पुणे- अपहरण करून जबरी चोऱ्या करणा-या अंकुश थोरात (टोळी प्रमुख) व त्याचा साथीदार याचेवर मकोका अंतर्गत कारवाई करण्यात आल्याची माहिती येथे पोलिसांनी दिली आहे.
या प्रकरणातील एका गुन्ह्याची माहिती देताना पोलिसांनी म्हटले आहे कि,’ एक फिर्यादी हे दिनांक २६/१०/२०२३ रोजी पवळे चौक कसबा पेठ पुणे जवळील मेट्रो स्टेशन येथील बांधकाम साईटवर काम करतात फिर्यादी त्यांचे मित्र अमोल राजेंद्र गुजर, जनार्दन यादव यांचे सह ते चहा पिण्यासाठी पवळे चौक येथे गेले असता चहा पिऊन पुन्हा साईटवर चालत जात असतांना दोन अनोळखी इसमांनी फिर्यादी यांना धक्का दिला त्यानंतर त्या दोन अनोळखी इसमापैकी एकाने मला “तु धक्का का दिला त्यामुळे माझी चप्पल तुटली असे म्हणून ते दोघे फिर्यादी बरोबर भांडण करू लागले. त्यावेळी फिर्यादी व त्यांच्या मित्रांनी त्या दोन इसमांना खुप समजवण्याचा प्रयत्न केला तसेच त्यांची आम्ही माफी मागीतली तरी देखील ते दोघे हे माझ्या बरोबर भांडण करत होते. त्यावेळी फिर्यादी यांचे मित्रांना फोन आल्याने ते दोघेही फोनवर बोलत आमच्या पासून थोडे अंतर पुढे चालत गेले त्यावेळी अनोळखी इसमांनी एक रिक्षा थांबवली व जबरदस्तीने फिर्यादी यांना रिक्षा मध्ये बसवून डांबून ठेवले. त्यानंतर त्या इसमांनी रिक्षामध्ये त्यांचे जवळील चाकु दाखवून जीवे ठार मारण्याची धमकी देऊन मोबाईल फोन व गुगल-पे किंवा फोनपे चा पासवर्ड विचारून फोन-पे अॅपद्वारे २०,३००/- रुपये ट्रान्सफर केल्याने. यांचे विरुध्द फिर्यादी यांनी फिर्याद दिल्याने फरासखाना पोलीस ठाणे गुरनं. २१६/२०२३, भा. द. वि. कलम ३६४ (अ),३९२,३४ प्रमाणे गुन्हा दाखल करण्यात आलेला आहे.
दाखल गुन्हयाचे तपासा दरम्यान यातील निष्पन्न आरोपी १) अंकुश सुर्यकांत थोरात, वय-२९ वर्षे रा. गल्ली नं.२०, ताडीवाला रोड, पुणे, मुळ रा. गल्ली नं.६, मुकुंदवाडी, आंबिकानगर, औरंगाबाद (टोळी प्रमुख) २) मिथुन शिवदास कांबळे, वय-३० वर्षे, रा. १३, ताडीवाला रोड, पुणे (टोळी सदस्य) यांना दाखल गुन्हयात अटक करण्यात आलेली आहे.
गुन्ह्याचे तपासा मध्ये सदर आरोपी अंकुश सुर्यकांत थोरात (टोळी प्रमुख) याने प्रत्येक गुन्हयात वेग- वेगळे साथीदारांसह गुन्हे करुन, त्याव्दारे त्याचे टोळीच्या अवैद्य आर्थिक फायदयासाठी सदरचे गुन्हे केलेले आहे असे आढळून आले , सदर टोळीचे पुणे शहरात, पिंपरी व औरंगाबाद शहर हे गुन्हेगारी कार्यक्षेत्र असल्याने त्यांच्या गुन्हेगारी कारवायामुळे तेथे दहशत निर्माण झालेली आहे.सदर टोळी प्रमुख व त्याचे साथीदार यांचेविरुध्द जबरी चोरी, अपहरण करुन खंडणी मागणे असे गुन्हे दाखल असून तो त्याचे टोळीची दहशत निर्माण करुन परिसरात त्याचे वर्चस्व निर्माण करीत आहे. तसेच स्वतःचे गुन्हेगारी टोळीचे अस्तित्व टिकविण्यासाठी सर्व सामान्य नागरीकांना टोळीतील सदस्याचे मदतीने अपहरण करुन खंडणी मागणे दहशत निर्माण करणे असे गुन्हे केलेले आहेत. त्यांचेवर वेळोवेळी प्रतिबंधक कारवाई करून देखील त्यांनी पुन्हा पुन्हा गंभीर स्वरूपाचे गुन्हे केलेले आहेत.
नमुद गुन्हयाच्या तपासा दरम्यान टोळी प्रमुख व त्याचे साथीदार याने संघटीतपणे दहशतीचे मार्गाने स्वतःचे फायदयासाठी प्रस्तुत गुन्हा केला असल्याचे दिसुन आलेने दाखल गुन्हयास महाराष्ट्र संघटित गुन्हेगारी नियंत्रण अधिनियम सन १९९९ चे कलम ३ (१) (ii), ३(२), ३ (४) अंतर्भाव करण्याचा प्रस्ताव फरासखाना पोलीस ठाणेचे वरिष्ठ पोलीस निरीक्षक श्री. दादासाहेब चुडाप्पा यांनी पोलीस उप आयुक्त, परिमंडळ-०१ श्री. संदिपसिंह गिल यांचे मार्फतीने मा.अपर पोलीस आयुक्त, पश्चिम प्रादेशिक विभाग, पुणे, श्री. प्रविणकुमार पाटील यांना सादर केला होता.

