पिंपरी, पुणे (दि. ३ मार्च २०२४) लहान वयोगटातील बालकांनी भारतीय शास्त्रीय संगीताचे श्रवण आणि सराव केला तर स्मृती सुधारणे, सामाजिक, भावनिक, बुद्धिमत्ता आणि एकाग्रतेचा विकास होण्यास उपयोग होतो असे संशोधनाअंती सिद्ध झाले आहे. गायन आणि योगाद्वारे शारीरिक हालचाली सह भाषा आणि संज्ञानात्मक, कलात्मक विकास साध्य करता येतो असे प्रा. डॉ. कस्तुरी पायगुडे राणे यांनी सांगितले.
पिंपरी चिंचवड एज्युकेशन ट्रस्टच्या रावेत येथील एस. बी. पाटील पब्लिक स्कूलमध्ये ‘स्पीक मॅके’ (SPIC MACAY सोसायटी फॉर द प्रमोशन ऑफ इंडियन क्लासिकल) या संस्थेच्या वतीने ‘आरंभ’ या प्रकल्पांतर्गत विद्यार्थ्यांना भारतीय शास्त्रीय संगीताची ओळख आणि आवड निर्माण व्हावी यासाठी आयोजित केलेल्या कार्यक्रमात डॉ. कस्तुरी पायगुडे राणे यांनी मार्गदर्शन केले.
यावेळी संयोजक सुमन डोंगा, प्राचार्य डॉ.बिंदू सैनी, उपप्राचार्य पद्मावती बंडा, मुख्याध्यापिका शुभांगी कुलकर्णी व शिक्षक, विद्यार्थी उपस्थित होते. ‘स्पीक मॅके’ या संस्थेची स्थापना आयआयटी दिल्ली येथील प्रा. किरण शेठ यांनी १९७७ मध्ये देशव्यापी स्वैच्छिक, चळवळ सुरू करून केली. विद्यार्थी आणि तरुणांमध्ये भारतीय शास्त्रीय संगीताची ओळख करून देणे. त्याचे श्रवण आणि गायन केल्यामुळे होणारे सकारात्मक बदल याविषयी संशोधन करणे यासाठी ही संस्था काम करीत आहे. त्या अंतर्गत ‘आरंभ’ या प्रकल्पाचे पुण्यातील पहिले सत्र नुकतेच एस. बी. पाटील पब्लिक स्कूलमध्ये आयोजित करण्यात आले होते.
आरंभ अंतर्गत लहान वयोगटातील विद्यार्थ्यांना भारतीय शास्त्रीय संगीताची प्रेरणा देणाऱ्या संवादात्मक माध्यमातून योग आणि संगीत समजून सांगण्यात आले.
पिंपरी चिंचवड एज्युकेशन ट्रस्टचे अध्यक्ष ज्ञानेश्वर लांडगे, उपाध्यक्षा पद्माताई भोसले, सचिव विठ्ठल काळभोर, खजिनदार शांताराम गराडे, विश्वस्त हर्षवर्धन पाटील, उद्योजक नरेंद्र लांडगे, अजिंक्य काळभोर, कार्यकारी संचालक डॉ. गिरीश देसाई यांच्या मार्गदर्शनाखाली हा कार्यक्रम आयोजित करण्यात आला होता.

 मी सावरकर वक्तृत्व स्पर्धेचा पारितोषिक वितरण सोहळा
पुणे : देशाला स्वातंत्र्य मिळाल्यानंतर ‘दे दि हमें आझादी बिना खड्ग बिना ढाल’ ही भावना भारतीयांची होत गेली , हे अंशतः खरे पण आहे, परंतु आम्ही खड्ग उचलण्याच्या लायक नाही का? कुणीतरी म्हटले चले जाव आणि परकीय गेले असे आहे का? त्याच्याआधी  स्वातंत्र्यासाठी किती लोकांनी आपले रक्त सांडले, किती लोकांना बलिदान द्यावे लागले. स्वातंत्र्य मिळविण्याचा इतिहास मोठा आहे. केवळ आंदोलने आणि असहकार चळवळ करून स्वातंत्र्य मिळाले नाही, परंतु महात्मा गांधी यांनी स्वातंत्र्याचा विचार घराघरात पोहोचवण्याचे महत्त्वाचे काम केले, असे मत माजी लोकसभा अध्यक्ष सुमित्रा महाजन यांनी व्यक्त केले.

मी सावरकर वक्तृत्व स्पर्धेचा पारितोषिक वितरण सोहळा फर्ग्युसन महाविद्यालयाच्या अँफि थिएटर मध्ये झाला. यावेळी डेक्कन एज्युकेशन सोसायटीचे अध्यक्ष प्रमोद रावत, लोकमान्य मल्टिपर्पजचे सुशील जाधव, ज्येष्ठ अभिनेते डॉ. नितीश भारद्वाज, पंडित शौनक अभिषेकी, सीए. धनंजय बर्वे, सीए. रणजीत नातु, सीए. अमेय कुंटे, प्रवीण गोखले, शैलेश काळकर, रवी ढवळीकर यावेळी उपस्थित होते. प्रसाद माधवराव कुलकर्णी हे या वक्तृत्व स्पर्धेचे महाविजेते ठरले.

