मुंबई- पंतप्रधान नरेंद्र मोदी नसते तर सर्वोच्च न्यायालयाने निकाल दिल्यानंतरही राम मंदिराचा प्रश्न मार्गी लागला नसता, अशा शब्दात मनसे प्रमुख राज ठाकरे यांनी मोदींचे कौतुक केले आहे. निकालानंतरही अनेक प्रलंबीत कामांप्रमाणे राम मंदिराचे काम प्रलंबीत राहिले असते, असे देखील राज ठाकरे यांनी म्हटले आहे. गुढीपाडवा मेळाव्यात राज ठाकरे यांनी मोदींना पाठिंबा देण्याचा निर्णय जाहीर केला आहे. या पार्श्वभूमीवर त्यांनी पदाधिकाऱ्यांची बैठक घेतली. या वेळी ते माध्यमांशी बोलत होते.

पंतप्रधान नरेंद्र मोदी यांच्या पहिल्या कार्यकाळातील पहिल्या पाच वर्षातील ज्या गोष्टी मला पटल्या नाहीत त्याता देखील मी विरोध केला. मात्र ज्या गोष्टी मला पटल्या, त्याबाबत मी कौतूकही केले होते, असे राज ठाकरे यांनी म्हटले आहे. मला भूमिका बदलणे आवश्यक वाटले त्यामुळे मी भूमिका बदलली, असल्याचे राज ठाकरे यांनी म्हटले आहे. पंतप्रधान नरेंद्र मोदी यांच्यावर टीका करताना देखील मी काही मागितले नव्हते आणि कौतुक करतानाही मागितले नाही. जे मला आवश्यक वाटले ते मी केले, असे देखील राज ठाकरे यांनी म्हटले आहे.

राज्यात आपल्याला धर्मावर राजकारण करायचे नाही. मात्र 1992 पासून 2024 पर्यंत रखडलेली एखादी गोष्ट, ज्यामध्ये अनेक कार सेवकांनी आपल्या प्राण्याची आहुती दिली. शरयू नदीमधील अनेक कार सेवकांची प्रेते तरंगत असल्याचे दूरदर्शनवर दाखवले जात होते. त्या सर्व कार सेवकांचा आत्मा आता शांत झाला असेल, असे म्हणत राज ठाकरे आणि राम मंदिर उभारण्याच्या भूमिकेला समर्थन दिले आहे. इतक्या वर्ष प्रलंबित असलेला राम मंदिराचा प्रश्न सर्वोच्च न्यायालयाने आदेश दिला असला तरी देखील उभे राहिले नसते, असे म्हणत राज ठाकरे यांनी पंतप्रधान नरेंद्र मोदी यांची कामाचे कौतुक केले आहे. अनेक विषय अद्यापही पेंटिंग आहे तसाच राम मंदिराचा विषय देखील पेंडिंग राहिला असता, असे देखील राज ठाकरे यांनी म्हणाले. राम मंदिर असेल किंवा कलम 370 असो, अशा सर्व महत्त्वाच्या निर्णयांचे मी आधी देखील गत केले असल्याचे राज ठाकरे यांनी म्हटले आहे.

एका बाजूला कडगुळ आणि एका बाजूला खंबीर नेतृत्व त्यामुळे मी आणि पक्षाने पंतप्रधान नरेंद्र मोदी यांना पाठिंबा देण्याचा निर्णय घेतला असल्याचे राज ठाकरे यांनी सांगितले. मोदी यांना पाठिंबा देताना महाराष्ट्रासाठी आमच्या काही महत्त्वाच्या मागण्या आहेत. त्या पंतप्रधान मोदींपर्यंत पोहोचतीलच, अशी अपेक्षा देखील राज ठाकरे यांनी व्यक्त केली. यामध्ये मराठी भाषेला राज भाषेचा दर्जा देणे, महाराष्ट्रातील गड किल्यांचे संवर्धन मादी महत्त्वाचे विषय असल्याचे राज ठाकरे यांनी म्हटले आहे.

