पुणे – बांधकाम क्षेत्रात प्रतिष्ठेचा मानला जाणारा ‘बिल्डर्स असोसिएशन ऑङ्ग इंडिया, पुणे चॅप्टर’चा २१ वा ‘रेसिडेंशियल हौसिंग कॉम्प्लेक्स’ गटातील सर्वोत्कृष्ट पुरस्कार ‘मोहोर ग्रुप’च्या ‘मोहोर प्रतिमा’ या गृहनिर्माण प्रकल्पाला प्रदान करण्यात आला.
‘पीएमआरडीए’चे मुख्य कार्यकारी अधिकारी किरण गित्ते यांच्या हस्ते ‘मोहोर ग्रुप’चे संचालक पंकज सोळंकी, प्रकल्प प्रमुख महेंद्र रामपुरे यांनी हा पुरस्कार स्वीकारला. ‘मोहोर ग्रुपचे मुख्य व्यवस्थापकीय संचालय भारत देसडला, ‘मनिषा कन्स्ट्रक्शन’चे सुरेश वाघेला यांची प्रमुख उपस्थिती होती. चाळीस प्रवेशिकांमधून ही निवड करण्यात आली.
गुणवत्ता, गतीमानता, सुरक्षितता, समाजकल्याण, नवीन तंत्रज्ञानाचा वापर, पर्यावरणपूरक साहित्य आणि आर्थिक निकषांवर ही निवड करण्यात आली. सुप्रसिध्द आर्किटेक्चर, इंजिनिअर, टाऊन प्लॅनर आणि कन्स्लटंट यांच्या परीक्षक मंडळाने ही निवड केली.
सह्याद्रीच्या कुशीत निसर्गरम्य वातावरणात तळेगाव येथे ‘मोहोर प्रतिमा’ हा गृहरचना प्रकल्प निर्माण करण्यात आला आहे. आधुनिक काळातील सर्व सुविधा या ठिकाणी उपलब्ध करून दिल्या आहेत. आधुनिक जीवन शांततेत जगण्यासाठी सर्वोत्तम ठिकाण आहे. तुमच्या स्वप्नातील घरासाठी हा सर्वोत्तम प्रकल्प आहे. या प्रकल्पात ३९० अपार्टमेंटस आहेत.