पुणे फेस्टीव्हलममधील बॉक्सिंग स्पर्धेचा विजेता ठरला केदार

पुणे – लहुजी वस्ताद साळवे बॉक्सिंग केंद्रात आज २९ व्या पुणे फेस्टिव्हलने आयोजित करण्यात आलेल्या बॉक्सिंग
स्पर्धेतील खुल्या गटाचे विजेतेपद केदार नांगरे याने मिळवत बेस्ट बॉक्सरचा किताबही मिळवला. खुल्या गटातील
पराभूत होऊनही चांगला खेळ केल्याबद्दल किरण तांडेलकर याला बेस्ट लुझरच्या किताबाने गौरवण्यात आले. महाराष्ट्र
पोलिस दलाच्या टीममधील तांडेलकरसह पाच खेळाडूंनी स्पर्धा गाजवली.
या स्पर्धा पुणे जिल्हा बॉक्सिंग असोसिएशनच्या सहकार्याने आयोजित करण्यात आल्या होत्या. स्पर्धेत पुणे शहर, जिल्हा
आणि महाराष्ट्र पोलिस दलाच्या टीमसह खुल्या गटात एकूण ५६ खेळाडू सहभागी झाले होते. यावेळी बॉक्सिंग
असोसिएशनचे सेक्रेटरी मदन वाणी, संघटनेचे इतर पदाधिकारी, अधिकारी आणि पंच तसेच विविध क्लबचे खेळाडू
उपस्थित होते.
दरवर्षी या स्पर्धेत सहभागी होणा-या खेळाडूंची संख्या वाढत असून यंदाच्या स्पर्धेत बारामतीसह पुणे शहर आणि
जिल्ह्यातील सुमारे १० क्लबचे खेळाडून सहभागी झाले आहेत. महाराष्ट्र पोलिस दलाच्या टीममधील किरण तांडेलकर
बेस्ट लुझर ठरला तर सागर पगारे, संतोष सुरवडे, सागर भोईटे आणि अमोल सावंत यांनीही विजय संपादन केला.
खुल्या गटात ४६ ते ९१ किलो वजनाच्या गटात लढती झाल्या. त्यात ७० किलो गटातील केदार नांगरे बेस्ट बॉक्सर
ठरला तर ६० किलो गटातील किरण तांडेलकर बेस्ट लुझर ठरला. अन्य गटातील विजेत्यांची नावे अशी, केदार नांगरे,
विवेक यादव, राम लंके, अमेय कळंबे, शॉन भोरकरे, कुंदन पांडे, गौरव गोसावी, वैभव कंक, गौगव पेंडार, रोहित चव्हाण,
पृथ्वीराज कदम, शुभम कदम, यश खानेकर, केदार नांगरे, अर्पित परदेशी, चिन्मय तिडके, तुषार दलाल यांना सुवर्णपदक
देऊन गौरविण्यात आले.
पुणे शहर जिल्हा काँग्रेस कमिटीचे अध्यक्ष रमेश बागवे यांनी याचे संयोजन केले होते.