पुणे-करोना विषाणूचे रुग्ण पुणे शहरात मोठ्या प्रमाणावर आढळत आहे. या विषाणूचे रुग्ण पोलीस विभागात आज अखेर 8 जण आढळले आहेत. त्या पार्श्वभूमीवर सर्व अधिकारी आणि कर्मचारी वर्गाची विशेष काळजी घेतली जात असून आम्ही आठवड्याभरापूर्वीच 50 वर्षांपुढील पोलीस कर्मचार्यांना फिल्डवरील डय़ुटी देणार नसल्याचा निर्णय घेतला आहे. अशी माहिती सह पोलीस आयुक्त रवींद्र शिसवे यांनी माध्यम प्रतिनिधिना दिली.
राज्यभरात करोना विषाणू बाधित रुग्णाची संख्या वाढताना दिसत आहे. आजवर आपण सर्वसामान्य नागरिक, डॉक्टर, नर्स हे बाधित झाल्याचे पाहिले आहे. मात्र आता आठवड्याभरात पोलिसांना देखील या आजाराने गाठले असून मुंबईत तीन पोलीस कर्मचाऱ्यांचा मृत्यू झाल्याची घटना घडली आहे.
त्या पार्श्वभूमीवर वय वर्ष 55 पुढील कर्मचार्यांना रजेवर पाठविण्याचा निर्णय घेतला आहे. हे सर्व घडत असताना. पुण्यात देखील मागील आठवड्याभरात आठ रुग्ण बाधित आढळले आहे. त्या पार्श्वभूमीवर पुणे पोलिसकडून काय निर्णय घेतले गेले आहेत. त्याबाबत सह आयुक्त आयुक्त रवींद्र शिसवे यांच्याशी संवाद साधला असता ते म्हणाले की, पुणे शहरातील अनेक भागात करोना बाधित रुग्ण आढळत आहे. त्या दृष्टीने पोलिस प्रशासनाकडून अनेक निर्णय घेतले जात आहे. त्याच दरम्यान मागील आठवड्याभरात 8 कर्मचारी करोना बाधित आढळले आहे. या पार्श्वभूमीवर त्या कर्मचाऱ्याच्या संपर्कात आलेल्या कर्मचाऱ्यांवर आमचं लक्ष आहे. त्या सर्वांवर प्रशासनाचे लक्ष असल्याचे त्यांनी सांगितले.
तसेच ते पुढे म्हणाले की, आठवड्याभरापूर्वी आम्ही 50 वर्षांपुढील पोलीस कर्मचार्यांना फिल्डवरील डय़ुटी देणार नसल्याचा निर्णय घेतला नाही. तसेच ज्यांना मधुमेह, गर्भवती महिला आणि अगदी लहान मुले असलेल्यांना देखील फिल्डवरील ड्युटी दिली जाणार नाही. त्याचबरोबर ज्या व्यक्तींना गंभीर आजार आहेत, अशा कर्मचारी वर्गाला रजेवर पाठविण्यात आले असल्याचे त्यांनी सांगितले.
तसेच ते पुढे म्हणाले की, एखादा कर्मचारी भविष्यात करोना बाधित आढळल्यास किंवा लक्षणे दिल्यास, अशावर उपचार करण्यासाठी दीनानाथ मंगेशकर आणि सिम्बॉयसिस रुग्णालयामध्ये पोलीस कर्मचारी वर्गासाठी बेड राखीव ठेवण्यात आल्याचे त्यांनी सांगितले.