अखिल मंडई मंडळ : महाउटीभजनाच्या सांगता परंपरेला यंदा ७६ वर्षे पूर्ण

पुणे :  टाळ-मृदुंगाच्या साथीने केलेले भजन, सुवासिक मोगºयांच्या फुलांची आकर्षक आरास अशा प्रसन्न वातावरणात शारदा गजाननाच्या मूर्तीला चंदन उटीचे लेपन करण्यात आले. फुलांची आकर्षक आरास आणि विद्युत रोषणाई पाहण्यासाठी भाविकांनी मंदिरात मोठ्या प्रमाणात गर्दी केली होती. १५० किलो मोगरा, २०० किलो जुई, आणि ६ हजार गुलाबाची फुले मोगरा महोत्सवासाठी वापरण्यात आली.

यावेळी अखिल मंडई मंडळाच्या शारदा गजानन मंदिरात पुण्यनगरीच्या वासंतिक उटी भजनाची सांगता झाली. यावेळी अखिल मंडई मंडळाचे अध्यक्ष अण्णा थोरात, भारतीय वारकरी मंडळाचे वारकरी तसेच मोठ्या संख्येने तरुण कार्यकर्ते उपस्थित  होते. मंडळाच्या या महाउटीभजनाच्या सांगता परंपरेला यंदा ७६ वर्षे पूर्ण होत आहेत.

अण्णा थोरात म्हणाले, पुण्यनगरीत सुरु होणाºया वासंतिक उटी भजनाची सांगता ६८ दिवसांनी महात्मा फुले मंडईतील शारदा गजानन मंदिरात होते. अतिशय संस्मरणीय असा हा सोहळा असतो. यानिमित्त मंदिरात मोगरा महोत्सव केला जातो. यंदा मोगरा, जुई,गुलाब आदी फुलांची आरास करण्यात आली होती.

ते पुढे म्हणाले,  सुमारे ८० वर्षांपूर्वी, पुण्यातील लिंबराज महाराज मठ येथे सुरु झालेला हा उटी भजनाचा सोहळा आजवर अखंडितपणे सुरु आहे. भजनासाठी वारकरी सांप्रदायिक चाली व पारंपरिक सांगितीक चाली वापरतात. भगवान विष्णूंचे आवडते वाद्य पखावज, तबला व संवादिनी यांची साथ भजनाला असते. सध्या तरुणवर्गाचा सहभाग यामध्ये वाढताना दिसत आहे. या उटी भजनासाठी शहरासोबतच पाषाण, कर्वेनगर, कोथरुड, एरंडवणा, घोरपडी, संगमवाडी, कात्रज, येरवडा आदी भागातून भजनकरी सहभागी होतात.

पुणे- देशात बेरोजगारी,महागाई ने थैमान घातल्यावर आता गुन्हेगारी वाढू लागली आहे,रात्री बेरात्री एकट्या दुकट्याला गाठून लुटण्याचे प्रकार सुरु झाल्याच्या घटना कानावर येऊ लागल्या आहेत पुणे पोलिसांनी याबाबत शिवाजीनगर आणि भारती विद्यापीठ पोलीस ठाण्यात तक्रारी दाखल केल्याचे अधिकृत वृत्त असून या दोन घटनात सुमारे अडीच लाखाची लुट झाल्याचे निदर्शनास आले आहे.

शिवाजी नगर येथील घटना पहाटे ३ वाजता कृष्णा प्रेसिडेन्सी ,बांबू हाउस या हॉटेल च्या जवळपास घडली , येथे मोटारसायकल वरून आलेल्या चौघांनी एका ३५ वर्षीय तरुणाला बेदम मारहाण करून त्याच्या हातातील सोन्याची अंगठी ,गळ्यातील सोन्याची चेन असा १ लाख ३५ हजाराचा ऐवज लुटून नेला . तर दुसर्या घटनेत देवानंद गालफाडे नावाचे मुंबईतील ३८ वर्षीय गृहस्थ कार ने कात्रज घाटाजवळील भिलारेवाडी येथून रात्री पावणेदोन च्या सुमारास जात असताना मोटार सायकल वरून आलेल्या तिघांनी त्यांना अडवून त्यांच्या गळ्यातील सोन्याची चेन पेंडल असा एक लाखाचा ऐवज शास्त्राचा धाक दाखवून जबरी चोरी करून पळवून नेला .