सुमित्रा महाजन म्हणाल्या, स्वातंत्र्याच्या ६५ वर्षांमध्ये स्वातंत्र्याची भावना जागृत झालेली दिसली नाही. परंतु आज इतक्या वर्षानंतर गावागावात ‘आमच्याकडे पण कोणीतरी क्रांतिकारी होते’ याची आठवण उत्स्फूर्तपणे होत आहे.

त्या पुढे म्हणाल्या, आपण सतत पराभूत होतो ही भावना जाणून बुजून रुजवण्यात येत होती. विजयाच्या आठवणी पुसल्या गेल्या होत्या. परंतु अटक ते कटक, विजयनगर साम्राज्य ह्या आपल्या विजयाच्या आठवणी आहेत. ६५ वर्षात माझा देश स्वतंत्र आहे, हा भाव जागृत होणे गरजेचे होते, तर ते टिकवण्याची आणि बलशाली करण्याची ताकद आली असती. परंतु ते आता होत आहे, स्वातंत्र्यवीर सावरकर उपेक्षित नव्हते त्यांना पेलायची ताकद आता आली आहे, असेही त्यांनी सांगितले.

प्रमोद रावत म्हणाले, सध्याच्या राजकारणात आपल्या महान नेत्यांचा, त्यांच्या विचारांचा अपप्रचार होत आहे. तो थोपविण्यासाठी मेहनत लागते. यासाठी विचारांचे पाईक घडवावे लागतात. अशी मेहनत समाजात पुढे घेऊन जावी लागते, हे काम मी सावरकर वक्तृत्व स्पर्धेतून होत आहे.

वक्तृत्व स्पर्धा विविध गटातील प्रथम क्रमांकाचे विजेते –  १) नित्य श्रद्धा निळकंठ पवार (गट – इयत्ता पाचवी ते आठवी), वेदांत पंकज बागुल (इयत्ता ९ ते १२ वी), ईश्वरी दीपक डाखोळे (महाविद्यालयीन विद्यार्थी), सतीश सगदेव (ज्येष्ठ गट), तृप्ती अभिजीत यरनाळकर (युवा गट), संतोष कानडे (वरिष्ठ गट), मधुमंजिरी गटणे (नवनिर्मित काव्यरचना), माही आशिष गाडगीळ, अनुजा पेठे (वादविवाद, कौशल्य),  सारंग हेरंब चिंचणीकर आसावरी अमित बर्वे (नाट्यवाचन), गायत्री प्रसाद यरगुद्दी (संगीतमय सावरकर)

सुरभी नातू यांनी सूत्रसंचालन केले. रणजीत नातु यांनी प्रास्ताविक केले. सीए अमेय कुंटे यांनी आभार मानले.

पुणे-

पुणे जिल्हा बॉक्सिंग संघटनाची वार्षिक सर्वसाधारण सभा व निवडणुक रविवार दि.३ मार्च, २०२३ रोजी डिलक्स चौक, पिंपरी, पुणे येथे पार पडली. ११ फेब्रुवारी, २०२३ रोजी या निवडणुकीची अधिसूचना जारी करण्यात आली होती. या संपुर्ण निवडणुक प्रक्रियेत पुणे जिल्ह्यातील ७ तालुके व २ कँटोन्मेंट बोर्ड याप्रमाणे एकूण ९ संलग्न संघटना प्रतिनिधी सहभागी झाले होते. निवडणुक निर्णय अधिकारी व महाराष्ट्र ऑलिंपिक असोसिएशनचे सहयोगी सदस्य श्री. मनोज भोरे यांनी पुणे जिल्हा बॉक्सिंग संघटनेच्या निवडणुकीत सर्व पदाधिकारी बिनविरोध निवडून आल्याचे जाहीर केले.
पुणे जिल्हा बॉक्सिंग संघटनेची नवनिर्वाचित कार्यकारिणी पुढील प्रमाणे:-

अध्यक्ष: ॲड. गौतम चाबुकस्वार (मावळ तालुका)
कार्याध्यक्ष: श्री. भरतकुमार व्हावळ (पुणे कँटोन्मेंट)
उपाध्यक्ष: श्री. अजितसिंग कोचर (खडकी कॅन्टोन्मेंट)
उपाध्यक्ष: श्री. कृष्णदेव क्षीरसागर (इंदापूर तालुका)
उपाध्यक्ष: श्री. संदीप देवकाते (बारामती तालुका)
महासचिव: श्री. अभिमन्यू सुर्यवंशी (हवेली तालुका)
खजिनदार: श्री. सुर्यकांत दुधभाते (शिरूर तालुका)
सहसचिव: श्री. निलेश खुडे (खडकी कॅन्टोन्मेंट)
सदस्य: श्री.पृथ्वीराज ओव्हाळ (भोर तालुका), श्री. इरफान शेख (बारामती तालुका), श्री. रवींद्र कजानिया (मावळ तालुका), श्री. आसिफ शेख (पुणे कँटोन्मेंट), श्री. अमोल गोडसे (इंदापूर तालुका), अमोल धनवडे (दौंड तालुका).

