राज्यस्तरीय कारागृह महिला परिषद उदघाटन व महाराष्ट्र कारागृह सांख्यिकी पुस्तिका सन २०२२ चे प्रकाशन उपसभापती डॉ. गोऱ्हे यांच्या हस्ते संपन्न

पुणे दि.६: ८ मार्च रोजी जगभर साजरा करण्यात येणारा जागतिक महिला दिन हा फक्त महिलांचा उत्सव म्हणून साजरा न होता तो महिलांना हक्क, न्याय मिळवून देणारा आणि महिला सशक्तीकरणावर भर देणारा असावा. स्त्री-पुरुष या दोघांमध्ये समानतेची भूमिका येणे आवश्यक आहे. दोघांनाही समान काम, समान अधिकार असावेत. जिथे अतिरेक झालेला आहे तिथे सरकार नेहमीच काम करताना दिसते. घरकामात पुरुष वर्गाचा सहभाग वाढला पाहिजे. यामुळे स्त्रियांना त्यांच्या कामात प्रगती करता येईल. समाजात वावरताना प्रत्येकाबद्दल सकारात्मक भूमिका ठेवली पाहिजे. यासोबतच मनाला संतुलन करण्यासाठी आध्यत्मिकतेची आवश्यकता आहे यातून एक विशिष्ठ शक्ती निर्माण होत असते. स्त्री संवेदनशील आहे पण ती तेवढीच हुशार आणि तल्लखही आहे. प्रत्येक वेळी आपल्यासोबत कोणी असेलच याची वाट न पाहता एकट्याने संकटाला सामोरे जावे. त्यासाठी योग्य निर्णय घेण्याची क्षमता स्त्रियांनी ठेवली पाहिजे असे उपसभापती डॉ. नीलम गोऱ्हे यांनी सांगितले.

तसेच जे समाजात दबंग लोक येतात त्यांना ज्ञान देण्याचा काम कारागृह करत असल्याचे मत डॉ. गोऱ्हे यांनी व्यक्त केले. भारतीय नागरिक सुरक्षा कायदा, भारतीय न्याय संहिता आणि भारतीय साक्ष कायदा हे सर्व कायदे केंद्रात मंजूर झाले असून देशभर ते लागू करण्यात येणार आहे. दिशा कायद्याअंतर्गत सुचविलेल्या तरतुदींचा यामध्ये समावेश करण्यात आलेला आहे. याबद्दल उपसभापती डॉ गोऱ्हे यांनी केंद्र सरकारचे आभार मानले.

महाराष्ट्र कारागृह विभागाच्या वतीने ८ मार्च रोजी असलेल्या जागतिक महिला दिनानिमित्त राज्यस्तरीय कारागृह महिला परिषद उदघाटन व महाराष्ट्र कारागृह सांख्यिकी पुस्तिका सन २०२२ चे प्रकाशन विधानपरिषद उपसभापती डॉ. नीलम गोऱ्हे यांच्या हस्ते करण्यात आले. याप्रसंगी अप्पर पोलीस महासंचालक व महानिरीक्षक कारागृह अमिताभ गुप्ता, कारागृह उपमहानिरीक्षक पश्चिम विभाग येरवडा स्वाती साठे, कारागृह उपअधीक्षक पल्लवी कदम आदी मान्यवर उपस्थित होते.

स्वाती साठे म्हणाल्या, डॉ. नीलम गोऱ्हे यांच्याकडून महिलांना आश्वासक मदत मिळते. कारागृह प्रशासनात महिला अधिकारी व कर्मचाऱ्यांचे प्रमाण वाढले आहे ही आनंदाची बाब आहे.

अमिताभ गुप्ता म्हणाले,जीवनात नेहमी चांगल्या गोष्टी केल्या पाहिजेत. सर्वांना समानतेची वागणूक दिली पाहिजे ही आपली स्वतःची जबाबदारी असल्याचे त्यांनी सांगितले.

पंतप्रधानांच्या हस्ते पुण्यातील मेट्रो प्रकल्पांचा शुभारंभ

रेल्वे, मेट्रो सेवेमुळे विकासाला मोठा वेग – मुख्यमंत्री एकनाथ शिंदे

मुंबई दिनांक 6: पंतप्रधान नरेंद्र मोदी यांच्या हस्ते आज पिंपरी चिंचवड महानगरपालिका ते निगडी, पुणे मेट्रोचे भूमीपूजन करण्यात आले. यावेळी रुबी हॉल क्लिनिक ते रामवाडी, पुणे मेट्रोला पंतप्रधानांनी हिरवा झेंडा दाखवला.
पंतप्रधानांनी आज कोलकाता येथून विविध प्रकल्पांचे लोकार्पण आणि भूमिपूजन केले. यावेळी त्यांनी पुणे आणि पिंपरी चिंचवड मधील या मेट्रो प्रकल्पांची ऑनलाईन प्रणालीद्वारे सुरुवात केली.
या या कार्यक्रमासाठी सह्याद्री अतिथीगृह येथून मुख्यमंत्री एकनाथ शिंदे, उपमुख्यमंत्री देवेंद्र फडणवीस, उपमुख्यमंत्री अजित पवार हे देखील सहभागी झाले होते.