शिवाजीनगरच्या जबरी चोरी प्रकरणी चोरट्यांचा शोध फौजदार अर्जुन नाईकवाडे 8180881993 तर कात्रज येथील जबरी चोरीच्या प्रकरणी चोरट्यांचा शोध फौजदार धीरज गुप्ता 9850820307 हे घेत आहेत .

स्वातंत्र्यवीर सावरकर यांच्या १४० व्या जयंतीनिमित्त महाराष्ट्र राज्य पर्यटन महामंडळ, विवेक व्यासपीठ आणि संस्कार भारती, पुणे महानगर यांच्या संयुक्त विद्यमाने आयोजन
पुणे : शत जन्म शोधितांना, शत आर्ति व्यर्थ झाल्या… ने मजसी ने परत मातृभूमीला, सागरा प्राण तळमळला… हे हिंदुशक्ति संभूत दीप्तीतम तेजा…  अशा धगधगत्या क्रांती गीतांमधून स्वातंत्र्यवीर सावरकर यांच्या जीवनाचा मागोवा घेणाऱ्या स्वरमयी आविष्काराची अनुभूती पुणेकरांनी घेतली. यावेळी शतपैलू स्वातंत्र्यवीर सावरकर यांची शौर्य गाथा कुंचल्यातून साकार करीत भारताच्या इतिहासातील सुवर्ण पान उलगडले.

स्वातंत्र्यवीर सावरकर यांच्या १४० व्या जयंतीनिमित्त महाराष्ट्र राज्य पर्यटन महामंडळ, विवेक व्यासपीठ आणि संस्कार भारती, पुणे महानगर यांच्या संयुक्त विद्यमाने स्वातंत्र्यवीर सावरकर वीरभूमी परिक्रमा सप्ताह सोहळ्याचे आयोजन करण्यात आले आहे. या अंतर्गत पद्मावती येथील अण्णाभाऊ साठे सभागृहात शत जन्म शोधिताना या सांगितीक कार्यक्रमाचे आयोजन करण्यात आले. 
कार्यक्रमाचा शुभारंभ आमदार भीमराव तापकीर, नगरसेविका वर्षा तापकीर यांच्या हस्ते स्वातंत्र्यवीर सावरकर यांच्या प्रतिमेला पुष्पहार अर्पण करून करण्यात आला. यावेळी पंचरत्नेश्वर मंडळाचे चेतन चव्हाण, संस्कार भारतीचे पश्चिम क्षेत्र प्रमुख चंद्रकांत घरोटे, पश्चिम प्रांत महामंत्री केशव कुलकर्णी, पुणे महानगर-सचिव धनश्री देवी, संघटन प्रमुख नितीन क्षीरसागर, सह सचिव योगेश डोंगरे आदी मान्यवर उपस्थित होते.

यावेळी गायक राजेश दातार, मीनल पोंक्षे, केतकी देशपांडे, देविका देशपांडे, श्रुती वैद्य, ईरा देशपांडे, अश्विनी कुलकर्णी, अभिजीत नांदगावकर, योगेश बडे यांनी गीतांचे सादरीकरण केले. प्रांजली देशपांडे यांनी निवेदन केले. कार्यक्रमाची संकल्पना संस्कार भारती संगीत विधा संयोजक प्रांजली देशपांडे यांची होती. यावेळी डॉ. नरेंद्र चिपळूणकर (संवादिनी), तुषार दीक्षित (कीबोर्ड),, अमित कुंटे (तबला), विनोद सोनवणे (ऑक्टोपॅड व तालवाद्य) यांनी साथसंगत केली.