महाराष्ट्र हे पूर्णपणे पुढारलेले राज्य आहे. उद्योग धंद्यामध्ये उद्योजकांना प्राधान्य द्यावे वाटेल, असे महाराष्ट्र एकमेव राज्य आहे. त्यामुळे पंतप्रधान नरेंद्र मोदी यांनी सर्व राज्यांना समान पाहणे आवश्यक असल्याचे राज ठाकरे यांनी म्हटले आहे. पंतप्रधान नरेंद्र मोदी हे गुजरातचे असल्याने त्या राज्याबद्दल त्यांच्या मनात विशेष प्रेम असणे हे साहजिक आहे. मात्र महाराष्ट्राकडे देखील तेवढ्याच तळमळीने लक्ष देणे आवश्यक असल्याची अपेक्षा राज ठाकरे यांनी व्यक्त केली.

कावीळ झालेल्या व्यक्तीला जग पिवळे दिसते. त्यामुळे जे आत्ताच जेलमधून बाहेर आले आहेत त्यांचा तसा विचार असू शकतो, असे म्हणत राज ठाकरे यांनी संजय राऊत यांच्यावर निशाणा साधला आहे. संजय राऊत यांना कावीळ झाल्यामुळे त्यांना सर्व पिवळे दिसत असल्याचे राज ठाकरे यांनी म्हटले आहे.

राज ठाकरे यांच्या पत्रकार परिषदेतील काही महत्वाचे मुद्दे… राज ठाकरे यांच्याच शब्दात पहा….

२०१४-२०१९ या काळात, मी नरेंद्र मोदी सरकारवर जी टीका केली ती व्यक्तिगत टीका नव्हती तर मुद्द्यांवरची टीका होती. आणि गेल्या ५ वर्षात ज्या चांगल्या गोष्टी मोदींच्या सरकारने केल्या, त्याचं कौतुक देखील मी केलं.
काश्मीरमधून ३७० कलम हटवणं, अयोध्येत राम मंदिर उभारल्यावर त्याचं कौतुक पण मीच केलं होतं. धर्माच्या आधारावर आपल्याला राष्ट्र उभं नाही करायचं आहे, परंतु १९९२ पासून २०२४ पर्यंत राम मंदिर रखडलं होतं, जे २०२४ ला उभं राहिलं ह्याचा निश्चित मला आनंद आहे आणि ह्याचं कौतुक पण मी केलं.
१९९२ च्या आंदोलनाच्या वेळेला टीव्हीवर कारसेवकांना घातलेल्या गोळ्या, कारसेवकांची शरयू नदीत वाहणारी प्रेतं ही दृश्य लोकांनी पाहिली होती. ती दृश्य खूप चीड आणणारी होती. ह्या राम मंदिरासाठी कार सेवकांनी स्वतःच्या आयुष्याची आहुती दिली. त्यामुळे इतक्या त्यागानंतर मंदिर उभं राहिलं त्याच्याबद्दल मला प्रचंड आनंद आहे. आणि अजून एक गोष्ट सांगतो की जरी राम मंदिराचा निर्णय सर्वोच्च न्यायालयाने दिला असला तरी जर नरेंद्र मोदी पंतप्रधान नसते हे राम मंदिर उभंच राहिलं नसतं.
एनआरसीचा विषय असेल, ३७० कलमाचा विषय असेल किंवा राम मंदिराचा विषय असेल, नरेंद्र मोदी पंतप्रधान नसते, तर हे विषय प्रलंबितच राहिले असते. त्यामुळे मी अनेक वेळा मोदींना फोन करून त्यांचं चांगल्या कामांसाठी व्यक्तिशः अभिनंदन देखील केलं आहे. त्यामुळे अजून काही चांगल्या गोष्टी घडवायच्या असतील तर एका बाजूला कडबोळं नेतृत्व आणि दुसरीकडे एक सक्षम नेतृत्व असा पर्याय असताना नरेंद्र मोदींच्या सक्षम नेतृत्वाला अजून एक संधी मिळायला हवी असं मला वाटलं आणि त्यातून नरेंद्र मोदींना पाठींबा द्यायचा निर्णय आमच्या पक्षाने घेतला.
महाराष्ट्रासाठी आमच्या नरेंद्र मोदींकडे काही मागण्या आहेत. मराठी भाषेला अभिजात दर्जा देण्यापासून ते महाराष्ट्रातील गड किल्ल्यांचं संवर्धन करणं आणि तसंच मी सभेत म्हणलं तसं की तरुण-तरुणींना उत्तम शिक्षण आणि रोजगाराच्या संधी उपलब्ध व्हाव्यात ह्यासाठी प्रयत्न व्हायला हवेत. आणि सर्व राज्यांना एकसमान वागणूक मिळायला हवी.
भाजप-शिवसेना- राष्ट्रवादीच्या उमेदवारांनी आमच्या पक्षातील कोणाशी प्रचारासंबंधी संपर्क करायचा आहे ह्याची यादी लवकरच पक्षाकडून संबंधितांना कळवली जाईल, त्यांनी त्यांच्याशीच संपर्क करावा. आणि माझ्या सहकाऱ्यांना, ह्या उमेदवारांनी मानानेच वागवलं पाहिजे.
प्रचारासाठी सभा घ्यायच्या, कुठे घ्यायच्या ह्याचा निर्णय चर्चेअंती घेतला जाईल.
मी जो पाठींब्याचा निर्णय घेतला आहे, तो पक्षाचा विचार करून घेतला आहे, ज्यांना तो समजतच नसेल त्यांनी त्यांना वाटेल तो निर्णय घ्यावा.