सदर प्रकरणाची छाननी करून फरासखाना पोलीस ठाणे गुरनं.२१६/२०२३, भा.द.वि.कलम ३६४(अ),३९२,३४ प्रमाणे दाखल असलेल्या गुन्हयामध्ये महाराष्ट्र संघटित गुन्हेगारी नियंत्रण अधिनियम सन १९९९ चे कलम ३ (१) (ii), ३ (२), ३ (४) अंतर्भाव करण्याची अपर पोलीस आयुक्त, पश्चिम प्रादेशिक विभाग, पुणे, प्रविणकुमार पाटील यांनी मान्यता दिलेली आहे.
सदर गुन्हयाचा पुढील तपास फरासखाना विभागाचे सहा. पोलीस आयुक्त, अशोक धुमाळ हे करीत आहेत.
सदरची कामगिरी पोलीस आयुक्त, पुणे शहर रितेश कुमार, पोलीस सह आयुक्त, पुणे शहर, संदिप कर्णिक, अपर पोलीस आयुक्त, पश्चिम प्रादेशिक विभाग, पुणे शहर, प्रविणकुमार पाटील, पोलीस उप आयुक्त, परिमंडळ-०१, पुणे, संदिपसिंह गिल, सहाय्यक पोलीस आयुक्त, फरासखाना विभाग, पुणे, अशोक धुमाळ यांचे मार्गदर्शनाखाली फरासखाना पोलीस स्टेशनचे वरिष्ठ पोलीस निरीक्षक, दादासाहेब चुडाप्पा, पोलीस निरीक्षक, (गुन्हे),मंगेश जगताप, श्रीमती अनिता हिवरकर, सहा. पोलीस निरीक्षक, वैभव गायकवाड, पोलीस उप-निरीक्षक, निलेश मोकाशी, निगराणी पथकातील पोलीस अंमलदार, तुषार खडके, अजित शिंदे, पंकज देशमुख व शशिकांत ननावरे यांनी केलेली आहे.
पोलीस आयुक्त, पुणे शहर, श्री. रितेश कुमार यांनी पुणे पोलीस आयुक्तालयाचा कार्यभार स्विकारल्यानंतर गुन्हेगारी नियंत्रणावर बारकाईने लक्ष देवून शरीराविरुध्द व मालमत्तेविरुध्द गुन्हे करणारे व समाजामध्ये दहशत निर्माण करणारे सराईत गुन्हेगार यांचे हालचालीवर बारकाईने लक्ष ठेवून गुन्हेगारांचे समूळ उच्चाटन होईल यावर भर देण्याबाबत सर्व पोलीस अधिकारी व अंमलदार यांना निर्देश दिले आहेत. त्यांचे मार्गदर्शनाखाली मकोका अंतर्गत केलेली ही ८७ वी कारवाई आहे.