पंतप्रधान लोकार्पण करत असलेल्या पुण्यातील रुबी हॉल क्लिनिक ते रामवाडी हा मेट्रो मार्ग सहा किलोमीटरचा असून 5 फेब्रुवारी 2024 रोजी या मेट्रोची ट्रायल रन झाली आहे.

यापूर्वी 6 मार्च 2022 रोजी पीसीएमसी ते फुगेवाडी या सात किलोमीटर आणि वनाज ते गरवारे पाच किलोमीटर मेट्रो मार्गाचे उद्घाटन पंतप्रधानांच्या हस्ते करण्यात आले होते फुगेवाडी ते सिविल कोर्ट 6.91 किमी आणि गरवारे ते रुबी क्लिनिक 4.75 किमी अशा मेट्रोच्या टप्प्यांचे लोकार्पण पंतप्रधानांच्या हस्ते 1 ऑगस्ट 2023 रोजी करण्यात आले होते
आणि आज रुबी हॉल क्लिनिक ते रामवाडी या सहा किलोमीटर मार्गाचे लोकार्पण पंतप्रधानांच्या हस्ते करण्यात आले.
पंतप्रधानांच्या हस्ते पिंपरी चिंचवड महानगरपालिका ते निगडी या पहिल्या टप्प्यातील मेट्रोचे भूमिपूजन देखील करण्यात आले.
हा मार्ग 4.4 किमीचा असून पूर्णपणे उन्नत मार्ग आहे. यामुळे स्वारगेट ते पीसीएमसी कॉरिडॉर हा निगडीपर्यंत विस्तारित होणार आहे.
गेल्या पावणे दोन वर्षांपासून महाराष्ट्रात पंतप्रधान आदरणीय श्री नरेंद्र मोदी जी यांच्या मार्गदर्शनाने मोठ्या प्रमाणावर विकास कामे सुरू आहेत. रेल्वे आणि मेट्रोसाठी सुद्धा राज्यासाठी मोठ्या प्रमाणावर तरतूद करण्यात आली आहे ज्याचा फायदा नागरिकांना होत आहे.
आज लोकार्पण करण्यात आलेल्या पुण्यातील मेट्रो मार्गाचे भूमिपूजन देखील आदरणीय प्रधानमंत्री यांच्या हस्ते करण्यात आले होते, आणि आज त्यांच्याच हस्ते ही मेट्रो सेवा सुरू देखील झाली आहे.

वाढत्या शहरीकरणामुळे स्मार्ट आणि दर्जेदार वाहतुकीची गरज आहे. मेट्रो सेवेमुळे ही गरज पूर्ण होऊन इंधन आणि वेळेत देखील मोठी बचत होणार आहे.

मोदींची गॅरंटी असलेले सर्व प्रकल्प आणि विकास कामे गतीने सुरू असल्यामुळे महाराष्ट्राला मोठा फायदा होत आहे- -मुख्यमंत्री एकनाथ शिंदे

पुणे, ४ मार्चः पुनित बालन ग्रुप तर्फे आयोजित पुण्यातील गणपती मंडळ, नवरात्र मंडळ, ढोल-ताशा पथक आणि मीडिया यांंच्या संघांचा समावेश असलेल्या ‘फ्रेंडशिप करंडक’ क्रिकेट अजिंक्यपद स्पर्धेच्या निमित्ताने पुणे पोलिस कल्याण निधीला ५ लाख रुपयांची देणगी देण्यात आली.

पुनित बालन ग्रुपचे संचालक पुनित बालन आणि माणिकचंद ऑक्सिरीचच्या संचालिका जान्हवी धारीवाल-बालन यांच्या हस्ते ५ लाख रूपयांचा धनादेश झोन तीनचे डीसीपी संभाजी कदम यांना देण्यात आला. यावेळी महाराष्ट्र राज्याचे अप्पर पोलिस महासंचालक (कारागृह) श्री.अमिताभ गुप्ता, प्रसिध्द सिनेअभिनेते मकरंद अनासपुरे, माजी आमदार जगदीश मुळीक, मोहनदादा जोशी आदि मान्यवर उपस्थित होते.

