पुणे, दि. १: पुणे- सोलापूर राष्ट्रीय महामार्ग क्र. ६५ च्या कासुर्डी ते कवडीपाट रस्त्यावरील अतिक्रमणे व विना परवाना बांधकाम सात दिवसाच्या स्वखर्चाने काढून घेण्याचे आवाहन भारतीय राष्ट्रीय राजमार्ग प्राधिकरण, पुणे यांच्यातर्फे करण्यात आले आहे.

भारतीय राष्ट्रीय राजमार्ग प्राधिकरण पुणे यांच्या अधिकार क्षेत्रामधील पुणे- सोलापूर राष्ट्रीय महामार्गाच्या हद्दीमध्ये कासुर्डी ते कवडीपाट दरम्यान लगतच्या मिळकत धारकांनी अनधिकृतपणे अतिक्रमण केले असल्याचे निदर्शनास आले आहे. या अतिक्रमणामुळे राष्ट्रीय महामार्ग क्र. ६५ च्या विस्तारीकरणास अडथळा होत आहे.

त्यामुळे या लांबीदरम्यान रस्त्याच्या मध्यापासून दोन्ही बाजूस १५ मीटरमधील अतिक्रमणे स्वखर्चाने काढून घ्यावीत. अन्यथा ही अतिक्रमणे भारतीय राष्ट्रीय राजमार्ग प्राधिकरण पुणे यांच्यावतीने राष्ट्रीय राजमार्ग नियंत्रण (जमीन आणि वाहतूक) अधिनियम २००२ अन्वये निष्कासीत करण्यात येतील व त्याचा खर्च व दंड संबंधित धारकाकडून वसूल करण्यात येईल याची नोंद घ्यावी, असे प्रकल्प संचालक संजय कदम यांनी कळविले आहे.
0000

माजी मुख्य मंत्री पृथ्वीराज चव्हाण उदघाटक-सुषमा अंधारे,सक्षणा सलगर प्रमुख पाहुण्या

पुणे – अखिल भारतीय काँग्रेस पक्षाच्या माजी अध्यक्षा, खासदार सोनीया गांधी यांच्या वाढदिवसानिमित्त सेवा,कर्तव्य आणि त्याग सप्ताह दि. २ ते १०डिसेंबर २०२३ या कालावधीत साजरा होत असून, सप्ताहाचे उदघाटन महाराष्ट्राचे माजी मुख्य मंत्री, ज्येष्ठ नेते पृथ्वीराज चव्हाण यांच्या हस्ते होणार असून, शिवसेनेच्या उपनेत्या सुषमाअंधारे,राष्ट्रवादी युवती काँग्रेसच्या अध्यक्षा सक्षणा सलगर प्रमुख पाहुण्या म्हणून उपस्थित राहणार आहेत.

ही माहिती सप्ताहाचे मुख्य संयोजक, प्रदेश काँग्रेसचे उपाध्यक्ष, माजी आमदार मोहन जोशी यांनी पत्रकार परिषदेत दिली. उदघाटन सोहळा शनिवार,दि.२ डिसेंबर एस . एम.जोशी सभागृह येथे सायंकाळी साडेपाच वाजता होईल. ‘जुडेगा भारत, जितेगा इंडिया’ या संकल्पनेच्या माध्यमातून यंदाचा सप्ताह साजरा होत असून उदघाटन प्रसंगी मान्यवर भाष्य करतील.
तसेच गांधी,नेहरू आणि आंबेडकर यांचा भारत विषयावर सप्ताहात व्याख्यान आयोजित केले जाणार आहे.

सेवा,कर्तव्य आणि त्याग सप्ताहाचा उदघाटन सोहळा महाराष्ट्राच्या राजकारणात उत्सुकतेचा ठरलेला आहे. विविध विचारवंत, प्रमुख राजकीय नेते यांनी उदघाटन सोहळ्यात केलेली भाषणे राजकारणात गाजलेली असून, त्यावर प्रदीर्घ काळ चर्चा होत राहिली आहे. यंदाचा सोहळाही वैचारिकदृष्ट्या संस्मरणीय ठरेल, असा विश्वास मोहन जोशी यांनी व्यक्त केला.