कार्यक्रमाची सुरूवात “हे सदया गणया तार” … या गीताने झाली. त्यानंतर सावरकरांनी रचलेल्या शत जन्म शोधितांना, शत आर्ति व्यर्थ झाल्या…  परवशता पाश दैवे ज्याच्या गळा लागला…या गीतांतून त्यांच्या जीवनातील विविध पैलू उलगडले. जय देव, जय देव जय जय शिवराया… सावरकरांनी छत्रपती शिवाजी महाराजांवर रचलेल्या या स्फूर्ती गीताने सभागृहात चैतन्य निर्माण झाले. छंद नसे चांगला… सावरकरांनी रचलेल्या या लावणीतून आजही ते समाजाला प्रबोधित करतात.  अनादी मी अनंत मी, अवध्य मी मला…जयोस्तुते श्रीमहन्मंगले शिवास्पदे शुभदे…  या अशा स्फूर्तीदायी गीतांमधून सावरकरांचा जीवन प्रवास उलगडला.

यावेळी चित्रकार कुडलय्या हिरेमठ व अमीत ढोणे यांनी सावरकरांच्या जीवनातील प्रसंग दर्शविणाऱ्या चित्राने रसिकांचे लक्ष वेधून घेतले. तर कार्यक्रमात सादर होणाऱ्या गीतांवर भरतनाट्यम नृत्य सादर करीत नृत्यांगना कल्याणी साळेकर, साक्षी जोशी व ईशा वेलणकर यांनी रसिकांची वाहवा मिळविली.

पुणे, दि. २९ मे २०२३: विजेची मागणी वाढल्यामुळे महापारेषणचे लोणीकंद ४०० केव्ही अतिउच्चदाब (EHV) उपकेंद्रामध्ये अतिरिक्त वीजभार निर्माण झाला. परिणामी लोणीकंद उपकेंद्र अतिभारित होण्याचा व संपूर्ण उपकेंद्र बंद पडण्याचा धोका टाळण्यासाठी महापारेषणच्या काही १३२ व २२० केव्ही क्षमतेच्या अतिउच्चदाब उपकेंद्रांचा वीजपुरवठा बंद ठेवण्यात आला. त्यामुळे पुणे शहरातील नगररोड, खराडी, लोहगाव, वडगाव शेरी, येरवडा आदींसह चिंचवड गाव, भोसरी एमआयडीसी व गावठाण, दिघी, लोणीकंद, थेऊर, उरळीकांचन आणि चाकणमधील काही भागात सोमवारी (दि. २९) दुपारी एक ते दोन तासांसाठी नाईलाजास्तवर विजेचे भारनियमन करावे लागले.

याबाबत माहिती अशी, की विजेच्या वाढलेल्या मागणीमुळे महापारेषण कंपनीचे लोणीकंद ४०० केव्ही अतिउच्चदाबाच्या उपकेंद्रामध्ये विजेचा भार मोठ्या प्रमाणात वाढला. त्यातच या अतिरिक्त भारामुळे पॉवर ग्रीड कॉर्पोरेशन ऑफ इंडिया लिमिटेड (पीजीसीआयएल) ते लोणीकंद या अतिउच्चदाब ४०० केव्ही टॉवर लाईनमध्ये बिघाड झाला. लोणीकंद उपकेंद्रामधील विजेच्या अतिरिक्त भाराचे व्यवस्थापन शक्य नसल्याने तसेच संपूर्ण लोणीकंद उपकेंद्र ओव्हरलोडींगमुळे बंद पडू नये यासाठी सावधगिरीचा उपाय म्हणून स्वयंचलित यंत्रणेद्वारे महापारेषणच्या खराडी, थेऊर, यवत, चिंचवड, चाकण या अतिउच्चदाब उपकेंद्रांना होणारा वीजपुरवठा बंद पडला. त्यामुळे या सर्वच अतिउच्चदाबाच्या उपकेंद्रातून निघणाऱ्या महावितरणच्या वीजवाहिन्यांवर नाईलाजाने आज दुपारी एक ते दोन तासांसाठी विजेचे भारनियमन करावे लागले.