या सभेस निवडून आलेल्या सदस्यां व्यतिरिक्त आंतरराष्ट्रीय कोच श्री. विजय गुजर, पुणे शहर बॉक्सिंग संघटनेचे प्रभारी सचिव श्री. अमोल सोनवणे, श्री. शकील शेख, श्री. सुधीर ओव्हाळ, श्री. योगेश सातव, इत्यादी प्रतिनिधी उपस्थित होते.

mसिंधी तरुणांकडून सामाजिक भान जपत एएनपी केअर फाऊंडेशनला डायलिसिस मशीन

पुणे : सुलतान्स ऑफ सिंधने हेमू कलानी ग्लॅडिएटर्सचा १० गडी राखून पराभव करत पाचव्या सिंधी प्रीमिअर लीगचे विजेतेपद पटकविले. अष्टपैलू कामगिरी करणारा धीरज मनवानी सामनावीर ठरला. पिंपरीतील मृणाल क्रिकेट मैदानावर २४ दिवस ही स्पर्धा झाली. नाणेफेक जिंकून हेमू कलानी ग्लॅडिएटर्सने फलंदाजी करण्याचा निर्णय घेतला. कसोटी क्रिकेटच्या धर्तीवर दोन डावांचा हा सामना झाला. प्रत्येक डावात ९ षटके खेळण्यात आली.
हेमू कलानी ग्लॅडिएटर्सने पहिल्या डावात ९ षटकात ४ गडी गमावत ५५ धावा करून सुलतान्स ऑफ सिंधला ४९ धावांवर रोखत अवघ्या ६ धावांची आघाडी घेतली. हेमू कलानी ग्लॅडिएटर्स दुसऱ्या डावातही फारसा प्रभावी खेळ करू शकले नाहीत. ९ षटकांत ८ बाद ४४ धावा करत ५० धावांचे आव्हान उभारले. पहिल्या डावात अंकुश आहुजाच्या २४ धावा वगळता इतर एकही फलंदाज दोन आकडी धावसंख्या गाठू शकला नाही. दोन्ही डावांत मिळून हानिशने ४० धावांत ३, अमितने २० धावांत ३, तर धीरज मनवानीने २२ धावांत २ गडी बाद केले.
पहिल्या डावात ४९ धावा करून पिछाडीवर असलेल्या सुलतान्स ऑफ सिंधसमोर विजयासाठी ५० धावांचे लक्ष्य होते. विजयी निर्धाराने मैदानात उतरलेल्या सुलतान्स ऑफ सिंधने आक्रमक खेळ केला. पहिल्या डावात सलामीवीर सनी सुखेजा (२४) व धीरज मनवानी (१९) यांनी दुसऱ्या डावातही अनुक्रमे १३ व नाबाद १३ धावा केल्या. डब्बू आसवानी (१५) व कर्णधार अमित (६) यांनी सुलतान्स ऑफ सिंधला विजय मिळवून दिला. यतीन मंगवानीने ३२ धावांत २, तर पवन पंजाबीने २० धावांत २ गडी बाद केले. 
सिंधी तरुणांना खेळांसाठी प्रोत्साहित करण्याच्या, तसेच सिंधी संस्कृतीचे जतन आणि सामाजिक भावनेतून ‘सिंधी प्रीमिअर लीग’चे आयोजन केले जाते. यंदा लीगमधून उभारलेल्या निधीतून एएनपी केअर फाऊंडेशनला डायलिसिस मशीन, सिंधूताई सपकाळ यांच्या ममता बालसदन संस्थेला दीड लाख, तर आळंदी येथील अंध मुलींच्या शाळेला ५० हजारांची देणगी देण्यात आल्याचे संयोजक हितेश दादलानी व कन्वल खियानी यांनी सांगितले.————————————-महिलांमध्ये गंगा वॉरियर्स विजयीसिंधी प्रीमिअर लीगमध्ये यंदा पहिल्यांदाच महिलांची स्पर्धा घेण्यात आली. सहा संघांचा यात समावेश होता. गंगा वॉरियर्स आणि झेलम क्वीन्स यांच्यात अंतिम सामना रंगला. गंगा वॉरियर्सने कर्णधार शीतल आसवानीच्या धडाकेबाज ३४ चेंडूतील ९५ धावांची खेळी व चार धावांत ३ गडी बाद करत केलेली भेदक गोलंदाजी याच्या जोरावर झेलम क्वीन्सवर ४८ धावांनी विजय मिळवला. प्रथम फलंदाजी करत वॉरियर्सने ८ षटकांत ४ बाद ११४ धावा केल्या. ११५ धावांचे तगडे आव्हान घेऊन मैदानात उतरलेल्या झेलम क्वीन्सने चांगली सुरुवात केली. मात्र, सलामीवीर अंजली आसवानी (१२) जायबंदी झाल्याने, तसेच नेहा (१८) व याकृत (२४) फटके मारण्याच्या नादात लवकर बाद झाल्याने त्यांचा डाव गडगडला. अन्य फलंदाज अपयशी ठरल्याने ७.४ षटकांत अवघ्या ६६ धावांत झेलम क्वीन्सचा डाव संपुष्टात आला. शीतल आसवानीला सामनावीराचा किताब मिळाला. ————————-संक्षिप्त धावफलक : (पुरुष गट)हेमू कलानी ग्लॅडिएटर्स : पहिला डाव – ४ बाद ५५ (अंकुश अहुजा २४, यतीन मंगवानी ८, अमित ८-२), सुलतान्स ऑफ सिंध : पहिला डाव – ७ बाद ४९ (सनी सुखेजा २४, धीरज मनवानी नाबाद १९, पवन पंजाबी १२-२, यतीन मंगवानी १९-१, नरेंद्र लुंड १०-१) हेमू कलानी ग्लॅडिएटर्स : दुसरा डाव – ८.५ षटकांत सर्वबाद ४४ पराभूत विरुद्ध सुलतान्स ऑफ सिंध : दुसरा डाव – ७.५ षटकांत २ बाद ५२ (डब्बू आसवानी १५, सनी सुखेजा १३, धीरज मनवानी नाबाद १३, यतीन मंगवानी १३-१, मनीष कटारिया २२-१)————————–संक्षिप्त धावफलक : (महिला गट)
गंगा वॉरियर्स – ८ षटकांत ४ बाद ११४ (शीतल आसवानी ९५, नेहा १५-२) विजयी झेलम क्वीन्स : ७.४ षटकांत सर्वबाद ६६ (याकृत २४, नेहा १४, अंजली आसवानी १२, शीतल आसवानी ४-३, सम्या ५-२)

