बालपणीच्या गोटया खेळण्याच्या आठवणी आजही अनेकांच्या मनात ताज्या असतील. मोबाईल विश्वात हरवलेल्या आजच्या छोटया पिढीला गोटया आणि त्यांचा खेळ कसा असतो हे कदाचित ठाऊक नसलं तरी गोटयांचा खेळ त्यांना खऱ्या अर्थाने लवकरच समजणार आहे. बालपणी जीवापाड जपत खेळलेल्या गोटयांकडे व्यावहारिक जगात केवळ ‘टाइमपास’ म्हणून पाहिलं जात असलं तरी या मानसिकतेला छेद देत गोटया हा खेळ कसा उत्तम आहे हे ‘गोटया’ या आगामी मराठी सिनेमात पहायला मिळणार आहे.

मुंबई-राज्याचे क़ृषीमंत्री आणि भाजपाचे ज्येष्ठ नेते पांडुरंग फुंडकर यांचे  आज पहाटे साडेचारच्या सुमारास हृदयविकाराच्या झटक्याने निधन झाले . त्यांनी मुंबईतील सोमय्या रूग्णालयात अखेरचा श्वास घेतला. ते ६७ वर्षांचे होते. श्वसनाचा त्रास जाणवत असल्याने त्यांना बुधवारी रुग्णालयात दाखल करण्यात आले होते. त्यांच्या मागे पत्नी आणि दोन मुले आहेत.

पांडुरंग फुंडकर यांनी बुधवारी ब्रीच कँडी रुग्णालयात जाऊन तपासणी केली होती. त्यांच्यावर उपचार सुरु होते. आज पहाटे चारच्या सुमारास त्यांना त्रास होऊ लागल्याने त्यांनी सुरक्षा रक्षकांना रुग्णालयात नेण्यास सांगितले. पण, सोमय्या रुग्णालयात नेले असता डॉक्टरांनी त्यांना मृत घोषित केले. रुग्णालयात नेत असतानाच त्यांना हृदय विकाराचा तीव्र झटका आला आणि त्यांची प्राणज्योत मालविली होती.

बुलडाणा, खामगाव परिसरात भाजपला वाढविण्यात त्यांचे मोलाचे योगदान होते. शेतकऱ्यांशी भाजपला जोडण्याचे काम फुंडकर करत होते. राज्यात शेतकऱ्यांची आंदोलने होत असताना फुंडकर यांनी कुशलतेने  ती हाताळली. सामान्य नागरिकांशी नाळ जोडलेला नेता अशी त्यांची ओळख होती.

भाजपचे मोठे नुकसान झाले आहे. शेतकरी नेते म्हणून फुंडकर यांची ओळख होती. भाजपच्या वाटचालीत त्यांचा मोठा वाटा होता.