यामध्ये पुणे शहरात प्रामुख्याने नगररोड विभाग अंतर्गत खराडी, नगररोड, चंदननगर, कल्याणीनगर, वडगाव शेरी, विमाननगर, येरवडा, लोहगावचा काही भागामध्ये दुपारी २.२५ ते ३.२७ पर्यंत विजेचे भारनियमन करावे लागले. भोसरी विभाग अंतर्गत भोसरी एमआयडीसी, भोसरी गावठाण, दिघी या परिसरात दुपारी ३.०५ ते सायंकाळी ५.०५ पर्यंत तसेच पिंपरी विभाग अंतर्गत चिंचवड गाव, रावेत, वाल्हेकरवाडी, ताथवडे, पुनावळे, थेरगाव, वाकड व पिंपरीच्या काही भागात दुपारी ३.०५ ते ४.४३ पर्यंत आणि मुळशी विभाग अंतर्गत पेरणे, उरळीकांचन, कोरेगाव मूळ, लोणीकंद, थेऊर या गावांमध्ये दुपारी २.२४ ते ३.५० वाजेपर्यंत भारनियमन करावे लागले. तसेच राजगुरुरनगर विभाग अंतर्गत चाकणमधील औद्योगिक पट्टा असलेल्या कुऱ्हळी, नाणेकरवाडी, चिंबळी, निघोजे, खालुंब्रे, आळंदी फाटा या परिसरात दुपारी ३.३३ ते ४.१६ वाजेपर्यंत विजेचे भारनियमन करावे लागले.

 उपमुख्यमंत्री देवेंद्र फडणवीस यांच्या हस्ते थोरले बाजीराव पेशवे प्रतिष्ठानला धनादेश सुपूर्द
पुणे : राष्ट्रीय संरक्षण प्रबोधिनी येथे उभारण्यात येणाऱ्या श्रीमंत थोरले बाजीराव पेशवे यांच्या अश्वारूढ पुतळ्याच्या उभारणीसाठी सिटी कॉर्पोरेशन लिमिटेडचे व्यवस्थापकीय संचालक अनिरुद्ध देशपांडे यांच्यातर्फे तीस लाख रुपये निधी देण्यात आला आहे. महाराष्ट्राचे उपमुख्यमंत्री देवेंद्र फडणवीस यांच्या हस्ते थोरले बाजीराव प्रतिष्ठानचे सचिव कुंदनकुमार साठे यांनी हा धनादेश स्वीकारला.
एनडीए येथील पुतळ्याचे काम अंतिम टप्प्यात आलेले आहे. अजिंक्ययोद्धा बाजीराव पेशवे यांच्या  पुतळा उभारणीसाठी पुण्यातून तसेच भारतातून निधी उभारण्यात आला आहे. 
कुंदनकुमार साठे म्हणाले, श्रीमंत थोरले बाजीराव पेशवे यांचा भव्य पुतळा पुण्यातील एनडीए येथे उभारण्यात येणार आहे. पुतळ्याचे अनावरण ऑगस्ट २०२३ मध्ये होणार आहे. थोरले बाजीराव पेशवे प्रतिष्ठानतर्फे लवकरच नाशिक मधील डुबेरे आणि औरंगाबाद येथील पालखेडमध्ये सुद्धा श्रीमंत थोरले बाजीराव पेशवे यांचे अश्वारूढ पुतळे उभारण्यात येणार आहेत. असेही त्यांनी सांगितले. 

आमदार शिरोळे यांच्याकडून
हुतात्मा ओंबळे मैदानाची पाहणी

पुणे – गोखले नगरमधील हुतात्मा तुकाराम ओंबळे मैदान, वीर बाजीप्रभू चौकात चाललेला मद्यपींचा गोंधळ आणि दहशत मोडून काढण्यासाठी पोलीस गस्त वाढविली जाणार आहे, अशी माहिती आमदार सिद्धार्थ शिरोळे यांनी दिली.