उद्धव ठाकरेंना संपवून दाखवा

उद्धव ठाकरेंचे घणाघाती भाषण

मुंबई- उद्धव ठाकरे म्हणाले की, मिंधे मांडतात ते बाळासाहेबांचे विचार नाहीत. बाळासाहेबांचा एक फोन गेला की, दिल्ली चळा चळा कापायची मात्र आता दिल्लीचा एक फोन आला की दाढी थरथरायला लागते. शिंदे आजपर्यंत आपल्या मुलाची आणि पालघरची जागा घोषित करू शकले नाहीत.ज्याचा घोटाळा मोठा त्याचा मान मोठा अशी परिस्थिती सध्या भाजपमध्ये सुरु आहे. भाजपत सगळे उपरे येत आहेत. मिंधे उपरे, पवार साहेबांकडून आलेले उपरे आहेत.भाजपला गाडायचं असेल तर आत्ताच गाडा, कारण आता हे नम्र आहेत. त्यांना गाडण्याची हीच योग्य वेळ आहे. गद्दारांचे दोन मालक महाराष्ट्रात फिरत आहेत. निवडणुकीचे वारे वाहू लागले असल्याने ते देशात फिरत आहेत. मी देशाच्या पंतप्रधानांवर नाही तर नरेंद्र मोदी यांच्यावर टीका करणार. शिवसेनेला तुम्ही नकली शिवसेना म्हणतात. मग ही काय तुमची पदवी आहे का जी नकली आहे.भारतीय जनता पक्ष हा भाXखाऊ जनता पक्ष आहे. भेकड म्हणण्यामागे काहीतरी कारण आहे. आता यापुढे कोण गद्दार गुजरातला जाणार हे मी पाहतो. त्याासाठीच मी पालघरला आलोय. माझ्या वडिलांना तुम्ही चोरण्याचा प्रयत्न केला. भगव्याच्या बरोबरीनेच आज कम्युनिस्टांचा लाल झेंडा फडकतोय.भाजपला गाडायचं असेल तर आत्ताच गाडा, कारण आता हे नम्र आहेत. त्यांना गाडण्याची हीच योग्य वेळ आहे. गद्दारांचे दोन मालक महाराष्ट्रात फिरत आहेत. निवडणुकीचे वारे वाहू लागले असल्याने ते देशात फिरत आहेत. मी देशाच्या पंतप्रधानांवर नाही तर नरेंद्र मोदी यांच्यावर टीका करणार. शिवसेनेला तुम्ही नकली शिवसेना म्हणतात. मग ही काय तुमची पदवी आहे का जी नकली आहे.

