पुणे- देशात बेरोजगारी,महागाई ने थैमान घातल्यावर आता गुन्हेगारी वाढू लागली आहे,रात्री बेरात्री एकट्या दुकट्याला गाठून लुटण्याचे प्रकार सुरु झाल्याच्या घटना कानावर येऊ लागल्या आहेत पुणे पोलिसांनी याबाबत शिवाजीनगर आणि भारती विद्यापीठ पोलीस ठाण्यात तक्रारी दाखल केल्याचे अधिकृत वृत्त असून या दोन घटनात सुमारे अडीच लाखाची लुट झाल्याचे निदर्शनास आले आहे.
शिवाजी नगर येथील घटना पहाटे ३ वाजता कृष्णा प्रेसिडेन्सी ,बांबू हाउस या हॉटेल च्या जवळपास घडली , येथे मोटारसायकल वरून आलेल्या चौघांनी एका ३५ वर्षीय तरुणाला बेदम मारहाण करून त्याच्या हातातील सोन्याची अंगठी ,गळ्यातील सोन्याची चेन असा १ लाख ३५ हजाराचा ऐवज लुटून नेला . तर दुसर्या घटनेत देवानंद गालफाडे नावाचे मुंबईतील ३८ वर्षीय गृहस्थ कार ने कात्रज घाटाजवळील भिलारेवाडी येथून रात्री पावणेदोन च्या सुमारास जात असताना मोटार सायकल वरून आलेल्या तिघांनी त्यांना अडवून त्यांच्या गळ्यातील सोन्याची चेन पेंडल असा एक लाखाचा ऐवज शास्त्राचा धाक दाखवून जबरी चोरी करून पळवून नेला .
शिवाजीनगरच्या जबरी चोरी प्रकरणी चोरट्यांचा शोध फौजदार अर्जुन नाईकवाडे 8180881993 तर कात्रज येथील जबरी चोरीच्या प्रकरणी चोरट्यांचा शोध फौजदार धीरज गुप्ता 9850820307 हे घेत आहेत .