मुंबई –
पलूस कडेगाव मतदारसंघातून बिनविरोध निवडून आलेले काॅंग्रेसचे उमेदवार डाॅ. विश्वजीत पतंगराव कदम यांनी बुधवारी मुंबईत विधिमंडळात आमदारकीची शपध घेतली. काॅंग्रेस-राष्ट्रवादी काॅंग्रेसचे नेते, आमदार आणि कार्यकर्ते या वेळी मोठ्या संख्येने उपस्थित होते. स्व. पतंगराव कदम यांची काम करण्याची धडाडी आणि पक्षनिष्ठा यांचा आदर्श ठेवून विधिमंडळाच्या माध्यमातून जनतेचे प्रश्न सोडवून, अशी ग्वाही डाॅ. विश्वजीत कदम यांनी या वेळी दिली.
विधानसभेचे सभापती हरिभाऊ बगाडे यांनी डाॅ. विश्वजीत कदम यांना आमदारकीची शपध दिली. कदम कुटुंबीयांसह मोहनदादा कदम, डाॅ. शिवाजीराव कदम यांच्यासह मतदारसंघातील स्धानिक नेते-कार्यकर्ते या वेळी आवर्जून उपस्थित होते.  काॅंग्रेसचे प्रदेशाध्यक्ष अशोक चव्हाण, माजी मुख्यमंत्री पृथ्वीराज चव्हाण, उपसभापती माणिकराव ठाकरे, आमदार प्रदीप रणपिसे, हुसेन दलवाई, प्रणिती शिंदे, हर्षवर्धन पाटील, राष्ट्रवादीचे प्रदेशाध्यक्ष जयंत पाटील, सुनील तटकरे, शेतकरी कामगार पक्षाचे जयंत पाटील आदी या वेळी उपस्थित होते.
विधिमंडळातील  काॅंग्रेसच्या कार्यालयात या वेळी डाॅ.  विश्वजीत कदम यांचा सत्कार करण्यात आला. तरूण धडाडीचे नेतृत्व म्हणून डाॅ.  विश्वजीत नक्कीच उल्लेखनीय कामगिरी करतील, त्यांना राजकारणात उज्ज्वल व दीर्घ पल्ल्याचे भवितव्य असून,  2019 च्या विधानसभेच्या निवडणुकीत ते विक्रमी मतांनी निवडून येतील,  असा विश्वास व्यक्त करण्यांत  आला.
स्व. पतंगराव कदम यांची काम करण्याची धडाडी आणि पक्षनिष्ठा यांचा आदर्श ठेवून विधिमंडळाच्या माध्यमातून जनतेचे प्रश्न सोडवू, अशी ग्वाही डाॅ. विश्वजीत कदम यांनी या वेळी दिली.
शेतकरी समस्या, युवकांच्या समस्या, महिला-अल्पसंख्याक घटक आदींसाठी मी कायमच झटेन. तसेच, पलूस – कडेगाव आणि सांगली जिल्हा केंद्रस्थानी ठेवून विधिमंडळाच्या माध्यमातून प्रश्न उपस्थित करून विकासाभिमुख काम करेन, असेही डाॅ.  विश्वजीत कदम म्हणाले.

पुणे – तुम्ही आता युवकांचे आदर्श, देशाचे संरक्षक बनला आहात. सेवा परमो धर्म: हे राष्ट्रीय संरक्षण प्रबोधिनीचे (एनडीए) ब्रीदवाक्‍य आहे. ते तुमच्या हृदयात कोरून ठेवा व आयुष्यात आणि देशसेवेसाठी त्याचा अवलंब करा, असा सल्ला राष्ट्रपती रामनाथ कोविंद यांनी छात्रांना दिला.

‘एनडीए’ चा १३४ वा दीक्षान्त संचलन सोहळा राष्ट्रपती कोविंद यांच्या उपस्थित पार पडला. शिस्तबंध आणि दिमाखदार संचलन तसेच छात्रसैनिकांची मानवंदना स्वीकारल्यानंतर त्यांनी छात्रांना उद्देशून भाषण केले. प्रबोधिनीचे कमांडंट एअर मार्शल आयपी विपिन, डेप्युटी कमांडंट एस. के. ग्रेवाल, प्राचार्य ओमप्रकाश शुक्‍ला, विभागीय आयुक्त दीपक म्हैसेकर, जिल्हाधिकारी नवल किशोर राम यांच्यासह वरिष्ठ लष्करी अधिकारी उपस्थित होते.

