पुणे, दि. २८ मार्च २०२४: चालू व थकीत वीज बिलांचा भरणा करणे सोयीचे व्हावे यासाठी पुणे, कोल्हापूर, सांगली, सातारा व सोलापूर जिल्ह्यातील महावितरणचे अधिकृत वीजबिल भरणा केंद्र शुक्रवारी (दि. २९) ते रविवार (दि. ३१) पर्यंत सलग तीन दिवस सार्वजनिक सुट्टीच्या दिवशी कार्यालयीन वेळेत सुरू राहणार आहेत.

सध्या थकबाकीदार ग्राहकांचा वीजपुरवठा खंडित करण्याच्या मोहिमेला मोठा वेग देण्यात आला आहे. त्यामुळे थकबाकी तसेच चालू वीजबिलांचा भरणा करणे सोयीचे व्हावे यासाठी दि. २९ ते ३१ मार्चपर्यंत जबिल भरणा केंद्र सुरु राहणार आहेत. आर्थिक अडचणीत असलेल्या महावितरणकडून थकीत रक्कम किती आहे हे न पाहता नियमानुसार वीजपुरवठा खंडित करण्याची धडक कारवाई सुरु आहे. ही कटू कारवाई तसेच नियमानुसार पुनर्जोडणी शुल्काचा भरणा, वीज नसल्याने गैरसोय होणे टाळण्यासाठी थकीत वीजबिलाची रक्कम ताबडतोब भरावी असे आवाहन महावितरणकडून करण्यात आले आहे.

वीजग्राहकांना केव्हाही व कुठूनही ऑनलाइनद्वारे थकीत व चालू वीजबिल भरण्याची सोय www.mahadiscom.in या वेबसाईटवर तसेच महावितरणच्या मोबाईल अॅपद्वारे उपलब्ध आहे. तसेच ५ हजार रुपयांपेक्षा अधिक रकमेचे बिल असणाऱ्या सर्व लघुदाब ग्राहकांना आरटीजीएस किंवा एनईएफटीद्वारे वीजबिल भरण्याची सुविधा देखील उपलब्ध आहे. त्यासाठी आवश्यक माहितीचा तपशील संबंधित ग्राहकांच्या वीजबिलावर उपलब्ध आहे.

वंदे मातरम् संघटनेतर्फे ‘देशभक्ती पुरस्कार’ वितरण
पुणे : “कोणताही काळ असला तरी देशभक्ती या मूल्याचे महत्त्व कायम असते. तरुणाईच्या मनात देशभक्तीचे मूल्य रुजायला हवे. आजची तरुणाई राजकारणाकडे आकर्षित होत आहे. ते काही वाईट नाही; पण पक्षनिरपेक्ष समाजकार्य करणारे तरुण समाजासाठी मोलाचे आहेत,” असे मत संत साहित्याचे ज्येष्ठ अभ्यासक डॉ. सदानंद मोरे यांनी व्यक्त केले.

