पुणे–राष्ट्रपिता महात्मा गांधीजींच्या बद्दल आक्षेपार्ह टिप्पणी करणाऱ्या कालीचरण महाराज यांस शिवाजीनगर न्यायालयात हजर केले असता राष्ट्रवादी युवक काँग्रेसच्या कार्यकर्त्यांनी जोरदार घोषणाबाजी करत कालीचरणचा तीव्र शब्दात निषेध करत आंदोलन करण्यात आहे. यावेळी “महात्मा गांधीजी की जय” , “कालीचरण मुर्दाबाद” अशा घोषणांनी संपूर्ण परिसर दणाणून सोडला. या आंदोलनात राष्ट्रवादी युवक काँग्रेसचे शहराध्यक्ष किशोर कांबळे, कार्याध्यक्ष मनोज पाचपुते, कार्याध्यक्ष अजिंक्य पालकर राष्ट्रवादी काँग्रेसच्या अँड.रूपालीताई ठोंबरे पाटील, माजी उपाध्यक्ष युवक अध्यक्ष महेश हांडे, युवती कार्याध्यक्ष ॲड.श्रुतीताई गायकवाड यांच्यासह मोठ्या संख्येने राष्ट्रवादी युवक कांग्रेस पार्टी चे पदाधिकारी उपस्थित होते.