पुणे: मुंबई-बंगळुरू बाह्यवळण मार्गावर नवले पुलाजवळ तरुण मृतावस्थेत सापडला. तरुणाच्या डोक्यात दगड घालून खून करण्यात आल्याचे उघडकीस आले असून, खुनामागचे निश्चित कारण समजू शकले नाही.सौरभ रुपेश शिंदे (वय २३, रा. आंबेगाव पठार, धनकवडी) असे खून झालेल्या तरुणाचे नाव आहे. याबाबत त्याचे वडील रुपेश (वय ४९) यांनी सिंहगड रस्ता पोलीस ठाण्यात फिर्याद दिली आहे.या खून प्रकरणी अनिकेत मुकुंद परदेशी, वय २८ वर्षे रा. अभिनव कॉलेज रोड नंदनवन सिटी, न-हे, पुणे यास पोलिसांनी पकडले असून त्यास अटक करण्यात आली आहे

मुंबई-बंगळुरू बाह्यवळण मार्गावर स्वामी नारायण मंदिराच्या परिसरातील मोकळ्या जागेत तरुण मृतावस्थेत पडल्याची माहिती पोलिसांना मिळाली. पोलिसांनी घटनास्थळी धाव घेतली.पोलिसांनी मृतदेहाची ओळख पटवली. सौरभच्या डोक्यात दगड घालून खून करण्यात आल्याचे उघडकीस आले. खुनामागचे कारण समजू शकले नाही. सहा.पो.निरी.राहूल यादव ९५५२१६०७२०.याप्रकरणी तपास करत आहेत .

पुणे, 20 नोव्हेंबर 2023

वैकुंठ मेहता राष्ट्रीय सहकार व्यवस्थापन संस्था, पुणे ने 14 ते 20 नोव्हेंबर 2023 या कालावधीत 70 वा सहकार सप्ताह मोठ्या उत्साहात साजरा केला आणि संपूर्ण आठवडाभर सहकार केंद्रित उपक्रम राबवले. या वर्षी सहकार सप्ताहाची मध्यवर्ती संकल्पना “भारताला पाच ट्रिलियन डॉलर्सची अर्थव्यवस्था आणि शाश्वत विकास उद्दिष्टे बनवण्यात सहकारी संस्थांची भूमिका” होती. 14 नोव्‍हेंबर 2023 रोजी सहकार चळवळीतील दिग्गज वैकुंठ मेहता यांना श्रध्दांजली अर्पण करून सहकार सप्ताह सोहळा सुरू झाला आणि त्यानंतर सहकारी संस्थेचे निबंधक श्री आर.के. मेनन यांच्या हस्ते सहकार ध्वजारोहण झाले.

