नागपूर
६ फेब्रुवारी २०१८– कोल्हापूर
७ फेब्रुवारी २०१८– जळगाव
८ फेब्रुवारी २०१८– पुणे
ग्रुमिंग सेशन्स- १२ फेब्रुवारी ते १६ फेब्रुवारी २०१८– पुणे
अंतिम फेरी- १७ फेब्रुवारी- ऍमनोरा टाउन सेंटर, मगरपट्टा सिटी, पुणे
सावधान ,पोलीस नसू देत ..आम्ही आहोत ..नो एन्ट्रीत प्रवेशाला कार्यकर्त्यांचा प्रतिबंध
टी- 10 क्रिकेट टूर्नामेंट – 2018 ला प्रारंभ
मासिक पाळीत महिलांना स्वयंपाकघर आणि देवांपासून दूर ठेवण्याची पध्दत चुकीची – अक्षय कुमार
पुणे-‘‘पूर्वी मासिक पाळी दरम्यान महिलांना स्वयंपाक घरात प्रवेश दिला जात नव्हता. त्याकाळात महिलांना आराम मिळवा हा त्या मागील उद्देश होता. मात्र, कालांतराने मासिक पाळीला निषिद्ध मानून महिलांना स्वयंपाकघर आणि देवदेवतांपासून दूर ठेवण्याची पद्धत प्रचलित झाली. मासिक पाळी ही निषिद्ध गोष्ट नाही. ती एक नैसर्गिक प्रक्रिया आहे. ते स्वीकारण्याची वेळ आता आली आहे. असे मत अभिनेता अक्षय कुमार याने व्यक्त केले.
सिंबायोसिस इन्स्टिट्यूट ऑफ मीडिया अॅण्ड कम्युनिकेशन (एसआयएमसी) यांच्यावतीने आयोजित करण्यात आलेल्या ‘सिनेमा : समाज व सांस्कृतिक प्रबोधनचे एक माध्यम’ या विषयावरील चर्चासत्रात तो बोलत होता. यावेळी झाम्बियाच्या राजदूत जैनबा जॅग्ने, डॉ. विद्या येरवडेकर, डॉ. रुचा जग्गी आदी उपस्थित होते.
अक्षय कुमार याने यावेळी त्याच्या आगामी ‘पॅडमन’ या चित्रपटाविषयी माहिती दिली. हा चित्रपट अरुणाचल मुरगणांथम यांच्या जीवनावर आधारित आहे. अरुणाचल हे देशाचे ‘मासिक पाळी मॅन’ म्हणून ओळखले जातात. या चित्रपटाद्वारे त्यांचा जीवन प्रवास उलगडण्यात आला आहे.
अक्षय पुढे म्हणाला की, सद्यपरिस्थितीत देशातील 82 टक्के महिला मासिक पाळीत सॅनिटरी पॅड्स वापरत नाहीत. पाळीदरम्यान त्या राख किंवा मातीचा वापर करतात. देशातील सद्य परिस्थिती पाहता महिलांना सॅनिटरी पॅड्स मोफत उपलब्ध करून देण्याची गरज असल्याचे तो म्हणाला.