सोनिया गांधी यांनी पंतप्रधान पदाचा त्याग केला आणि जनतेच्या प्रति सेवाभाव ठेवून निष्ठेने कर्तव्य पार पाडत आहेत. याविषयी कृतज्ञता व्यक्त करण्यासाठी २००४ सालपासून सेवा, कर्तव्य आणि त्याग सप्ताह काँग्रेसच्या वतीने साजरा करत असून यंदाचे १९ वे वर्ष आहे.

या सप्ताहात ससून मधील शवागारात काम करणाऱ्या कामगारांचा सत्कार, मुठाई नदी काल,आज आणि उद्या या विषयावर खुला गट चित्रकला स्पर्धा,रक्तदान शिबिर,महाआरोग्य तपासणी शिबिर,अनाथ आश्रम, वृद्धाश्रम,अंध शाळा आदी ठिकाणी फळे,मिठाई,कपडे वाटप तसेच पद पथावर राहणाऱ्यांना 1 हजार ब्लँकेट वाटप,महिलांसाठी वेशभूषा स्पर्धा,महिलांसाठी विशेष आरोग्य शिबिर,सफाई महिला कर्मचारी सत्कार आणि साड्या ,आरोग्य कीट वाटप केले जाईल.संविधान घर तयार करून त्यात प्रदर्शन भरविले जाईल.प्रियदर्शनी इंदिरा विषयावर निबंध स्पर्धा घेण्यात येणार आहे.शहराच्या विविध भागात हे उपक्रम राबविले जाणार आहेत,अशी माहिती मोहन जोशी यांनी दिली.

पुणे, दि. १: महाराष्ट्र राज्य परीक्षा परिषदेमार्फत पूर्व उच्च प्राथमिक शिष्यवृत्ती परीक्षा व पूर्व माध्यमिक शिष्यवृत्ती परीक्षा १८ फेब्रुवारी, २०२४ रोजी आयोजित करण्यात आलेली असून या परीक्षेकरीता शाळा नोंदणी व विद्यार्थी ऑनलाईन अर्ज भरण्याकरीता ७ डिसेंबरपर्यंत मुदतवाढ देण्यात आली आहे.

नियमित शुल्कासह ऑनलाईन अर्ज ७ डिसेंबरपर्यंत भरता येणार आहेत. विलंब शुल्कासह ८ ते १५ डिसेंबर, अतिविलंब शुल्कासह १६ ते २३ डिसेंबर, अतिविशेष विलंब शुल्कासह २४ ते ३१ डिसेंबरपर्यंत ऑनलाईन आवेदनपत्र भरण्याबाबतचे सुधारित वेळापत्रक जाहीर करण्यात आले आहे. ३१ डिसेंबरनंतर कोणत्याही परिस्थितीत आवेदनपत्रे स्वीकारले जाणार नाही. याची नोंद घेऊन शाळांनी ऑनलाईन अर्ज ७ डिसेंबरअखेरपर्यंत भरण्याची कार्यवाही करावी, असे परीक्षा परिषदेचे उपायुक्त संजयकुमार राठोड यांनी कळविले आहे.
0000

पुणे- महापालिकेच्या राजीव गांधी प्राणिसंग्रहालय जाणि वन्यजीव संशोधन केंद्राच्या तिकीटाची प्रणाली ऑनलाईन करण्यात आली आहे. या माध्यमातून घरबसल्या राजीव गांधी प्राणिसंग्रहालयाचे ऑनलाईन तिकीट काढता येत असल्याने या प्रणालीना नागरिकांचा चांगलाच प्रतिसाद मिळतोय, कात्रज परिसरात पुणे महापालिकेच्या पतीने राजीव गांधी प्राणिसंग्रहालय आणि वन्यजीव संशोधन केंद्र निर्माण केले बाहे. या संग्रहालयात विविध प्रकारचे पक्षी, प्राणी, साप पाहायला मिळतात. हे संग्रहालय पाहण्यासाठी राज्याच्या विविध भागातून लोक येत असतात. यात शाळांच्या महत्रीचे प्रमाण देखील मोठे असते. शनिवार, रविचार किंवा इतर मुट्टीच्या दिवशी झू मध्ये मोठ्या प्रमाणात गर्दी होते. यामुळे कधी कधी नागरिकांना तिकिटासाठी वाट पाहावी लागत होती. हे टाळण्यासाठी पुणे महापालिकेने प्राणी संग्रहालयासाठी स्वतंत्र पोर्टल सुरु केले आहे. या माध्यमातून नागरिक घरबसल्या ऑनलाईन तिकीट काढू शकतात.