“सहकारातील अलीकडील विकास” या सादरीकरणाने पहिल्या दिवसाच्या उपक्रमाची सुरुवात झाली. डॉ. ए.के. अस्थाना, सहयोगी प्राध्यापक यांनी देशातील सहकार चळवळ बळकट करण्यासाठी सहकार मंत्रालयाने घेतलेल्या 54 प्रमुख उपक्रमांवर सादरीकरण केले. डॉ. ए.के. अस्थाना यांनी सहकार मंत्रालयाने आतापर्यंत पूर्ण केलेल्या 28 प्रमुख उपक्रमांवर प्रकाश टाकला. बहुउद्देशीय प्राथमिक सहकारी संस्था, नवीन सहकार धोरण, राष्ट्रीय सहकारी डेटा बँक, निर्यात क्षेत्रातील 3 नवीन बहुराज्यीय सहकारी संस्था, बियाणे आणि सेंद्रिय उत्पादनांची तपशीलवार माहिती ठळक करण्यात आली. कार्यक्रमादरम्यान प्रेक्षकांना एक व्हिडिओ देखील दाखवण्यात आला ज्यामध्ये आमच्या  पंतप्रधानांनी सांगितलेल्या पाच ट्रिलियन डॉलर्स अर्थव्यवस्थेच्या जीडीपी  साध्य करण्यासाठी त्यांचे योगदान देण्यासाठी सहकारी क्षेत्रातील सर्व क्षेत्रांचे संरेखन चिन्हांकित केले.  गृहमंत्री आणि सहकार मंत्री श्री अमित शहा यांनी नागरी सहकारी बँका, साखर सहकारी संस्थांना दिलेला दिलासाही अधोरेखित करण्यात आला. डॉ. हेमा यादव, वामनीकॉमच्या संचालिका यांनी सहकाराच्या पुनरुज्जीवनावर सर्वसमावेशक सादरीकरण केले आणि विविध प्रमुख पैलूंचा समावेश केला. तिने सहकारी मॉडेलचा अभ्यास करून, सामाजिक आव्हानांना तोंड देण्यासाठी त्याचे महत्त्व अधोरेखित करून सुरुवात केली. सहकारी संस्थांना भेडसावणाऱ्या समस्यांकडे लक्ष वेधत त्यांनी या समस्यांना प्रभावीपणे हाताळण्यासाठी नवीन धोरणाची गरज असल्याचे प्रतिपादन केले. सादरीकरणामध्ये सहकारी उपक्रमांच्या प्रस्तावनेची अंतर्दृष्टी समाविष्ट आहे आणि उदयोन्मुख क्षेत्रांवर प्रकाश टाकला आहे जेथे सहकारी महत्त्वपूर्ण भूमिका बजावू शकतात. उल्लेखनीय म्हणजे, 8.5 लाख सहकारी संस्था आणि 29 कोटी सभासदांची धक्कादायक आकडेवारी सांगून डॉ. यादव यांनी सहकारी संस्थांच्या विकासाचे मॉडेल अधोरेखित केले, ज्यामुळे सदस्यसंख्येच्या बाबतीत ते जगातील सर्वात मोठे आहे. सहकारी संस्थांच्या परिसंस्थेचे अन्वेषण करताना, डॉ. यादव यांनी एक विभाग उघड केला जेथे 20% क्रेडिट-आधारित आणि 80% गैर-क्रेडिट आधारित आहेत. त्यांनी अमूल च्या उदाहरणाचा वापर करून सहकारी संस्थांमधील भांडवल व्यवस्थापन प्रक्रिया स्पष्ट केली. पुनरुज्जीवनाची गरज असलेल्या कार्यक्षेत्रांवर प्रकाश टाकून सादरीकरणाने सहकारी संस्थांच्या 54 उपक्रमांवर भर दिला. 16 नोव्हेंबर 2023 रोजी कॉसमॉस बँकेचे मुख्य तंत्रज्ञान अधिकारी श्री नचिकेत पोहेकर यांना या विशिष्ट दिवसाच्या थीमवर “सहकाराच्या डिजिटलायझेशनसाठी तंत्रज्ञानाचा अवलंब आणि उन्नतीकरण” या विषयावर   आमंत्रित करण्यात आले होते. श्री निखिल यादव, कृषीशास्त्र अॅग्रोटेकचे संस्थापक आणि सीईओ श्री सर्वेश घंगाल्ले, द फार्म्सचे सीईओ आणि सह-संस्थापक आणि एसएनआरएएसएसईएसटीईएमएस स्टार्टअप व्हेंचरिस्टचे सीईओ श्री सुवो सरकार यांना दिवसाच्या “इझ ऑफ डुइंग बिझनेस’ या थीमवर त्यांचे अनुभव शेअर करण्यासाठी आमंत्रित करण्यात आले होते.  20 नोव्हेंबर 2023 रोजी श्री किशोर कुमार, मुख्य प्रकल्प समन्वयक यांचे ऑनलाइन व्याख्यान आयोजित करण्यात आले होते ज्यांनी मेळाव्याला संबोधित केले. श्री किशोर कुमार यांच्या सादरीकरणाने शाश्वत विकास उद्दिष्टे साध्य करण्यासाठी प्रशिक्षण आणि शिक्षण, नवकल्पना, तंत्रज्ञान आणि सरकारी सहकार्य यांच्या महत्त्वपूर्ण भूमिकेवर भर दिला.

पुणे-उत्तर भारतीयांचा महत्त्वाचा असलेला छटपूजेच्या सोहळा हजारोंच्या भाविकांच्या उपस्थितीत शिवणे येथील मुठा नदी किनारी रंगला होता. रविवारी मावळत्या सूर्याला अर्घ्य तर सोमवारी उगवत्या सूर्याला नमन करीत छटपूजेच्या सोहळ्याची सांगता आज झाली.आमदार भीमराव तापकीर म्हणाले, राज्यात विविध सण साजरे केले जातात. कुटुंबात समाजात सुख, शांती, दीर्घायुष्य, परिवाराची भरभराट होण्यासाठी छट मातेची पुजा केली जाते. कार्यक्रमाचे नियोजन करताना सचिन दांगट हा पूर्णपणे उत्तर भारतीय होतो. एवढ्या प्रामाणिक तो प्रयत्न करतो. तुमच्या सोबत तो असतो. तर ‘मागील दहा वर्षापासून हा उपक्रम आम्ही सर्वजण मिळून करतो. विविध सोई असल्याने येथे भाविक गर्दी करतात.’ असे सचिन दांगट यांनी सांगितले.