–  एनडीएचा १३४ व्या तुडकीचा शिस्तबद्ध दिमाखदार दीक्षांत सोहळा
तीन वर्षांचे यशस्वीपणे पूर्ण केलेले खडतर प्रशिक्षण… देशसेवेसाठी सज्ज असणारे तरुण… आणि येणा-या आव्हानाला सामोरे जाण्याचा त्यांच्या चेह-यावर झळकणारा आत्मविश्वास… अशा उत्साही वातावरणात  राष्ट्रीय संरक्षण प्रबोधिनीचा १३४ वा शिस्तबद्ध दीक्षांत सोहळा बुधवारी खेत्रपाल परेड ग्राऊंडवर दिमाखात पार पडला.
यावेळी अकॅडमी कॅडेट अक्षत राज याने सर्व शाखांमध्ये प्रथम येत राष्ट्रपतींच्या सुवर्णपदकावर आपले नाव कोरले. तर छात्रसैनिक सोहेल इस्लाम याने सर्व शाखांमध्ये दुसरा येत रौप्य पदकाचा सन्मान मिळविला. अली अहमद चौधरी याने तिसरे स्थान पटकावत कांस्य पदक मिळविले. ‘किलो’ स्क्वॉड्रनला ‘चीफ आॅफ स्टाफ बॅनर’ पुरस्कार मिळाला. विजेत्यांना राष्ट्रपती रामनाथ कोविंद यांच्या हस्ते सन्मानित करण्यात आले.
संचलनात एकुण ३४४ कॅडेट सहभागी झाले होते. यातील २३८ छात्र लष्कराचे, २६ छात्र नौदलाचे आणि ८० छात्र हवाईदलातील होते. याशिवाय अफगाणिस्थान, भूतान , किरगीजस्थान, लाओस, नायजेरिया, मालदिव, तजाकीस्थान येथील १५ छात्रांचाही संचलन सोहळ्यात समावेश होता.

अक्षत राज हा छात्र सर्वोत्तम ठरला. राष्ट्रपतींच्या हस्ते त्याला सुवर्णपदक देण्यात आले. महंमद सोहेल इस्लाम याला रौप्य, तर अली अहमद चौधरी याला कांस्यपदक प्रदान करण्यात आले. ‘के’ ही स्क्वाड्रन सर्वोत्तम ठरली. त्यांना चिफ्स ऑफ स्टाफ बॅनर देण्यात आले.

सकाळी सात वाजता बिगुल वाजवून या सोहळ्यास सुरवात करण्यात आली. सव्वासातच्या सुमारास राष्ट्रपतींचे आगमन झाल्यानंतर चेतक हेलिकॉप्टरने त्यांना मानवंदना दिली. त्यानंतर त्यांनी वाहनातून संचलनाची पाहणी केली. नंतर लष्कर आणि हवाईदलाच्या बॅंड वादनाच्या तालावर छात्रांबरोबर सुखोई विमानांनीही राष्ट्रपतींना मानवंदना दिली.

