कचरा जाळणार्या कंत्राटी कामगाराला दंड आणि समज
पुणे :
सिंहगड रस्त्यावरील कचरा जाळणार्या पालिकेच्या कंत्रीटी कामगाराला ‘सोसायटी फॉर प्लॅस्टिक मॅनेजमेंट अॅण्ड एन्व्हामेंंट’या स्वयंसेवी संस्थेचे सचिव ललित राठी यांनी अभिरूची पोलिस चौकीच्या पोलिसांच्या मदतीने दंड केला. पालिकेचे आरोग्य अधिकारी सुहास पांढरे आणि मुकादम अमर धुमाळ यांनी या कामगाराला शंभर रूपये दंड केला आणि पुन्हा असे न करण्याची ताकिद देऊन सोडण्यात आले.
कचर्याचे वर्गीकरण न करता, वाहतुक करावी लागू नये म्हणून आणि डंपिंग ग्राऊंडवर जागा नसल्याने कचरा जाळण्याचे प्रकार पालिका कर्मचारी, कंत्राटी कर्मचार्यांकडून वारंवार होतात. त्यामुळे आरोग्य आणि पर्यावरण धोक्यात येते. म्हणून अशा प्रकारांवर नागरिकांनी लक्ष ठेवून ते रोखावेत, त्यावर कायदेशीर कारवाई करावी, असे आवाहन ललित राठी यांनी केले आहे.