‘वंदे मातरम्’ संघटनेच्या ४० व्या वर्धापनदिनानिमित्त आयोजित ‘देशभक्ती पुरस्कार’ वितरण सोहळ्यात डॉ. सदानंद मोरे बोलत होते. यावेळी ज्येष्ठ सामाजिक कार्यकर्त्या रेणू गावसकर यांना ‘जीवनगौरव’ पुरस्काराने सन्मानित करण्यात आले. ग्राहक पेठचे कार्यकारी संचालक सूर्यकांत पाठक, ज्येष्ठ पत्रकार श्रीराम पवार, लेखक शरद तांदळे, खेळाडू अनिल मुंढे, सामाजिक कार्यकर्ते जावेद खान, उद्योजक राहुल पापळ यांना ‘व्यर्थ ना हो बलिदान देशभक्ती पुरस्कार’ आणि अ‍ॅड. असीम सरोदे यांना ‘विशेष सामाजिक पुरस्कार’ प्रदान करण्यात आला.
सदाशिव पेठेतील उद्यान प्रसाद मंगल कार्यालयात झालेल्या या सोहळ्याप्रसंगी एअर मार्शल भूषण गोखले (निवृत्त), वंदे मातरम् संघटनेचे प्रदेश कार्याध्यक्ष सचिन जामगे, प्रदेशाध्यक्ष वैभव वाघ, विकास हांडे, ऍड. चंद्रकांत घाणेकर, राजेश शर्मा, महेश बाटले, झहीर मुलानी, शीतल नलावडे, मोहित काकडे, सुरज जाधव, लेशपाल जवळगे, संचित कर्वे, राज घाटे आदी उपस्थित होते. शहीद भगतसिंग, सुखदेव व राजगुरू यांच्या स्मरणार्थ अलका चौक ते स. प. महाविद्यालय मशाल रॅली काढण्यात आली. भारत माता की जय, वंदे मातरम, इन्कलाब जिंदाबाद अशा घोषणांनी परिसर दणाणून गेला.
भूषण गोखले म्हणाले, ‘‘सैन्यात कोणताही जात-धर्म नसतो. तिथे केवळ ‘भारतीय’ हाच एक धर्म असतो. आपल्या सैन्याला संरक्षण सेना म्हणू नका, तर सशस्त्र सेना म्हणा, असा माझा आग्रह असतो. आपला देश पुढे नेण्याची जबाबदारी आता तरुणांच्या खांद्यांवर आहे.’’
रेणू गावसकर म्हणाल्या, ‘‘मूल होणे आणि आपल्यातील लहान मूल जागे ठेवणे, या आयुष्यातील सर्वात सुंदर गोष्टी आहेत. पण ज्या वयात मुलांनी खेळायचे-बागडायचे, त्या वयात लहान मुले आपल्या अस्तित्वासाठी झगडताना पाहून मला अतिशय वाईट वाटले होते. माझ्या कामाची प्रेरणा मला आईने दिली होती.’’

श्रीराम पवार म्हणाले, “भगतसिंग यांनी सहिष्णुता आणि सर्वसमावेशकतेची मूल्ये सांगितली. आज त्याची उजळणी करण्याची वेळ आली आहे. आज भारतीयांमधील वैविध्य कमी करण्याचा तसेच सगळ्यांना एकाच मापात बसविण्याचा प्रयत्न सुरू आहे. त्याला नाकारणे म्हणजेच भगतसिंग यांचा आदर्श घेणे आहे.” 
अ‍ॅड. सरोदे म्हणाले की, ‘‘भगतसिंग साम्यवादी विचारसरणीचे आणि विश्लेषणात्मक बुद्धिमत्तेचे होते. मी देव मानत नाही, अशी स्पष्ट भूमिका त्यांनी मांडली होती. केवळ फाशीवर गेले म्हणून नाही, तर त्यांनी जे विचार मांडले त्यामुळे ते क्रांतिकारक ठरले.’’

प्रास्ताविकात सचिन जामगे म्हणाले, “यापुढील काळातील लढा जातीसाठी नसून, मातीसाठी आहे. त्यामुळे तरुणांनी मातीसाठी एकत्र यावे. भविष्यात महासत्ता व्हायचे असेल, तर देश म्हणून पुढे जावे लागेल. तिथे जातीधर्म टिकणार नाही.”

पुणे, दि. २८ मार्च २०२४: धायरीमधील आनंदविहार येथे महापारेषणच्या २२० केव्ही अतिउच्चदाब वीजवाहिनीला गुरूवारी (दि. २८) दुपारी १.५३ वाजता इंटरनेट केबलचा स्पर्श झाल्याने नांदेड सिटी २२० केव्ही उपकेंद्रातील ५० एमव्हीए पॉवर ट्रान्सफॉर्मरचा वीजपुरवठा खंडित झाला. त्यामुळे विजेची तूट भरून काढण्यासाठी महापारेषणची स्वयंचलित भारव्यवस्थापन यंत्रणा (Load Trimming Scheme- LTS) कार्यान्वित झाली. परिणामी पुणे शहरातील वडगाव धायरी, नऱ्हे, हिंगणे, कोथरूड, जुनी सांगवी, पद्मावती, धनकवडी, कात्रज, आंबेगाव आदी परिसरातील सुमारे ३ लाख ९ हजार ग्राहकांचा वीजपुरवठा तासभर खंडित झाला होता.