उद्धव ठाकरे म्हणाले की, मिंधे मांडतात ते बाळासाहेबांचे विचार नाहीत. बाळासाहेबांचा एक फोन गेला की, दिल्ली विचार करायची. मात्र आता दिल्लीचा एक फोन आला की दाढी थरथरायला लागते. शिंदे आजपर्यंत आपल्या मुलाची आणि पालघरची जागा घोषित करू शकले नाहीत.ज्याचा घोटाळा मोठा त्याचा मान मोठा अशी परिस्थिती सध्या भाजपमध्ये सुरु आहे. भाजपत सगळे उपरे येत आहेत. मिंधे उपरे, पवार साहेबांकडून आलेले उपरे आहेत.

जो यांना देईल साथ,त्यांचाच करतील हे घात… हा भाजपचा स्लोगन आहे. ज्यांचा आम्ही मोदी पंतप्रधान व्हावे म्हणून याआधी प्रचार केला. तेच आज आम्हाला नकली म्हणत आहेत. आज अमित शहांच्या गाडीत खरे कार्यकर्ते किती आहेत आणि स्टेपनी किती आहेत. ते सांगा.उद्धव ठाकरे म्हणाले- निवडणुकीच्या तोंडावर येतील आणि सांगतील भाई और बहनो मेरा पालघर से बहोत पुराना रिश्ता है. पण हे फक्त सांगून चालणार नाही. तर ते नाते तुम्हाला जपावे पण लागतील. तसेच, वाढवण बंदर कोणासाठी केलं जात आहे, असा सवालही ठाकरेंनी यावेळी उपस्थित केला. मोदींचा परिवार म्हणजे सुटाबुटातली लोक आहेत.

निवडणुकीत दोष आणि आरोप करण्यापेक्षा जनतेत या आणि मी अडीच वर्षात काय केलं ते सांगतो. मोदींनी त्यांच्या दहा वर्षात काय केलं ते सांगावं. मोदींना त्यांच्या प्रत्येक भाषणात उद्धव ठाकरेंचं नाव घेतल्याशिवाय भाषण पूर्ण होत नाही. उद्धव ठाकरेंना संपवून दाखवा हे माझं आव्हान आहे. देशाचे शत्रू संपवण्यासाठी निवडून दिलं. पण तुम्ही देशातील शत्रू संपवण्यासाठी निघाले आहेत.

अमोल कीर्तिकर यांचं नाव जाहीर होताच ईडीची कारवाई
अमोल कीर्तिकर यांनी कोरोना काळात खिचडी घोटाळा केला असा आरोप लावता. नाव जाहीर होताच त्यांच्यावर खोटे आरोप लावून त्याच्यामागे ईडी लावली जात आहे. हीच तुमची लोकशाही आहे का. पीएम केअर फंडाचा घोटाळा झाला. त्याची चौकशी कधी होणार, असा सवालही त्यांनी केला.पीएम केअर फंड म्हणजे प्रभाकर मोरे फंड आहे का? महाराष्ट्राच्या हास्य जत्रेतील प्रभाकर मोरे यांचा केला उल्लेखही ठाकरेंनी यावेळी पीएम केअर फंडातील घोटाळ्याबाबत बोलतांना केला.तुम्हाला देशात मोदी सरकार पाहिजे की भाजप सरकार पाहिजे. कारण ते देशात मोदी सरकार अशी जाहिरात करतात. जे देशाच्या सरकारला आपलं नाव लावतात. ते उद्या देशाला आपलं नाव लावतील मग तेव्हा काय करणार… जेव्हा तुम्ही पंतप्रधान पदावरून पाय उतार व्हाल तेव्हा तुम्ही कुठेही हे नाव लावा. पण या देशाला तुमचे नाव लावा.अबकी बार भाजपला तडीपार करून टाका. ईव्हीएममध्ये घोळ न करता एकदा आमनेसामने येऊन जनतेचा निकाल होऊन जाऊ द्या. असा थेट इशारा ठाकरे यांनी मोदींना दिला आहे.

तिरुनेलवेली-काँग्रेस खासदार राहुल गांधी यांनी शुक्रवारी (12 एप्रिल) तामिळनाडूतील तिरुनेलवेली येथे निवडणूक रॅली घेतली. राहुल म्हणाले की, भारतात विचारधारेचे युद्ध सुरू आहे. एका बाजूला न्याय, स्वातंत्र्य आणि समता आहे. दुसऱ्या बाजूला RSS, PM मोदी आणि त्यांचे सरकार आहे.