पुणे महापालिकेच्या या उपक्रमांला चांगला प्रतिसाद मिळत आहे. विदेशी नागरिकांसाठी प्रति १०० रुपये, लहान मुलांसाठी फ्री तर भारतीय नागरिकांनाठी ४० रुपये तिकीट दर असून ऑनलाईन तिकीट काढण्याची प्रक्रिया अतिशय मोपी व सुलभ करण्यात आली आहे. याशिवाय व्हिडिओ केंमेन्याचे २०० रुपये व फक्त फोटोसाठी वापरण्यात येणान्या गेल्याचे ५० रुपये तिकीट दर आहे. दिव्यांग व्यक्तीकडून कोणत्याही प्रकारचे तिकीट आकारण्यात येणार नसून त्यांना प्राणिसंग्रहालयात मोफत प्रवेश देण्यात येणार आहे. तर, प्रत्येक बुधबारी प्राणिसंग्रहालयाचा साप्ताहिक सुट्टी असणार आहे. तर, इतर दिवशी हे प्राणिसंग्रहालय सकाळी ९.३० ते सायंकाळी ५.३० याफाळात सुरु असेल, तरी जास्तीतजास्त नागरिकांनी ऑनलाईन तिकीट प्रणालीचा लाभ घ्यावा, असे आवाहन पुणे महापालिकेच्या वतीने करण्यातआले आहे

ऑनलाईन तिकीट कसे काढता येईल?

3 सर्वांत प्रथम PMC CARE च्या अँप वर जाऊन नोंदणी प्रक्रिया पूर्ण करा 3 त्यानंतर तुमच्या प्रोफाइलमध्ये ‘ झू बुकिंग ‘ विभागात जा.

तारीख आणि वेळ निवडा,

3 आवश्यक तिकिटांची संख्या टाका.

2 पेमेंट करा.

