ब्राह्मण उद्योजकांच्या वस्तुंचे प्रदर्शन व उद्योजक संमेलन…..
पुणे-अखिल भारतीय ब्राह्मण महासंघाच्या वतीने २५ ऑक्टोबर ते २९ ऑक्टोबर २०१८ दरम्यान पुण्यातील कृषी विद्यापीठाच्या मैदानावर ब्राह्मण उद्योजकांच्या वस्तूंचे प्रदर्शन व उद्योजकांचे संमेलन आयोजित करण्यात आले आहे असे अखिल भारतीय ब्राह्मण महासंघाचे प्रदेश अध्यक्ष उदय महा यांनी पत्रकार परिषदेत जाहीर केले.यावेळी महासंघाचे प्रवक्ते संदीप खर्डेकर,महिला आघाडीच्या प्रदेश अध्यक्ष मोहिनीताई पत्की,पुणे जिल्हा संघटक विजय शेकदार,पुणे शहर अध्यक्ष मयुरेश अरगडे,पुणे शहर महिला आघाडी अध्यक्ष केतकी कुलकर्णी इ उपस्थित होते.२५ ऑक्टोबर रोजी सकाळी १० वाजता प्रदर्शनाचा उदघाटन समारंभ होइल व त्याच दिवशी सकाळी ११ ते ३ या वेळेत राज्यस्तरीय महिला संमेलन आयोजित करण्यात आल्याचे मोहिनीताई पत्की यांनी जाहीर केले. तर ३:३० ते ७ या वेळेत राज्यस्तरीय पुरोहित व याज्ञीकांचे संमेलन होणार असल्याचे विजय शेकदार म्हणाले.
२०१६ साली असे प्रदर्शन संभाजीनगर येथे आयोजित करण्यात आले होते,या दुसऱ्या प्रदर्शानात देशभरातून उद्योजक सहभागी होणार असून ब्राह्मण उद्योजकांना एक हक्काचे व्यासपीठ उपलब्ध होत आहे असे महासंघाचे प्रवक्ते संदीप खर्डेकर म्हणाले,तसेच या प्रदर्शन व संमेलनास राष्ट्रीय स्तरावरील प्रतिथयश उद्योजकांसह नव्याने उभारी व भरारी घेउ पाहणाऱ्या उद्योजकांचा ही सहभाग असेल व त्यांच्या व्यवसाय वृद्धीसाठी महासंघ प्रयत्नशील राहील असे ही खर्डेकर म्हणाले.
२६ ऑक्टोबर रोजी महाराष्ट्रासह काश्मीर ते कन्याकुमारी सर्व ब्राह्मण संघाचे एकत्रीकरण व राष्ट्रीय स्तरावर ब्राह्मण समाजाच्या सक्षमीकरणासाठी सखोल चर्चा घडविण्यात येइल तर २७ ऑक्टोबर रोजी ब्राह्मण उद्योजकांचे संमेलन व त्यांची व्यवसायिक चर्चा होइल असे प्रदेश अध्यक्ष उदय महा यांनी सांगितले.२८ ऱोजी उद्योजक व व्यवसायिक यांची आठ सत्रान्मधे चर्चा होइल एकमेकां साहाय्य करु अवघे होवु श्रीमंत या उक्ती प्रमाणे समाज बांधवांचे उत्तम जाळे बनविणे तसेच छोट्या व मोठ्या उद्योजकान्मधे सेतु बनविण्याचे कार्य महासंघाच्या माध्यमातून केले जाणार आहे.
२९ ऑक्टोबर रोजी अखिल भारतीय ब्राह्मण महासंघाच्या प्रदेश जिल्हा व तालुका स्तरापर्यंतच्या सर्व पदाधिकारी व महाराष्ट्रातील सर्व ब्राह्मण संघटनांच्या प्रमुख पदाधिकाऱ्यांची समाजाच्या विविध समस्यांवर सखोल चर्चा घडविण्यात येणार आहे.
सदर कार्यक्रमाकरिता करवीर पीठाचे शंकराचार्य तसेच गोविंदगिरी महाराज तसेच महाराज चतुर्वेद स्वामींसह विविध राजकीय व उद्योग क्षेत्रातील दिग्गज मंडळी उपस्थित राहणार आहेत.
यावेळी ब्रह्मोदयोग च्या माहिती पत्रकाचे (Brochure) प्रकाशन करण्यात आले.