मागील तीन दिवसांपूर्वी एका वृत्तपत्रामध्ये आलेल्या बातमीनुसार गोखलेनगरमध्ये हुतात्मा तुकाराम ओंबळे मैदानावर तसेच वीर बाजीप्रभू शाळा या रस्त्यावर मद्यपी गोंधळ घालतात व दहशत पसरविण्याचे काम करतात असे निदर्शनास येताच आमदार सिद्धार्थ शिरोळे यांनी आज (सोमवारी) मैदान व परिसराची प्रत्यक्ष पाहणी केली. त्यांच्या समवेत चतुःश्रृंगी पोलीस ठाण्याचे वरिष्ठ पोलीस निरीक्षक बालाजी पांढरे आणि घोले रोड क्षेत्रीय कार्यालयाचे वार्ड ऑफिसर रवी खंदारे होते.

यावेळी या मैदानावर बेकायदेशीर प्रकार मध्यरात्रीपर्यंत चालू असतात, यामुळे या परिसरातील महिला व नागरिकांमध्ये असुरक्षिततेची भावना निर्माण झाली असून परिसरात दहशतीचे वातावरण निर्माण करण्याचे काम काही टोळक्यांकडून केले जात असल्याच्या तक्रारी आल्या. याकरिता टोळक्यांची दहशत मोडून काढण्यासाठी पोलिसांची गस्त वाढविण्याचा निर्णय पाहणीदरम्यान करण्यात आला. तसेच या मैदानावरील खोलीमध्ये आरोग्य विभागाची कोठी करण्याच्या सूचना देण्यात आल्या.

आमचे सरकार हे छत्रपती शिवरायांच्या विचारांनी प्रेरित आहे. याठिकाणी सर्वसामान्य जनतेवरील व महिलांवरील होत असलेले अत्याचार कदापिही खपवून घेतले जाणार नाहीत. जे गुंड प्रवृत्तीचे लोकं या परिसरात दहशत पसरविण्याचे काम करीत आहेत त्यांच्यावर कडक कारवाई करून त्यांना जन्माची अद्दल घडविण्यात येईल, असे आमदार शिरोळे यांनी सांगितले.

यावेळी रवींद्र साळेगावकर, गणेश बगाडे, आदित्य माळवे, सतीश बहिरट, राम म्हेत्रे, अपर्णाताई कुऱ्हाडे, विनोद धोत्रे, प्रशांत लाटे, ख़ुशीताई लाटे, सुजित गोटेकर, केतन जोशी, रमेश भंडारी, राजेश धोत्रे आदि उपस्थित होते.

पुणे, दि. २९ :- समस्याग्रस्त व पीडित महिलांच्या तक्रारींचे निवारण करुन त्यांना न्याय मिळावा यासाठी दर महिन्याच्या दुसऱ्या सोमवारी महिला लोकशाही दिनाचे आयोजन करण्यात येते. जून महिन्याचा महिला लोकशाही दिन १२ जून रोजी सकाळी ११ वाजता विभागीय आयुक्त कार्यालयात आयोजित करण्यात आला आहे, असे महिला व बाल विकास विभागाचे उप आयुक्त संजय माने यांनी कळविले आहे.

विभागस्तरीय महिला लोकशाही दिनाचे तक्रार अर्ज विभागीय उप आयुक्त, महिला व बाल विकास, पोलीस आयुक्तालय शेजारी, ३, चर्च रोड, पुणे-४११००१ या पत्त्यावर स्विकारले जाणार आहेत. तक्रार अर्ज स्विकारल्यानंतर ज्या विभागाशी संबंधित तक्रार आहे त्या विभाग प्रमुखाकडे अर्ज पाठविण्यात येतील. संबंधित विभागप्रमुख हे तक्रारीवर केलेल्या अहवालासह लोकशाही दिनाच्या दिवशी उपस्थित राहणार आहेत. अर्जदारास महिला लोकशाही दिनानंतर कमाल एक महिन्याच्या आत अंतिम उत्तरे दिली जाणार आहेत.