दिवाळीच्या नंतर तिसऱ्या दिवसापासून छटपूजेच्या व्रत सुरु होते. सहाव्या दिवशी सकाळी याची समाप्ती होते. कुटुंबात सुख, शांती, भरभराटीसाठी व्रत केले जाते. नदीच्या पाण्यालगत मातीचा चौथरा करून छटमातेची प्रतिमा ठेवली जाते. केळीचे खुटे, ऊस उभे केले होते. दिवा, उदबत्ती लावली जाते.अस्ताला जाणाऱ्या सूर्याला विविध फळे, टोपली किंवा सुपात घेऊन महिला वाहत्या पाण्यात उभे राहून नैवद्य दाखविला. यानिमित्ताने २४ तास निरंक उपवास केला जातो. भोजपुरी, बिहारी, उत्तर प्रदेश, झारखंड, मधील अनेक कुटुंब येथे जमले होते. तसेच भोजपुरी व बिहारी, हिंदी गाण्याचा कार्यक्रम येथे उत्सव समितीने आयोजित केला होता.

दांगट पाटील नगर येथील शिवणे छटपूजा सार्वजनिक मित्र मंडळाच्या वतीने कार्यक्रमाचे आयोजन केले होते. आमदार भीमराव तापकीर यांनी येथे येऊन छट मातेचे पूजन केले. यामध्ये सचिन विष्णुपंत दांगट- पाटील, खडकवासला भाजपच्या सरचिटणीस ममता दांगट, अध्यक्ष रामसिंह गौतम,उपाध्यक्ष रामनवमी सहानी, महासचिव रामधनी यादव, कोषाध्यक्ष धर्मेंद्र सिंह, सचिव श्रीनाथ साळुंखे, संजय सहानी, मदन शर्मा, मनोज सिन्हा, रमेश सहानी, सुरेंद्र यादव, राम शर्मा, महेंद्र सहानी, अतुल सहानी, विजय पांडे, मीना सहानी, मीरा यादव, दुर्गावती सिंह, अनिता सहानी, शिखा यादव यांचा नियोजनात सहभाग होता.माजी नगरसेवक वृषाली चौधरी, मारुती किंडरे, अभिजित धावडे, निखील दांगट, यज्ञेश पाटील, उद्धव सुरवसे, दत्तात्रेय मुंडलिक यावेळी उपस्थित होते. शिवणे, उत्तमनगर, कोंढवे धावडे, न्यू कोपरे व एनडीए, कर्वेनगर, वारजे येथील हजारो महिला व त्यांचे कुटुंबीय उपस्थित होते.छटपूजा करण्यासाठी जागेचे सपाटीकरण, जाण्यासाठी रस्ता, पूजेला बसण्यासाठी लाल गालिचा अंथरला होता. मातीचा चौथरा करण्यासाठी माती उपलब्ध करून दिली होती. महिलांसाठी कपडे बदलण्याची जागा, पिण्याच्या पाण्याची व्यवस्था, स्टेज लाईटची व्यवस्था माजी स्वीकृत सदस्य सचिन दांगट यांनी केली होती.

पुणे :एका तरुणाला लिफ्ट देणे चांगलेच महागात पडले. तरुणाला धमकी देऊन लुटल्याची घटना आंबेगाव बु. येथे घडली आहे. याप्रकरणी भारती विद्यापीठ पोलिसांनी एकाला अटक केली आहे. हा प्रकार रविवारी (दि.19) दुपारी एक ते सव्वा एकच्या दरम्यान वडगाव पुल ते इंद्रायणी इंटरनॅशनल स्कूल दरम्यान घडला आहे.

याबाबत उमेश बाळासाहेब सोनवणे (वय-33 रा. सिंहगड कॅम्पस आंबेगाव बु.) यांनी भारती विद्यापीठ पोलीस ठाण्यात फिर्य़ाद दिली आहे. पोलिसांनी विशाल कांबळे (वय-34 रा. साईबाब मंदिर, वेताळनगर रोड, आंबेगाव बु.) याच्यावर आयपीसी 394, 506, 504 नुसार गुन्हा दाखल करुन अटक केली आहे. पोलिसांनी दिलेल्या माहितीनुसार, फिर्य़ादी उमेश सोनवणे रविवारी दुपारी एकच्या सुमारास वडगाव पुलाखालून दुचाकीवरुन जात होते. त्यावेळी आरोपी विशाल कांबळे याने फिर्य़ादी यांच्याकडे लिफ्ट मागितली. उमेश यांनी लिफ्ट दिली असता आरोपी विशाल याने ‘मी आत्ता एकाला मारुन आलो आहे, मला पैसे दे नाहीतर तुला पण मारीन’ अशी धमकी दिली. त्यानंतर फिर्यादी यांना जबरदस्तीने स्प्रिंग फिल्ड सोसासायटीच्या आतमध्ये नेऊन लाकडी फळीने मारण्याची धमकी दिली. तसेच फिर्यादी यांच्या खिशातील एक हजार रुपये जबरदस्तीने काढून घेतले. त्यावेळी उमेश सोनवणे यांनी आरडाओरडा केला असता परिसरातील लोक त्यांच्या मदतीसाठी धाऊन आले. आरोपीने त्यांनाही जीवे मारण्याची धमकी दिली. पुढील तपास पोलीस करीत आहेत.