पुणे-मौजमजेकरीता घरफोडी करणा-यांना तीन विधीसंघर्षीतांना पुणे पोलिसांनी ताब्यात घेतले आहे. , त्यांचेकडुन ०४ घरफोडीचे गुन्हे उघड झाल्याचे पोलिसांनी म्हटले आहे. या संदर्भात पोलिसांनी सांगितले कि,’हडपसर पोलीस ठाणे हद्दीतील घरफोडीचे गुन्हे उघडकीस आणणेकरीता हडपसर पोलीस स्टेशनचे वरिष्ठ पोलीस निरीक्षक, श्री. रविंद्र शेळके यांनी तपास पथकाचे पोलीस अधिकारी / पोलीस अंमलदार यांची मिटींग घेवून घरफोडी गुन्हे उघड करण्यासाठी आराखडा तयार केला.हडपसर पोलीस ठाणे गु.र.नं.१८१५/२०२३, भा.दं. वि. कलम ३८० मधील फिर्यादी यांचे लोहीया गार्डन मगरपट्टा चौक, हडपसर, पुणे या ठिकाणी असलेल्या स्टोअर रुम व ऑफीस रुमच्या मध्ये ठेवलेले लॅपटॉप व पॉलीकॅब कंपनीच्या वायरचे बंडल चोरी केल्याने गुन्हा दाखल करण्यात आला होता.तपास पथकाचे अधिकारी सहा. पोलीस निरीक्षक, विजयकुमार शिंदे, पोलीस उप-निरीक्षक, अविनाश शिंदे व पोलीस अंमलदार, प्रशांत दुधाळ, भगवान हंबर्डे असे दाखल गुन्ह्या संदर्भाने माहीती घेत असताना, त्यांना तपासा दरम्यान प्राप्त झालेल्या आरोपींचे वर्णनाबाबत पोलीस अंमलदार, प्रशांत दुधाळ, भगवान हंबर्डे यांना मिळालेल्या बातमीचे आधारे तीन विधीसंघर्षित बालक यांना ताब्यात घेवुन, त्यांचेकडे केले तपासात त्यांनी दाखल गुन्हा तसेच हडपसर पोलीस ठाणे हद्दीत वेळोवेळी घरफोडीचे गुन्हे केल्याची माहीती दिली. सदरचे गुन्हे हे त्यांनी मौज-मजेकरीता पैशांची आवश्यकता असल्याने केले असल्याचे सांगीतले आहे.त्यांचेकडुन पुढीलप्रमाणे गुन्हे उघडकीस आणले आहेत. १) हडपसर पोलीस स्टेशन पुणे शहर गु.र.नं. ७४५/२०२३, भा.दं.वि.कलम ४५४,४५७,३८० २) हडपसर पोलीस स्टेशन पुणे शहर गु.र. नं.९१६/२०२३, भा.दं. वि.कलम ४५७,३८० ३) हडपसर पोलीस स्टेशन पुणे शहर गु.र.नं. १५९३/२०२३, भा.दं.वि.कलम ४५७,३८० ४) हडपसर पोलीस स्टेशन पुणे शहर गु.र.नं.१८१५/२०२३, भा.दं. वि. कलम ३८० प्रमाणेसदर विधीसंघर्षित बालक यांचेकडून दाखल गुन्ह्यातील चोरीस गलेला लॅपटॉप व पॉलीकॅब वायर, दुचाकी व इतर साहीत्य असा या किं. रू १,८२,०००/- चा हस्तगत करण्यात आल्या आहे.
सदरची कामगिरी अप्पर पोलीस आयुक्त, पुर्व प्रादेशिक विभाग, पुणे,रंजनकुमार शर्मा, पोलीस उप-आयुक्त, परिमंडळ-०५, पुणे, विक्रांत देशमुख यांचे मागदर्शनाखाली सहाय्यक पोलीस आयुक्त, हडपसर विभाग पुणे, श्रीमती अश्विनी राख, हडपसर पोलीस स्टेशनचे वरिष्ठ पोलीस निरीक्षक, रविंद्र शेळके पोलीस निरीक्षक, (गुन्हे), विश्वास डगळे, संदीप शिवले यांचे सुचनेप्रमाणे तपास पथकाचे सहा. पोलीस निरीक्षक, विजयकुमार शिंदे, पोलीस उप-निरीक्षक, अविनाश शिंदे, पोलीस अंमलदार, सुशील लोणकर, संदीप राठोड, समीर पांडुळे, जोतीबा पवार, सचिन जाधव, जोतीबा पवार, शाहीद शेख, प्रशांत दुधाळ, निखील पवार, अतुल पंधरकर, भगवान हंबर्डे, सचिन गोरखे, प्रशांत टोणपे, अजित मदने, चंद्रकांत रेजीतवाड, अमोल दणके, कुंडलीक केसकर, रशिद शेख यांचे पथकाने केली आहे.

पुणे-रुग्णालयात तपासणीसाठी गेलेल्या एका तरुणीसोबत डॉक्टरने अश्लील वर्तन केल्याची संतापजनक घटना पुण्यात घडली आहे. या प्रकरणी स्वारगेट परिसरातील मुकुंदनगर येथील डाॅक्टर श्रीपाद पुजारी यांच्यावर स्वारगेट पाेलिस ठाण्यात गुन्हा दाखल करण्यात आला आहे.

याबाबत पीडित तरुणीने पोलिसांकडे डाॅक्टर पुजारी यांच्याविरोधात फिर्याद दाखल केली आहे. पाेलिसांनी दिलेल्या माहितीनुसार, तक्रारदार तरुणीला डोकेदुखीचा त्रास होता. त्यामुळे ती डाॅक्टर पुजारी यांच्या मुकुंदनगर स्थित रुग्णालयात गेली होती. त्यांचे रुग्णालय या उच्चभ्रु भागातील एका इमारतीच्या 6 व्या मजल्यावर होते. त्यावेळी डाॅक्टर पुजारी यांनी तिला तपासणी करताना ‘तू एकटी आली आहे का? तू खूप सुंदर दिसते’ असे सांगून तिच्याशी अश्लील वर्तन केले. तसेच तरुणीला नकाे ते प्रश्न विचारत तिच्याशी शारिरिक जवळीक साधून तिच्या मनास लज्जा उत्पन्न हाेईल असे वर्तन केले. याबाबत स्वारगेट पाेलिस ठाण्याच्या पाेलिस उपनिरीक्षक कीर्ती चाटे पुढील तपास करत आहेत.

