पुणे– राजेश वाधवान समूह आणि बॉलिवूड स्टार अर्जुन कपूर यांच्या सहमालकीच्या इंडियन सुपर लीग टीम असलेल्या एफसी पुणे सिटी संघाने आपली बचावाची फळी अधिक भक्कम करण्यासाठी किनन अल्मेडा याचा 2018-19 या मौसमाकरिता करारबद्ध केले असून त्याचा संघात समावेश करण्यात आला आहे.
एफसी पुणे सिटीचे मुख्य कार्यकारी अधिकारी गौरव मोडवेल म्हणाले कि, किनन हा उत्कृष्ट खेळाडू असून त्याच्या समावेशामुळे आमच्या बचावफळीत अधिक अत्याधुनिकता येणार आहे. याआधीच्या क्लबने त्याच्या मार्गदर्शनाखालील विजेतेपद पटकावले आहे, त्यामुळे त्याची मानसिकता हि क्लबसाठी महत्वाची ठरेल.
अल्मेडाने आपल्या व्यावसायिक कारकिर्दीची गोव्याच्या साळगावकर, स्पोर्टींग क्लब दि गोवाकडून केली आणि त्यानंतर इंडियन सुपर लीग 2015मध्ये एफसी गोवा संघात सहभागी झाला. दोन मौसम गौरसकडून खेळल्यानंतर अल्मेडा 2017-18 आयएसएलमध्ये चेन्नई एफसी संघाकडून खेळत होता.
यावेळी अल्मेडा म्हणाला कि, क्लबने माझ्याकरिता एक खास योजना तयार केली होती आणि या योजनेला मी ताबडतोब मान्यता दिली. उत्कृष्ट संघाकडून खेळण्यास मिळणे हि एखाद्या खेळाडूसाठी दुर्लभ संधी असते आणि हीच संधी मला एफसी पुणे सिटी संघात सहभागी होऊन मिळणार आहे.