पुणे : पुणेकरांची वाहतूक कोंडीतून सुटका होण्यासाठी रुबी हॉल ते रामवाडी मेट्रो मार्ग सुरू होणे गरजेचे होते. परंतु पंतप्रधान नरेंद्र मोदी यांना सोयीची वेळ मिळत नसल्याने तिथपर्यंत मेट्रो सेवा सुरू होत नव्हती, या विरोधात काँग्रेस पक्ष आणि ‘वेकअप’ पुणेकर यांनी जनमताचा रेटा उभा केला, त्याला यश आले, परिणामी येत्या ६ मार्च रोजी मेट्रो मार्गाचे उदघाटन होत आहे, अशी प्रतिक्रिया माजी आमदार, महाराष्ट्र प्रदेश काँग्रेसचे उपाध्यक्ष मोहन जोशी यांनी व्यक्त केली आहे.

पुणेकरांना शहरात ठिकठिकाणी वाहतूक कोंडीला तोंड द्यावे लागते. यावर उपाययोजना म्हणून वनाज ते रामवाडी हा मेट्रो मार्ग चालू होणे खूप गरजेचे आहे. लांब अंतरापर्यंत मेट्रो धावली तर जास्तीत जास्त पुणेकर तिचा लाभ घेतील. कोथरूडहून स्टेशनपर्यंत जाणाऱ्यांची सोय होईल आणि रस्त्यावरील वाहतुकीचा, रहदारीचा ताण कमी होईल. मात्र, ते लक्षात न घेता पंतप्रधानांच्या सोयीसाठी निम्म्याहून अधिक मेट्रो मार्ग अडविला गेला होता. या प्रकाराच्या विरोधात पुणेकरांचा आवाज उठविण्यासाठी काँग्रेस पक्षाच्या वतीने विविध आंदोलने करण्यात आली. अलीकडेच समाजसेवक सार्वजनिक काका यांच्या पुतळ्यासमोर घंटानाद आंदोलनही केले होते. त्याला लोकांचा प्रतिसाद मिळाला होता. ‘वेकअप’ पुणेकर अभियानांतर्गत वाहतूक तज्ज्ञ आणि मेट्रो अधिकाऱ्यांच्या बैठका घेण्यात आल्या. त्यातून जनमताचा रेटा निर्माण केला. त्यापुढे सत्ताधारी भाजपला झुकावे लागले. ऑनलाईन पद्धतीने का होईना पंतप्रधान मोदी ६ तारखेला मेट्रो मार्गाचे उदघाटन करणार आहेत, असे मोहन जोशी यांनी पत्रकात म्हटले आहे.

मेट्रो सेवा मुळात काँगेसचा प्रकल्प आहे. हा प्रकल्प राबवताना २०१४ पासून भारतीय जनता पक्षाने यात उदंड राजकारण केले. त्यांच्यातील अंतर्गत वादात प्रकल्प लांबत गेला आणि खर्च वाढला. आजही भाजपचे तेच राजकारण चालू आहे. पुण्याचे प्रश्न सोडविण्याविषयी त्यांच्यात अनास्थाच आहे. लोहगाव विमानतळ टर्मिनल २ विमान वाहतुकीसाठी सज्ज झाले आहे. पण, तिथेही भाजपचे श्रेयाचे राजकारण चालू असून, उदघाटन अजूनही झालेले नाही, अशी टीका मोहन जोशी यांनी पत्रकाद्वारे केली आहे.