यावेळी बोलताना पुनित बालन ग्रुपचे संचालक पुनित बालन म्हणाले की, पुणे शहराची कायदा आणि सुव्यवस्था राखण्याची जबाबदारी पुणे पोलिस दलाकडे असते. याबरोबरच पुण्यामध्ये होणारे गणोशोत्सव आणि नवरोत्सव निर्विघनपेण पार पडावेत, यासाठीहीसुद्धा पोलिस दल दक्ष असतात. गणेशोत्वामध्ये सलग चोवीस चोवीस आपले कर्तव्य पार पाडतात आणि त्यामुळेच नागरिकांना या सर्व उत्सवाचा आनंद घेता येत असतो. समाजातील कला आणि क्रीडा क्षेत्रातील विविध नागरिकांना प्रोत्साहन देऊन त्यांना त्यांच्या ध्यैयापर्यंत पोहचण्यासाठी मुख्य आधार देण्याचे काम आमच्या ग्रुप तर्फे करण्यात येते. या हेतूनेच पोलिसांच्या असामान्य कामगिरीला सलाम म्हणून तसेच पोलिसांच्या कुटूंबीयांना मदत मिळावी म्हणून आम्ही निधी सुपूर्त केला आहे.

पुनित बालन ग्रुप तर्फे नुकतेच पुण्यातील गणपती मंडळ, नवरात्र मंडळ, ढोल-ताशा पथक आणि मीडिया यांंच्या संघांचा समावेश असलेल्या ‘फ्रेंडशिप करंडक’ क्रिकेट अजिंक्यपद स्पर्धेचे आयोजन करण्यात आले होते. या स्पर्धेच्या निमित्ताने पुणे पोलिस आणि पुनित बालन ग्रुप यांच्यामध्ये एक मैत्रिपूर्ण सामना आयोजित करण्यात आला होता. या सामन्यात पुणे पोलिस संघाने पुनित बालन ग्रुपवर अखेरच्या षटकामध्ये निसटता विजय मिळवला. पहिल्यांदा फलंदाजी करताना पुनित बालन ग्रुपने १० षटकामध्ये ५ गडी गमावून ९२ धावांचे आव्हान उभे केले. कुणाल भिलारे (३९ धावा), पुनित बालन यांनी नाबाद १५ धावा आणि राहूल साठे याने २३ धावा करून संघाच्या डावाला आकार दिला. पुणे पोलिस संघाने अखेरच्या षटकामध्ये हे लक्ष्य गाठले. पप्पु तोडकर याने ४४ धावा आणि किरण गायकवाड याने नाबाद ३५ धावा करून संघाचा विजय साकार केला.

सामन्याचा संक्षिप्त निकालः
पुनित बालन ग्रुपः १० षटकात ५ गडी बाद ९२ धावा (कुणाल भिलारे ३९, पुनित बालन नाबाद १५, राहूल साठे २३, अतुल महनगुडे ३-२९) पराभूत वि. पुणे पोलिसः ९.३ षटकात २ गडी बाद ९६ धावा (पप्पु तोडकर ४४, किरण गायकवाड नाबाद ३५, अक्षय जाधव २-१४); सामनावीरः पप्पु तोडकर.

पुणे : शाकाहार पुरस्कर्ते, सर्वजीव मंगल प्रतिष्ठानचे संस्थापक डॉ. कल्याण गंगवाल लिखित ‘सुखी जीवन का आधार : शाकाहार’ या शाकाहारावरील सचित्र पुस्तकाचे प्रकाशन केंद्रीय परराष्ट्र मंत्री डॉ. एस. जयशंकर यांच्या हस्ते हुबळी (कर्नाटक) येथे झाले. परराष्ट्र मंत्रालयाकडून दिले जाणारे शाहीभोजन शाकाहारी असावे, असे आवाहन डॉ. कल्याण गंगवाल यांनी डॉ. एस. जयशंकर यांना केले. जयशंकर यांनी यावर सकारात्मक प्रतिसाद देत पुढील काळात प्रयत्न करण्याचे आश्वासन दिले.
कर्नाटकातील वरुर येथील श्री नवग्रह तीर्थक्षेत्र येथे जैन एजीएम आयुर्वेदिक वैद्यकीय महाविद्यालयाच्या उद्घाटन कार्यक्रमावेळी आचार्य श्री गुणधरनंदी महाराज यांच्या सानिध्यात हा प्रकाशन सोहळा पार पडला. प्रसंगी परमपूज्य आचार्य डॉ. लोकेश मुनीजी, केंद्रीय मंत्री प्रल्हाद जोशी, कर्नाटकचे माजी मुख्यमंत्री बसवराज बोम्मई, आमदार एम. आर. पाटील, विश्वेश्वरैय्या तंत्रज्ञान विद्यापीठाचे कुलगुरू डॉ. एस. विद्याशंकर आदी प्रमुख पाहुणे म्हणून उपस्थित होते.
डॉ. कल्याण गंगवाल म्हणाले, “पुस्तक प्रकाशनासोबतच कर्नाटक राज्यात शाकाहाराचा प्रसार गतिमान होईल. लहान वयातच शाकाहाराविषयी मुलांना माहिती व्हावी, यासाठी हे पुस्तक उपयुक्त ठरेल. त्यामध्ये अनेक चित्रे, आकृत्या, कार्टून्सच्या माध्यमातून रंजकपणे शाकाहाराचा प्रसार करण्याचा प्रयत्न केला आहे.”