झाम्बियाच्या राजदूत जैनबा जॅग्ने म्हणाले, ” चित्रपटाचा विषयामुळे प्रभावीत झाले आहे. मासिक पाळी हा विषय केवळ भारतामध्ये गंभीर नाही, तर जगभरात त्याचे विदारक चित्र पाहायला मिळते. या विषयावर जगभरातच लोकशिक्षणाची गरज आहे. मासिक पाळी निषिद्ध नाही. ती एक नैसर्गिक प्रक्रिया आहे. महिलांना मासिक पाळी आली नसती, तर कोणाचाही जन्म झाला नसता. हा चित्रपट झाम्बियामध्ये प्रदर्शित व्हावा, य़ासाठी प्रयत्न करेन’’
माधुरीने दिले खास तिळगूळ
आपल्या दिलखुलास हास्याने कित्येक कळ्या खुलवणारी माधुरी आता
मराठी सिनेसृष्टीत झळकणार ही बातमी पसरली आणि या चित्रपटाच्या
नावाविषयी प्रेक्षकांमध्ये उत्सुकता निर्माण झाली. चाहत्यांची ही उत्सुकता जास्त
ताणून न धरता अखेर मकरसंक्रांतीचं औचित्य साधत, महाराष्ट्राच्या लाडक्या
धकधक गर्लने आपल्या पहिल्या – वहिल्या मराठी चित्रपटाचं नाव ट्विटरवर
घोषित केलं आहे. ‘बकेट लिस्ट’ असं या चित्रपटाचं नाव असून यानिमित्ताने लाँच
करण्यात आलेल्या टाटयल टीझर पोस्टरवरील माधुरीतला मराठमोळेपणा
तिच्या चाहत्यांच्या ह्रदयाचा ठोका चुकवण्यात यशस्वी होतो आहे.
गृहिणी, आई, मैत्रीण, बहिण, मुलगी अशा कैक भूमिका एकाचवेळी पार
पाडत असलेल्या स्त्रियांचं प्रतिनिधीत्त्व करणारं हे व्यक्तिमत्त्व माधुरीच्या रूपात
बकेट लिस्टच्यानिमित्ताने प्रेक्षकांसमोर येणार असल्याचं नुकत्याच प्रदर्शित
झालेल्या टायटल टीझर पोस्टरमधून दिसत आहे. या सगळ्याच भूमिकांमध्ये
अग्रेसर असणारी ही गृहिणी आपल्या वेगळेपणातून प्रेक्षकांची करमणुक करणार
असल्याचा विश्वास दिग्दर्शक तेजस प्रभा विजय देऊसकर यांनी केला आहे.
डार्क हॉर्स सिनेमा, दार मोशन पिक्चर्स तसेच ब्लु मस्टँग क्रिएशन्स यांनी या
चित्रपटाची निर्मिती करून ही मराठमोळी माधुरी प्रेक्षकांसमोर आणली आहे.
तर दिग्दर्शनाबरोबरच चित्रपटाची कथा, तेजय प्रभा विजय देऊसकर यांची
आहे. या चित्रपटाच्या चित्रीकरणाला मुंबईत सुरूवात झाली आहे.
गेली तीन दशकं चाहत्यांच्या मनावर अधिराज्य गाजवणारी माधुरी आपल्या
मातृभाषेत कधी सिनेमा करणार असा प्रश्न कित्येक चाहत्यांच्या मनात होता,
अखेर या प्रश्नाचं उत्तर घेऊन माधुरी बकेट लिस्टच्या निमित्ताने प्रेक्षकांच्या
भेटीला येणार आहे.
या चित्रपटाच्या कथेविषयी बोलताना, “हा चित्रपट मराठी असला तरी
चित्रपटाची कथा युनिव्हर्सल असल्याचं, चित्रपटाचे निर्माते म्हणाले. तर हिंदी
सिनेसृष्टीत काम करायला सुरूवात केल्यापासून चांगल्या मराठी संहितेच्या
शोधात असणारी माधुरी कथा ऐकताक्षणी या चित्रपटाच्या कथेच्या प्रेमात
पडली आणि क्षणार्धात चित्रपटाला होकार कळवल्याचं म्हणाली.”
माधुरीचा हा मराठमोळा अवतार येत्या उन्हाळ्यात प्रेक्षकांना गारवा देऊन
जाणारा ठरणार आहे. सुट्टीच्या दिवसांत प्रदर्शित होणारा ‘बकेट लिस्ट’ हा
सिनेमा प्रेक्षकांना हसता हसता प्रेरणा देऊन जाईल, अशी आशा माधुरीने व्यक्त
केली आहे.