याबाबत माहिती अशी की, आनंदविहार येथे इंटरनेट केबल टाकण्याच्या प्रयत्न सुरु होता. त्याच ठिकाणी असलेल्या महापारेषणच्या २२० केव्ही अतिउच्चदाब वीजवाहिनीला आज दुपारी १.५३ वाजता या इंटरनेट केबलचा स्पर्श झाला. त्यामुळे मोठा आवाज होऊन वीजवाहिनीद्वारे होणारा नांदेड सिटी २२० केव्ही उपकेंद्रातील ५० एमव्हीएच्या पॉवर ट्रान्सफॉर्मरचा वीजपुरवठा खंडित झाला. यात सुमारे ६० मेगावॅट विजेची तूट निर्माण झाल्यामुळे भारव्यवस्थापनासाठी महापारेषणची स्वयंचलित एलटीएस (Load Trimming Scheme) यंत्रणा कार्यान्वित झाली. त्यामुळे पर्वती २२० केव्ही, नांदेड सिटी २२० केव्ही, कोंढवा (येवलेवाडी) २२० केव्ही तसेच कोथरूड १३२ केव्ही व एनसीएल १३२ केव्ही या अतिउच्चदाब उपकेंद्रातून भारव्यवस्थापन करण्यात आले.

महापारेषणच्या या पाचही अतिउच्चदाबाच्या उपकेंद्रांतील भारव्यवस्थापनामुळे महावितरणच्या विविध उपकेंद्रांना होणारा वीजपुरवठा बंद पडला. परिणामी वडगाव, धायरी, नऱ्हे, किरकीटवाडी, सिंहगड रस्ता, सनसिटी रस्ता, हिंगणे, पद्मावती, मार्केटयार्ड, कात्रज, आंबेगाव, धनकवडी, जुनी सांगवी, शितोळेनगर, आनंदनगर, एरंडवणे, डहाणूकर कॉलनी या परिसरातील सुमारे ३ लाख ९ हजार ग्राहकांचा वीजपुरवठा दुपारी १.५३ खंडित झाला. महापारेषणच्या अभियंते व तांत्रिक कर्मचाऱ्यांनी तातडीने आनंदविहार येथे जाऊन अतिउच्चदाब वीजवाहिनीतील बिघाड दुरूस्त केला. त्यानंतर टप्प्याटप्प्याने सर्व परिसरातील वीजपुरवठा दुपारी २.५६ वाजेपर्यंत पूर्ववत करण्यात आला.  

पुणे -शहर जिल्हा काँग्रेस कमिटी पुणे लोकसभा निवडणुक २०२४ साठी सोशल मिडियाच्या प्रमुख पदी गुलामहुसेन हमीद खान आणि प्रेस मिडिया प्रमुख पदी राज अंबिके यांची नियुक्ती करण्यात आली. पुणे शहर जिल्हा काँग्रेस कमिटीचे अध्यक्ष अरविंद शिंदे यांच्या हस्ते काँग्रेस भवन येथे नियुक्ती पत्र देण्यात आले.

    गुलामहुसेन खान (मो. 9604777786) हे पुणे शहर काँग्रेस कमिटीचे सोशल मिडिया अध्यक्ष असून सोशल मिडीयाच्या माध्यमातून त्यांचे पक्षकार्य अविरत सुरू आहे. त्याचबरोबर राज अंबिके (मो. 9822085485)  हे काँग्रेस पक्षाचे गेली २० वर्षांपासून काम करीत आहेत. त्यांनी आत्तापर्यंत NSUI प्रदेश सरचिटणीस, महाराष्ट्र प्रदेश युवक काँग्रेस प्रवक्ते पदी काम केले आहे त्यामुळे पक्ष संघटनेचा त्यांना दांडगा अनुभव आहे.