मतदार नोंदणी आणि मतदारांना मतदानासाठी प्रोत्साहीत करण्यावर भर द्या-जिल्हाधिकारी डॉ.सुहास दिवसे

पुणे दि.२९-लोकसभा सार्वत्रिक निवडणुकीसंबंधी कामासाठी नियुक्त निवडणूक निर्णय अधिकारी, सहाय्यक निवडणूक निर्णय अधिकारी आणि समन्वयक अधिकाऱ्यांच्या बैठकीचे आयोजन जिल्हाधिकारी डॉ.सुहास दिवसे यांच्या उपस्थितीत जिल्हाधिकारी कार्यालयात करण्यात आले. पात्र व्यक्तींची मतदार नोंदणी आणि नोंदणी झालेल्या मतदारांना मतदानासाठी प्रोत्साहीत करण्यावर भर द्यावा, निवडणूक प्रक्रिया उत्तमरीतीने पार पाडण्याला प्राधान्य द्यावे, असे निर्देश जिल्हाधिकारी डॉ.दिवसे यांनी दिले.

बैठकीला मावळ निवडणूक निर्णय अधिकारी दीपक सिंगला, शिरूर निवडणूक निर्णय अधिकारी अजय मोरे, बारामती निवडणूक निर्णय अधिकारी कविता द्विवेदी, उप जिल्हा निवडणूक अधिकारी मीनल कळसकर, सर्व सहाय्यक निवडणूक निर्णय अधिकारी आणि विविध विषयांचे समन्वयक अधिकारी उपस्थित होते.

डॉ.दिवसे म्हणाले, निवडणूक आयोगाच्या वेळापत्रकानुसार सर्व कामे वेळेवर होतील याची निवडणूक निर्णय अधिकाऱ्यांनी दक्षता घ्यावी. निवडणूक आयोगाने दिलेली कालमर्यादा पाळण्यासाठी अधिकाऱ्यांनी जबाबदारीने आणि क्षमतेने काम करावे. चारही मतदारसंघात जबाबदऱ्यांची मानके किंवा नमुने ठरवून त्यानुसार काम करावे. दिव्यांग मतदारांना सुलभतेने मतदान करता यावे यासाठी मतदान केंद्रावर विशेष सुविधेचे नियोजन करावे.

एकाच ठिकाणी पाच पेक्षा अधिक मतदान केंद्र असल्यास अशा ठिकाणी स्वयंसेवकांची मदत घ्यावी. पुणे शहरात प्रत्येक प्रभाग कार्यालयात मतदारांना मतदान केंद्राची माहिती देण्यासाठी सुविधा करण्यात यावी. महिला कर्मचाऱ्यांची नेमणूक करतांना त्यांच्यासाठी आवश्यक सुविधा मिळतील याकडे कटाक्षाने लक्ष द्यावे. निवडणूक निर्णय अधिकाऱ्यांनी तक्रार निवारण कक्ष सुरू करावा, असे निर्देश जिल्हाधिकाऱ्यांनी दिले.

यावेळी श्रीमती कळसकर यांनी सादरीकरणाद्वारे निवडणूक पूर्वतयारीची माहिती दिली. बैठकीत मतमोजणी स्थळ, वाहतूक आणि संवाद आराखडा, दिव्यांग मतदारांसाठी सुविधा, निवडणूक विषयक विविध प्रकारचे प्रशिक्षण, निवडणुकीसाठी मनुष्यबळ, निवडणूक खर्चाबाबत दर निश्चिती, आदर्श आचारसंहितेची अंमलबजावणी आदीविषयक आढावा घेण्यात आला.

काही लोकांसाठी PMC बनली सोन्याचे अंडे देणारी कोंबडी

पुणे- महापालिकेसारख्या स्थानिक स्वराज्य संस्थेला जिथे महापालिकेच्या क्षेत्रफळाचा प्रश्न आहे, दूरवर हद्द पोहोचली आहे जिथे सातवा वेतन आयोग घेणाऱ्या असंख्य अधिकाऱ्यांना वारंवार साईटवर जावे लागते या सर्वांना मोटारी उपलब्ध करून देण्यासाठी महापालिकेने ई -मोटारी घेण्याचा प्रस्ताव मांडला आहे. प्रस्ताव चांगला आहे. प्रदूषण कमी होईल,चालक म्हणून बेरोजगारांना रोजगार थेट महापालिकेचे चालक म्हणून उपलब्ध होईल या सध्या सरळ चांगल्या दिसणाऱ्या प्रस्तावाचा लाभ ‘भुरटे ‘ घेणार नाहीत तर कोण घेणार ? असा प्रश्न कोणी जर उपस्थित केला तर ? आणि हो आता तसाच विषय महापलिकेत होतो आहे. बेरोजगारांना थेट महापालिकेत कशाला नौकरी द्यायची,त्यांना ठेकेदारांची गुलामी करू द्यात,ठेकेदाराला त्यांच्या कमाईचा मलिदा खाऊ द्यात,आणि मोटारी खरेदी कशाला करायच्या त्या भाड्याने घेऊ यात,असा अनैतिक धंदेवाईक वाटेल असा प्रस्ताव महापालिका प्रशासन सध्या मंजूर करत आहे. एखाद्या ठेकेदाराचे उखळ पांढरे करण्यासाठी चाललेला हा आटापिटा कुणाच्या लक्षात का येत नाही ? असा प्रश्न उपस्थित होतो आहे.