काँग्रेस खासदार म्हणाले- आज केंद्र सरकार ईडी, सीबीआय आणि आयटीचा राजकीय हत्यार म्हणून वापर करत आहे. निवडणूक आयुक्तांची नियुक्ती पंतप्रधान स्वतः करतात. निवडणुकीच्या दोन महिने आधी काँग्रेसची बँक खाती गोठवली जातात. दिल्लीचे मुख्यमंत्री अरविंद केजरीवाल यांना अटक करण्यात आली आहे. विरोधी पक्षाच्या नेत्यांना धमक्या दिल्या जात आहेत.

राहुल म्हणाले- भारतात अनेक भाषा, संस्कृती आणि इतिहास आहे. आपल्यासाठी सर्व काही समान आणि महत्त्वाचे आहे. मात्र, मोदी म्हणतात एक देश, एक नेता आणि एक भाषा. यावरून लढा सुरू आहे. तमिळ, बंगाली आणि देशातील इतर भाषांशिवाय भारत पूर्ण होऊ शकत नाही.

राहुल पुढे म्हणाले- भाजपचे नेते उघडपणे सांगतात की ते पुन्हा सत्तेत आले तर ते संविधान बदलतील. पंतप्रधान मोदींना फक्त या देशाच्या अर्थ आणि दळणवळण व्यवस्थेवर आपली मक्तेदारी आहे याची काळजी आहे. पूर्वी संपूर्ण जग भारताला लोकशाहीचा दीपस्तंभ म्हणायचे. ते आज म्हणतात की भारताची लोकशाही ही आता लोकशाही राहिलेली नाही.

राहुल म्हणाले- आमचे सरकार झाले तर केंद्रात 30 लाख नोकऱ्या देऊ

तरुणांना प्रशिक्षण देण्याचे आणि केंद्र सरकारमधील 30 लाख रिक्त पदांवर नोकऱ्या देण्याचे आश्वासनही राहुल गांधींनी दिले. ते म्हणाले- केंद्रात इंडिया ब्लॉकची सत्ता आल्यास तरुणांना रोजगार देण्याच्या दिशेने मोठी पावले उचलली जातील.

केंद्रात 30 लाख पदे रिक्त आहेत. यावर तरुणांना नोकऱ्या दिल्या जाणार आहेत. सर्व पदवीधर आणि पदविका पदवीधारकांसाठी राईट टू ॲप्रेंटिसशिप कायदा संसदेत मंजूर केला जाईल.

खरगे म्हणाले- लोकसभेचा निकाल इंडिया ब्लॉकच्या बाजूने लागला

दुसरीकडे काँग्रेस अध्यक्ष मल्लिकार्जुन खरगे यांनी कर्नाटकातील कलबुर्गी येथे त्यांचे जावई राधाकृष्ण दोड्डामणी यांच्या समर्थनार्थ निवडणूक रॅली काढली. यावेळी ते म्हणाले- लोकसभा निवडणुकीचा प्रवाह इंडिया ब्लॉकच्या बाजूने आहे. मोदींना याची भीती वाटते. त्यामुळे ते मोठ्या प्रमाणावर रॅली आणि रोड शो घेत आहेत.

खरगे म्हणाले- देशातील जनतेला प्रत्येकी 15 लाख रुपये, कोट्यवधी नोकऱ्या आणि शेतकऱ्यांना किमान आधारभूत किंमत देण्याचे आश्वासन मोदींनी दिले होते. त्यांनी अयोध्येतील राममूर्तीवर शपथ घेऊन किती आश्वासने पूर्ण केली ते सांगावे.

पीएम देवाचे नाव घेतात आणि गरिबांना महागाईने चिरडतात. काँग्रेसची मनरेगा योजना आणि कर्नाटकातील काँग्रेस सरकारच्या पाच गॅरंटीमुळे आज गरीब जनता जिवंत आहे.

