पुणे -महानगर प्रदेश विकास प्राधिकरणाच्यावतीने (पीएमआरडीए) पायाभूत सुविधा
भक्कम करण्यासाठी म्हाळुंगे- सूस हिंजवडी परिसरात रस्ता दुरुस्तीचे कामकाज पीएमआरडीएच्यावतीने हाती
घेण्यात आले आहे. प्रथमदर्शनी खड्डे बुजविण्याचे महत्वपूर्ण कामकाजाला सुरुवात केली आहे.
हिंजवडीतील वाढती गर्दी व वाढते नागरीकरण लक्षात घेता या भागात स्थयिक आयटीयन्स व जेष्ठ
नागरिकाची वारंवार मागणी लक्षात घेऊन पीएमआरडीएने कामकाज हाती घेतले आहे. तसेच सार्वजनिक
बांधकाम विभाग व जिल्हा परिषद यांच्याकडेही रस्त्याच्या दुरुस्तीबाबत वारंवार तक्रारी करण्यात आल्या
होत्या. एमआयडीसीला रस्त्याच्या कामकाजासाठी टीपी स्कीमच्या माध्यमातून ३६ मीटरची जागा
बांधकामासाठी उपलब्ध करून दिली आहे. उर्वरित २.५ किलोमीटरमध्ये पीएमआरडीएने काम हाती घेतले
आहे. पीएमआरडीएकडून २.५ किमी रस्त्याच्या कामकाजासाठी ७ कोटी ६७ लाख रुपये खर्च येणार आहे.
तसेच म्हाळुंगे सूस या शिव रस्त्यावरील खड्ड्यांची दुरुस्ती देखील पीएमआरडीएच्यावतीने करण्यात येत आहे.
सध्य स्थितीत पावसामुळे प्रत्यक्ष काम करता येणार नाही. स्थानिक पातळीवरून खड्डे दुरुस्तीची मागणी
वारंवार करण्यात आली होती. प्रथमत: अतिवृष्टीने झालेल्या पावसाचे खड्डे सुरुवातीला बुजविण्याचे काम
तातडीने हाती घेतले आहे.
पीएमआरडीए मा. आयुक्त किरण गित्ते यांनी सांगितले की, “म्हाळुंगे-नांदे मधील वाहतूक सुसह्य करण्यासाठी
व ग्रामस्थांना रस्त्यामुळे होणाऱ्या त्रासातून मुक्त करण्यासाठी पीएमआरडीएने पुढाकार घेऊन स्थानिक
ग्रामपंचायत, पीएमआरडीए व सार्वजनिक बांधकाम विभाग यांच्या संयुक्त विद्यमाने रस्ता दुरुस्तीचे कामकाज
सुरु केले आहे. सदरील रस्ता पुढील सात दिवसात करण्याचे नियोजन आहे. या भागातील ग्रामस्थांनी टीपी
स्कीमसाठी देखील मोलाचे सहकार्य केले आहे. हिंजवडीचा विकास पाहता भविष्यात म्हाळुंगे गावाचा विकास होणे
म् हत्वाचे आहे.