गुरू रोहिणी भाटे यांच्या नृत्यरचनांचे सादरीकरण
क्रेडाई महाराष्ट्र कडून शिखर परिषदेचे आयोजन
२०० हून अधिक सदस्यांचा सहभाग
पुणे :- क्रेडाई महाराष्ट्र कडून येत्या १९ आणि २० जानेवारीला हॉटेल हयात रिजन्सी येथे या राष्ट्रीय शिखर परिषदेचे आयोजन करण्यात आले आहे. यावेळी क्रेडाई महाराष्ट्राच्या ५० शहरांतील २०० हून अधिक सभासद यात सहभागी होणार आहेत. शिवाय क्रेडाई नैशनलचे चेअरमन गीतांबर आनंद, क्रेडाई – नॅशनलचे अध्यक्ष जक्षय शहा, क्रेडाई – नॅशनलचे प्रेसिडेंट इलेक्ट सतीश मगर,क्रेडाई-महाराष्ट्राचे अध्यक्ष शांतीलाल कटारिया,क्रेडाई पुणे मेट्रोचे अध्यक्ष श्रीकांत परांजपे, क्रेडाई नैशनलचे सचिव रोहित राज मोदी, क्रेडाई नैशनलचे उपाध्यक्ष बोमन इराणी याप्रसंगी उपस्थित असणार आहेत.
पहिल्या दिवशी ‘महारेरा’ अध्यक्ष गौतम चटर्जी तसेच नगर विकास विभागाचे संचालक एन. आर. शेंडे विकसकांना मार्गदर्शन करणार आहेत. समारोपाच्या दिवशी क्रेडाईचे प्रमुख सदस्य क्रेडाईच्या शहर संघटनांनी ५० शहरात पदार्पणनिमित्त एकत्र येणार आहेत.
शहर संघटनांना स्वयंपूर्ण होण्यासाठी आणि तेथील सदस्यांमध्ये नेतृत्वगुण निर्माण करून त्यांना प्रभारी बनविण्याच्या उद्देशाने त्यांच्याशी संवाद साधणे हा यामागचा प्रमुख हेतू आहे.अशी माहिती शांतीलाल कटारिया यांनी दिली.
सुमेधने पटकावली तीन नामांकन
नामदेव ढसाळ यांच्या स्मृतीदिनानिमित्त दलित पँथरच्यावतीने अभिवादन सभा
पुणे-दलित पँथरचे संस्थापक पदमश्री नामदेव ढसाळ यांच्या स्मृतीदिनानिमित्त दलित पँथरच्यावतीने अभिवादन सभा संपन्न झाली .यावेळी पदमश्री नामदेव ढसाळ यांच्या प्रतिमेस आंबेडकरी चळवळीतील जेष्ठ कार्यकर्ते अशोक कांबळे यांच्याहस्ते पुष्पहार अर्पण करून विनम्र अभिवादन करण्यात आले . कोरेगाव पार्कमधील मौलाना अबुल कलाम आझाद स्मारकमध्ये झालेल्या या सभेच्या अध्यक्षस्थानी दलित पँथरचे महाराष्ट्र प्रदेश अध्यक्ष सुखदेव सोनवणे , अशोक कांबळे , प्रकाश साळवे ,नगरसेवक प्रदीप गायकवाड , राहुल तायडे ,बंडू गायकवाड , विठ्ठल केदारी , विजय बहुले , रमेश जगताप , प्रविण रणदिवे , शुभम सोनवणे , विक्रम चव्हाण , राहुल सोनवणे , पद्मावती शिंदे , आरती बाराथे , सूरज तुपे , गौतम शिंदे , गणेश खडसन , रविंद्र कांबळे , बाळासाहेब कांबळे , रुबिना शेख , मुनिरा थानावाला , सुषमा मंडलिक आदी मान्यवर उपस्थित होते .