मोदी-शहांच्या वॉशिंग मशिनमध्ये सर्वकाही स्वच्छ होते – खरगे

खरगे म्हणाले- पीएम मोदी आणि केंद्रीय गृहमंत्री अमित शहा यांच्याकडे वॉशिंग मशीन आहे, ज्यामध्ये केवळ कपडेच नाही तर माणसांनाही टाकले जाते. एकदा आपण एखाद्या व्यक्तीला त्यात टाकले की ते स्वच्छ बाहेर येतात.

काँग्रेस अध्यक्ष म्हणाले- ज्यांच्यावर भाजपने खटला दाखल केला होता, ते त्यांच्या पक्षात जाऊन स्वच्छ झाले. तुम्ही (मोदी) म्हणाले होते की भ्रष्टाचाऱ्यांना सोडणार नाही, पण आज तेच लोक तुमच्या शेजारी बसले आहेत. तुम्ही भ्रष्ट लोकांसोबत सरकार चालवत आहात.

लोकसभेची निवडणूक स्वातंत्र्याची दुसरी लढाई, हुकुमशाही वृत्तीच्या मोदी सरकारला सत्तेतून पायउतार करा: नाना पटोले.

काँग्रेसचे सरकार आल्यास ३० लाख पदांची नोकरभरती, गरिब महिलांना वर्षाला १ लाख रुपये तर जीएसटीमुक्त शेती करणार.

काँग्रेस प्रदेशाध्यक्ष नाना पटोले यांचा भंडारा जिल्ह्यात प्रचार.

भंडारा, दि. १२ एप्रिल
लोकसभा निवडणुकीच्या प्रचारात भाजपाचे उमेदवार मोदींच्या नावाने मताचा जोगवा मागत आहेत. मोदींना मतदान का करायचे? मोदींनी महागाई वाढवली, बेरोजगारी वाढवली, शेतकरी उद्धवस्त केला, गरिबी वाढवली, आपले जवान सीमेवर दररोज शहिद होत आहेत म्हणून मतदान करायचे का? असा सवाल विचारात मोदींना मतदान मागण्याचा काही अधिकार नाही. मोदी पुन्हा सत्तेत आल्यास ‘वन नेशन, नो इलेक्शन’ करुन राजासारखे वागतील आणि जनतेला गुलाम बनवतील, असा घणाघाती हल्लाबोल महाराष्ट्र प्रदेश काँग्रेसचे अध्यक्ष नाना पटोले यांनी केला आहे.
काँग्रेस प्रदेशाध्यक्ष नाना पटोले हे डॉ. प्रशांत पडोळे यांच्या प्रचारासाठी भंडारा जिल्ह्यातील पवनी तालुक्यातील ब्रम्ही, सावरला, भुयार, वलनी, मांगली, आसगाव, कोंडा, चिंचाळ गावांना भेटी दिल्या व जनतेशी संवाद साधला. यावेळी नाना पटोले म्हणाले की, नरेंद्र मोदी यांनी सत्तेत येण्याआधी भरघोस आश्वासने दिली होती, दरवर्षी २ कोटी नोकऱ्या देणार, शेतीचे उत्पन्न दुप्पट करणार, महागाई कमी करणार परंतु यातील एकही आश्वासन पूर्ण केले नाही. मोदींनी नोकऱ्या तर दिल्या नाहीतच पण ज्या नोकऱ्या होत्या त्याही गमवाव्या लागल्या. राज्यातील तरुण शिक्षित मुले विविध स्पर्धा परीक्षा देतात पण पेपर फुटण्याचे प्रमाण वाढल्याने त्यांचे स्वप्न भंग होत आहे. काँग्रेस सरकार सत्तेत आल्यास केंद्र सरकारची ३० लाख सरकारी पदे भरणार, पेपरफुटीला लगाम घालणारा कायदा केला जाईल, पदवीधर किंवा डिप्लोमा धारकाला प्रशिक्षण देऊन वर्षाला १ लाख रुपये विद्यावेतन देणार, गरीब महिलांना वर्षाला १ लाख रुपये देणार तर शेतमालाला एमएसपीचा कायदा, कर्जमाफी आणि शेती जीएसटीमुक्त करण्याचे आश्वासन दिले आहे. जातनिहाय जनगणना करणार तसेच आदिवासींना जल, जंगल, जमीनचा अधिकार देणार.
नरेंद्र मोदी पुन्हा सत्तेत आले तर ते वन नेशन, नो इलेक्शन करुन राजासारखे वागतील व जनतेला गुलामासारखे वागवतील, डॉ. बाबासाहेब आंबेडकर यांचे संविधानही संपवू असे भाजपचे नेते रोज म्हणत आहेत. लोकसभेची यावेळची निवडणूक ही स्वातंत्र्याची दुसरी लढाई आहे. स्वातंत्र्य, लोकशाही व संविधानाचे रक्षण करण्याची जबाबदारी आपल्या सर्वांची असून मोदींच्या तानाशाही सरकारला सत्तेतून पायउतार करा आणि काँग्रेस, इंडिया आघाडीला विजयी करा, असे आवाहन नाना पटोले यांनी केले आहे.

