पुणे-घोरपडी गाव येथे सेंट जोसेफ चर्चमध्ये वेलंकनी उत्सवाला सुरुवात झाली . यानिमित्त चर्चमध्ये विविध धार्मिक कार्यक्रमाचे आयोजन करण्यात आल्याची माहिती सेंट जोसेफ चर्चचे फादर राजेश बनसोडे यांनी दिली .
अकरा दिवस चालणाऱ्या या उत्सवात विविध भागातून ख्रिश्चन बांधव सहभागी होतात . यावेळी चर्चच्या दारात असलेल्या देवीच्या झेंड्याची पूजा करून उत्सवाला प्रारंभ झाला . उत्सवादरम्यान विविध धार्मिक कार्यक्रमाचे आयोजन करण्यात आले आहे . तसेच अकरा दिवस विविध धर्मगुरूंचे प्रवचन होणार आहे . याकाळात चर्चच्या वतीने समाजातील वंचित , गरिबांना अन्न , कपडे व पुस्तक दान केले जातात . या उत्सवाच्या काळात चर्चमध्ये मोठ्या प्रमाणावर गर्दी होते .
यावेळी शालोम ख्रिश्चन असोसिएशनच्यावतीने चर्चमध्ये अन्नदान करण्यात आले .या अन्नदान कार्यक्रमासाठी शालोम ख्रिश्चन असोसिएशनच अध्यक्ष ख्रिस्तोपर राजमनी , विल्सन डॅनियल , यश नंदन , रिबेलो जेकब , अँग्लिस अँथोनी व जेम्स पॉल यांनी विशेष परिश्रम घेतले .