पुणे, दि . २० साहित्यरत्न लोकशाहीर अण्णा भाऊ साठे विकास महामंडळामार्फत मातंग व तत्सम समाजाकरीता राबविण्यात येणाऱ्या योजनांचा प्रसार व प्रचार करण्यासोबत लाभ देण्यासाठी मंगळवार २१ नोव्हेंबर रोजी सकाळी ११:३० वा. सांस्कृतिक सभागृह, डॉ.बाबासाहेब आंबेडकर सामाजिक न्याय भवन, येरवडा येथे मेळाव्याचे आयोजन करण्यात आले आहे.

महामंडळामार्फत मांग, मातंग, मिनी-मादीग, मादींग, दानखणी मांग, मांग महाशी, मदारी, राधेमांग, मांग गारुडी, मांग गोराडी, मादगी व मादिगा या जातीतील नागरिकांसाठी विविध योजना राबविण्यात येतात. पुणे व सातारा जिल्ह्यातील या समाजघटकांसाठी महामंडळामार्फत राबविण्यात येणाऱ्या योजनांचा लाभ पोहोचण्याकरिता मेळाव्याचे आयोजन केले आहे.

या मेळाव्यामध्ये राज्याचे सामाजिक न्याय व विशेष सहाय्यक विभागाचे सचिव सुमंत भांगे, महामंडळाचे व्यवस्थापकीय संचालक मनीष सांगळे, डॉ. बाबासाहेब आंबेडकर संशोधन व प्रशिक्षण संस्थेचे (बार्टी) महासंचालक सुनिल वारे, महामंडळाचे महाव्यवस्थापक अनिल म्हस्के आदी मार्गदर्शन करणार आहेत. तरी समाजातील अधिकाधिक नागरिकांनी उपस्थित रहावे, असे आवाहन महामंडळाचे प्रादेशिक व्यवस्थापक शिवाजी मांजरे यांनी केले आहे.

पुणे-घेतलेल्या रकमेपेक्षा जास्त पैशासाठी तगादा लावल्याने एकाने आत्महत्या केल्याप्रकरणी धनकवडी येथील राजाराम बापु बँकेच्या व्यवस्थापकासह तिघांवर भारती विद्यापीठ पोलिस ठाण्यात आत्महत्येस प्रवृत्त केल्याप्रकरणी गुन्हा दाखल करण्यात आला आहे.बजरंग शिंदे यांच्या आत्महत्ये प्रकरणी प्रेमला बजरंग शिंदे (47, रा. शिवदर्शन अपार्टमेंट, आंबेगाव बुद्रुक) यांनी दिलेल्या फिर्यादीवरून बँकेच्या व्यवस्थापकासह रामभाऊ नामदेव कोंढरे, सोमनाथ कोंढरे यांच्यावरही याप्रकरणी गुन्हा दाखल करण्यात आला आहे.

पोलिसांनी दिलेल्या माहितीनुसार, आरोपींनी आपआपसात संगनमत करून फिर्यादी यांचे पती बजरंग शिंदे यांनी आरोपींकडून घेतलेल्या रकमेपेक्षा जास्त रकमेसाठी शिवीगाळ करत तगादा लावला होता. त्यांना मानसिक व आर्थिक त्रास देऊन आत्महत्यास प्रवृत्त केल्याने दि. 10 नोव्हेंबर रोजी आत्महत्या करण्याचा प्रयत्न केला. याप्रकरणी पत्नीच्या फिर्यादीवरून हा गुन्हा दाखल करण्यात आला आहे.सहा. पो. निरी. स्वप्निल पाटील ९०२१७४७३३६ अधिक तपास करत आहेत .