या सभेच्या अध्यक्षस्थानी दलित पँथरचे महाराष्ट्र प्रदेश अध्यक्ष सुखदेव सोनवणे यांनी सांगितले कि , पदमश्री नामदेव ढसाळ यांनी दलित पँथरच्या माध्यमातून दलित समाजाला मुख्य प्रवाहात आणण्याचे काम केले . पँथरच्या माध्यमातून अनेक कार्यकर्ते उभे केले .दलित पँथरचे प्रत्येक आंदोलन त्यांच्या माध्यमातून यशस्वी केले . त्यांच्या जाण्याने दलित चळवळीमध्ये त्यांची उणीव प्रकर्षाने भासत आहे . त्यांचे कार्य दलित पँथरच्या माध्यमातून पुन्हा उभे करण्यासाठी आज आम्ही सारे प्रयत्न करीत आहे . त्यांच्या नावाचे भव्य स्मारक पुण्यात उभारणीसाठी आम्ही प्रयत्न करणार आहोत . तशी मागणी आम्ही पुणे महापालिकेकडे करणार आहोत . तसेच पदमश्री नामदेव ढसाळ साहित्यरत्न पुरस्कार दरवर्षी साहित्यिकास देणार आहोत .
यावेली अशोक कांबळे यांनी दलित पँथरच्या जुन्या आठवणींना उजाळा दिला. तसेच नगरसेवक प्रदीप गायकवाड , राहुल तायडे , विजय बहुले , रमेश जगताप ,पद्मावती शिंदे आदींनी आपली मनोगते व्यक्त केली .
या कार्यक्रमाचे सूत्रसंचालन प्रकाश साळवे यांनी केले तर आभार विठ्ठल केदारी यांनी मानले . या कार्यक्रमाचे आयोजनासाठी शुभम सोनवणे , राहुल भोसले , विनायक केसरे , बलराम सिंग , विशाल दनाने , नितीन पवार , शशी निकाळजे , किशोर चव्हाण , मुकेश रणदिवे , मछिंद्र पाटोळे , दीपक गोपाळे आदींनी विशेष परिश्रम घेतले .
वडगाव -धायरी प्रभाग (३३) अंतर्गत “माझा प्रभाग – माझी जबाबदारी” नागरिकांची पर्यावरण समिती स्थापन
मराठी भाषेचा विकास आणि वाढ होणे आवश्यक: डॉ सदानंद मोरे
बोगस कर्मचाऱ्यांची फॅक्टरी- पुणे महापालिका (मायमराठी विशेष-व्हिडीओ रिपोर्ट )
पुणे-वेगवेगळी पारितोषिके घेवून स्वतःला नामांकित महापालिका म्हणवून घेणाऱ्या पुणे महापालिकेचा एक वेगळा चेहरा समोर येत आहे … ज्यामुळे गरजू तरुणांना ‘बोगस कर्मचारी ‘बनविणारी महापालिका अशी प्रतिमा या महापालिकेची बनणार आहे .
गेल्या वर्षी माय मराठी ने मिळकत कर विभागात पकडलेल्या तोतया कर्मचाऱ्यावर गुन्हा दाखल केल्यानंतर ..बोगस कर्मचाऱ्यांच्या पुढील शोध मोहिमेत आणखी धक्कादायी माहिती पुढे येत आहे . या प्रकरणी अपराधी कोण ? असा प्रश्न उपस्थित होईल तेव्हा प्रशासनातील बड्या बड्या अधिकाऱ्यांकडे बोटे दाखविली जाणार आहेत . काल ‘मायमराठी’ ने अशा महापालिकेतील ७८ ‘तथाकथित बोगस’ कर्मचाऱ्यांची यादी प्रसिद्ध केल्यानंतरही आज १५ जाने.२०१८ रोजी बिनदिक्कतपणे महापालिका प्रशासन याच बोगस कर्मचाऱ्यांकडून काम करवून घेताना दिसून आले. हे स्पष्ट व्हावे म्हणून सत्ताधारी भाजपचे नगरसेवक महेश वाबळे यांनी आज भूमी जिंदगी खात्यात काम करणाऱ्या एका बोगस कर्मचाऱ्याचा पर्दाफाश माय मराठी च्या कॅमेऱ्यापुढे केला .