-सुखोई, मिराज विमानांनी दिली मानवंदना
राष्ट्रीय संरक्षण प्रबोधितीतून बाहेर पडणा-या छात्रसैनिकांना भारतीय हवाई दलातील सर्वाधिक आधूनिक आणि वेगवान अशा ‘सुखोई ३०’, आणि ‘मिराज’ या विमानांनी थ्री फॉरमेशनमध्ये येत मानवंदना दिली.  यावेळी  उपस्थितांच्या डोळ्यांचे पारणे फिटले.
-लहाणपणापासून लष्करात येण्याची ईच्छा
माझे वडील हे लष्करातून सुभेदार म्हणून निवृत्त झाले आहे. यामुळे मी लहाणपनापासून लष्करी अधीकारी पाहत होतो. त्यामुळे लष्करात अधिकारी व्हायचे हे स्वप्न होते. सैनिक स्कूलमध्ये शिक्षण झाल्यामुळे मी ही परीक्षा  पास होऊ शकलो. राष्ट्रीय संरक्षण प्रबोधिनितील तीन वर्षांचे प्रशिक्षण खूप खडतर होते. यामुळे शारिरिक मानसिकरित्या आम्ही सक्षम झालो. मी माझ्या आई वडिलांचे आणि भावाचे खुप आभार मानतो. त्यांच्या पाठींब्यामुळे आणि प्रोत्साहनामुळे मी हे तीन वर्षांचे प्रशिक्षण पूर्ण करू शकलो, अशी भावना आसाम येथील मुळ असलेला कांस्य पदक विजेता अली अहमद चौधरी याने व्यक्त केले.
-वडिलांचे स्वप्न केले पूर्ण
लहाणपणी इंजिनिअर व्हायचे होते. पण वडील लष्करात  होते. मी सुद्धा लष्करात अधिकारी होवून त्यांची ईच्छा पूर्ण करावी अशी त्यांची ईच्छा होती. यामुळे मी सुद्धा लष्करात दाखल होण्याचा निर्णय घेतला. एनडीएमध्ये येण्यासाठी मला त्यांचे मार्गदर्शन मिळाले.  आई वडीलांचे प्रोत्साहान, एनडीएतील ड्रील प्रशिक्षक तसेच वर्गातील उत्साद यांच्या मार्गदर्शनामुळे मी माझे येथील तीन वर्ष यशस्वी पणे पुर्ण करू शकलो.  आजच्या संचलन सोहळळ्याचे नेतृत्व करतांना खूप आनंद होत आहे. माझ्या आयुष्यातील हा महत्वाचा क्षण आहे. मी आर्मी कॅडेड असल्याने इंडीयन मिलीटरी अ‍ॅकडमीत जाणार असून त्यानंतर पायदळात दाखल होणार आहे, अशी भावना आसाम येथील मुळचा तसेच आजच्या संचलन सोहळ्याचे नेतृत्व करणारा रौप्य पदक विजेता सोहेल इस्लाम याने व्यक्त केली.
– राष्ट्रपदी सुवर्ण पदकाचा मानकरी ठरल्याने समाधानी
राष्ट्रपती सुवर्ण पदकाचा मानकरी ठरल्याने आज मला खूप समाधान मिळाले आहे. हे मी माझ्या आईवडीलांमुळे शक्य करू शकलो. त्यांनी मला या प्रतिष्ठीत संस्थेत येण्यास परवानगी दिली आणि मला नेहमी प्रोत्साहित केले. या ठिकाणी आल्यावर येथील प्रशिक्षकांनी केलेल्या मार्गदर्शनामुळे हे खडतर प्रशिक्षण पूर्ण केले. तीन वर्षात ऐकी, शिस्त आणि टीम स्पीरीट शिकलो. आर्मी कॅडेट असल्यामुळे भारतील लष्करात दाखल व्हायचे आहे, अशी भावना बिहार येथील चंपारण्य येथीलमुळ अससलेला तसेच राष्ट्रपती सुवर्ण पदकाचा मानकरी कॅडेट अक्षत राज यांनी व्यक्त केली.

नवी दिल्ली : पेट्रोल आणि डिझेलच्या दरवाढीमुळे त्रस्त असलेल्या सर्वसामान्य जनतेला केरळ सरकारने दिलासा दिला आहे. पेट्रोल आणि डिझेलवर राज्य सरकारकडून आकारण्यात आलेला टॅक्स न घेण्याचा निर्णय घेतला आहे. राज्य सरकारच्या कॅबिनेट मंत्रीमंडळाच्या बैठकीत हा निर्णय घेण्यात आला आहे. त्यामुळे केरळमध्ये आता पेट्रोल आणि डिझेलचे दर 1 रुपयांचे कमी होणार आहेत.

केरळच्या मलयाला मनोरमाने दिलेल्या माहितीनुसार, मुख्यमंत्री पिनराई विजयन यांनी सांगितले की, कॅबिनेट मंत्रीमंडळाच्या बैठकीत पेट्रोल आणि डिझेलवरील टॅक्स हटविण्याचा निर्णय झाला आहे. त्यामुळे पेट्रोल आणि डिझेलचे नवीन दर उद्यापासून लागू करण्यात येणार आहेत.

केरळमध्ये सध्या पेट्रोलवर 32.02 टक्के टॅक्स आकारण्यात येतो, तर डिझेलवर 25.58 टक्के टॅक्स लावला जातो. याशिवाय पेट्रोल आणि डिझेलवर 1 टक्का सेस सुद्धा आकारण्यात येतो. गेल्या वर्षभरात पेट्रोल आणि डिझेलवर लावण्यात आलेल्या टॅक्सपासून राज्य सरकारला 7795 कोटी रुपयांचे महसूल मिळाले आहे.