मुंबई- सत्ताधारी भाजपची युती गद्दारांची आहे. या गद्दारांच्या युतीचा पराभव करण्यासाठी महाविकास आघाडीचा विजय होणे महत्त्वाचे आहे. यासाठी कुणीही एमआयएम व वंचित बहुजन आघाडीला मतदान करू नये, असे आवाहन महात्मा गांधी यांचे पणतू तुषार गांधी यांनी केले आहे. त्यांच्या या आवाहनावर वंचित बहुजन आघाडीने तीव्र आक्षेप घेत त्यांची टीका फेटाळून लावली आहे. वंचित बहुजन आघाडीचे अध्यक्ष प्रकाश आंबेडकर यांची महाविकास आघाडीसोबतची जागावाटपाची चर्चा निष्फळ ठरली. त्यामुळे त्यांनी एकला चलो रेची भूमिका घेत स्वतंत्रपणे निवडणूक लढवण्याची घोषणा केली. त्यांनी मविआविरोधात उमेदवारही दिले. आता त्यांच्या निर्णयावर तुषार गांधी यांनी टीकेची झोड उठवली आहे. तुषार गांधी एका मराठी वृत्तवाहिनीशी बोलताना म्हणाले की, भाजपची युती ही गद्दारांची युती आहे. तिचा पराभव झाला पाहिजे. यासाठी मतदारांनी एमआयएम व वंचित बहुजन आघाडीला मतदान करू नये. महाविकास आघाडीला मतदान करावे, असे ते म्हणाले.

यापूर्वी जी चूक झाली तीच पुन्हा होण्याची भीती आहे. त्यामुळे आमची कितीही चांगली मैत्री असली तरी चुकीला चूक म्हणण्याची वेळ आला आली आहे. कारण, डॉक्टर बाबासाहेब आंबेडकर यांचे संविधान वाचवण्याची ही शेवटची संधी आहे, असे तुषार गांधी म्हणाले.

वंचित बहुजन आघाडीचे प्रत्युत्तर

दुसरीकडे, तुषार गांधी यांच्या या टीकेला वंचित बहुजन आघाडीने सडेतोड प्रत्युत्तर दिले आहे. वंचितचे मुख्य प्रवक्ते सिद्धार्थ मोकळे म्हणाले की, प्रस्थापित पक्ष व त्या पक्षांच्या राजकारणाला मदत करणाऱ्या सहयोगी घटकांची शोषित व वंचितांचे राजकारण उभे राहू नये अशी इच्छा आहे. त्यामुळे ते सातत्याने असे प्रयत्न करतात. डॉक्टर बाबासाहेब आंबेडकरांनाही असाच विरोध झाला. त्यांच्यावरही इंग्रजांचे हस्तक असल्याचे आरोप झाले. तेच नरेटिव्ह आता प्रकाश आंबेडकर यांच्याविषयी वापरले जात आहे. प्रकाश आंबेडकर लोकशाहीचा वास न पोहोचलेल्या पालापर्यंत समाजाच्या मुख्य प्रवाहात आणण्याचा प्रयत्न करत आहेत. ते येथील प्रस्थापितांना सहन होत नाही, असे ते म्हणाले.