महिला लोकशाही दिनात अर्ज करण्यासाठी तक्रार, निवेदन वैयक्तीक स्वरुपाचे असावे, तक्रार अर्ज दोन प्रतीत तसेच विहित नमुन्यात असावा. न्यायप्रविष्ठ प्रकरणे, विहित नमुन्यात नसणारे व आवश्यक त्या कागदपत्राच्या प्रती न जोडलेले,सेवा व आस्थापनाविषयक बाबी, तक्रार, निवेदन वैयक्तीक स्वरुपाचे नसेल तर अर्ज स्विकारले जाणार नाहीत, असेही उप आयुक्त संजय माने यांनी कळविले आहे.

पुणे, दि. २९: वेल्हे महसूल प्रशासनाच्यावतीने वेल्हे, अंबवणे व विंझर मंडळातील गावांसाठी लक्ष्मी गार्डन मंगल कार्यालय, कोंढावळे खु येथे ३० मे रोजी ‘शासन आपल्या दारी’ अभियानाचे आयोजन करण्यात आले आहे.

तहसिल कार्यालयाअंतर्गत शिधापत्रिकेवरील नाव कमी करणे, नाव वाढविणे, सर्व प्रकारचे शासकीय प्रमाणपत्र देणे, नवीन मतदार नोंदणी करणे, नवीन आधारकार्ड काढणे किंवा दुरुस्ती करणे, संजय गांधी निराधार अनुदान योजनेअंतर्गत लाभार्थी मंजूर पत्र वाटप व नवीन अर्ज स्वीकारणे, सलोखा योजना, लक्ष्मी मुक्ती योजना आदी सेवेचा लाभ देण्यात येणार आहे.

नागरिकांना प्रधानमंत्री मातृवंदना योजना लाभ वाटप, कुटुंब कल्याण योजना प्रमाणपत्र वितरण, विवाह नोंदणी दाखला, मालमत्ता फेरफार व आकारणी पत्रक, जन्म मृत्यू प्रमाणत्र, रमाई घरकुल योजनांचे पत्र वितरण, बचत गट कर्ज प्रकरण मंजुरीपत्र वाटप, रक्त चाचणी, डोळ्याची चाचणी, आभा कार्ड आदी सेवांचा लाभ देण्यात येणार आहे.

कृषि विभागाअंतर्गत शेतकऱ्यांना कृषि औजारे, बियाणे, औषधे, माती परीक्षण पत्र वाटप, रानमोडी झुडूप निर्मूलन अभियान, महाडीबीटी पोटर्लवर नोंदणी आदी योजना व सेवांचा लाभ देण्यात येईल. पाटबंधारे विभागाअंतर्गत पाणी मागणी अर्ज स्वीकरणे, पंप, मोटर परवाने मंजूर करणे, एकात्मिक बाल विकास विभागांर्गत भाग्यश्री योजना, पुरक पोषण आहार वाटप, कुपोषित बालकांची तपासणी आणि महाराष्ट्र राज्य परिवहन मंडळाअंतर्गत बस पास, ज्येष्ठ नागरिक प्रमाणपत्र सेवेचा लाभ देण्यात येणार येणार आहे.

उपअधीक्षक भूमी अभिलेख विभागांतर्गत जमिनीची मोजणी, अ-शेतजमीन, ब-नगर भुमापन, ऑनलाईन प्रापर्टी कार्ड, ऑनलाईन फेरफार आदी सेवांचा लाभ देण्यात येणार आहे. तसेच सामाजिक वनीकरण, पशुवैद्यकीय विभाग, दुय्यम निबंधक सहकारी संस्था, महावितरण, सामाजिक वनीकरण, वन विभाग आदी विभागातील योजनांचा लाभ देण्याची कार्यवाही करण्यात येणार आहे. नागरिकांनी या अभियानाचा लाभ घेण्याचे आवाहन तहसीलदार दिनेश पारगे यांनी केले आहे.
0000