गेल्या वर्षी कॉंग्रेसचे गटनेते अरविंद शिंदे आणि अविनाश बागवे यांनी आणि माय मराठी ने केलेल्या धडक कारवाईत एक बोगस कर्मचारी पकडला गेला .ज्याच्यावर महापालिकेकडून गुन्हा दाखल करण्यात आला. आणि त्यानंतर महापालिका आयुक्तांनी परिपत्रक काढून ज्या व्यक्ती अधिकृतपणे महापालिकेच्या सेवेत नाहीत अशा व्यक्तींना महापालिकेच्या फाईल्स,संगणक आणि कर्मचाऱ्यांसाठी असलेल्या खुर्च्या वापरू देवू नयेत ,असे आदेश सर्व खातेप्रमुखांना दिले होते .या शिवाय सुरक्षा विभागाने महापालिकेची सर्व दरवाजे बंद करून केवळ एकगेट प्रवेशासाठी आणि एक गेट बाहेर पडण्यासाठी निश्चित करून तातडीने अंमलबजावणी केली . नगरसेवक ,पालिकेचे सेवक,अधिकारी यांच्या व्यतरिक्त जे कोणी पालिकेत येतील अशा सर्व नागरिकांची प्रवेशद्वारावर नोंद ठेवून पालिकेत प्रवेश दिला जावू लागला .
पण सध्या तरी हा सर्व देखावाच असल्याचे निष्पन्न झाले आहे .मिळकत कर विभागात गेल्या वर्षी एक ‘बोगस ‘कर्मचारी पकडूनही अन्य ‘बोगस’ कर्मचाऱ्यांचा कारभार व्यवस्थित सुरूच राहिला हे विशेष . अशा बोगस कर्मचाऱ्यांची संख्या ७८ असल्याचे निष्पन्न झाले . नियुक्ती पत्र नाही , ओळखपत्र नाही ,अधिकृत पगार नाही अशा अवस्थेत हि तरुणाई महापालिकेत काम करत राहिली .
याबाबत अधिक माहिती घेतल्यानंतर असे निष्पन्न झाले कि हि तरुणाई पूर्वी स्मार्ट नावाच्या संस्थेमार्फत महापालिकेत विशिष्ट काळापुरती कामावर ठेवण्यात आली होती . हि कालमर्यादा संपल्यानंतर त्यांना कामावरून कागदोपत्री काढून टाकण्यात आले . पण प्रत्यक्षात हि तरुणाई आहे तशीच काम करत राहिली ,ज्यांना पगार महापालिका नव्हे तर अधिकारी ,आणि ठेकेदार यांच्यामार्फत दिला जातो .
बोगस कर्मचारी म्हणून ज्यांच्यावर शिक्का बसतो आहे अशा ७८ तरुणांची महापालिकेतील वरिष्ठ अधिकाऱ्यांकडून गेली वर्षभरापासून ‘स्मार्ट’ फसवणूक होत असल्याचे आणि सर्व कामगार कायदे धाब्यावर बसवून महापालिका प्रशासनानेच हे ७८ कर्मचारी बेकायदेशीर रित्या महापालिकेत कामावर ठेवले असून त्यांचा वापर करून घेत असल्याचे दिसते आहे .विशेष म्हणजे ज्यांनी कामगार कायदे पाळायचे आणि उल्लंघन होणार नाही याकडे लक्ष ठेवायचे अशा सर्व सरकारी अधिकाऱ्यांनी या गोष्टीकडे सर्रास डोळेझाक चालविली हि आणखी मोठी धक्कादायी बाब आहे .