श्री स्वामी समर्थ अन्नछत्र मंडळ, अक्कलकोट पालखी पादुका दर्शन सोहळा 
पुणे : श्री स्वामी समर्थ अन्नछत्र मंडळ, अक्कलकोट पालखी पादुका दर्शन सोहळ्यात स्वामी भक्त बाळासाहेब रामचंद्र ठोंबरे यांना श्री स्वामी समर्थ सेवा पुरस्कार प्रदान करण्यात आला. पुरस्काराचे यंदा ८ वे वर्ष होते. 
पुणे महानगरपालिकेजवळील  कॉंग्रेस भवन येथे ३ दिवसीय उत्सव सोहळा आयोजित करण्यात आला होते. उत्सवाच्या शेवटच्या दिवशी श्री स्वामी समर्थ सेवा पुरस्कार सोहळा संपन्न झाला. यावेळी  पोलीस उपायुक्त संदीप सिंह गिल, पुनीत बालन ग्रुपचे पुनीत बालन, श्री स्वामी समर्थ अन्नछत्र मंडळ अक्कलकोटचे प्रमुख कार्यकारी विश्वस्त अमोलराजे भोसले, संगीता ठोंबरे, अण्णा थोरात, विनायक घाटे, विजय काजळे, नामदेवराव मोहिते, राजाभाऊ वरखडे, विलास चव्हाण उपस्थित होते. पालखी सोहळ्याचे यंदा २७  वे वर्ष आहे. 
हर्षद कुलकर्णी यांचा ‘स्वामी  भक्ती गीते’ तसेच श्री साई नवनाथ भजनी मंडळ, गुरुवर्य साईभक्त बाळासाहेब परदेशी ग्रुप भजन आणि साई भक्त गजेंद्र परदेशी व सहकलाकार यांच्या कार्यक्रमाचे सादरीकरण झाले. मुकुंद बादरायणी यांचा  ‘स्वर समर्थ अभंगवाणी’ तर योगेश तपस्वी आणि सहकारी यांचा ‘स्वामीगीत सुगंध’ कार्यक्रम उत्सवादरम्यान झाला. उत्सवात सर्व दिवस  रक्तदान महायज्ञ हा उपक्रम राबविण्यात आला.

पुणे :
शासकीय पुनर्नियुक्त माजी सैनिक संघटनेची वार्षिक सभा  शनिवार,दि.३ फेब्रुवारी रोजी महासैनिक लॉन (घोरपडी) येथे उत्साहात पार पडली. वीर नारी,माजी सैनिक आणि विविध क्षेत्रात यशस्वी पाल्यांचा सत्कार करण्यात आला. मधुमेह तज्ज्ञ डॉ.जगन्नाथ दीक्षित यांनी आरोग्यदायी जीवनशैलीबाबत मार्गदर्शन केले तसेच  स्त्रीरोगतज्ज्ञ डॉ. प्रदीप सांबरे यांनी महिलांच्या आरोग्यावर मार्गदर्शन केले.याप्रसंगी संघटनेद्वारे गेल्या वर्षभरात केलेल्या कार्याचा आढावा घेण्यात आला. 
ससून सर्वोपचार रुग्णालयातर्फे संघटना परिवारासाठी आरोग्य शिबिराचे आयोजन करण्यात आले.दीपक पाटील यांची रिक्त असलेल्या पुणे जिल्हा अध्यक्षपदी एकमताने निवड करण्यात आली.सभेच्या अध्यक्षस्थानी संघटनेचे राज्याध्यक्ष  बाजीराव देशमुख होते.माजी सैनिकांच्या प्रलंबित मागण्यासंदर्भात शासनाकडे सुरु असलेल्या पाठपुराव्याबाबत त्यांनी सर्वांना माहिती दिली.बाळासाहेब जाधव,उमाकांत भुजबळ,प्रकाश भिलारे,संजय मोहिते,दिलावर शादीवान,भूषण डावखर,विजय पाटील,विजय कोलते,रामचंद्र खाडे,रविंद्र शेवाळे,राजू कुऱ्हाडे,पुणे जिल्हा पदाधिकारी तसेच संघटनेचे सदस्य,कुटुंबीय  उपस्थित होते.कार्यक्रमाचे सूत्रसंचालन राजू म्हेत्रे,सौ.शेलार यांनी केले.आभार प्रदर्शन दीपक पाटील यांनी केले.याप्रसंगी संघटनेच्या दिनदर्शिकेचे वाटप करण्यात आले.