तुषार गांधींचे भाजपमधून काँग्रेसमध्ये आलेल्या व काँग्रेसमधून भाजपत गेलेल्या पलटूरामांवर काय विचार आहेत? महाविकास आघाडीतील तिन्ही पक्षांपैकी एखादा पक्ष उद्या भाजपसोबत जाणार नाही याची खात्री त्यांना देता येईल का? आम्हाला बी टीम म्हणणे सोपे आहे. पण यांच्याकडील नेते कधी जातील हे सांगता येत नाही. तुषार गांधी ज्या काँग्रेसच्या बाजूने नेहमी बोलतात, त्या काँग्रेसचा एक प्रवक्ता परवा शिंदे गटात गेला. त्यावर तुषार गांधींचे काय म्हणणे आहे? माजी मुख्यमंत्री अशोक चव्हाण भाजपमध्ये जातात आणि एकनाथ खडसे निवडणुकीच्या तोंडावर राष्ट्रवादी सोडून पुन्हा भाजपत जातात यावरही त्यांचे काय विचार आहेत? अशा विविध प्रश्नांचा भडिमार सिद्धार्थ मोकळे यांनी या प्रकरणी तुषार गांधी यांच्यावर केला.

मल्लिकार्जून खर्गे, राहुल गांधींच्या प्रचार सभेला मविआचे प्रमुख नेते उपस्थित राहणार.

मुंबई, दि. १२ एप्रिल २०२४
लोकसभा निवडणुकीच्या पहिल्या टप्प्याचा प्रचार जोरात सुरु असून काँग्रेस पक्षाच्या वरिष्ठ नेत्यांच्या प्रचारसभांचा झंझावातही सुरु झाला आहे. भंडारा-गोंदिया लोकसभा मतदार संघातील महाविकास आघाडीचे उमेदवार डॉ. प्रशांत यादवराव पडोळे यांच्या प्रचारार्थ न्याययोद्धा राहुल गांधी यांची उद्या शनिवार दिनांक १३ एप्रिल रोजी दुपारी ३ वा. भंडारा जिल्ह्यातील साकोली येथील गजानन महाराज मंदिराच्या मैदानात जाहीर सभा होत आहे. या प्रचार सभेला महाराष्ट्र प्रदेश काँग्रेस कमिटीचे अध्यक्ष नाना पटोले, विधिमंडळ काँग्रेस पक्षाचे नेते बाळासाहेब थोरात, विरोधी पक्षनेते विजय वडेट्टीवार, राष्ट्रवादी काँग्रेस पक्षाचे (शरदचंद्र पवार) प्रदेशाध्यक्ष जयंत पाटील यांच्यासह महाविकास आघाडीचे नेते उपस्थित राहणार आहेत.

रविवार दिनांक १४ एप्रिल रोजी काँग्रेस पक्षाचे राष्ट्रीय अध्यक्ष मल्लिकार्जून खर्गे हे नागपुरातील गोळीबार चौक येथे दुपारी ४ वाजता प्रचार सभेला संबोधित करणार आहेत. नागपूर लोकसभा मतदार संघातील काँग्रेस पक्षाचे उमेदवार आमदार विकास ठाकरे यांच्या प्रचारासाठी ही जाहीर सभा होत आहे, त्याआधी सकाळी मल्लिकार्जून खर्गे हे दिक्षाभूमीला भेट देणार आहेत.
नागपुर, रामटेक, भंडारा-गोदिया, गडचिरोली-चिमूर व चंद्रपूर या विदर्भातील पाच लोकसभा मतदारसंघात पहिल्या टप्प्यातील निवडणुक होत असून या पाचही मतदारसंघात काँग्रेस व महाविकास आघाडीने प्रचारात आघाडी घेतलेली आहे. काँग्रेस प्रदेशाध्यक्ष नाना पटोले, विधिमंडळ काँग्रेस पक्षाचे नेते बाळासाहेब थोरात, विरोधी पक्षनेते विजय वडेट्टीवार, माजी मंत्री सुनिल केदार यांच्यासह पक्षाच्या वरिष्ठ नेत्यांच्या प्रचार सभा, रॅली, चौकसभा यासह घरोघरी जाऊन मतदारांना भेटण्यावरही भर दिला जात आहे. या पाच मतदारसंघात दिनांक १९ एप्रिलला मतदान होत आहे.