काय आहे हा प्रस्ताव प्रथम समजून घ्या…

महापालिका आपल्या अधिकाऱ्यांसाठी ९४ ई -मोटारी ५ वर्षासाठी २७ कोटी रुपये खर्च करून भाड्याने घेणार आहे.

आता या मोटारींसाठी ६ भूखंड महापालिका ठेकेदाराला देणार आहे जिथे तो चार्जिंग स्टेशन चालविणार आहे.

म्हणजे ठेकेदाराला मिळणार २७ कोटी रुपये आणि सहा भूखंड..आता तिथे तो अन्य काय व्यवसाय करेल,या भूखंडावर तो किती माया गोळा करेल हे त्याचे कौशल्य.आणि हाथ मिळवणी चा भाग.

आता पाहू या ९४ ई -मोटारी थेट महापालिकेने खरेदी केल्या तर ..

एखाद्या कंपनीला थेट एवढ्या मोटारींच्या खरेदीची ऑर्डर दिली तर ५ वर्षासाठी कंपनी फ्री सर्विस देईल असे वाटत नाही?

शिवाय काही सवलतीचा दर लावणार नाही असे वाटत नाही?

याही शिवाय शासन ई मोटारी खरेदीला प्रोत्साहन देण्यासाठी किती अनुदान देते ? त्यात काही वाढ होऊ शकत नाही?

या मोटारींवर चालक नेमण्यासाठी महापालिकेने थेट भारती केली तर..किती बेरोजगारांचे कल्याण होऊ शकेल ?त्यांच्यावर असा किती खर्च येऊ शकेल?

म्हणजेच मोटारी केवळ ५ वर्षे नाही तर कायमस्वरूपी महापालिकेच्या मालकीच्या राहतील आणि त्यावरील चालक देखील सेवेत राहतील ज्यांची कुणी घरबसल्या आर्थिक वा शाररीक पिळवणूक करू शकण्याची शक्यात दिसणार नाही.

…पण या सर्व प्रश्नांना बगल कशी द्यायची ते महापालिका प्रशासनाला चांगले ठाऊक आहे. आणि त्यांच्या डोळ्या समोर ठेकेदार ठेऊन त्यांनी या योजनेला अगदी गोंडस स्वरूप दाखवून वर लोकांची वाहव्वा मिळवणे सुरु केले आहे. ठेकेदाराला गब्बर करून गरीब बेरोजगारांची अवस्था आणखी दिन करून ठेवण्याचाच उद्देश यामगे असल्याचे स्पष्ट आरोप आता होत आहेत आणि होणार आहेत. जसे महापालिका सुरक्षा रक्षकांचे टेंडर एका नामचीन आमदाराला दिले गेले आणि मग अत्यल्प पगारात शेकडो सुरक्षा कामगारांची पिळवणूक हीच महापालिका बघत आली आहे. एवढेच नव्हे तर याच महापालिकेने हजारो च्या संख्येने कंत्राटावर कामगार घेतलेले आहेत.म्हणजे ठेकेदारांच्या मार्फतच ते घेतलेत.

खरे तर इथल्या आजवरच्या कामगार कल्याण अधिकाऱ्यांनी किती मुजोरी केली याचा हा नमुना शोधून सापडणार नाही असाच आहे. स्थानिक स्वराज्य संस्थे मध्ये गरजू कामगारांना अशा वेठबिगारी पद्धतीने राबवून घेणे,चमचेगिरी करतील,हाजी हाजी करतील त्यांना सेवेत घेणे हि इथली आता परंपराच बनली आहे.जी जी कामे कायमस्वरूपी आहेत त्या त्या कामांवर कुणलाही कंत्राटी पद्धतीने भारती करता येणार नाही असा कायदा आहेच.पण अगदी मुख्यमंत्र्यांपासून आयुक्तांपासून ते इथल्या कामगार आयुक्त,कामगार कल्याण अधिकारी या सर्वांनीच याकडे बिनधास्त डोळेझाक चालविली आहे. आणि हो यामुळे त्यांना काहीही फरक पडत नाही,कारण गुलामी करणारे, हाजी हाजी करणारे एक धुंडो मिळते ही हजारो..अशी परिस्थिती आहे. आणि विरोध तर कोणी करायची हिम्मत द्खील दाखवीत नाही. एवढेच काऊ थेट मिळकत कर विभागात बसून कर गोळा करताना एक बोगस कामगार आयुक्तांच्या कार्यालयाच्या तळमजल्यावरच रंगे हाथ माय मराठी ने पकडून दिला त्यावर तर कोणीच तोंड उचकटले नाही.आसे अन्य कामगार हि महापालिकेत राबताहेत जे ना ठेकेदाराचे आहेत ना महापालिकेचे आहेत पण थेट ते आयुक्तांच्या कार्यालयात त्यांच्याशी संपर्क साधतात,महापालिकेच्या सभागृहात सारे कामकाज सांभाळतात हेही माय मराठी ने दाखवून दिलेले होते.पण यांना साथ मोठी मजबूत आहे. म्हणूनच ते या सगळ्याकडे दुर्लक्ष करून पुढे पुढे चालत आहेत.हेच दिसून आले आहे.