     यावेळी शहर उपाध्यक्ष राजेंद्र भुतडा, हेमंत राजभोज, अजित जाधव, पप्पु सुर्यवंशी, रवि आरडे, मुन्ना खंडेलवाल आदी उपस्थित होते. 

पुणे- दिल्लीत उदयनराजेंना रांगेत ,प्रतीक्षेत ताटकळत ठेवणे म्हणजे छत्रपतींच्या गादीचा अपमान भाजप करत आहे. राजकारणात यांना छत्रपतींचे नाव लागते, आणि निवडणुकीत पहिल्या यादीत या गादीचे वारसदार उदयन राजेंचे नाव पाहिजे होते पण भाजप मराठी माणसाच्या अपमानाचे राजकारण सुडाचे राजकारण करत आहे असा आरोप आज येथे खासदार सुप्रिया सुळे यांनी केला.
भाजपला बेरोजगारीचे प्रश्न सोडवायचे नाहीत , महागाई कमी करायची नाही. गरिबाला मदत करायची नाही ,दुष्काळ तीव्र आहे, पाणी प्रश्न सतावतो आहे पण भाजप पक्ष फोडातोडीकडे लक्ष देत आहे. शरद पवारांना संपविण्यासाठी भाजप महाराष्ट्रात राजकारण करत आहे.जे जे विरोधात आहेत त्यांना जेलमध्ये टाकायचे नाही तर भाजपात घ्यायचे असा भाजपचा मार्ग देशाला दडपशाहीकडे नेणारा मार्ग आहे. असेही ते म्हणाले.

पुणे- आज शिवजयंती … शिवनेरीवर माथा टेकायला गेलेल्या दोन विरोधकांची येथे भेट झाली आणि चक्क डॉ. अमोल कोल्हे यांनी आढळराव पाटील दिसताच त्यांच्या दिशेने जाऊन त्यांना वाकून नमस्कार केला.
अमोल कोल्हे म्हणाले , शिवनेरीवर मला दिल्लीच्या तक्तासमोर झुकायचे नाही हि प्रेरणा मिळते ,पण मराठी वयस्कर माणूस समोर आल्यावर त्याला वाकून नमस्कार करण्याची संस्कृती देखील मी विसरू शकत नाही.

राजकीय प्रश्नावर बोलताना ते म्हणाले,’धोरणात्मक टीका व्हायला हवी, वैयक्तिक टीका, व्यावसायिक कामाविषयी की टीका करणार नाही, पण धोरणात्मक टीका होणार समोरासमोर बसून चर्चा करु पाच वर्षात मी काय केलं यावर बोलू2019 ची निवडणूक मी शरदचंद्र पवार यांच्या आशीर्वादाने केली आणि आताही तेच करतोय, माझ्या भूमिकेत कुठं बदल झालायशिरूर सह इतर मतदारसंघात ही मला लक्ष देता येतय, मी खूप सर्वसामान्य कुटुंबातला कार्यकर्ता आहे,त्यामुळे सामन्यांच्या व्यथा समजायला मला वेळ लागत नाहीय.