पुणे- मकोका मध्ये एक वर्षापासुन फरार असलेला कात्रजच्या मांगडेवाडीचा तौफिक लाला शेखला पोलिसांनी जेरबंद केला आहे. या संदर्भात पोलिसांनी सांगितले कि,’
भारती विद्यापीठ पोलीस स्टेशन, पुणे गुन्हा रजि नं. ३७६/२०२२, भा. द. वि. कलम ३०७,३२४, ३२३,५०४,५०६,१४३,१४७,१४९, आर्म अॅक्ट ४ (२५), महाराष्ट्र पोलीस कायदा कलम ३७(१) (३) सह १३५, क्रिमीनल अमेंडमेंन्ट अॅक्ट कलम ७, महाराष्ट्र संघटीत गुन्हेगारी नियंत्रण कायदा कलम ३(१)(ii),३(२), ३(४) या गुन्हयातील पाहीजे आरोपीत तौफिक लाला शेख, वय-२६ वर्षे, रा. १०/३, मांगडेवाडी, भैरवनाथ हाईटस, कात्रज, पुणे हा मागील एक वर्षापासुन मिळुन येत नव्हता. सदर आरोपीत हा त्याचे अस्तीत्व लपवुन वारंवार वेग-वेगळ्या जिल्हयांमध्ये त्याची ओळख व ठाव ठिकाणा बदलुन वास्तव करीत होता.
सदर आरोपीत तौफिक शेख याचा भारती विद्यापीठ पोलीस स्टेशनकडील तपास पथकाचे अधिकारी व अंमलदार तांत्रिक विश्लेषणावरुन शोध घेत असताना, पोलीस अंमलदार, विक्रम सावंत, अभिजीत जाधव यांना नमुद आरोपी हा मांगडेवाडी, गणपती मंदीराजवळ त्याचे आईस भेटण्यासाठी आला आहे अशी खात्रीलायक बातमी मिळाल्याने लागलीच तपास पथकाचे अधिकारी व अंमलदार यांनी सदर ठिकाणी जावुन आरोपीताचा शोध घेतला तौफिक लाला शेख हा मिळुन आल्याने त्यास ताब्यात घेवुन पुढील कारवाईकामी गुन्हयाचे तपासी अधिकारी सहाय्यक पोलीस आयुक्त, स्वारगेट विभाग, पुणे, नारायण शिरगावकर यांचे ताब्यात देण्यात आले असुन, त्यांनी सदर आरोपीत यास नमुद गुन्हया मध्ये अटक केली आहे.
सदरची कामगिरी अपर पोलीस आयुक्त, पश्चिम प्रादेशीक विभाग, पुणे, प्रविणकुमार पाटील, पोलीस उप-आयुक्त परिमंडळ ०२, श्रीमती स्मार्तना पाटील सहाय्यक पोलीस आयुक्त, स्वारगेट विभाग, पुणे, नारायण शिरगावकर यांचे मार्गदर्शनाखाली भारती विदयापीठ पोलीस स्टेशनकडील वरिष्ठ पोलीस निरीक्षक, विनायक गायकवाड, तसेच पोलीस निरीक्षक, (गुन्हे), विजय पुराणिक, गिरीश दिघावकर, सहा. पोलीस निरीक्षक, अमोल रसाळ, पोलीस उपनिरीक्षक, धिरज गुप्ता, पोलीस अंमलदार, अभिजीत जाधव, विक्रम सावंत, शैलेश साठे, सचिन सरपाले, चेतन गोरे, महेश बारावकर, मंगेश पवार, निलेश ढमढेरे, हर्षल शिंदे, अवधतु जमदाडे, निलेश खैरमोडे, धनाजी धोत्रे, सचिन गाडे, राहुल तांबे, मितेश चोरमोले, आशिष गायकवाड, अभिनय चौधरी यांचे पथकाने केली आहे.