आता लोकप्रतिनिधी नसतानाही यात फरक पडला नाही हे विशेष म्हणावे लागणार आहे.

आता महापालिकेने हि गोंडस योजना कोणत्या स्वरूपात आणली आहे ते पाहू या.

महापालिकेने अधिकाऱ्यांना वापरण्यासाठी पेट्रोल कार ऐवजी इलेक्ट्रिक कार पाच वर्ष भाड्याने घेण्याचा निर्णय घेतला आहे. त्यासाठी ठेकेदाराला महापालिका २७ कोटी रुपये देणार आहे. मात्र, पेट्रोल आणि इ कारचा तुलनात्मक अभ्यास केला असता, त्यामध्ये महापालिकेला पेट्रोल कारच्या वापरासाठी ४४ कोटी ७ लाख रुपयांचा खर्च होतो असा दावा महापालिकेने केला आहे.

तर इ कारसाठी २७ कोटी रुपये खर्च येणार आहे. इ कारमुळे ४० टक्क्यांनी खर्च कमी होऊन कमी होऊन महापालिकेचे १७ कोटी ७ लाख रुपये बचत होणार आहेत. महापालिकेत आयुक्त, अतिरिक्त आयुक्त, विभाग प्रमुखांसह इतर अधिकाऱ्यांना कारची सुविधा उपलब्ध आहे.राज्य सरकारने प्रदूषण कमी करण्यासाठी शासकीय सेवेत इ कारचा वापर वाढविण्याचा निर्णय घेतला. पुणे महापालिकेने त्या धोरणानुसार इ कार घेण्यासाठी निविदा प्रक्रिया राबविली होती. यामध्ये सेदान आणि एसयुव्ही या दोन प्रकारच्या गाड्यांचा समावेश आहे. या कामाची निविदा स्थायी समितीपुढे मान्यतेसाठी आहे.महापालिका मोठ्या प्रमाणात म्हणजे एकदम ९४ गाड्या भाड्याने घेणार असल्याने त्याचा दरवर्षी ५ कोटी ४० लाख रुपये खर्च होणार आहे. त्यामुळे पेट्रोल कारच्या तुलनेत इ कार महापालिकेला परवडते का? याची तुलना केली असता त्यात पैशाची बचत होत असल्याचे समोर आले.महापालिकेची निविदा काढताना त्यात महागाईप्रमाणे दरवर्षी ठरावीक टक्के रक्कम ठेकेदाराला देण्याचे मान्य केलेले असते. पण इ कारच्या निविदेत पाच वर्षात महापालिकेला वाढलेले वीज बिल, चालकाचा पगार, देखभाल दुरुस्तीचा खर्च यासह इतर कोणत्याही कारणाने वाढीव रक्कम दिली जाणार नाही.

महापालिकेच्या मोटार वाहन विभागचे वाहतूक व्यवस्थापक ऋषिकेश चव्हाण यांनी तर स्पष्ट म्हटले आहे कि,’या योजनेमुळे चालकाच्या पगाराचा भार उचलावा लागणार नाही, म्हणजे त्यांना चालकांच्या कामाबाबत, कुटुंबाच्या चरितार्था बाबत किती काळजी आहे हे दिसून येते,कारण ते तर इथे सेटल झालेले आहेत. जर महापालिकेला चालक कायम स्वरूपी पाहिजेत तर ते कंत्राटावर, ठेकेदाराच्या मार्फत का घेऊ इच्छितात ? हा प्रश्न त्यांना विचारणारे कोणी नाही,न हा कायदा त्यांना सांगणारे कोणी नाही ते पुढे ते म्हणतात – १४ ते १४.५ लाख रुपये किमतीची नवी कार मिळणार,- इ कार प्रति दिन ८० किलोमीटरचा प्रवास अपेक्षित- ठेकेदार सहा चार्जिंग स्टेशन उभारणार,पण यासाठी महापालिका कुठे कशी कितीजागा उपलब्ध करून देणार ?ठेकेदार तिथे अन्य गाड्यांचे चार्जिंग करणार काय ?अन्य व्यवसाय करनार काय या संदर्भात ते काहीही म्हणत नाहीत,पुढे ते म्हणतात -‘‘राज्य शासनाच्या आदेशानुसार महापालिच्या सेवेत इ कार घेण्याचा निर्णय घेतला आहे. ९४ कार पाच वर्षाने भाड्याने घेतल्या जाणार आहेत. पेट्रोल कारच्या तुलनेत इ कारच्या वापरामुळे १७ कोटी पेक्षा जास्त निधीची बचत होणार आहे.’’