डिजिटल माध्यमांनी माहिती प्रसारणाची गती अन् देवाणघेवाण प्रक्रियाही वाढवली: मनोज पाटील

पुणे- सुरुवातीच्या काळामध्ये माहितीचे प्रसारण करण्यासाठी किमान २४ तासाचा कालावधी लागत होता परंतु इलेक्ट्रॉनिक माध्यमातून तो वेळ कमी झाला परंतु या दोन्ही माध्यमांमध्ये असणाऱ्या मर्यादा लक्षात घेता नव्याने उदयास आलेले डिजिटल मीडिया हे कसे प्रभावी माध्यम असून यातून वेळ आणि ठिकाणाच्या मर्यादा सीमा ओलाडणारे अन खिशातच अपडेटेड बातम्या देण्यापर्यंत डिजिटल मीडिया माध्यमांनी मजल मारली आहे हे अत्यंत प्रभावी असून यातून देवाण-घेवाणही तेवढ्याच तत्परपणे काही क्षणामध्ये मिळत असल्याने आगामी काळात या डिजिटल मीडिया या नव्या माध्यमाचे भविष्य उज्वल असल्याचे मत पुण्याचे अतिरिक्त पोलिस आयुक्त मनोज पाटील यांनी व्यक्त केले. यावेळी व्यासपीठावर डिजिटल मीडिया संपादक पत्रकार संघटना संस्थापक अध्यक्ष ज्येष्ठ पत्रकार राजा माने उपाध्यक्ष जेष्ठ पत्रकार नंदकुमार सुतार व संगणक तज्ज्ञ डॉ. दीपक शिकारपूर उपस्थित होते.
आजच्या काळामध्ये नव्या तंत्रज्ञानामुळे आपल्याला आवश्यक असलेली माहिती काही सेकंदामध्ये आपल्या हातातील मोबाईल मध्ये मिळत असली तरी सुद्धा त्याची सत्यता ही निर्मित संस्थेवरती अवलंबून असते सध्या जगामध्ये अनेक नवनवीन तंत्रज्ञान विकसित झाल्यामुळे माहीती थेट मिळत असली तरी सुद्धा या माहितीची अचूक आणि थेट नेमकी माहिती डिजिटल प्रतिनिधींकडेच असते. या नव्या तंत्रज्ञानाचा कायद्यांच्या चौकटीत बसून कसा फायदा घ्यायचा याबाबत यावेळी मनोज पाटील यांनी मार्गदर्शन केले.
संगणक तज्ज्ञ डॉ. दीपक शिकारपूर यांनी डिजिटल माध्यमांचे बदलते स्वरूप अन् डिजिटल मीडिया या क्षेत्रात काम करताना तंत्रज्ञानाचा वापर या विषयावरती विश्लेषण करताना आगामी काळातील माध्यमांवरील आव्हाने आणि या आव्हानातही डिजिटल मीडियाचे अस्तित्व कसे अबाधित राखायचे याबाबत सखोल विश्लेषण केले. सध्या जगामध्ये कृत्रिम बुद्धिमत्तेच्या जोरावरती कोणतीही रचना करण्यात येत असली तरी यामध्ये कोणती काळजी घ्यायची या विषयावरती सखोल विश्लेषण करणार आहे तर नव्या आव्हानांना सामोरे जाताना संगणकाचा या डिजिटल माध्यमातून कसा फायदा होत आहे आणि यातून नक्की काय साध्य करता येईल या विषयावरती ही विश्लेषण केले.
कार्यक्रमाचे अध्यक्ष राजा माने यांनी अनुभवाच्या जोरावर बदलत्या आव्हानांना कसे सामोरे जायचे अन् तंत्रज्ञानाच्या वाढत्या भडिमारामध्ये आपल्या डिजिटल माध्यमांची विशेष पकड आणि वेगळेपण हेच आगामी काळात या आव्हानांना सामोरे जाण्यास ताकद दिल्याशिवाय राहणार नाही असे सांगून विविध विषयावरती डिजिटल माध्यमांनी आपली मते व्यक्त करण्याचे आवाहन केले. तर पुणे शहर विभागाच्या वतीने ही