सध्या ठेकेदारावरील त्या ४० चालकांचे काय हो ?
चालक हे पद असे आहे महापालिकेत जे कायमस्वरूपी मानले जाते आणि याच पदावर कंत्राटी भारती केली जाते आहे . कंत्राटी भरती म्हणजे एखाद्या ठेकेदाराच्या मार्फत लोक कामासाठी घेणे आणि त्यांचा पगार ठेकेदाराला महापालिकेने देणे आणि नंतर त्या ठेकेदाराने कामगारांना पगार देणे या प्रक्रियेत प्रत्येक कामगाराच्या घामाचे पैसे मध्ये खाल्ले जातात काम करतो कोण आणि मलिदा खातो कोण? अशी हि कंत्राटी सेवा आहे. सध्या महापालिकेत ४० चालक कान्तार्ती सेवेत असल्याचे समजते आहे. विशेष म्हणजे या ४० लोकांना गेली ४ महिने पगार झालेले नाही अशीही ओरड होते आहे. कायम कंत्राटी कामगारांनाच पगार होत नसल्याच्या तक्रारी वारंवार येत असतात . कायम सेवेत असलेल्यांना याबाबत चिंता नसते. वेतन आयोग वगैरे त्यांचे सुरळीत असते . पण शिव्या खाणारे , कष्ट करणारे यांना योग्य दाम मिळत नाही अशी इथली व्यवस्था बनली आहे. आता ज्या ४० लोकांचे पगार ज्याने थकविले आहेत त्यालाच तर पुन्हा E मोटारी भाड्याने देण्याचे २७ कोटीचे काम महापालिका करत नाही ना ? हे देखील पाहणे जरुरीचे आहे

पुणे – रसिकशेठ यांना त्यांच्या आर्थिक अडचणींमुळे उच्च शिक्षण पूर्ण करता आले नाही व अर्ध्यावरच शिक्षण सोडावे लागले परंतू आपल्या स्वकर्तुत्वाने आणि कठीण परिस्थितीतूनही कष्टाने उद्योगाच्या उच्च शिखरावर विराजमान झाले आणि उद्योगजगतात जसे अजरामर झाले तसेच सामाजिक कार्यातही आपल्या कर्तृत्वाचा ठसा भारतभर उमटविणारे श्री रसिकशेठ यांनी गरजू विद्यार्थ्यांना उच्च शिक्षणापासून वंचित राहू नये यासाठी आर एम डी फाऊंडेशनच्या मदतीने शिष्यवृत्ती योजना राबवून गेल्या 18 वर्षापासून आज पर्यंत १२००० पेक्षा अधिक गुणवंत विद्यार्थ्यांना योजनेचा लाभ दिला आहे अशी माहिती फाऊंडेशनच्या उपाध्यक्षा शोभाताई आर धारीवाल यांनी दिली. श्री रसिकलाल धारीवाल यांच्या जन्मदिनानिमित्त आयोजीत वैद्यकीय शिक्षण पूर्ण करणाऱ्या विद्यार्थ्यांना शिष्यवृत्तीचे धनादेश वाटप कार्यक्रमात त्या बोलत होत्या.

आपल्या वडिलांची सामाजिक कार्यपरंपरा सतत कार्यरत राहण्यासाठी नेहमी प्रेरित व प्रवृत्त करतात त्यांच्याच आशीर्वादाने आज भारत भर अनेक सामाजिक उपक्रम सर्वसामान्य लोकांसाठी राबविण्यात येतात व पुढेही नवनिर्माण योजना राबविल्या जातील अशी भावना फाऊंडेशन द्वारा आयोजित रक्तदान शिबिराच्या वेळी अध्यक्षा जान्हवी धारीवाल बालन यांनी व्यक्त केली.यावेळी बालन उद्योग समूहाचे अध्यक्ष श्री पुनीत बालन उपस्थित होते.
विद्यार्थ्यांनी महाविद्यालयीन जीवनात नशेच्या आहारी जाऊ नये तसेच आपण निवडलेल्या अभ्यासक्रमातून देशसेवा करावी असे आवाहन सुप्रसिद्ध अभिनेते श्री मकरंद अनासपुरे यांनी केले..

दरवर्षी प्रमाणे याहीवर्षी जन्मदिनानिमित्त रक्तदान शिबिराचे आयोजन करण्यात आले होते.शुभेच्छा देण्यासाठी सैराट फेम अभिनेता आकाश ठोसर यांनी यावेळी आवर्जून हजेरी लावली व रक्तदात्यांचा उत्साह वाढविला.सकाळपासूनच रक्तदान करण्यासाठी विविध सामाजिक संस्थांचे प्रतिनिधी, मनपा अधिकारी, उदयोग जगतातील मान्यवर,विविध गणेश मंडळाचे पदाधिकारी,शैक्षणिक संस्थांचे पदाधिकारी, महाविद्यालियन विद्यार्थी,पोलीस अधिकारी, इत्यादी रक्तदाते रक्तदानास स्वईछेने आले होते. यावेळी 425 पेक्षा अधिक रक्तदात्यांनी रक्तदान केले.

सर्व रक्तदात्यांचे शोभा धारीवाल यांनी आभार मानले .