एक अनोखी संधी निर्माण केल्यामुळे तंत्रज्ञान आणि कायदे या विषयावरती सखोल चर्चा करण्यास एक हक्काचे व्यासपीठ मिळाल्याचे कायदे आणि तंत्रज्ञान ही डिजिटल मीडिया साठी कायमच हातामध्ये हात घालून जाणारी गोष्ट आहे आणि डिजिटल मीडिया म्हटलं की वेळ आणि त्यावरची कसरत ही साध्य करताना प्रत्यक्ष काम करणाऱ्या पत्रकारांना कोणती काळजी घ्यावी याविषयीही माहिती दिली.
कार्यशाळेच्या दुसऱ्या सत्रामध्ये नंदकुमार सुतार (संपादक) यांनी कृत्रिम बुद्धिमत्ता (AI) तंत्रज्ञान डिजिटल माध्यमांसाठी कशी वरदायीनी आहे हे स्पष्ट करून सांगताना याबाबत विस्तृत माहिती दिली. या बदलत्या तंत्रज्ञानानुसार परदेशात दैनंदिन वापरले जाणारे कृत्रिम बुद्धिमत्ता (AI) तंत्रज्ञान हे डिजिटल पन्नकारिता किती फायदेशीर आहे याची माहिती देत फक्त याबाबत कोणत्या दक्षता घेतल्या पाहिजेत याविषयीही मार्गदर्शन केले. 
डिजिटल मीडिया संपादक पत्रकार संघटनेचे पदाधिकारी व पॉलिटीकल रिसर्च अ‍ॅण्ड अ‍ॅनालिसेस ब्युरो (प्राब) संस्थेचे अध्यक्ष चंद्रकांत भुजबळ यांनी डिजिटल माध्यमांसाठी निवडणूक आचारसंहिता व कायदे, नियमावली यावेळी विषद करून सांगितले. निवडणुका जाहीर झाल्यानंतर आचारसंहिता लागू होते म्हणून माध्यमांनी बचावात्मक भूमिका न घेता आदर्श पत्रकारितेच्या आचरणाने प्रशासनावरील अर्थातच निवडणूक आयोगावरील दबाव कायम ठेवावा. सदृढ लोकशाहीसाठी निवडणूक काळात माध्यमांवरील जबाबदारी महत्वपूर्ण असते. निवडणूक काळात माध्यमांनी प्रेस कॉन्सिल ऑफ इंडियाने मार्गदर्शक तत्वे जारी केलेले आहेत त्यांचे अनुकरण, पालन करावे असे आवाहन चंद्रकांत भुजबळ यांनी केले. निवडणूक काळात राजकीय पक्ष व उमेदवारांचे वृत्तांकन डिजिटल मीडियाने प्रसारण करताना घ्यावयाची काळजी व उपलब्ध जाहिरात परवानगी प्रक्रियेबाबत तसेच पेड न्यूज बाबत नियमांची माहिती उपस्थितांना दिली. डिजिटल माध्यमांसाठी उपलब्ध कायदे आणि डिजिटल माध्यमांची विश्वासहार्यता याबाबत मार्गदर्शन केले तर विधीज्ञ अतुल पाटील यांनीही माध्यमांसाठी आचारसंहिता आणि कायदे या विषयावरती सखोल विश्लेषण केले.
कार्यक्रमाचे आयोजन माऊली म्हेत्रे : राज्य संघटक, महेश टेळे पाटील : अध्यक्ष पुणे शहर, हर्षद कोठावडे कार्याध्यक्ष पुणे शहर, धनराज माने, कार्याध्यक्ष पुणे शहर, केतन महामुनी : सहसचिव यांनी केले होते .सतीश सावंत उपाध्यक्ष, विकास भोसले पश्चिम महाराष्ट्र अध्यक्ष, महेश कुगांवकर : सचिव, राज्य संघटक : शरद लोणकर, संजय कदम,अमोल पाटील, तेजस राऊत, सातारा जिल्हा अध्यक्ष गणेश बोतालजी, पुणे जिल्हा अध्यक्ष अजिंक्य स्वामी, पिंपरी-चिंचवड अध्यक्ष विकास शिंदे, गणेश हुंबे यांच्यासह डिजिटल मिडिया संपादक पत्रकार संघटनेचे पदाधिकारी उपस्थित होते.